Портпаролот на Министерството за одбрана на Русиај, генерал Игор Конашенков,мизјави дека денешните масовни воздушни напади на руските сили во Украина се одговор на украинските терористички напади во областа Брјанск на почетокот на месецот.

Како одговор на терористичките напади што ги изврши киевскиот режим во областа Брјанск на 2 март, руските вооружени сили извршија масовен возвратен напад“, изјави генерал Конашенков.

Тој додаде дека високопрецизното оружје со долг дострел од воздух, море и копно, вклучително и хиперсонични ракети „Кинџал“, ги погодило клучните локации на украинската воена инфраструктура, претпријатијата од воено-индустрискиот комплекс и поврзаните енергетски објекти.

Според него, целта на нападот е постигната и сите зацртани цели биле погодени, додавајќи дека „масовниот возвратен напад на Русија го нарушил распоредувањето резерви и странско оружје за украинската армија“.

Во нападот се уништени базите на јуришните беспилотни летала, нарушено е распоредувањето на резервите и железничките вагони со странско оружје, а уништени се и капацитетите за поправка на воена опрема и производство на муниција“, истакна Конашенков.

Украинските регионални власти рано утрината потврдија дека Русија погодила неколку украински региони, вклучувајќи го главниот град Киев, црноморското пристаниште Одеса и вториот по големина град Харков, предизвикувајќи прекин на електричната енергија.

https://republika.mk/vesti/svet/silen-ruski-napad-vrz-ukraina-raketite-letale-i-nad-moldavija/

The post Генерал Конашенков: Масовните воздушни удари се одговор на украинските терористички напади во Брјанск appeared first on Република.

Официјалниот претставник на руското Министерство за одбрана, генерал, Игор Конашенков, соопшти дека руските воздухопловни сили елиминирале „до 500 украински милитанти“ во областа Харков.

Со ракети со висока прецизност на руските воздухопловни сили елиминирани се до 500 припадници на украинската армија, припадници на 92. механизирана бригада. Уништено е и големо количество воена опрема во населбите Мерефа и Чугуев во областа Харков - изјави генерал Конашенков.

Претходно, рускиот министер за одбрана, Сергеј Шојгу, изјави дека руските сили уништиле шест американски ракетни системи ХИМАРС од почетокот на војната во Украина.

Шојгу изјави и дека руската војска уништила пет фрлачи на противбродски ракетен систем Харпун, како и 33 американски хаубици М777.

The post Генерал Конашенков информира за 500 елиминирани украински војници, Шојгу за шест уништени системи Химарс appeared first on Република.

Официјалнито претставник на руското Министерство за одбрана, генерал-мајор Игор Конашенков, соопшти дека градот Северодонецк и целата територија на индустриската зона на хемиската фабрика „Азот“ се под контрола на силите на Луганската Народна Република (ЛНР).

Единиците на Народната милиција на ЛНР, со поддршка на руските трупи под команда на генералот Сергеј Суровкин, целосно ги ослободија Северодонецк и Боровскоје, како и населбите Вороново и Сиротино во Луганската Народна Република и областите на левиот брег на реката Северски Донец - информира Конашенков.

The post Конашенков: Руските сили ги контролираат Северодонецк и Боровское appeared first on Република.

Официјалниот претставник на руското Министерство за одбрана, генерал-мајор, Игор Конашенков, соопшти дека во изминатиот ден руските сили собориле украински ловец МиГ-29, хеликоптер Ми-24 и девет беспилотни летала.

За еден ден руските системи за противвоздушна одбрана соборија авион МиГ-29 на украинските воздухопловни сили во близина на Славјанск, во Доњецката Народна Република и хеликоптер Ми-24 кај Снегиревка, во регионот Николаев - изјави Конашенков, пренесува РИА Новости.

Тој додаде дека руската воздушна одбрана соборила девет украински беспилотни летала во областите на Харков и Дњепропетровск.

Конашенков информира и дека биле пресретнати и украинската ракета „Точка-У“ во таа област како и 14 ракети „МЛРСБ Смерч“.

Според Конашенков, ракетните трупи и артилерија уништиле повеќе од 350 области и командни пунктови на украинските сили.

Ракетните сили и артилерија погодија 280 области на концентрација на жива сила и воена опрема на Вооружените сили на Украина, 18 командни пунктови, 59 позиции за стрелање на артилериски и минофрлачки единици, како и складирање гориво во регионот Константиновка во ДНР - соопшти Конашенков.

The post Конашенков: Срушени украински авион Ми-29, хеликоптер Ми-24 и девет дронови appeared first on Република.

Официјалниот претставник на руската армија, генерал-мајор Игор Конашенков, соопштидека при ракетен напад врз цели во Киев се уништени тенкови Т-72 и други оклопни возила испорачани на Украина од земји-членки на Европска Унија.

Ракети со голем дострел истрелани од руската авијација уништија хангари на периферијата на Киев, во кои имаше тенкови Т-72 и други оклопни возила доставени од источноевропските земји - соопшти Конашенков.

Такво оружје на Украина и беше ветено од Полска, од Словачка и од Чешка.

Претходно, градоначалникот на Киев, Виталиј Кличко на Телеграм објави дека утрово во киевските квартови Дарницки и Днипровски се регистрирани повеќе експлозии, како и дека едно лице било повредено.

Истовремено, украинското воено воздухопловство соопшти дека руските сили истрелале неколку крстосувачки ракети во правец на Киев од руски авиони Ту-95, што се распоредени во Каспиското Море. Една од ракетите била уништена од укранската противвоздушна одбрана.

The post Конашенков: Со ракетен напад врз хангари во Киев уништени се тенкови Т-72 и други оклопни возила добиени од ЕУ appeared first on Република.

Официјалниот претставник на руското Министерство за одбрана, генерал-мајор Игор Конашенков изјави дека повеќето платеници во Украина се елиминирани во борбената зона поради нискиот степен на обука и недостатокот на искуство.

Стотици украински платеници во Украина беа убиени со проектили со голем дострел веднаш штом пристигнаа на воените полигони и единици за обука. Сепак, повеќето беа убиени во борба поради слабата обука. Команданти на единиците на вооружените сили на Украина и Националната гарда, во чии состав имаше платеници, во обид да ги намалат загубите на својата армија, не ги штедеа странците - изјави Конашенков.

Тој додаде дека бројот на странски платеници во Донбас е намален од 6.600 на 3.500 луѓе, а приливот на странски платеници во Украина практично престанал од почетокот на мај.

Конашенков додаде дека руските воздушни-вселенски сили, во последните 24 часа погодиле 21 позиција на украинската армија, вклучувајќи ги командните центри на баталјоните „Кракен“ и „Азов“ во областа Харков.

The post Генерал Конашенков: Најголем број од платеници во Украина се елиминирани appeared first on Република.

Официјалниот претставник на Министерството за одбрана на Русија, генерал-мајор Игор Конашенков, информира дека во последните 24 часа, руските системи за противвоздушна одбрана собориле ловец Су-25 и хеликоптер Ми-8.

Според Конашенков, авионот бил соборен во областа Сергеевка во Доњецката Народна Република, додека хеликоптерот Ми-8 во областа на Харков. Тој додава дека во истиот период биле соборени и седум дронови.

Ракети со висока прецизност погодија пет командни центри и 29 позиции на украинската армија. Воздухопловните сили погодија 61 непријателска позиција. Мета на ракетните сили и артилерија биле 128 командни центри, 169 единици опрема и 629 позиции на украинската армија. Убиени се околу 200 екстремисти - информира генерал Конашенков.

The post Руските сили собориле авион Су-24, хеликоптер Ми-8, седум украински беспилотни летала appeared first on Република.

Официјалниот претставник на руското Министерство за одбрана, генерал-мајор Игор Конашенков, соопшти дека руската артилерија погодила хангар со воена тахника на територијата на бродоградилиштето „Океан“ во градот Николаев.

Според Конашенков, со артилериски оган биле уништени повеќе од 15 тенкови и пешадиски борбени возила, како и пет артилериски орудија од голем калибар на вооружените сили на Украина.

Конашенков истакна дека ракетните трупи и артилерија во регионот на Николаев погодиле 62 контролни пунктови, вклучително и оперативната команда „Југ“, во областа на населбата Нови Буг.

Покрај тоа, уништени се 593 области на концентрација на војници и опрема на Вооружените сили на Украина и 55 артилериски и минофрлачки батерии на позициите за гаѓање - изјави генерал Конашенков.

Конашенков додаде ека со ракетни и артилериски напади биле погодени и четири повеќецевни ракетни фрлачи БМ-21 Град, како и складиште за муниција на вооружените сили на Украина во регионот на Доњецк.

The post Руската артилерија уништила над 15 тенкови и борбени возила и пет топови од голем калибар appeared first on Република.

Претставникот на Министерството за одбрана на Русија, Игор Конашенков изјави денеска дека вооружените сили на Руската Федерација и самопрогласената „Народна Република Доњецк“ презеле целосна контрола врз стратешкиот град Лиман во источниот дел на Украина.

По заедничка операција на милицијата на Народна Република Доњецк и руските вооружени сили, градот Лиман е целосно ослободен од украинските националисти, се вели во соопштението на руското Министерство за одбрана.

Изјавата доаѓа откако вчера проруските сили на самопрогласената „Народна Република Доњецк“ соопштија дека воспоставиле целосна контрола врз Лиман.

Украинските и руските сили се бореа неколку дена за контрола врз градот Лиман.

Лиман беше важен железнички центар и пристапна точка до важни железнички и патни мостови преку реката Сиверски Доњец.

За Лиман утринава на Твитер се огласи и британското Министерство за одбрана, кое соопшти дека градот е окупиран од руските сили.

The post Русија: Целосно го ослободивме Лиман од украинските националисти appeared first on Република.

Официјалниот претставник на руското министерство за одбрана, генерал-мајор, Игор Конапенков, на редовниот брифинг соопшти дека руските сили собориле украински авион Сухој СУ-25 во регионот Харков.

Конашенков додаде дека единиците на Народната милиција на Доњецката Народна Република (ДНР), со поддршка на вооружените сили на Руската Федерација, го завршиле расчистувањето на Попасна и стигнаа до административната граница на републиката.

Како резултат на офанзивата кај Попасна, елиминирани се до 120 милитанти - изјави Конашенков.

Тој додаде дека руската авијација во текот на ноќта погодила 16 области на концентрација на жива сила и воена опрема на вооружените сили на Украина.

Руските системи за противвоздушна одбрана во текот на ноќта соборија три украински беспилотни летала и пресретнале ракета „Точка-У“ над територијата на ДНР.

 

Во ракетните напади на Вооружените сили на Русија беа погодени пет складишта за муниција и 33 командни пунктови на вооружените сили на Украина, при што се елиминирани до 380 милитанти - наведе генерал Конаенков.

The post Генерал Конашенков: Соборени се украински авион и три дрона, елиминирани се околу 500 милитанти appeared first on Република.

Руските системи за противвоздушна одбрана собориле украински борбен авион Су-24 во близина на Луганск, како и украинска ракета Точка-У над Изјум во областа Харков, информира портпаролот на руското Министерство за одбрана, Игор Конашенков.

Според официјалниот воен претставник, руските системи за противвоздушна одбрана го одбиле украинскиот напад со балистички ракети Точка-У врз станбените блокови на градот Изјум во областа Харков.

The post Руската ПВО соборила украински авион Су-24 и проектил Точка-У appeared first on Република.

Официјалниот претставник на руското Министерство за одбрана, гебрифинг за медиумите соопшти дека е уништено големо количество странско оружје и муниција доставени до украинските сили, што се наоѓало во хангари на територијата на топилницата за алуминиум во Запорожје.

Како што појасни Конашенков, нападот бил извршен со ракети „Калибар“ истрелани од море.

Високо прецизните ракет со долд домет „Калибар“, со морско базирање, на територијата на фабриката за алуминиум во Запорожје уништија хангари со голема серија странско оружје и муниција доставени до украинските војници од САД и европските земји - изјави генерал Конашенков.

https://twitter.com/rianru/status/1519221074856226816?ref_src=twsrc%5Etfw%7Ctwcamp%5Etweetembed%7Ctwterm%5E1519221074856226816%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fsvet%2Fruske-vesti%2F623622%2Frat-u-ukrajini-63-dan%2Fvest

The post Со ракети „Калибар“ уништени западно оружје и муниција скриени во хангари во фабрика во Запорожје appeared first on Република.

Официјалниот претставник на руското министерство за одбрана, генерал Игор Конашенков, информира дека руските сили елиминарале одред на платеници од Полска.

За време на нападот, руските ракетни сили ликвидираа одред платеници на полска приватна воена компанија во населбата Изумск во областа Харков. Неутрализирани се до 30 полски платеници - соопшти Конашенков.

Во официјалниот извештај на руската армија се наведува дека руската оперативна и тактичка авијација во текот на ноќта уништила 13 воени објекти во Украина, меѓу кои и два магацини за ракетно и артилериско оружје и 10 позиции на украинската армија и украинска воена опрема.

The post Руските сили елиминирале одред од 30 полски платеници appeared first on Република.

Русија ја предупреди Украина да престане со напади врз цели на руска територија, затоа што воспротивно ќе следува одговор и ќе бидат извршени напади врз високи цели во Киев

Руската армија се закани дека ќе ги нападне воените командни центри во главниот град на Украина, обвинувајќи ја Украина дека врши напади на руска територија.

Гледаме обиди за саботажа и удари на украинските сили врз цели на територијата на Руската Федерација. Доколку таквите настани продолжат, руската војска ќе изврши напади врз центрите за одлучување, вклучително и во Киев, од кои руската војска досега се воздржуваше - изјави портпарол на руското Министерство за одбрана, Игор Конашенков.

The post Русија предупреди: Ако Украина продолжи да напаѓа цели на руска територија ќе удриме по командните центри во Киев appeared first on Република.

Руското министерство за одбрана соопшти дека руските сили изведуват акции во повеќе реони во Украина.

Портпаролот на руското Министерство за одбрана, генерал Игор Конашенков, соопшти дека при напад со високо прецизни ракети „Калибар“ истрелани од море, бил уништен противвоздушен систем С-300, донесен од Европа, кој бил скриен во хангар.

Во исто време, во околината на Изјум, руските сили срушиле два украински борбеби авиони СУ-25.

https://twitter.com/TRTWorldNow/status/1513417017210155010

Генерал Конашенков соопшти и за борби во регионот на Топол во близина на Харков.

Во овие борби биле заробени потполно нови тенкови, целосно снабдени со муниција.

The post Руските сили заробиле целосно нови тенкови и го уништиле системот С-300 добиен од Европа appeared first on Република.

Портпаролот на Министерството за одбрана на Русија, Игор Конашенков, соопшти дека руските вооружени сили, ги уништиле штабот и базата на националистичкиот баталјон „Дњепар“.

Генерал Конашенков истакна дека штабот и базата на националистичкиот баталјон „Дњепар“, во населбата Звоњецкое во областа Дњепропетровск, каде што пред неколку дена пристигнало засилување од странски платеници, биле уништени со со проектили со висока прецизност истрелани од море.

Конашенков додаде дека при ракетен напад во областа на населбата Старобогдановка во областа Миколаев и на воениот аеродром Чугуев се уништени лансери на украинските противвоздушни системи С-300.

The post Руските сили го уништиле штабот на националистичкиот баталјон „Дњепар“, кој деновиве добил засилување од странски платеници appeared first on Република.

Руското Министерство за одбрана предупреди дека Киев подготвува провокација во регионот Харков.

Како што изјави официјалниот претставник на руското Министерство за одбрана, генерал-мајор Игор Конашенков, во градот Первомајски е миниран склад со 120 тони хлор, со намера да се крене во воздух, а Русија да биде обвинета за цивилни жртви.

Според потврдени информации, во градот Первомајски, во областа Харков, украинските специјални служби подготвуваат голема провокација со употреба на отров. Припадниците на Украинската безбедносна служба минираа складиште со 120 тони хлор во областа на фабриката „Химпром“ - изјави Конашенков на брифинг со новинарите.

Генерал Конашенков прецизираше дека планот е да се разнесе магацинот и да се обвини Русија за предизвикување хемиска катастрофа што би резултирала со смрт на цивили.

The post Конашенков: Украинските сили планираат да разнесат склад со хлор за да ја обвинат Русија за цивилни жртви appeared first on Република.

Режимот во Киев подготвува нова провокација со цел да ја обвини Русија за масовно убиство на цивили во населбата Ирпен во Киевската област, изјави портпаролот на руското Министерство за одбрана Игор Конашенков.

Како што истакна Конашенков, припадниците на Украинската служба за безбедност (СБУ) имаат намера во Ирпен да ги префрлат телата на убиени од украинските гранати, кои потоа ќе им ги претстават на новинарите како убиени руски војници кои пристигнале во тој град да убиваат цивили.

Тие имаат намера да ги донесат телата од градската мртовечница во подрумот на зграда во источниот дел на Ирпен, а потоа во блиската шума ќе се изврши инсценирана акција за „уништување“ на руска диверзантска група која наводно пристигнала во тој град за да убие сведоци на руски воени злосторства.

 

Телата на руски војници, поретходно убиени од украинските екстремисти ќе им бидат покажани на новинарите како доказ - изјави генерал Конашенков.

Тој додаде и дека оваа „цинична инсценирана акција“ била организирана со цел да се емитува на западните медиуми.

Генерал Конашенков нагласи и дека руската војска го напуштила тој град пред нешто повеќе од една недела.

The post Русија: Украина подготвува нови провокации и местење наводни руски убиства на цивили appeared first on Република.

Руското Министерство за одбрана денеска соопшти дека руската армија со хиперсонично оружје уништила голем украински подземен склад за ракети и муниција за авиони во регионот Ивано-Франковск, објавоија западните медиуми.

Министерството, исто така, соопшти дека се уништени украинско воено радио и извидувачки центри во близина на Одеса со помош на крајбрежен ракетен систем.

Авијацискиот ракетен комплекс „Кинџал“ со хиперсонични аеробалистички ракети уништи големо подземно складиште на проектили и авијациска муниција на украинските сили во селото Дељатин, изјави денеска портпаролот на руското Министерство за одбрана, Игор Конашенков.

Западните медиуми додаваат дека не можат независно да го потврдат соопштението на Министерството за одбрана на Русија.

The post Русиja со хиперсонично оружје уништила воени мети во Украина appeared first on Република.

Авиони на руските воздухопловни сили уништија 54 воени објекти во Украина во изминатите 24 часа, додека руската противвоздушна одбрана собори едно украинско беспилотно летало, изјави денеска портпаролот на руското Министерство за одбрана, Игор Конашенков.

Тактички, воени и беспилотни летала погодија 54 воени објекти во Украина. Меѓу нив има три командни пунктови, четири повеќецевни ракетни системи, четири складишта за муниција и 44 локации каде што била концентрирана воена опрема - прецизира Конашенков.

Тој додаде дека едно украинско беспилотно летало било погодено во воздух во изминатите 24 часа.

The post Русите уништиле 54 украински воени објекти за еден ден appeared first on Република.