IKEA апелира до сите клиенти кои поседуваат ASKSTORM 40W USB полнач темно сив, број на артикал 50461193, да престанат да го користат и да ја контактираат ИКЕА за целосна наплата.

„Безбедноста е главен приоритет за компанијата ИКЕА и затоа го повлекуваме USB полначот ASKSTORM 40W темно сива боја поради ризик од изгореници и електричен удар предизвикани од оштетени кабли за напојување“, велат од компанијата.

The post Aко во ИКЕА сте купиле ваков полнач – веднаш фрлете го, може да предизвика изгореници и струен удар appeared first on Република.

Хаос избувна во продавница на Икеа во Шангај во саботата, откако клиентите почнаа да бегаат од властите кои се обидоа да ги стават во карантин.

Здравствените власти се обиделе да ја затворат продавницата откако клиент бил во близок контакт со лице кое било позитивно тестирано за Ковид.

На видеата се гледа како обезбедувањето во еден момент се обидува да ја затвори вратата, но толпата од другата страна насилно ја отвора и бега.

Yesterday, an abnormal health code case was presented at an IKEA in Shanghai, & the entire mall was suddenly blocked🥶

Some ppl forced their way out for fear of being sent to concentration camps, but there is actually nowhere to escape under #AmazingChina’s digital surveillance pic.twitter.com/MWpbTOJ3kz

— Donna Wong💛🖤 (@DonnaWongHK) August 14, 2022

Претходно оваа година, Шангај беше во двомесечна блокада, а оттогаш, во градот со 20 милиони луѓе, поради строгата стратегија „нулта случаи на ковид“, наредено е итно заклучување на места каде што има позитивни случаи. Затоа, многумина беа заклучени на необични локации, вклучувајќи ресторани, спортски сали или канцеларии.

Ненадејното затворање на продавницата на Икеа беше наредено поради близок контакт на шестгодишно момче кое беше позитивно тестирано по враќањето од патување во Тибет, изјави заменик директорот на здравствената комисија во Шангај, Жао Дандан.

Оние кои беа во Икеа и околните области мора да бидат изолирани два дена, по што ќе бидат следени пет дена, објасни Жао.

До недела беа откриени речиси 400 блиски контакти на шестгодишното момче, кое е асимптоматично, а на дури 80.000 луѓе им беше наредено да одат на тестирање.

Кина се придржува до својот пристап за „нула случаи на ковид“ за да се спречи ширењето на коронавирусот, и покрај фактот што таквиот пристап има големо влијание врз економијата, а јавноста се повеќе се противи на тоа, пишува Би-Би-Си.

Сцените на паника во Икеа следеа по објавувањето на видеото минатата недела на кое се прикажуваат луѓе во друг дел на Шангај како излегуваат од зградата поради гласините за абнормален резултат од тестот за Ковид.

Заклучувањето ширум Шангај претходно оваа година доведе до широко распространети извештаи за недостиг на храна и лоши услови за живеење во карантинските центри.

The post Поради заразено шестгодишно дете Кинезите ја затворија „Икеа“ со се купувачите appeared first on Република.

Македонците кои го посетуваат салонот на Икеа во Солун сигурно по пазарувањето застануваа на ручек во ресторанот и на пијачките кои се надалеку познати. Во нив само со една платена пијачка на кока кола, фанта или спрајт можеш да си дополнуваш колку сакаш.

Тоа нашите луѓе го злуопотребуваа па си тураа колку што можат и неможат а си ставаа и во чаши за по пат.

Но, на тоа се чини му дојде крајот. Икеа рестораните полека ја укинуваат оваа поволност. Отсега секоја пијачка ќе мора да се плати а први почнаа Икеа во Турција.

The post Нема веќе „гага“ кока кола и фанта во салоните на Икеа appeared first on Република.

Компанијата „Икеа“ објави дека ќе ги продаде фабриките, ќе ги затвори канцелариите и ќе го намали бројот на вработени во Русија и Белорусија, како резултат на руската воена операција во Украина.

Околностите не се подобрија, а разорната војна продолжува. Бизнисите и синџирите на снабдување во светот се силно погодени и не гледаме дека е можно да се продолжи со работа во скоро време - се вели во соопштението на „Икеа“.

Од комапнијата додаваат дека малопродажниот бизнис на „Икеа“ во Русија и Белорусија ќе биде запрен, а работната сила драстично ќе се редуцира, што значи дека „ќе бидат погодени многу соработници.

The post „Икеа“ ги продава фабриките и го намалува бројот на вработени во Русија и Белорусија appeared first on Република.

Шведскиот ланец на продавници за мебел ИКЕА преку соопштение предупреди дека нивниот производ - лонче за еспресо METALLISK од 0,4 литри со сигурносен вентил од нерѓосувачки челик, со ознака за датум помеѓу 2040 и 2204 година, може да пукне при употреба и поради тоа се повлекува од продажба.

Компанијата апелира до сите клиенти кои го купиле овој апарат да престанат да го користат и да ги контактираат за целосно враќање на парите.

METALLISK лонче за еспресо со сигурносен вентил изработен од нерѓосувачки челик, може да се врати во која било стоковна куќа ИКЕА. Доказ за купување, односно фактура, не е потребен, стои во соопштението.

ИКЕА се извини за, како што наведоа, непријатностите што може да ги предизвика ова повлекување.

The post ИКЕА итно го повлекува овој производ, може да го вратите и без фискална appeared first on Република.

Најголемиот продавач на мебел на светот „ИКЕА“ соопшти дека цените во нејзините продавници ќе се зголемат за просечни 9 отсто низ светот, со цел да се надоместат значителните трошоци за транспорт и суровини.

Со своите едноставни форми и филозофија „состави сам“, „ИКЕА“ стана синоним за ниски цени, успевајќи да ги одржи стабилни дури и за време на пандемијата. Но, како што цените на стоките и транспортот продолжија да растат, компанијата вели дека веќе не е во можност да ја апсорбира штетата.

За жал, за првпат откако повисоките трошоци почнаа да влијаат врз глобалната економија, мораме да пренесеме дел од тие трошоци на нашите муштерии, соопшти „ИКЕА“.

The post Цените во продавниците на ИКЕА пораснаа за 9 отсто appeared first on Република.