Фудбалската федерација на Македонија со одлука на Управниот одбор го продолжи договорот со селекторот на македонската А репрезентација, Благоја Милевски.

Според новиот договор Милевски останува на селекторската функција до крајот на квалификациски циклус за пласман на Светското првенство 2026, под истите услови како и досега.

- Фудбалската федерација на Македонија, како и досега, ќе биде полна поддршка за селекторот Благоја Милевски и репрезентацијата. Се радуваме на новите предизвици и успеси.  Длабоко сме убедени дека со голема страст и амбиција, селекторот и неговиот тим ќе продолжат да работат за напредок на македонскиот репрезентативен фудбал.

Изминатите неколку месеци и натпреварите кои ги одигра македонската А репрезентација ни потврдија дека заеднички сме на вистинскиот пат. Во тимот се чувствува енергија и амбиција за нови големи резултати и уверени сме дека тоа е неверојатен мотив за работата во иднина, стои во ставот на Управниот одбор на ФФМ.

Благоја Милевски на селекторското место на македонската сениорска репрезентација дојде во 2021 година

The post ФФМ го награди за „добрите“ резултати: Милевски доби нов договор appeared first on Република.

Повеќе од 40 вработени во Фудбалската федерација на Македонија (ФФМ) и надворешни соработници, вклучувајќи го и селекторот на сениорската репрезентација Благоја Милевски даруваа денеска крв во рамки на акцијата „Највредниот подарок. Капка полна живот“.

Како што е соопштено, во рамки на акцијата која во соработка ја организираа ФФМ, Црвениот крст и Институтот за трансфузиона медицина собрани се вкупно 32 крвни единици.

ФФМ посочи дека учеството во крводарителската акција е дел од заложбата за хуманост која е цел и ориентација на сите вработени во Федерацијата.

-Доброволното крводарителство станува дел од традицијата на ФФМ како доказ за социјално – етичкиот концепт и одговорност, порачува македонската Куќа на фудбалот

The post Пред продолжување на договорот селекторот Благоја Милевски даруваше крв appeared first on Република.