Трагични вести доаѓаат од Хрватска. Поранешниот играч на Шкендија, Иван Челиковиќ почина на 34-годишна возраст. Засега не е позната причината за смртта, но се случило ненадејно, јавуваат хрватските медиуми.

Челиковиќ долги години беше во хрватскиот фудбал, а во сезоната 2017-2018 настапува во дресот на тетовска Шкендија.

Левиот бек беше дел од јуниорите на Хајдук, а потоа играше за Солин, Интер Запрешиќ, дојде во Шкендија од каде одново се врати во Интер, па во Локомотива, и последните играчки денови ги мина во Конављанин. Паралелно додека играше за нив, беше и во фудбалската академија на оваа екипа.

The post На 34 години ненадејно почина поранешен играч на Шкендија appeared first on Република.

Потврдено е дека под урнатините предизвикани од земјотресот во Турција, еден од играчите на Хатај е Кристијан Атсу кој синоќа постигна гол во 97. минута за победа против Касимпаша.

Потрагата по репрезентативецот на Гана моментално е во тек, сите се надеваат дека поранешниот играч на Челзи и Њукасл е жив и ќе биде спасен.

Атсу за репрезентацијата на Гана одигра 65 натпревари и постигна девет гола.

Тој во Хатајспор пристигна на 6 септември минатата година.

Покрај него, објавена е информација и дека спортскиот директор на Хатај, Танер Савут е под урнатините по силниот земјотрес што ги погоди Турција и Сирија.

The post Поранешниот играч на Челси под рушевините во Турција: Вчера даде гол за победа, денеска се молат за него appeared first on Република.

Шкендија не го искористи киксот на Струга Трим Лум и одигра 1-1 против Академија Пандев, но во последните минути од натпреварот се случи вистински скандал во Тетово, кога Сабит Билали ги загуби нервите и нападна противнички ривал.

Билали најпрво направи прекршок, по што влезе во дуел со уште еден ривал, кој доби удар во лицето, а потоа фудбалерот на Шкендија го шутна со нога додека тој беше на тревникот за што судијата му покажа црвен картон.

извор: Спорт1

The post Скандал во Тетово: Билали удри ривал в лице, па го шутна со нога appeared first on Република.