Др. Игор Николов заедно со директорот на Институтот за Белодробни заболувања и Туберкулоза Доц.др Димитар Каркински одржаа конструктивна средба со др Верица Тофиловска, директорка на ЈЗУ Специјализирана болница за белодробни заболувања и туберкулоза - Лешок, здравствена установа која пружа услуги на секундарно ниво на здравствена заштита.

Поконкретно, оваа установа пружа услуги од областа на интерната медиција-пулмологија односно дијагностичките процедури кои се нудат во амбулантскиот и болничкиот дел на установата неопходни за дијагноза и следење на болните со белодробни заболувања со спирометрија, пулсна оксиметрија, Рентген на бели дробови, преглед на бели дробови со ултразвук итн. Исто така оваа устанува згрижува и лекува пациенти со белодробна туберкулоза.
За жал и оваа установа се соочува со недостиг на кадар, заради долгогодишната негрижа и неинвестирање во медицински кадар. Оваа затекната аномалија во речиси сите здравствени установи, постепено и согласно законските процедури во наредниот период ќе биде надмината во соработка со надлежните институции.

The post Д-р Николов: Болницата за белодробни заболувања во Лешок се соочува со недостик на кадар appeared first on Република.

Имав чест да се обратам на Работилницата во организација на МЗКИХИ (Македонско Здружение за Контрола на интрахоспитални инфекции) која што се одржа во Струмица, информираше проф.д-р Игор Николов, советник за здравство на премиерот Христијан Мицкоски, преку објава на „Фејсбук“.

Интрахоспиталните инфекции и нивната контрола претставуваат предизвик за секој здравствен систем па и оние најмодерните. Стратегијата за контрола на ИХИ како и стратегијата за рационална употреба на антибиотици треба да бидат приорите за модерното здравство, истакна Николов.

Навременото детектирање, превземање на корективни мерки и подобрување на системот мора да бидат приоритет за сите. Тука улогата на комисиите за ИХИ е примордијална, подвлече тој.

The post Д-р Николов: Интрахоспиталните инфекции и нивната контрола претставуваат предизвик за секој здравствен систем па и оние најмодерните appeared first on Република.

Под мотото „Заедно против ракот на дојка“  во просториите на Централниот комитет на ВМРО-ДПМНЕ, се одржа предавање за важноста на раното откривање на ракот на дојка.

На предвањето се обрати претседателот на комисијата за здравство на ВМРО-ДПМНЕ, проф.д-р Игор Николов, кој сподели свое лично искуство со болен од рак на дојка во својата фамилијата и предизвиците со кои се соочува цела фамилија.

д-р Николов се осврна на активностите кои се реализираат на ова поле.

-Заедно со директорот на ФЗОМ, Сашо Клековски во Букурешт потпишавме декларација за подигнување на свесноста кај ова заболување и важноста од зајакнат скрининг, посочи проф.д-р Николов.

Тој исто така информираше дека активно се работи на децентрализирање во оваа област преку регионални центри. Д-р Николов упати порака за важноста за прегледот и самопрегледот, зашто навремената детекција на ова заболување може да спаси живот.

The post Д-р Игор Николов сподели лично искуство со болен од рак на дојка во фамилијата и предизвиците со кои се соочуваат appeared first on Република.

The post Николов: Листите на чекање се горлив проблем за секој пациент appeared first on Република.

Помина речиси половина година од објавата на скандалот на Онкологија и речиси една година од објавата на ревизорскиот извештај за оваа Клиника кој јасно и недвосмислено укажа за низа неправилности. Денес повторно нема систем кој за пациентите ќе овозможи континуирана терапија, следливост на терапијата, нема ништо од ветувањето за децентрализација на областа на онкологија, нема зајакнување на кадарот ниту на Клиниката за онкологија каде што се третираат најтешко болните пациенти со канцер, рече на денешната прес-конференција Игор Николов, претседател на Комисија за здравство на ВМРО-ДПМНЕ.

Потенцираше дека за пациентите нема гаранција дека за извесен период од денес ќе има лекови, не се знае дали ќе бидат почитувани законските процедури за набавка, дали ќе има доволно буџет за современата терапија.

Пациенти кои се третираат на Клиниката за онкологија ни реагираат дека нема доволно медицински сестри на Клиниката, а дневната болница работи само со половина капацитет. Нејасно е како надлежните институции како што се Министерството за здравство и Фондот за здравствено осигурување не обезбедуваат медицински кадар за оваа институција, во исто време додека без проблем предизборно течат огласи за административни вработувања, во исто време не се води грижа за медицинскиот персонал. Пациентите од Клиничката болница во Битола реагираат дека се трошат последните количини на лекови по што ќе биле препраќани на Клиниката за онкологија во Скопје, бидејќи за Битола не е планирана набавка. Показател за немање на системска грижа за пациентите со малигни заболувања се отсликува и во секојдневниот предизвик за борба за основни лекарства со што заради неспособноста и негрижата на Владата на ДУИ и СДС не враќаат 20 години наназад во однос на третманот на овие пациенти. Истовремено се јавува и недостиг на терапија и кај пациентите со ретки болести, кај пациенти со дијабет, невролошки заболувања, како и друга категорија на заболени. Во ГОБ „8 Септември" иако после 10 сечења ленти и 10 промоции, се уште не е во функција акцелераторот за зрачна терапија кој е набавен уште во 2016 година, а денес осум години потоа повторно фаќа прашина и не е на располагање на пациентите, вели Николов.

Докторот алармира дека не смееме да дозволиме да има „онкологии“ и во другите здравствени институции.

Владата предводена од ВМРО-ДПМНЕ со дела ќе покаже што значи да има стручност, да се лекува по протоколи и прецизирани постапки за лекување. Дополнително, приоритет ќе биде и дигитализацијата која што последните години застана, вклучувајќи и апдејтирање на протоколите, како и следливоста на третманот. Нема да дозволиме третман и лекување кое ќе се заснова на нечија индивидуална желба и волја. Со воспоставување на правила ќе почне враќањето на довербата во здравствениот систем и унапредување на условите за третман на пациентите за што е потребен комплетен рестарт на целиот здравствен систем кој што започнува веднаш по преземањето на централната власт од страна на ВМРО-ДПМНЕ, рече денеска Николов.

https://youtu.be/NTM0R1JGDRg?si=sYLiXvaeo7hfvoOO

The post Пациентите и денес не знаат дели ќе имаат терапија на Онкологија appeared first on Република.

Претседателот на Комисија за здравство на ВМРО-ДПМНЕ Игор Николов на денешната прес-конференција истакна дека за здравството во последните седум години има само една констатација, тоа е во полукоматозна состојба, на апарати.

Тој посочи дека власта на СДСМ и ДУИ со лошо менаџирање го уназадиле здравствениот систем, особено јавното здравство. Не само што нема прогрес во ресорот што живот значи, туку имавме и враќање наназад за неколку децении.

Изминатиов период сведоци сме на корупција, негативна селекција и непотизам. Од ветениот “ЌЕ” живот реализираа едвај 20 проценти. Зад себе по 7 години оставија само деградација на здравствениот систем, кадар кој е демотивиран од непотистичките и исполитизирани вработувања. Сведоци сме и на разрешувања и кардовски решенија без никакви критериуми односно чисто партиско влијание кое се определува врз основа на рок на некакви сертификати.

ВМРО-ДПМНЕ како идна влада има план преку Платформата за здравствениот систем да го ресетира здравството преку подобрување на три клучни сегменти, а тоа се ефикасност, ефективност и економичност.

Приоритет ќе ни биде зајакнување на здравството во регионите, односно завршување на Клиничката болница во Штип, која што треба да прерасне во универзитетска клиничка болница и столб на здравството во источна Македонија.

Приоритет ќе ни биде укинување на дуализмот со врзани потписи и спојување на Клиниките во еден Клинички центар. Приоритет ќе ни биде модерен Клинички центар и подобрување на функционалноста на здравствените институции. Приоритет ќе биде зајакнување на примарното и секундарното здравство.

Ќе ги вратиме едукацијата и обуките во странство, како главен столб на кадровската политика. Овие едукации и обуки беа укинати последните 7 години. Веднаш ќе иницираме законски измени со цел да се вработува најдобриот медицински кадар, во рамки на национална стратегија за здравство. Ќе ги вработуваме и најдобрите студенти и талентирани ученици од медицинските факултети и медицинските училишта.

Ќе ги зајакнеме ресурсите на итната медицинска помош и ќе го зголемиме бројот на пунктови на итна медицинска помош, нагласи Николов.

Важно е да замине оваа Власт, важно е здравствениот систем да се рестартира преку зајакнување на три круцијални сегменти, а тоа се ефективност, ефикасност и економичност.

The post Николов: Приоритет на идната влада предводена од ВМРО-ДПМНЕ ќе биде изградба на модерен Клинички центар, завршување на КБ Штип, спојување на Клиниките во еден Клинички центар appeared first on Република.

Мора прво да кажеме дека здравствениот систем е многу важен дел од целото опшествено битисување, а јавното здравство претставува еден столб, на целокупниот здравствен систем, кажа доктор Игор Николов на денешната дебата Здравствена платформа за иднина на тема Концепт за здравство.

Нашите граѓани бараат услуги и имаат проблеми, кои што ги решаваат најмногу во јавното здравство и она што често го дискутираме во здравствената комисија и планираме да го ставиме во програмата заедно со тимот, е дека треба да работиме на 3 круцијални сегменти, ефективност, ефикасност и екомичност во здравствениот систем. Оваа последна точка се поврзува со она прашање, кое што вие го поставивте, корупција или несоодветно трошење на средствата, кои што ги има во јавното здравство. Секако тука преставуваат еден круцијален дел, тие протоколи на функционирање на здравствените организации и институции, почнувајќи од примарно здравство, секундарно здравство, па и во терцијалното здравство, каде што се клиниките и каде што чувме и претседателот најави дека ќе има драстични промени во начинот на функционирање и во начинот на кој што ќе се нотираат економски бенефити, односно да нема растурање на ресурсите - истакна Николов.

Многу е важно во овој дел од јавното здравство има практично дополнителни 2 столба. Тоа е кадровската политика, односно луѓето кои што работат, во јавното здравство и инфраструктурата. Бидејќи без кадри и без инфраструктура јавно-здравствениот систем, секако и останатиот дел од здравствениот систем, многу тешко ќе функционираат. Слушнавме дека инфраструктурата ќе биде практично приоритет на идната влада на ВМРО-ДПМНЕ. Претседателот посебно инсистираше да овој настан се случи во Штип, како еден центар во источна Македонија, каде што практично ќе треба здравството да се зајакне, а тоа би се направило инфраструктурно. Имаме план за завршување на штипската болница, која што е од прилика готова 30% но секако ја оставија, како што оставија се друго, овие кои што се на заминување и тука имаме еден универзитет кој што креира кадри, кои секако ќе бидат еден голем бенефит за целокупниот здравствен систем, потенцира Николов.

Тој рече дека би сакал да се надоврзи на тоа што го покажаа градоначалниците на ВМРО-ДПМНЕ во локалната самоуправа, дека имаат добри резултати каде што ништо не е поврзано со корупција. Тоа што се случува на локалната власт, би требало да се пренесе со ова лидерство и во министерствата, односно во останатите системи од целото општество. Круцијален дел од системите на таквото општество претставува здравството.

The post Николов: Како идна влада ќе работиме на ефективност, ефикасност и економичност на здравствениот систем, нема да има растурање на ресурсите appeared first on Република.

Комисијата за здравство на ВМРО-ДПМНЕ преку статус на Фејсбук пишуваат дека докторите Игор Николов и Гордана Ѓорчева Камчева беа дел од петтата академија за здравство на тема „Примарна и превентивна медицина во Кавадарци“

„❗️Превенцијата и примарната медицина ќе биде приоритет на идната Влада предводена од ВМРО-ДПМНЕ

👉Д-р Игор Николов, претседател на Комисијата за здравство на ВМРО-ДПМЕ👇 Петтата академија за здравство на тема примарна и превентивна медицина се организира со цел да се добијат повеќе податоци за примарното здравство со кои ќе се креираат политики за унапредување во оваа област.

Овој пат посебен акцент ставаме на јавното здравје, превенцијата, превентивните скрининг методи и како да ги заштитиме нашите граѓани.

Денеска вклучивме експерти од овие области со предавања, а добиените информации ќе бидат потребни за понатамошното дејствување и креирање политики, особено за примарното здравство и примарната медицина.

Превенцијата и примарната медицина, матичните лекари, семејната медицина и семејните лекари ќе бидат приоритет на идната влада предводена од ВМРО-ДПМНЕ.

👉Д-р Гордана Ѓорчева- Камчева, радиолог во Општата болница во Кавадарци и претседател на локалната комисија за здравство на ВМРО-ДПМНЕ во Кавадарци👇

Денешната тема е тема за примарното здравство и матичните лекари и лекарите за семејна медицина и превентивната медицина со цел изнаоѓање решенија на проблемите за на крајот да бидат задоволни и граѓаните и здравствените работници“, стои во нивниот пост на Фејсбук.

The post Д-р Николов и Ѓорчева – Камчева на петтата академија за здравство на тема „Примарна и превентивна медицина во Кавадарци“ appeared first on Република.

Запознаени сме со проблемите на пациентите од целата држава. И тука во Кавадарци ја гледаме истата слика, граѓаните се жалат дека тешко стигнуваат до здравствена услуга преглед, а уште потешко до интервенција, дека нема основни лекови, а тие што ги има се од постара генерација, дека во голем процент и приватно плаќаат услуги, дека имаме централизирани здравствени услуги наместо заложба за нивно децентрализирање и секој пациент да добие услуга поблизу до местото на живеење, рече доктор Игор Николов, претседател на Комисијата за здравство на ВМРО-ДПМНЕ за време на посетата во Кавадарци.

Според него немањето системско решение и досегашната негрижа за специјалистичкиот кадар се гледа и во Кавадарци. И тука, како што вели Николов, недостасуваат специјалисти од повеќе оддели.

Персонал нема ниту во итната медицинска помош. Во здравствените институции нема нови апарати, нема нови возила, па за „грижата” за здравството во Кавадарци говори податокот дека последното ново возило било од 2012 година, а здравствените работници дури се принудени сами да купуваат основни средства и лекови. Негрижата и заминувањето на кадарот е нотирано и во извештајот на Европската комисија за здравство каде имаме НУЛА напредок во здравството“, рече Николов.

Николов укажа дека има низа нереализирани ветувања од Програмата за живот на СДСМ.

Нашите проценки се дека и по 7 години власт одродената влада има 80 проценти нереализирани проекти токму во здравството. Но, ние продолжуваме заедно со фелата, директно од терен и заедно со здруженијата на пациенти преку пошироки консултации да дојдеме до заеднички решенија кои ќе ги преточиме во изборната програма која ќе е победничка, кажа Николов.

Николов посочи дека во Кавадарци каде е во посета со потпретседателот на ВМРО-ДПМНЕ, Александар Николоски ќе се одржи и стручна академија која е петта по ред.

За нас е посебно важна затоа што е на иницијатива на експерти од областите примарна и превентивна медицина, а во организација на Централната комисија за здравство на ВМРО-ДПМНЕ. Се обврзуваме дека ваквиот пристап и заедничкото изнаоѓање решенија со фелата и здруженијата ќе биде и во иднина основа на креирање на политиките на ВМРО-ДПМНЕ“, заклучи Николов.

The post Во Кавадарци, во здравството последното возило е купено во 2012 година, а докторите се принудени сами да купуваат основни средства и лекови appeared first on Република.

Министерот за здравство, Фатмир Меџити очигледно не го интересира работењето на јавните здравствени установи. И додека тие се распаѓаат во секоја смисла, за него поважни се турнеите низ светот, како што му е важно да си игра министер за надворешни работи. Празните флоскули во неговите соопштенија за таквите патувања низ светот јасно покажуваат дека Меџити не го интересира функционирањето на здравствениот систем. Уште помалку е заинтерсиран за бенефитот на здравствените работници и функционирањето на здравствениот систем.

Доколку Меџити заврши со патувањата низ светот за почеток го охрабруваме да ја информира јавноста за работата на неколку клиники со оглед на тоа дека до нас како Комисија за здравство пристигнуваат информации од вработени за низа нерегуларности.

Меџити во духот на транспарентноста со која што им се полни устите, а во пракса гледаме нула отчетност треба да даде одговор или јавно да ги објавени извештаите од надзорите за почеток од работата на следните институции: Институтот за трансфузиона медицина, Универзитетските клиники трауматологија, ортопедија, анестезија, реанимација и интензивно лекување и Ургентен центар познато како ТОАРИЛУЦ, Клиниката за кардиологија, Клиниката за хематологија и Клиниката за ревматологија.

Меџити треба да даде отчет и одговори на следните прашања:
Прво, кога и колку надзори во овие пет установи извршиле и контролирале надлежните институции. Или кога и колку контроли направило Министеството за здравство, Фондот за здравствено осигурување, Државниот завод за ревизија и Државниот санитарен и здравствен инспекторат?

Второ, доколку имало контроли на работата што е констатирано од надлежните институции и да се објават забелешките?

Трето, дали и што преземало Министерството за здравство и другите надлежни институции за да ги отколанат аномалиите кои што се случуваат во овие организации?

Меџити треба да одговори колку „Онкологии" има во комплексот Клинички центар Мајка Тереза, а не да дозволува да се заташкуваат работите како што е во случајот со Клиниката за онкологија. Укажуваме до надлежните институции меѓу кои и Државниот завод за ревизија за потребата од контрола на работатата на сите здравствени институции, а за почеток на гореспоменатите институции.

Го потсетуваме Меџити дека согласно Законот за здравствена заштита основна дејност на Министерството за здравство е надзор на работата на јавните здравствени установи, а не прошетки по светот! Истовремено потсетуваме дека состојбата со медицинскиот кадар е алармантна, а додека Меџити ја префрлува вината на други институции кога станува збор за вработување на суштински медицински кадар, истиот тој без никаков проблем објавува огласи за вработувањ на административен кадар.

Штетите од ваквите политики за здравствениот систем се нанесуваат и тие ќе бидат на долг рок. Време е оваа влада да заврши со своето владеење.

The post Николов: Меџити да одговори колку „Онкологии” има во комплексот клиники Мајка Тереза appeared first on Република.

Докторите работат по протоколи и јас сум убеден дека најголемиот дел од медицинските работници, од лекарите како на Клиниката за онкологија, така и другите клиники професионално ја извршуваат својата работа и според европските и светски протоколи - рече доктор Игор Николов, претседател на Комисијата за здравство на денешната трибина во Виница посветена на скандалот „Диво месо“, а која е во рамки на кампањата „Важно е! Од тебе зависат промените“.

Тој појасни дека благодарение на Анкетната комисија видовме дека не се сами здравствените работници тие кои одлучуваат, туку позади нив има цела група на разно разни фактори и луѓе кои одлучуваат и ги поставуваат "белите мантили" во една непријатна состојба кога мора да бидат изложени како на барања од оние кои имаат мака, така и на притисоци од јавноста, од различни фактори, директори, економски и неекономски,различни претседатели на комисии и тн.

Индивидуалните случаи што побрзо треба да се санкционираат од страна на истражните органи затоа што не може целиот персонал кој е професионален во најголем дел да преземе дел од таа одговорност која е резултат на системски недоследности - посочи Николов.

Во однос на сегментот на позитивната листа и финансирањето на условен буџет, д-р Николов потенцираше дека се дојде на власт со најава дека ќе има современа позитивна листа за до ден денешен да нема никаква промена на позитивната листа.

Условниот буџет не постои во ниту една европска држава за купување на медикаменти зашто тоа претставува злоупотреба што се пролонгира 7 години. Ветувањето дека ова ќе се прекине е нереално и не се случи и ова оди во насока на раскалашено трошење на парите на здравствените осигуреници - заклучи д-р Николов.

The post Д-р Николов: Докторите професионално си ја вршат работата, не може тие да преземат дел од одговорноста која е резултат на системски недоследности appeared first on Република.

Многу е важно кога се зборува за актуелниот случај „Онкологија“ да се каже дека има разлика или треба да се разјасни што се тоа протоколи, а што се процедури.

Најголем дел од медицинските лица професионално ги спроведуваат работите и ги знае протоколите. Второто прашање е немање на процедури или една клиника треба да има воспоставена процедура. И трета работа се патеките на лекот. И тука е КАТО системот и прашањето е зошто тој не се употребува, рече доктор Игор Николов, претседател на Комисијата за здравство на денешната трибина во Виница посветена на скандалот „Диво месо“, а која е во рамки на кампањата „Важно е! Од тебе зависат промените“.

Оттука укажа, Николов, веројатноста е голема дека на некого му одговара функционирање во магла или немање јасно воспоставени стандарди и пренесување на истите. Или како што рече Николов, и покрај тоа што од Министерството за здравство не биле формирани работни групи за преведување и адаптирање на протоколите, медицинските лица од Онкологија, но и од другите клиники работат и постапуваат професионално според европските и американските светски протоколи иако тие се на англиски јазик.

Според него здравствените работници во најголем дел професионално си ја вршат работата.

„Сепак гледаме дека има одделни случаи. Индивидуалните случаи што побрзо треба да се санкционираат од страна на истражните органи затоа што не може целиот персонал кој е професионален во најголем дел да преземе дел од таа одговорност која е резултат на системски недоследности“, посочи Николов.

Доктор Николов посочи дека случајот „Онкологија“ не е исклучок и дека слични работи веројатно има и во други здравствени институции, или дури и онаму каде што има протоколи тие не се усогласени уште од 2016 година иако тоа претставува една од законските обврски на надлежните институции воз здравството.

„Во конкретниов случај ако некој сака да се оправда, најлесно е се да се префрли целата вина врз медицинскиот персонал. Но секако прашањето треба да се постави системски. Тендерската постапка за биолошка терапија ја спровело МЗ, следливост и начинот на употребата на терапијата требало да ја извршува МЗ и ФЗОМ, активноста на тумор бордовите и стручниот колегиум требало да го следи МЗ и ФЗО, следливоста на потрошувачката на терапијата потребно е да ја следи МЗ и ФЗО, со еден збор дисфункционалниста на овие институции довело до наведената состојба. Идејата на некого да креира “култ кон личност”, која што личност на времето нејзино владеење да се прават стикери за неа, да се посветува внимание и друго, сето тоа резултираше со елиминација на систем туку креирање на чувство дека се зависи од еден човек од една личност“, рече Николов.

https://www.youtube.com/watch?v=usaDo6-PM9E

The post Николов: Скандалот „Онкологија“ мора да се санкционира, во спротивно се оцрнува сиот медицински персонал кој работи професионално appeared first on Република.

Вонредниот професор на Медицинскиот факултет во Скопје и доктор на Клиниката за нефрологија, Игор Николов, во интервју за „Косово-онлајн“ оцени дека треба што поскоро да се расветли здравствениот скандал со шверцот на цитостатици во Косово, кој ја тресе Македонија, за дамката да не падне на целиот здравствен систем во земјата.

Николов, кој е и актуелен претседател на Комитетот за здравство на ВМРО - ДПМНЕ, прашува зошто требаше да помине толку долго време за Обвинителството и МВР да реагираат.

За жал, оваа нефункционалност на институциите и системот фрла дамка врз здравствениот систем. Здравствениот систем го сочинуваат сите здравствени работници и не можеме да генерализираме дека сите се во ист кош со она што се случува, бидејќи ако генерализираме фрламе дамка на целокупниот здравствен систем, а целокупното здравство не е дел од оваа ситуација која институциите не успеваат да ја решат. Неспроведувањето на решение или необезбедувањето вистинска истрага создава уште поголема недоверба кај граѓаните и уште еднаш фрла сенка, главно на здравствените работници, вели Николов.

Тој смета дека најголемиот процент од здравствените работници не треба да се ставаат во ист кош и оти затоа е потребно што поскоро да се преземат мерки и решенија и да се откријат оние аномалии кои доведоа до оваа состојба и афера.

Треба што поскоро да се отстрани дисфункционалноста што се создаде во последните години, за да не остави трага врз целиот здравствен систем, кој е сложен и многу важен за граѓаните. Мора да инсистираме целиот случај да се расчисти што поскоро. Одолговлекувањето фрла дамка на целокупниот здравствен систем, а за жал, здравствените работници кои не се виновни за нефункционалноста на здравствениот систем, не се виновни затоа што некој не презел корективни мерки или го укинал контролниот систем за следење на дозата на цитостатици. Не се виновни здравствените работници што некој не ги спровел овие корективни мерки и не ја отстранил дисфункцијата. Секако, кој е виновен или презел криминогени мерки треба да одговара и да се казни најстрого, вели Николов.

https://youtu.be/CEmUqdily30?si=p4cv35vundL540aM

Целото интервју тука

The post Што поскоро да се отстрани дисфункционалноста што се создаде во последните години во здравствениот систем appeared first on Република.

Д-р Игор Николов сподели објава од 2017 година, во која уште тогаш, ги критикувал постапките на тогашниот министер за здравство, Арбен Таравари, кој е во коалиција со СДСМ.

Во 2017 кој го укина КАТО системот за контрола на цитостатици!?! Привезоците на СДС и ДУИнг бизнис…, коментира д-р Николов

The post Д-р Николов: Во 2017 кој го укина КАТО системот за контрола на цитостатици!?! Привезоците на СДС и ДУИнг бизнис appeared first on Република.

Додека секојдневно слушаме во медиумите дека недостасуваат лекови за различни категории пациенти, надлежните институции кои најмалку 10 пати објавија дека формирале Комисија за позитивна листа, сепак во пракса нема доволно ниту основни лекови, а камоли па нови и модерни лекови на позитивна листа.Власта ги заборави клучните предизборни ветувања меѓу кои лек во секое време за секој пациент и нови квалитетни лекови, сокривајќи се зад европски стандарди, заборави на пациентите, нивниот третман и ветувањата дадени кон нив, вели Игор Николов од ВМРО-ДПМНЕ.

 

Во оваа прилика сакам да потенцирам дека најавената ревизија на позитивна листа и формираната комисија за позитивна листа – истото како парцијално решение не може да даде најдобар ефект за граѓаните и здравствениот систем и со тоа не може да се обезбеди објективно и реално одлучување базирано на докази, без добро системско уредување.

Со цел транспарентност во овој процес од надлежните институции бараме да одговорат:

Прво, дали законски надлежната институција Агенција за лекови воопшто има податоци за целокупната потрошувачка на лекови во државата?

Второ, зошто од Агенција за лекови и министерство за здравство со години нема ниту еден национален официјален податок и извештај за тоа со што отворено прашање е на кој начин и врз основа на што би се оценувале и проценувале потребите на пациентите во Македонија?

Трето, дали министерството за здравство ги има во предвид протоколите за лекување според начелата на медицина базирана на докази кои не се ажурирани со години?

Четврто, имајќи во предвид низа недостатоци во здравствениот систем, дали може да се очекува објективно одлучување и реална ревизија на позитивната листа?

Во оваа прилика сакам да упатам порака да не се импровизира со решенија во здравствениот систем зашто на крај цената ја плаќаат граѓаните, односно сите ние, посебно ако се земе во предвид дека впечатокот во стручната јавност е дека понуденото решение е парцијално што може да е во интерес на одредени центри на моќ.

Повеќе од јасно е, може да се кријат позади ЕУ стандардите колку сакаат, но од ефектите од неработењето и негрижата за пациентите не можат да се сокријат.

Недозволиво е пациентите да се лекуваат со лекови на позитивната листа кои се од 1995 година.

Не може да се дозволи за дијабетичарите да нема ленти, да нема квалитетни лекови и 7 месеци да се оставени на милост и немилост.

Не можеме да дозволиме за болните од цистична фиброза да го нема веќе неколку месеци и лекот Креон, веќе познатата Трикафта исто ја нема за сите болни, со што директно се крши начелото на еднаквост.

Дојдоа на власт со ветување дека ќе донесат модерни и современи лекови, а денеска пациентите купуваат обични лекови во Косово и Србија. Затоа потребно е итно рестартирање на здравствениот систем и оваа Влада да замине час поскоро!

https://www.youtube.com/watch?v=Mtk7e3bbaEE&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

The post Здравство на ДУИ и СДСМ: Пациентите купуваат обични лекови во Косово и Србија appeared first on Република.

Наместо нова и модерна позитивна листа на лекови деновиве четвртиот министер за здравство во Владата на СДСМ и ДУИ триумфално објави дека има датум за нова Комисија за позитивна листа, рече на денешната прес-конференција Игор Николов, претседател на Комисија за здравство на ВМРО-ДПМНЕ

Едно е јасно, за 7 години, оваа Влада целосно изгуби допир со реалноста. Наместо да ја замајуваат јавноста, надлежните треба да се фатат за работа и да го почитуваат начелото на транспарентност за кое што очигледно не се многу заинтересирани. Во меѓувреме, целосно ги заборавија ветувањата кои ги дадоа, а се однесуваат на лековите, и тоа, редовно ажурирање на нова позитивна листа, лек во секое време за секој пациент, редовна набавка на квалитетни лекови за 44 000 инсулинско-зависни пациенти. Устите им се полни со ЕУ и европски вредности, но на дело нема ништо, рече Николов.

Потсети дека ЕУ има директива (89/105) која се однесува на транспарентност на мерките за регулирање на цените на лекови.

Оттука, додава Николов, прашуваме:

Прво, дали Комисијата ја почитува ЕУ директиравата за јасна и транспарентна постапка за формирање на цени на лекови?

Второ, Дали Министерството за здравство има комисија за формирање на цени на лекови? Врз основа на кои анализи ќе се носат одлуки?

Трето, зошто наместо експерти од разни области, како што предвидува законот, има членови од иста област иако законот предвидува од различна област од медицината?

Четврто, дали ќе се вклучат здруженија на пациенти во овој процес?

Петто, кога може да се очекува нова модерна листа или само се замајува јавноста со цел да се прикаже дека нешто се работи?

Шесто, зошто се доцнеше 7 години со формирањето на комисијата за позитивна листа?

Одговорот, вели Николов, на сите овие прашања може да се претпостави.

Во стручната јавност впечатокот е дека ова е парцијално решение кое што може да е во интерес на одредени центри на моќ.

Повторно се кријат зад ЕУ стандарди за да реализираат индивидуални интереси на штета на народот.

Во истиот стил на нерационално и незаконско трошење на буџетските средства не смееме да ги заборавиме ниту наводите во последниот Извештај на Државниот завод за ревизија за јавните набавки каде се констатира: 1. нерационално користење на буџетските средства, 2. нетранспарентност на постапките, 3. нарушување на конкуренцијата и 4. нарушување на начелото на еднаков третман и недискриминација

Со секое продолжување на вакви политики, се оптеретуваат граѓаните да плаќаат повеќе, и со здравјето и со пари.

Токму затоа потребно е итно да замине оваа Влада за здравствениот систем целосно да се рестартира и тоа час поскоро!, потенцираше тој.

https://youtu.be/dvjHAukdQRQ?si=P2vPnP2IXnjQvzvU

The post Наместо нова и модерна позитивна листа, Министерството за здравство повторно најавува нова Комисија appeared first on Република.

Одеднаш нема никакво зборување за проблемите на здравството, особено инфраструктурните проблеми на здравството, особено за клиничкиот центар. Доколку пред четири, пет години бевме во континуитет бомбардирани дека ќе се направи ултра модерен, софистициран проект кој што повеќе личеше на мегаломански, иако на хартија го немаше како проект, туку имаше само некакви „Power point“ презентации. Одеднаш сега, денеска сме сведоци на една тишина и нешто што ја нарушува транспарентноста со која што толку се фалеа, заради тоа што кога доаѓаа на власт имаа полни усти транспарентност, а денска сме сведоци на една состојба во која што постои арбитражен процес, арбитражна постапка за клинички центар за која што никој ништо кажува.

Односно, нетранспарентно се дознаваат информации кои што успева јавноста да ги дознае преку медиумите, рече членот на Извршниот комитет, доктор Игор Николов на денешната трибина насловена „Здравство“ во рамки на акцијата „Пораки од реалниот живот – Ова е Македонија за сите“  која се одржа во просториите на ВМРО-ДПМНЕ.

Тој истакна дека информации кои ги имаат велат дека е испратено писмо од министерството за здравство до владата, ама владата сеуште не го добила писмото, па владата кога го добила писмото заседавала па не се кажува што одлучила.

Посочи дека според информациите кои ги имаат до сега, во однос на Клиничкиот центар Мајката Тереза, новината е дека арбитражниот процес е сериозно напреднат и, најверојатно, се побаруваат околу 18 милиони евра за негова неизградба и за раскинувањето на договорот за градба, дополнително добија информација дека владата веќе избрала странска адвокатска канцеларија за да ја застапува државата.

„По нашите информации кои што ги имаме до сега, новината е дека арбитражниот процес е сериозно напреднат, се побаруваат најверојатно околу 18 милиони евра за неизградба, односно за раскинување на договор за градење на Клинички центар Мајка Тереза во кампусот клиники и сега е почната некаква арбитражна постапка за која што, исто така на нетранспарентен начин дознавме и добивме информација, дека е избрана е странска адвокатска канцеларија, која што ќе ја застапува Македонија во овој процес“, рече доктор Николов.

Тој посочи дека изминатите седум години е направена стратешка грешка во здравството со неизградбата на постоечкиот план и потпишан договор за градба за клиничкиот центар во кампусот клиники Мајка Тереза во Скопје, на сметка на тоа се отиде на медиумската кампања за изградба на клинички центар на нова локација за која немаше ниту проект, ниту истражување на локацијата, што доведе Македонија сеуште да нема современ центар за терциерно здравство за третман на пациентите.

„Можеме едно да кажеме дека се случи една голема стратешка грешка, последниве седум години, а тоа е стратешката грешка да не се продолжи градбата на Клиничкиот центар Мајка Тереза, туку се навлезе во еден некаков притисок на градење на клинички центар во локација која што не беше испитана геомеханички, ниту дали има археолошки наоѓалишта, ниту имаше проект и на големи труби и фамфари се велеше дека оваа локација е перфектна и дека тоа ќе биде добро за целиот здравствен систем и на крај завршивме да немаме никаков проект од тоа“, истакна Николов.

Николов, меѓу другото, посочи дека откако се потпиша договорот за коридорите се добива впечаток дека повеќе има грижа за нешто друго, отколку грижа за нешто друго, а тоа друго, најверојатно станува збор за грижа за провизии повеќе, отколку за здравјето на македонските граѓани.

The post Раскинувањето на договорот за Клиничкиот центар во Скопје ќе чини над 18 милиони евра appeared first on Република.

Подеднакво водиме грижа за сите наши сограѓани на територија на општина Бутел и проектите кои ги реализиравме и се во тек се проекти од кои ќе имаат сите граѓани бенефит без разлика на националната припадност, изјави д-р Игор Николов.

Тој потенцира дека при носењето одлуки во општина Бутел, исклучиво се водат од потребата да се придонесе за доброто на граѓаните кои се жители на општината.

Токму показател за ова се денешните одлуки на денешната седницата на Совет на општина Бутел за финансиска поддршка за издавање на монографија на г-дин Бајруш Мјаку кој е наш истакнат режисер и глумец и кој живее во нашата општина.

 

Исто така донесовме одлука за финансиска поддршка за врвни спортисти меѓу кои и Марио Мицковски, дете спортски талент кој донесе три медали од специјалната Олимпијада за лица со попреченост.

 

Продолжуваме цврсто и одлучно со грижата подеднакво за сите наши сограѓани кои живеат на територија на општина Бутел, вели д-р Николов.

The post Николов: Општина Бутел додели финансиска поддршка за дете со три медали од д специјалната Олимпијада и за монографија на истакнатиот режисер и глумец appeared first on Република.

Четвртиот министер за здравство во владата на ДУИ и СДСМ, освен политички пазар и партиски интереси ништо друго не прави во ресорот здравство кој и онака е во исклучително лоша состојба, истакна на денешната прес-конференција Игор Николов, претседател на комисија за здравство на ВМРО-ДПМНЕ.

Министерот вели дека ќе ги укине организациските директори, а во меѓувреме поставува нови на неколку клиники. Разрешува директори, а јавноста не е информирана која е постапката за разрешување и назначување на нови директори. На министерот не му чини директорот на Клиниката за кардиохирургија, ама пак затоа организацискиот му чини, а тие заедно еден без друг ништо не можат да направат - истакна Николов.

Оттука, министерот Меџити во најкус можен рок треба да даде одговори на неколку прашања.

Прво, зошто транспарентно не ги објави постапките при избор на директори во јавните здравствени установи, со оглед на фактот дека до сега има околу 20 нови директори, а јавноста не е информирана кои се.

Второ, министерството за здравство и Државниот здравствен инспекторат зошто веднаш не ги објават сите извештаи во кои има наоди за нерегуларности при спроведените контроли, наместо тоа да го прават како и до сега со еден селективен пристап.

Трето, врз основа на кои критериуми во последниве 10 дена додека ја замајуваа јавноста дека ќе ги разрешел организациските директори, набрзина се назначени три нови организациски директори, и тоа на Клиниката за гастро, кардиологија, Институт за туберкулоза и белодробни болести и најава има дека има четврт организациски директор.

Четврто, по кои критериуми, освен партискиот е назначен на пример и директорот на Клиниката за токсикологија. Тоа е терциерна установа, во која што е назначен семеен лекар кој никогаш не работел во терциерното здравство.

Петто, зошто не е разрешен организацискиот директор на Клиниката за кардиологија ако се земе во предвид дека за забелешките на медицинскиот директор и организацискиот има иста одговорност.

И шесто, зошто нема одговорност за директорот на Психијатриската болница каде јавноста беше згрозена од физичкото насилство кон пациентите кои таму се хоспитализирани. Наместо тоа, министерот не побара одговорност и не превзема ништо.

И на крај седмо, дали министерот смета дека е потценувачки односот кон здравствените лица е односот кон здравствените лица и здравствените работници со покачувањето на платите од 1000-2000 денари и дежурствата од само 300 денари, за кадар кој што заминува и кој што и онака е редок во државата.

И покрај тоа што ова е четврти министер за здравство во Владата ДУИ-СДСМ, проблемите само се продлабочуваат. Затоа тоа оваа Влада мора да замине час поскоро - порача Николов.

The post Николов: Меџити само ги продлабочува проблемите во здравството, со нетранспарентноста на скопските клиники само го демотивира и брка стручниот кадар appeared first on Република.

Прва стратешка грешка е одлуката да се прекине готов проект на Клинички центар и лажните ветувања дека ќе направат нов Клинички центар, таму некаде без план, без проект. Еден од најголемите проблеми кои ни ги посочуваат граѓаните во секојдневните наши средби се долгите листи за чекање за интервенции посебно по ковид 19 односно неможноста да дојдат до здравствена услуга, истакна доктор Игор Николов, претседател на Комисијата за здравство на ВМРО-ДПМНЕ.

Неговиот став го пренесуваме во продолжение:

За ова никој не презема мерки со цел да се намалат листите на чекање – ова се дел од моите поенти од вчерашната трибина во Струмица, посветена на рестартирање на здравствениот систем во рамки на акцијата „Ова е Македонија за сите”.

Имаме намалена грижа за пациентите со малигни заболувања – не е ставен во фунција нитуеден од трите акцелератори ниту оној на Kлиниката за онкологија, ниту оној во ГОБ “8 Септември” и ниту пак во Клиничката болница Битола, а сите се набавени пред 2017 година. За овие пациенти има континуиран недостиг на терапија.

Нема ленти за дијабетес иако ветувањето беше дека дијабетичарите ќе се лекуваат со модерни лекови.

Ова се само дел од погрешните стратегии кои ги видовме во здравството во изминатиот период и за кои нема корективни мерки, а проблемите само се заташкаа без преземање мерки за нивно отклонување.

Веднаш по доаѓањето на власт на ВМРО-ДПМНЕ ќе преземеме активности за отклонување на неправилностите со кои секој ден се соочуваат пациентите.

The post Д-р Николов ги открива грешките на Владата во здравството: Долги листи за чекање на интервенции, намалена грижа за пациентите appeared first on Република.