Интернационалната музичка светска атракција, „Ил Диво“, оваа година ќе ги одржи своите незаборавни концерти во 60 избрани градови низ светот, меѓу кои секако е и Скопје. Концертот е закажан на 15-ти октомври, во „Арена Борис Трајковски“.

Подготовките за овој спектакл се во полн ек, а македонската публика прв пат ќе има можност да биде дел од спектакуларното аудио-визуелно шоу какво што генијалните „Ил Диво“ го приредуваат секаде ширум светот, рушејќи ги концертните рекорди.

Сценскиот проект на оваа турнеја е посебно шоу со досега невидени елемeнти кои вклучуваат восхитувачки ефекти, светло, ласери и визуелизации. За да се функционира совршено, ќе се погрижи тим од 50 професионалци задолжени за продукцијата и за техничката реализација на концертот.

Целиот тим кој работи на комплетната техничка реализација на нивната светска турнеја го подготвува и големиот спектакл во Скопје. Токму тие ќе се погрижат овој концерт да биде доведен до перфекција.

Интересот за овој концерт е огромен во целиот регион, велат организаторите од „Прагма продукција“ а влезниците можете да ги набавите преку продажната мрежа на kupikarta.com

The post Скопје меѓу 60 градови каде ќе настапат „Ил Диво“: На 15 октомври спектакуларното аудио-визуелно шоу appeared first on Република.

Мултинационалниот вокален квартет IL DIVO доаѓа во Македонија! Концертот пред македонската публика е закажан за 15 октомври 2022 година  во Арена „Борис Трајковски“.

IL Divo е комерцијално најуспешната classical crossover група во меѓународната музичка историја, уште од нивното основање во 2003 година. Имаат продадено повеќе од 30 милиони албуми, IL Divo се први изведувачи на класичен кросовер кои имаат деби албум бр.1 на 200 топ листита на Billboard.

Исто што вреди е да се спомене, е тоа што IL DIVO во 69 градови, 18 земји во светот имаат продадено повеќе од 2 милиони влезници и тоа за нивните први четири албуми.

Концертот ќе биде во чест на Carlos Marin, еден од членовите кој за жал почина во декември минатата година.

По трагичната смрт на Carlos Marin, преостанатите членови на мултинационалната група, американецот David Miller, французинот Sebastien Izambard и швајцарецот Urs Buhler, ќе продолжат со својата турнеа во знак на почит на Marin.

Турнејата, претходно насловена како “For Once in my life” ќе продолжи како GREATEST HITS TOUR со специјален гостин, мексиканско- американски баритон Steven LaBrie.

Carlos беше  личност повеќе од животот, со ретка комбинација на неверојатно убав, од Бога даден глас и апсолутно, огромен талент. Неговата страст, разиграност и смисла за хумор создадоа таква магична личност, а неговата смеа ги воздивнуваше сите. Тој беше сакан од милиони фанови ширум светот и ние имавме среќа и чест што можевме да настапуваме со него во нашата средина толку многу години. Длабоко ќе ни недостасуваат неговата разиграност, пријателство и брилијантен глас. Во негова чест, ќе ја основаме Фондацијата Carlos Marin  и ќе му оддадеме почит на неговото пеење во нашите идни концерти. Нека сите го паметат по неговата прекрасна душа, неговиот неверојатен талент и нека почива засекогаш во мир изјавија остантите членови на IL Divo во нивните соопштенија.

Турнејата ќе биде исполнета со хитовите на IL Divo од нивниот огромен каталог на песни со неверојатна сценска продукција.

Продажбата на билети за турнејата ” GREATEST HITS TOUR ” во Скопје ќе започне во петок на 04.03.2022 година преку продажната мрежа на https://kupikarta.com/. Југотон и Розе Веро 2.

The post Мултинационалниот вокален квартет IL DIVO доаѓа во Македонија appeared first on Република.