Илија Димовски во гостување на тв емисија, јасно ги кажа границите кои според него ги премнале ДУИ и Али Ахмети.

„ДУИ требаше да размислува, кога беше стимуланс на одредени процеси во Македонија, ги подбутнуваше а некои и ги водеше кои што го исклучи македонскиот народ , тие одлучуваа за мене. Некои од нас и ги знаат релациите на ДУИ со грчката држава, со бугарската држава, при креирање на одредени политики. Јас се чувствувам разочаран од тоа што дел од албанските политичари си поиграа на две нивоа со македонскиот народ. Првото на ниво дека преговараа лично сами, без легитимитет за македонски прашања, второ, манипулираа пед Македонците со тоа! мене не ми треба Али Ахмети да ми каже ека он ми го гарантирал и немал проблем со македонскиот идентитет, јазик и тоа. Но имам проблем ако Али Ахмети оди без знаење на македонската држава во некој друг град и преговара за македонското име, јазик, идентитет и тн.“ рече тој.

The post Димовски за ДУИ и Ахмети: Требаше да размислува кога водеше процеси кои го исклучија македонскиот народ, преговараа сами за македонски прашања appeared first on Република.

ВМРО-ДПМНЕ ќе се труди за клучните прашања да воспостави принцип на национален и државен консензус, рече вечерва во Клан дебата, Илија Димовски од ВМРО-ДПМНЕ кој укажа на, според него, негативните страни на Преспанскиот договор.

„Преспанскиот договор е неправда за македонците. Сто стапа по туѓ грб не болат. Со овој договор се негира и се подвојува идентитетот на македонскиот народ.Тоа е исто како некој да тврди дека Гегите и Тоските се два различни народи. Флоскулите дека одиме во НАТО и ЕУ се убави. Кога ВМРО ДПМНЕ се залагаше за ЕУ и НАТО , СДСМ беше за ТИТО, а ДУИ за Сталин.Немојте да создавате впечаток дека некој е против ЕУ и НАТО.Сите имаме заеднички став, треба да бидеме дел од ЕУ и НАТО, работата е како ќе го постигнеме тоа.Наметнувањето на услови, уцени и императиви треба да престане. Одговорноста кај власта е што 60%-70% не го прифаќаат францускиот предлог” рече Димовски.

Тој тврди дека мнозинството пратеници Македонци гласале против францускиот предлог во Собранието.

„Тој помина со мајоризација од малцинството, а во него немаше никакви точки и прашања кои се однесуваат на идентитетот, историското наследство, јазикот на албанците. Не можеме да градиме соработка и разбирање во иднина ако тоа што го бараме за себе им го оневозможуваме на другите” додаде Димовски.

На ова му реплицираше заменик на министерот за правда Викторија Аврамовска Мадиќ која побара од него да го образложи планот како ВМРО-ДПМНЕ мисли да го ревидира Преспанскиот договор.

„Сакам да слушнам како ќе го ревидирате Преспанскиот договор? Кој е вашиот план бидејќи нигде во програмата го нема? Да не ги политизираме процесите како Преспанскиот договор и францускиот предлог. Многу процеси се донесени со гласови на сите заедници. Сите сме свесни дека преговарачката рамка не може да се менува” возврати Аврамовска Мадиќ.

Аналитичарот Сефер Селими оцени дека Преспанскиот договор бил добар и се покажало дека придобивките од него придонеле до тоа да денеска ние седиме на иста маса со САД рамноправни.

„Францускиот предлог се донесе со мнозинство гласови. Наметнувањето на темата дека Албанците ги надгласувале Македонците е тотално погрешна. Албанците секогаш биле разбирливи за Македоците”, вели Селими.

The post Димовски: Преспанскиот договор е неправда за Македонците appeared first on Република.

The post Немој ти мене тајм-аут, така можеш кај тебе во партија: Илија го пикна Шилегов во шише на тема хаос со пасошите appeared first on Република.

„Овој пат е различна ситуацијата, овие избори Албанците ќе имаат поголема излезност. На крајот од денот треба да видиме дали гласачкото тело на Алијанса сака да ја одржи на власт ДУИ или не. Дури и гледаме дека струшкото крило што му беа најблиски на Села, сега се Таравари. Изгледен ми е резултатот во Алијанса за Албанците. ДУИ му врши работа на Села, но ги затвораат вратите кон другите од Алијанса, изјави вечерва Илија Димовски при гостувањето на Канал 5.

Од друг аспект, одењето на претседателски избори одвоено, кандидатот меѓу ВМРО-ДПМНЕ во споредба на кандидатот за претседател на СДСМ и тоа најмалку 120 илјди гласови предност на опозицијата, а тоа ќе постигне ефект на лавина и на две недели подоцна парламентарните избори. Мислам дека ДУИ ќе има 12, а СДСМ не повеќе од 25 пратеници на изборите. Овој пат е различна ситуацијата, овие избори Албанците ќе имаат поголема излезност. Ако 2008 година се гледа излезноста кај албанскиот блок, таа е поголема од претходните и следните избори. Разликата меѓу ДУИ и Левица на анкетите е од 1% до 1,5%. Многу е битно да видиме каква бројка ќе освојат малите партии, Левица и ЗНАМ сигурно ќе освојат значителен резултат на изборите, рече Илија Димовски.

The post Димовски: СДСМ нема да освои повеќе од 25 пратеници на изборите appeared first on Република.

Илија Димовски, екс пратеник од редовите на ВМРО-ДПМНЕ, во „Клик Плус“ на ТВ21 вечерва кажа дека со прифаќање на францускиот предлог, Македонија прифатила бугарските услови да станат дел од критериумите за членство во ЕУ.

Димовски смета дека со тоа сега целиот фокус на светските политичари е кон Македонија, и дека не видел ниту еден политичар да оди во соседна Бугарија да врши притисок.

Дипломатскиот успех за македонските државни интереси би било кога би се балансирале интересите на Бугарија и Македонија кон овој процес. Со прифаќање на францускиот предлог, целосно ги прифативме бугарските услови да станат дел од критерумите за членство во ЕУ. Една година не сме чуле некој политичар во светот, отишол во Софија да врши било каков притисок, туку се е концентрирано тука, рече Димовски.

The post Димовски: Една година не сме чуле некој политичар во светот, отишол во Софија да врши било каков притисок, туку се е концентрирано тука appeared first on Република.

Електричната енергија не е субвенционирана од Владата, субвенционирана е нивната неспособност, пишува Илија Димовски од редовите на ВМРО-ДПМНЕ, на социјалната мрежа Фејсбук. Тој вели дека Во Република Македонија во 2021 година се потрошиле 7.906 GWh...од нив државната ЕЛЕМ произвела електрична енергија 3.300 GWh...

Димовски заклучува дека државата ЕЛЕМ произвела за 22% помалку електрична енергија од најслабата година по производство во периодот 2011-2019 година..

„Разликата во потрошената електрична енергија и произведената електрична енергија од страна на ЕЛЕМ е 4.606 GWh...
Остатокот е или произведен од други приватни субјекти во Република Македонија или е увезен. Втор заклучок: Државната ЕЛЕМ произвела само 41% од потребната електрична енергија која се потрошила во Република Македонија...
За пример, во подобри години, вака изгледала таа бројка:
- 2011 година ЕЛЕМ произведува 79% од потрошувачката во Македонија...
- 2012 година ЕЛЕМ произведува 74% од потрошувачката...
- 2013 година ЕЛЕМ произведува 73% од потрошувачката...
...
Произведена електрична енергија од други приватни субјекти (Те То, ЕВН, мали централи,...) во Република Македонија е во висина од 1.984 GWh...
(која во Македонија се продава за неколку пати поскапа цена од онаа по која ЕЛЕМ ја продава електричната енергија)...
Увезената електрична енергија била во висина од 2.622 GWh... (која во Република Македонија се продава и по десетина пати повисока цена од онаа која ЕЛЕМ ја продава)...
Увозно сме зависни 33,15%, а тоа е најголема зависност од увезена електрична енергија во последните 7 години...
Увозната зависност ќе беше уште поголема доколку приватната Те То лани не произведеше рекордни 1.503 GWh кои спрема државата беа продадени по поефтина цена од берзанската, но сепак неколку пати поскапа од производната во ЕЛЕМ...Трет заклучок: Приватната Те То лани произвела околу 45% од произведената електрична енергија во ЕЛЕМ...
ЕВН електраните (бомбона бизнисот) произвеле 149 GWh...
Сите останати приватни субјекти произвеле 332 GWh...
...
Важно: Цената на електричнатаенергија (едноставно кажано) која ја плаќаат граѓаните и стопанството е комбинација од цената на трите категории на електрична енергија која ја трошиме:
1. Онаа од ЕЛЕМ - најевтина;
2. Онаа од приватните производствени субјекти (Те То, ЕВН и сите други) - неколку пати поскапа во споредба со онаа од ЕЛЕМ;
3. Увезената електрична енергија - и по десетина пати поскапа од онаа произведена од страна на ЕЛЕМ.етврт заклучок: Колку е помало производство на електрична енергија во ЕЛЕМ, толку ќе е поголема цената на електричната енергија во Република Македонија...
...
Од тука:
- Дали ЕЛЕМ може да произведува повеќе?
Да!
- Како ЕЛЕМ може да произведува повеќе?
Прво, со навремени и квалитетни ремонти на РЕК Битола, ТЕЦ Осломеј и ТЕЦ Неготино...
Второ, со навремена набавка на евтин јаглен... (во мај беше за 33% поевтин од сегашната цена)
Трето, со навремена набавка на мазут...
Четврто, со попаметно искористување на водените потенцијали во ХЕЦ-овите...
- Дали ЕЛЕМ произведувала повеќе електричната енергија?
Секогаш до сега...“, пишува Димовски во статус на Фејсбук
- Дали ако ЕЛЕМ произведува 70% од потребната електрична енергија во Република Македонија цената на истата би била пониска?
Да, за домаќинствата веројатно за неколку десетина проценти помала, а за стопанството веројатно и неколку пати помала цена...
- Зошто велат дека Владата ја субвенционира електричната енергија за домаќинствата?
Затоа што лажат кога ја пресметуваат цената на електричната енергија за домаќинствата како процент од цената на електричната енергија која се продава на берзите.
Тврдењето на Владата дека ја субвенционира електричната енергија за домаќинствата ќе е точна само доколу ЕЛЕМ не произведе ниту 1 GWh...
- Дали домаќинствата ја плаќаат истата цена по која електричната енергија ја продава ЕЛЕМ?
Не, најмалку два до три пати поскапи сметки плаќаат домаќинствата спрем ЕВН од цената што ЕЛЕМ ја наплаќа од ЕВН за KWh потрошената електрична енергија...
- Дали Владата ни ја субвенционира цената?
Не
- Дали Владата не лаже?
Да
- Дали во Република Македонија во овој момент може да има поевтина цена на електричната енергија?
Да
П.С. Луѓево на власт што се неспособни, неспособни се, ама веќе се и штетни за граѓаните, за стопанството и за целата држава..., стои во статусот на Илија Димовски.

The post Димовски: Електричната енергија не е субвенционирана од Владата, субвенционирана е нивната неспособност appeared first on Република.

Сега е време за одлучност и сплотеност, да го поддржиме референдумот, вели членот на ВМРО ДПМНЕ Илија Димовски.

Да се избориме...
Да се обединиме...
Да покажеме достоинство и одлучност...
Да поддржиме РЕФЕРЕНДУМ...
...
Договорот за пријателство, добрососедство и соработка меѓу Република Македонија и Република Бугарија е документот со кој формално правно се воведе бугарската амбиција за интервенција и менување на македонскиот идентитет и засебност преку менување и интервенција во нашата историска наука, образование, одбележување на историска настани и личности, културна дејност и творештво, продукција, уметност, споменични постановки, документарна и архивистичка работа.

Прифаќањето на таквиот договор од страна на Република Македонија даде формално право на Бугарија и во билатералните и во мултилатералните односи да бара спроведување на обврските што оваа Влада и мнозинството во Собранието ги прифатија во име да целата држава, а се во спротивност со желбата и вољата на огромното мнозинство на македонскиот народ и македонските граѓани.

За да прекине нашата формална обврска (и билатерална и мултилатерална) како држава да спроведуваме договор кој е штетен за нас, мора тоа и формално да го заокружиме како процес.
Во услови кога имаме Собрание во кое не се носат закони и одлуки по воља на граѓаните и во услови кога имаме Уставен суд кој практично не функционира по словото на Уставот единствен правен формат со кој може да се стави надвор од употреба, да се напушти важноста, да се стави вон сила или да се укине Договорот со Бугарија е РЕФЕРЕНДУМ.

Успешноста на ваквиот РЕФЕРЕНДУМ ќе значи достоинствена позиција на Република Македонија и во односите со Бугарија, но и во односите со Европската Унија.
...
Република Македонија после успешен РЕФЕРЕНДУМ по ова прашање нема да има никакви обврски од тој штетен договор.

Република Бугарија ќе биде нервозна и ќе сака и понатаму да не притиска (исто како и до сега), но Европската Унија нема да има ниту воља, ниту правна можност да бара од земја кандидат за членство обврски за кои на демократски начин граѓаните се произнесле и ги одбиле.
После успешен РЕФЕРЕНДУМ, Република Македонија и понатаму ќе се движи (тешко како и до сега) кон членство во ЕУ, но тој пат нема да е оптеретен со барањата за наше откажување од самобитноста и засебност на македонскиот народ и јазик.
Да ги оставиме зад нас сите поделби и недоразбирања, да покажеме како народ, како граѓани дека на демократски начин можеме и сакаме да се избориме за нашите права и дома и пред светот.
Време за политика, кавги, натпревар ќе има, сега е време за одлучност и сплотеност.

The post Илија Димовски: Сега е време за одлучност и сплотеност, да го поддржиме референдумот appeared first on Република.

Илија Димовски на неговиот профил на Фејсбук објави дека комисијата има обврска да објави што договорила со Бугарија до 17 август.

До 17 август Заедничката мултидисциплинарна експертска комисија за историски и образовни прашања (историска комисија) со Бугарија има обврска да објави што договорила со Бугарија.

 

Во целиот Протокол има рокови (иако велеа дека нема).

 

Со потпишувањето на Протоколот врз основа на член 12 од Договорот за пријателство, добрососедство и соработка Република Македонија превзема пред Бугарија (а за жал и пред Европската Унија) низа од обврски кои се неразумни и се надвор од досегашната пракса на зачленување на членки во ЕУ, но и излегуваат надвор од договорот во поглед на содржина, цели, рокови и материја.

 

Живо сум заинтересирам како со политички назначена комисија ќе ни се адаптира, подесува и менува историската вистина која сме ја учеле со генерации наназад. Но и, како ставот на политички назначената комисија ќе биде обид за рушење на илјадниците томови стручни изданија, симпозиуми и книги кои нашата и светската наука ги твореше во минатите повеќе од 7 декади.

 

Сликата подолу е извадок од Протоколот - пишува Димовски на неговиот профил.

The post Димовски: До 17 август историската комисија има обврска да објави што договорила со Бугарија appeared first on Република.

Министерот за надворешни работи Бујар Османи, преку Фејсбук одговори на отвореното писмо на Илија Димовски. Тој го повика Димовски да седнат, да разговараат и  да дебатираат, да ги судрат фактите.

„Не се отворените писма начин, но еве нека биде тоа почеток.

Илија, не сум имал никогаш проблем да те разберам, иако ретко сум се согласувал со твоите ставови и мислења. Така е и овој пат – те разбирам ама не се согласувам ниту со начинот на кој ги делиш прашањата на „албански“ и „македонски“, наместо како што доликува, да ги третираме како заеднички предизвик на кој заеднички му пристапуваме.

За жал морам да почнам со деманти: ниту сме прифатиле со договорот од Преспа, ниту било кој може да прифати кои Македонци, каде и да живеат, какво им е етничкото потекло. Фактот што сме прифатиле во името на добрососедските односи, да не се мешаме во уредувањето на колективните права кај нашите соседи, не го менува фактот за тоа како се чувствува или како се изјаснува било кој Македонец на планетата земја. Напротив, еднаш засекогаш ја затворивме дилемата што значи зборот Македонец, и тоа веќе никој никогаш не може да го смени.

Неправедно е да ја вмешуваме историјата како да е дел од современите политички текови, наместо да им ја оставиме на историчарите да нѐ ослободат од историските митови кои ни ја заматуваат иднината. Тоа е добар начин да се ослободиме од овие стеги, за да ја затвориме расправата кој и што е Илија, кој и што е Бујар и каков јазик зборуваат.

https://republika.mk/vesti/makedonija/ilija-dimovski-so-otvoreno-pismo-do-bujar-osmani/

Јас Илија, постојано барам дијалог затоа што имам потреба да разговараме за важни прашања:

За тоа како ќе обезбедиме заедно никогаш повеќе никој да не го спори македонскиот јазик, и како тој да стане официјален и службен јазик на Европската Унија, на Обединетите нации, на оваа организацијата со која од следната година претседаваме – ОБСЕ инт.

За тоа како ќе обезбедиме зборот Македонец да ја означува етничката припадност на нашите сограѓани Македонци, и никогаш повеќе никој, никаде да не може да го спори тоа

За тоа како ќе обезбедиме македонските ора, македонските села, македонскиот фолклор, македонската песна, македонскиот еп, да бидат дел од македонската етничка посебност, и никој никогаш никаде да не може да го спори тоа.

За тоа како ќе обезбедиме сето ова да не остане само во нашите глави, ами да стане дел од светската номенклатура и комуникација.

За тоа како ќе им обезбедиме на нашите сограѓани, Македонци, Албанци, Турци, Роми, Срби, Власи, Бошњаци, европска иднина, и зошто тоа да не го направиме на ист начин и за оние наши сограѓани кои себе си се сметаат за Црногорци, Бугари и Хрвати.

За тоа како ќе го зачуваме, негуваме и промовираме нашиот автентичен модел на успешна мултиетничка демократија

За тоа како ќе обезбедиме европска перспектива, европски стандард и европски вредности овде дома, за сите нас.

Ова треба на маса да го зборуваме, но еве и пред да седнеме, да расчистиме со митовите и невистините кои за жал доминираат во јавниот дискурс а се поврзани со предлогот кој треба да го прифатиме.

Правата е за јазикот. Се тврди дека со предложената рамка, заклучоци итн…, македонскиот јазик на различни начини ќе биде загрозен. А фактите се токму спротивното: И во рамката, и во предлог заклучоците и во сите документи, во моментот на старт на преговорите – македонскиот јазик станува официјален јазик на кој Европската Унија ќе комуницира, и тоа без никакви фусноти, ѕвездички, дообјаснувања, астерикси, без било што. Овој официјален јазик подоцна, со нашето членство во Унијата, станува чист службен јазик на Унијата, на ист начин како што се и Германскиот, Францускиот, па и Бугарскиот и сите други јазици. Значи Унијата ја усвојува рамката каде стои дека европското Аки (Acquis), европското законодавство, ќе се преведе на Македонски јазик без никаква додавка – и тоа станува затворено прашање за Унијата.

Наше е сега дали ќе се одлучиме да го затвориме прашањето за јазикот во ЕУ, еднаш засекогаш, или ќе го оставиме на менито на бугарските партии кои после следните избори ќе ни ги дефинираат правилата за влез во ЕУ

Втората е за рамката, и за некакво нејасно објаснување дека во оваа рамка се внесени билатералните прашања, билатералните договори, историските прашања итн.

Прво околу фамата за „билатерализација“. Добрососедските односи претставуваат еден од фундаментите на Унијата, и оттука не треба да нѐ чуди фактот што се тие дел од постулатите во голем број документи, извештаи, рамки кои Унијата ги изготвува. Како што во секој извештај на Европската комисија, секоја земја се оценува и по напредокот кој го остварува во добрососедските односи, исто така, повторно секоја земја која преговара, во преговарачката рамка има посебен дел каде на различен начин се спомнуваат добрососедските односи.

Не во оваа рамка, туку во секоја предлог рамка која било кога сме ја добиле како драфт – и оние кои сме ги прифаќале како добри, и они кои сме ги отфрлале како несоодветни – секогаш стоеле и Договорот од Преспа со Грција, и Договорот за пријателство со Бугарија, како репери по кои ќе се следи дали земјата остварува опипливи резултати. Нема ништо различно и овојпат, и сѐ што се шири по ова прашање претставува лага. Нема дополнителни услови, нема дополнителни обврски, нема нови документи како Протоколи, туку само цитирање на Двата договори како што тоа отсекогаш било така.

Трето е самиот почеток на преговорите и лагите дека се одложува стартот на преговорите, се одложува усвојувањето на рамката, сѐ се одложува за кога ќе се извршат промените во Уставот.

А фактичката состојба е следна: Со усвојување на заклучоците, се усвојува и содржината на рамката, пред почетокот на преговорите и одржување на Првата меѓувладина седница – и тоа се случува сега и веднаш! Преговарачката рамка се дефинира сега, се усвојува сега – и тоа е завршен процес!

По одржувањето на Првата меѓувладина седница, во полн капацитет го почнуваме процесот на скрининг, задолжителен процес кој го минуваат сите земји, и кој во просек трае една година. Нема одложување, нема застој, нема поместување, нема ништо – ги почнуваме преговорите онака како што сите претходно тоа го правеле, исто како што тоа ќе го направи и Албанија.

Тоа е сосема доволен период ние да ги завршиме и нашите уставни промени, обврски кои секако ги преземаме. Ако сме искрени дека немаме проблем да ги внесеме Хрватите, Бугарите и Црногорците како прифатени етнички заедници во земјава, тогаш не треба тоа да го одложуваме до бескрај. Имаме доволно време во овој период да си ги завршиме обврските и потоа, онака како што е предвидено за секоја земја, по завршувањето на скринигот да почнеме со отворање на кластерите и поглавјата“, напиша Османи.

The post Османи: Да им ја оставиме на историчарите да нѐ ослободат од историските митови кои ни ја заматуваат иднината appeared first on Република.

Илија Димовски објави отворено писмо до Бујар Османи...

Писмото на Димовски го објавуваме во целост:

Бујар Османи,

ги следам твоите настапи и одлучив да ти се обратам лично, не како на министер, туку како Илија на Бујар.

 

Во минатото сме разговарале многу пати, знам дека нема да ме разбереш единствено само ако немаш желба да ме разбереш.

 

Ве познавам лично и тебе и повеќето твои соработници од ДУИ и знам дека не можете воопшто да кажете дека не ги разбирате процесите, барем не на мене, но дозволи искрено и директно и заради тебе и заради јавноста да разговараме со суштински, а не со површни маркетиншки флоскули и аргументи.

 

Дозволи низ еден пластичен пример на аналогија да ти објаснам какви се овие времиња за Македонците.

 

Ќе употребам примери со Албанците како народ и нација, не за да навредам или се согласам со тие примери, туку да ти покажа и тебе и на твоите колеги што е тоа што се обидувате, заедно со СДСМ, да го покажете како нормално, а не е.

 

Замисли Бујар некој да ти предложи и да те пристиска, а ти, уште повеќе, да потпишеш и прифатиш дека:

 

Прво,

Албанците во Македонија не се ист народ со Албанците во Албанија, исто како што во „Преспа“ пишува дека Македонците од Македонија и Македонците од Грција немаат ништо заедничко и не се исти.

 

Второ,

замисли да мора да прифатиш и потпишеш дека Енвер Хоџа ја создал албанската нација на вештачки начин, онака како што бугарското Собрание со својата Декларација од 2019 година тврди за Тито и Македонците.

 

Трето,

еве помисли Бујар, како би ти било да треба да потпишеш и прифатиш дека Албанците во Македонија не смеат да го користат албанското знаме исто онака како што со Времената спогодба, а потоа и со „Преспа“ забранувате и брусите онаму каде што има македонско шеснаесеткрако сонце.

 

Четврто,

би можел ли да замислиш ситуација во која ти или некој колега од ДУИ мора да прифати и потпише дека Ѓерг Кастриот е Србин, а Хасан Приштина е Турчин, како што нам Македонците ни се случува секојдневно благодарение на промашената политика на оваа Влада, те за Гоце Делчев, те за десетици други борци за слобода на Македонија.

 

Петто,

би се согласил ли Бујар да ставиш во меѓународен правен договор дека Албанците немаат никакво илирско потекло ниту културолошко наследство од Илирите и дека на пример Илирите се Словени, а не Албанци, исто онака како што со „Преспа“ прифативте дека ние Македонците немаме никакво македонско потекло и дека Македонците биле Грци (види „Преспа“, член 7).

 

Шесто,

како би ти било да правиш „мали“ компромиси за албанската нација и историја со оние што секојдневно и со години наназад тврдат дека албанската нација е вештачка и создадена со албанизирање на Турци, Словени, Власи и Роми исто онака како што секојдневно преговарате „мали“ компромиси за историјата со оние кои имаат ваков однос и тврдење кон нас Македонците.
Еве вака изгледаат работите низ призмата на Македонците, доколку сакаш да погледнеш и знаеш.

 

Ова што го напишав не го посакувам на никому, ама не сакам ниту да дозволам некој да ме убедува дека ова што им се случува на Македонците е базирано на нормални европски вредности, затоа што не е.

 

Застани и размисли.

 

Затоа Бујар, Албанците во Македонија во овој случај мора да останат рамо до рамо со нас Македонците, затоа што ние Македонците сме најмал народ на Балканот, но Албанците се втор, а сите околу нас исто или слично се однесувале во историјата и кон нас и кон вас.

 

На еден ден престани да бидеш политичар и ќе разбереш колку многу грешиш.

 

Застани.

 

Се надевам дека ќе ме разбереш во добра намера и дека ќе размислиш длабоко за твоите постапки и чекори.

 

Застанете.

 

Прифаќањето на францускиот предлог е навреда за Македонците, но и ќе го одложи, а никако нема да го забрза евроинтегративниот процес.

 

Ако вашата Влада со СДСМ го прифати овој предлог ќе не навредите нас Македонците, но и ќе ја запечати секогаш шансата на Македонија да стане членка на Европската Унија.

 

Поздрав, Илија“.

The post Димовски: Замисли, Бујар, некој да те притиска да потпишеш дека Ѓерг Кастриот е Србин, а Хасан Приштина Турчин appeared first on Република.

Поранешниот пратеник од ВМРО-ДПМНЕ, Илија Димовски, реагира дека со францускиот предлог за решавање на македонско-бугарскиот спор, за кој министерот за надворешни работи Бујар Османи изјави дека МНР веќе ѝ препорачало на Владата да го прифати, се прекршуваат сите седум нормативни точки од Резолуцијата за македонските „црвени линии“, усвоена од Собранието.

Сите 7 нормативни точки на Резолуцијата на Собранието на Република Македонија ќе бидат прекршени доколку Владата донесе одлука за прифаќање на францускиот предлог… Непочитување на одлука на Собранието е безвластие и рушење на уставен поредок… Да потсетам, резолуција е, а не декларација… - напиша Димовски на Фејсбук.

The post Димовски: Владата ќе ги прекрши сите седум точки од Резолуцијата ако го прифати францускиот предлог appeared first on Република.

The post Димовски: Предлогот ќе нѐ врати во 19 век appeared first on Република.

Значи имаме Влада, ама не на Македонија, вели Илија Димовски, по последните случувања со францускиот предлог.

Значи има нов предлог, кој го нема...
Значи вреди да размислиме, за предлог кој го одбивме...
Значи не добивме прв предлог, но добивме втор...
Значи нема дискусија за историја, но има комисија за историја...
Значи го одбранивме македонскиот јазик, за кој викавме дека е бетон...
Значи не зборуваме за идентитетот, но го толкуваме идентитет на нашите херои...
Значи имаме Влада, ама не на Македонија...

The post Димовски: Значи имаме Влада, ама не на Македонија… appeared first on Република.

Доста изјави...
Имате компјутери и фотокопири во МНР, во Влада, кај Претседател...
Испечатете го, пратете го по мејл до сите медиуми и луѓето сами ќе си проценат..., пишува Илија Димовски откако владата објави дека францускиот предлог пристигнал во Скопје, а премиерот рече дека ќе се консултирал со сите засегнати страни, со претседателот, Собранието, невладиниот сектор, јавноста.

Досега јавноста го нема видено францускиот предлог, кој за претседателот Стево Пендаровски „модификуван е далеку подобар за нас од претходниот“.

https://republika.mk/vesti/makedonija/pendarovski-modifikuvaniot-francuski-predlog-e-daleku-podobar-za-nas-od-prethodniot/

The post Димовски: Доста изјави, испечатете го, пратете го по мејл до сите медиуми и луѓето сами ќе си проценат appeared first on Република.

Поранешниот пратеник на ВМРО-ДПМНЕ, Илија Димовски објави статус на неговиот профил на Фејсбук и испрати јасна порака до нашиот источен сосед Бугарија.

Бугарија во 21 век сака да зборува за нашиот народен идентитет...
Бугарија во 21 век сака да го оспорува идентитетот на македонскиот народ...
Бугарија во 21 век секојдневно го оспорува македонскиот јазик...
Срамота !
...
Од тука натаму има две патеки:
Првата, да научите дека за тоа не сакаме да зборуваме...
Втората, ако веќе инсистирате немојте да мислите дека ние немаме прашања за вас и вашата историска "вистина"...
...
За почеток еве само малку прашања и дилеми на кои и вие ќе мора да одговорите:
1. На кој јазик зборувале Бугарите кога дошле на Балканот?
2. Како тоа вашиот јазик го нарекувате бугарски кога тој не е тоа, има словенски корен и потекло, а не бугарски? (Има само 10 бугарски зборови во вашиот јазик)
3. Дали вашето прво царство е словенско или бугарско?
4. Дали културолошки и цивилизациски сте со потекло Словени, Траки, Мизи или Бугари? (Сите четири многу различни едни од други)
5. Дали вашето второ царство е словенско или влашко?
6. Дали вашите преродбеници зборуваа дека сте наследници на Александар Македонски? (Паисиј Хиландарски на пример)
7. Дали до 1850 година во поголем дел од Бугарија населението се пишувало за грчко, а на северо-западот за српско? (Видете ги турските пописи)
8. Дали вашата револуционерна организација е воспоставена на територија на Романија и Србија? (Е таму е, а не во Бугарија)
9. Дали вашиот народен херој Георги Раковски имал и српско и грчко име и презиме и себеспознавање? (Поповиќ на пример, како што е роден)
10. Зошто Бугарија не даде помош на Кресненското, Разловечкото и Илинденското востание? (Вашата армија не се интересираше, а нели викате дека сме еден народ)
11. Дали Бугарија го потпиша Букурешкиот договор за распаѓање и поделба на Македонија?
12. Дали ги предадовте најголемиот дел од Македонците на владеење на Грција и Србија?
13. Дали во ПСВ вашата армија употребуваше неконвенционално оружје бомбардирајќи ја Битола?
14. Дали и зошто Ополчението во ПСВ во тек на војната го пративте да војува на Тракија, а не во Македонија?
15. Дали во вашиот Парламент уште пред ВСВ има дебати, дискусии и признанија за посебноста и засебноста на македонскиот народ и јазик?
16. Дали во Македонија имаше отпор и војна помеѓу Македонците, предводени од партизанските одреди кои носеа имиња на илинденците, од една страна и бугарската армија од другата страна?
17. Зошто во Бугарија се пеат македонски песни, а во Македонија никогаш не се пееле песни за Ботев, Левски, Раковски, Стефан Караџа, за Русе, Видин, Габрово?
18. Зошто во нашиот фолклор и преданија никогаш ги немало Аспарух, Асен, Ботев или Левски?
19. Дали во историјата во последните 10 века има записи за населување на Бугари во Македонија или па сосема обратно има населување на Македонците во Бугарија?
И уште многу прашања...
...
П.С. Ние сакаме да соработуваме и да одиме напред кон иднината,
ама немојте да мислите дека сме спремни да бидеме нечии вазали и прислужници, зошто нашите од минатото рекле: "Ние Македонците не сме Срби, ни сме Бугари, ами просто Македонци."

The post Димовски: Ние Македонците не сме Срби, ни сме Бугари, ами просто Македонци appeared first on Република.

Комесарот за проширување: Сите бугарски грижи се дел од преговарачкиот процес...

 

Кој ќе се обиде да правда и релативизира е или автошовинист или е глуп...

 

Извинете на францускиов јазик... - коментира Илија Димовски, од ВМРО-ДПМНЕ.

The post Димовски: Сите бугарски грижи се дел од преговарачкиот процес, кој ќе се обиде да правда и релативизира е или автошовинист или е глуп appeared first on Република.

Румен Радев и Бојко Борисов денес го поддржаа францускиот предлог за Македонија...
Тоа значи дека овој катастрофално лош предлог ќе добие поддршка во бугарскиот парламент...
Веќе работата е чиста...
За да се стопира овој предлог, кој ќе значи затворање на европската перспектива на Македонија и отварање на нови негации на македонската нација, јазик и достоинство, единствено нашите државни органи може да постапат...
🟥🟥 Владата, итно, денес, да го одбие предлогот како недостоинствен и штетен за европската перспектива на Република Македонија...
🟥🟥 Доколку Владата превземала обврски спрема меѓународните партнери и не е во можност да го направи тоа, веднаш, без одлагање да побара Собранието да се произнесе и да го одбие овој предлог...
Доколку државните органи на Македонија не го направат тоа, веќе и формално ќе е јасно дека нашата држава се согласила на идната национална и државна катастрофа....
П.С. Доста со лажните изговори дека немаат предлог, не го знаат или дека не биле вклучени..., напиша на Фејсбук,Илија Димовски.

The post Димовски: Борисов и Радев го поддржаа, значи францускиот предлог ќе добие пас во бугарскиот парламент appeared first on Република.

Собранието е тоа кое има право да одлучи дали Владата се држи во рамките на Резолуцијата за односите со Бугарија...
Владата спроведува, Собранието одлучува и врши надзор... Владата сама не смее да пристапи кон финална одлука по францускиот предлог... - смета Илија Димовски од ВМРО-ДПМНЕ.

Тој додава дека секој друг чекор ќе значи беззаконие и злоупотреба

Се друго е безвластие и злоупотреба...
Се друго е беззаконие...

The post Владата сама не смее да пристапи кон финална одлука по францускиот предлог appeared first on Република.

Поранешниот пратеник Илија Димовски вечерва во дебатниот магазин „Click plus“ на ТВ21 посочи дека ДУИ треба најмногу да инсистира за брзи избори

Според Димовски, ДУИ ја има таа комоција уште во одредено ограничено време од аспект на тоа дека разликата во анкетите кои што ги гледаме во јавноста, помеѓу ВМРО-ДПМНЕ и СДСМ сериозно се раздвојува.

„Веќе добива размер на бројки кои достигнуваат 70-80-90 илјади гласа разлика. Мислам дека ДУИ е малце и во цајтнот заради тоа што може да се случи на следни парламентарни избори разликата меѓу ВМРО-ДПМНЕ и СДСМ да биде толкава за да биде доволна ДУИ сам како политичка партија да не биде клучен фактор. И тука јас ја гледам логиката дека и ДУИ не е во толку комотна позиција колку што сакаме ние да ја перцепираме“, вели Димовски.

Поранешниот пратеник Гордан Георгиев, пак, смета дека не треба да има избори затоа што Владата треба да ја расчисти „маглата“ околу почетокот на преговорите на Македонија со Европската Унија.

„Оваа магла околу почетокот на преговори на Македонија со Европската Унија треба да се расчисти и мислам дека треба да расчисти оваа Влада за да можеме со следната Влада да почнеме на чист терен“, вели Георгиев.

Според него, мантрата ЕУ предолго се поставува како алиби за сите политички елити за нечинење.

The post Димовски: Ако ВМРО има над 55 пратеници, ДУИ нема да биде клучен фактор за формирање на Влада appeared first on Република.

Илија Димовски вечерва во дебатниот магазин „Click Plus“ на ТВ21 посочи дека не може премиерот преку дрзок речник да одбива средба со лидерот на опозицијата, во момент кога се бара помош од опозициските министри.

„Обратно треба да биде, совесен премиер треба самиот да излезе, да се натфрли на ситуацијата и тој да подаде прв рака во време на криза. Во време кога премиер се однесува дрско како што се однесува, тогаш заслужува и блокада во Собрание и протести на улица додека не ја научи лекцијата“, вели Димовски.

The post Премиер кој дрско се однесува, заслужува блокада во Собранието и протести на улиците appeared first on Република.