Имамот Хасан Шариф, кој беше тешко ранет во средата кога беше застрелан пред џамија во Њуарк, Њу Џерси, почина, јавува Си-Ен-Ен повикувајќи се на неименуван полициски извор.

Шариф работи како службеник за транспортна безбедност (TSO) на меѓународниот аеродром Њуарк Либерти од 2006 година, се вели во соопштението на Управата за безбедност на транспортот.

Директорот за јавна безбедност на Њуарк, Фриц Фраз, претходно изјави дека пукањето се случило околу 6:15 часот по локално време пред џамијата.

Имамот е пренесен во болница во тешка состојба, соопшти полицијата.

Мотивот за пукањето се уште не е познат, според Одделот за јавна безбедност во Њуарк, а истрагата е покрената.

The post Почина имамот што беше ранет пред џамија во Њу Џерси appeared first on Република.

Француските власти издадоа европски налог за апсење против имамот Икјусен, кој наводно се крие во Белгија, јави дописничката на МИА од Брисел.

Имамот Хасан Икјусен обвинет за ширење радикализам и сепаратизам во џамиите во Франција е во бегство најверојатно во Белгија откако Франција одлучи да го протера. Властите во Париз донесоа одлука за протерување на имамот пред неколку дена, но во меѓувреме контроверзниот свештеник успеал да побегне.

Според властите тој успеал да прибегне во Белгија. Истражен судија од градот Валенсиен во Франција денеска издаде европски налог за апсење против имамот Икјусен, дознаваат белгиските и француските медиуми.

Хасан Икјусен е контроверзен свештеник во Франција кој, меѓу другото, шири тези против еманципацијата на жените на неговиот канал на Јутјуб.

Француските власти исто така го товарат за антисемитизам, омраза и блискост со Осама Бен Ладен.

The post „Жените се само за раѓање, гејовите за тепање“: Кој е имамот по кого со потерница трага цела Европа? appeared first on Република.