Генералниот секретар на Владата, Игор Јанушев во „Дејли Клик“ одговараше на прашањето зошто новинарите немаат пристап до информации од УЈП и од Агенцијата за Катастар.

Тој рече дека тоа било дозволувано од претходната влада спротивно од Закон, и најави дека ќе биде ставено во форма и дека новинарите ќе имаат пристап наскоро.

„Од пртходната Влада дозволувале незаконски работи, наместо да најдат начин како ќе го решат. Може да сте што сакате, некое право ако не ви следува, не може да го добиете. Друго е прашњето дали е во ред или така треба да биде. Ако немате тоа право според закон, тогаш дајте да работиме да биде во форма, во закон, во правилник онака како што треба за нормално утре никој да не биде повикан на одговорност“, рече Јанушев.

The post Јанушев: Во Владата во минатото се дозволувале незаконски работи appeared first on Република.

Генералниот секретар на Владата Игор Јанушев вечерва го повика МВР, заедно со Јавното обвинителство да влезе во Генералниот секретаријат на Владата и да почне да проверува, како што рече, каков криминал е направен.

Во гостувањето на ТВ Сител, Јанушев покажа слики од депото на Владата од кои, напомена, може да се види дека Владата се користела како штаб на СДСМ. Покажа и јавен повик за доделување финансиска поддршка, креиран на 1 април 2022 година, кој бил направен како да е од 21 мај 2021-ва. Ова, истакна, е кривично дело и за тоа, рече, некој треба да одговара. Покажа и фотографии од две машини на кои, според него, има сериозни индиции дека се печателе изборните материјали на СДСМ.

-Ова е само мал дел, со ова ја отвораме Пандорината кутија. Очекувам надлежните институции од утре да дојдат и да ги почнат соодветните постапки. Инаку, јас лично не правам проверки, туку гледам да ги средам работите што со години биле оставени. Можеби е банален примеров, но речиси две години не функционира главниот влез во Владата зашто скенерите ги оставиле неисправни и тоа е најмал дел од проблемот, потенцира Јанушев.

Токму во неговата сегашна позиција – генерален секретар, Јанушев ја гледа причината за обвинувањата на СДСМ во врска со неговиот имот.

Тука, објасни, нема ништо спорно, како што обвинува СДСМ. Досега трипати пријавил анкетни листови, секогаш кога стапувал на функции, и оттаму, напомена, може јасно да се види што имал тогаш, а што има сега. За станот во Центар потсети дека е подарок од татко му и дека го пријавил пред повеќе од 1,5 година.

-Ова се прави за да се дискредитира моето име зашто овие три-четири недели откако сум генерален секретар гледаме се што правеле. Зошто СДСМ пред 1,5 година не покрена никаква постпака и не правеше тема од тоа што имам или немам? Ги повикувам институциите да проверат, да излезат во јавноста и да го затворат ова прашање, но и тие што ме напаѓаат, да соберат храброст и да ми се извинат, нагласи Јанушев.

Според него, тој што му го подарил станот, Љубенчо Јанушев, е неговиот татко.

-Нека проверат институциите како моите родители го стекнале имотот. Моите родители се интелектуалци, цел живот работеле и создавале. Не гледам и што е спорно што Тошковски има стан во истиот објект. Ние сме другари од детство, рече Јанушев.

Набавката на кинеските автобуси од 2009 година, дополни, нема никаква врска со неговиот имот.

The post Јанушев ги повика МВР и ЈО да влезат во Генералниот секретаријат – Владата се користела како штаб на СДСМ appeared first on Република.

„Јанушев има стан, и истиот тој стан кој што е пријавен пред повеќе од година ипол значи се уште додека сегашната опозиција беше на власт и дека додека имаше нешто нелегално или спорно околу тој стан веројатно немаше денеска да седам овде и ниту да бидам генерален секретар на Владата“, истакна Игор Јанушев, член на ИК на ВМРО-ДПМНЕ во гостување во „Тема на денот“ на Сител телевизија.

Јанушев во своето гостување го приложи и својот анкетен лист додека бил директор во периодот на 2015-тата година кога за првпат имал обврска да го потполни. Потоа го покажа и анкетниот лист кога станал пратеник во Собранието на Република Македонија. И исто така го покажа и анкетниот лист кога стана Генерален секретар на Влада. И сите тие податоци се јавно достапни и може секој граѓанин на Македонија да ги види.

„Може многу лесно да се види што имал Јанушев, како се движела таа промена и што има сега. Се што поседувам е пријавено“, нагласи тој.

„Тоа што имотот е поклон од моите родители, не го менува фактот дека истиот е пријавен како што кажав на почетокот пред повеќе од една ипол година. И не гледам апсолутно никаков проблем. Впрочем ги повикувам институциите да проверат што е можно побрзо и да излезат во јавноста и да го затворат ова прашање“, рече Јанушев.

Јанушев додаде дека очекува од овие паразити кои сега го напаѓаат да соберат доволно храброст и доблест и да му се извинат.

„Освен дување на пердуви ова не е ништо друго“, појасни Јанушев коментирајќи ги нападите од страна на СДС.

The post Јанушев: Се што поседувам е пријавено, паразитите што ме напаѓаат нека соберат доблест и да ми се извинат appeared first on Република.

Новоизбраниот претседател на Владата, Христијан Мицкоски денеска ја презеде премиерската функција од досегашниот претседател на техничката Влада, Талат Џафери.

На влезот на зградата од Владата Мицкоски беше дочекан од своите блиски соработници Владимир Нелоски и Игор Јанушев, кои ќе имаат владини функции.

Нелоски ќе биде шеф на кабинет на премиерот, додека Јанушев се очекува да биде новиот генерален секретар на Владата.

The post Мицкоски пречекан од новиот шеф на кабинет и идниот генерален секретар appeared first on Република.

Резултатот не е изненадување. Ние кажавме дека ВМРО-ДПМНЕ ќе биде апсолутен победник на овие двојни претседателски и парламентарни избори. И она што впрочем се случи на вчерашниот ден на самото гласање ги потврди нашите тези, почнувајќи од лошото владеење во изминатите 7 години од страна на СДС, до катастрофалните стратешките грешки кои што ги правеа при водењето на државата, вели Игор Јанушев, член на ИК на ВМРО-ДПМНЕ во вечерашното гостување во емисијата Клан Дебата на ТВ Клан.

Јанушев посочи дека очекува уште поголема излезност во вториот круг на претседателските и парламентарните избори, потенцирајќи дека граѓаните се пред голема историска одлука во каква Македонија ќе живеат.

Да очекуваме дека ќе се зголеми излезноста, а со тоа и поддршката која што ќе дојде на наша страна. Така што да е период и кога се поврзани велигденските празници и први мај и многу луѓе сакаат тоа да го искористам, но мислам дека во моментот станува збор и за тоа се сите свесни во државата дека сме пред историска одлука за тоа во која насока ќе се движи Македонија. И не само во следните 4 години, туку буквално во која насока ќе се развива и на среден и на долг рок, рече тој.

Јанушев изјави дека криминалот и корупцијата се тема број еден во Македонија бидејќи секојдневно има скандали од страна ан владата на СДС и ДУИ.

Не можеш да направиш тема за криминал и корупција ако ја нема. Зошто не е тема криминал и корупција во Шведска или Данска. Значи тука криминалот и корупцијата е тема тука затоа што има секој ден по неколку скандали. Јас можам до утре да седам тука и да ги бројам скандалите, кажа Јанушев и додаде:

Во сите извештаи кои што постојат од било која релевантна меѓународна институција, вклучувајќи ги Извештаите на ЕУ криминалот и корупцијата е тема број еден во сите изминати години.

The post Јанушев: Резултатот не е изненадување, ние кажавме дека ВМРО-ДПМНЕ ќе биде апсолутен победник appeared first on Република.

Ја слушнав вчера најновата навреда на Стево, охрабрен, осилен, а во суштина исплашен како глувче мало и вели на професорката која за него е величина голема како Монт Еверест на Хималаите и недостасувало ГПС. Го гледам како се сили на жени, а пред Али Ахмети преде како маче, вели лидерот на ВМРО-ДПМНЕ Христијан Мицкоски на вечерашниот митинг во Кичево во рамки на претседателската кампања.

Мицкоски му порача на Пендаровски дека после избори и тешкиот пораз ниту ГПС нема да го пронајде.

Јас ќе му порачам да си го зачува ГПС бидејќи ќе му треба после изборот кој ќе му се случи најпрво на 24 април, а после тоа на 8 мај ќе не знае главата каде му е, нека си го чува ГПС-от барем да знае каде точно се наоѓа во тој момент - рече Мицкоски.

Мицкоски истакна дека Пендаровски се фалел дека изминатите 5 години не крадел, но го праша да каже како ја финансира неговата кампања, посочувајќи му дека во РЕК Осломеј се испорачуваат услуги три пати поскапи, дел од тие пари завршуваат во приватни џебови, а дел за финансирање на претседателската кампања на Пендаровски.

Она што е главна карактеристика со која што Стево се гордее и вели на полупразните плоштади вели барем не крадев, тоа било главна карактеристика и главен успех изминатите 5 години на Стево Пендаровски. И тука се поставува едно клучно суштинско прашање, добро Стево еве да те разбереме дека не си крадел, но со какви пари ти се финансира Стево кампањата за претседателските избори, вели Мицкоски и додаде:

Еве јас ќе ти дадам одговор за да не се мачиш, да не треба повторно да коленичиш во Зајас и да измеќариш пред Али и Артан. Има еден објект недалеку од Кичево, се вика РЕК Осломеј по три пати поскапи цени се испорачуваат услуги таму, дел завршуваат во приватни џебови, а дел ја финансираат твојата кампања. Ете така се финансира со криминални крадени народни пари кампањата на Стево Пендаровски!

The post Мицкоски до Пендаровски: По поразот на изборите, ниту ГПС нема да те пронајде appeared first on Република.

Она што е наведено во извештајот на Фридом хаус е се она што ВМРО-ДПМНЕ во изминатите неколку години го говори во јавноста, истакна пратеникот и член на ИК на ВМРО-ДПМНЕ Игор Јанушев во своето вечерашно гостување во емисијата „24 Анализа“ на телевизија 24.

За жал работите во државава се да буквално нема ниту еден кој може да каже дека еве од овој сегмент може да бидеме задоволни. Корупцијата цвета секаде од највисоко до најниско ниво, животниот стандард е на историско најлошо ниво, економската ситуација е исто така на најлошо можно ниво, слободата на медиумите исто така на најлошо ниво, здравство, образование без учебници, секој ден коруптивни скандали, секој ден случаи на се поголеми криминали и корупција и нормално дека ќе добиеме еден таков извештај - истакна Јанушев.

Јанушев потенцираше дека владата на СДС и ДУИ потрошила два мандата, а има уништување на секо поле.

Два цели мандати потрошија, државата ја задолжија дупло повеќе од тоа што беше кога дојдоа, буквално нема една работа да кажеме дека е подобро. Немаме клиничка болница, универзитетската болница во Штип е оставена таква каква што е руинирана, немаме 1км нов автопат, девастација на секое едно поле - вели Јанушев.

Во однос на коалициските капацитети, Јанушев посочи дека СДС нема коалициски капацитет, бидејќи прифаќаат се што ќе им кажат, како и дека ДУИ е партијата која ја води државата.

СДС нема коалициски капацитет, СДС нема кичма, прифаќаат се само за да дојде на власт. СДС не е партијата која ја води државата, туку ДУИ е партијата која ја води државата - вели Јанушев.

Тој истакна дека ВМРО-ДПМНЕ по завршувањето на изборите ќе има толку голема разлика на пратеници.

ВМРО-ДПМНЕ по завршување на изборите ќе има толку голема разлика на пратеници да не е прашањето дали ние имаме коалициски капацитет туку прашањето ќе е дали ние сакаме со одредени партии да коалицираме или не - потенцираше Јанушев.

The post Јанушев: Дека во Македонија царуваат криминалот и корупцијата, потврди и Фридом хаус appeared first on Република.

Јас го кажувам тоа што го мисли секој граѓанин во Македонија, а тоа е дека проблемот лежи во неспособноста  на СДС и на владата која што, впрочем, и ги генерираше проблемите и тие се тие, СДС и ДУИ кои што ја создадоа паниката со личните документи, вели пратеникот и членот на Извршниот комитет на ВМРО-ДПМНЕ, Игор Јанушев во „Клик плус“ на Тв21.

Тој додаде дека во периодот на формирање на техничката влада имаше повеќе од милион и 300 илјади македонски граѓани кои што беа без пасоши, а тврдењата на власта дека ВМРО-ДПМНЕ сега е на власт и треба да го реши проблемот, се приказни за мали деца.

“Јас ги разбирам СДС, свесни се за поразот и дека ВМРО-ДПМНЕ ќе биде само за два месеци на власт. Во овој момент, за жал, државата сеуште ја води оваа криминално рекетарска банда на СДС и ДУИ и единствениот виновник за проблемот со личните документи се само и само оние кои што ја водат државата изминатите години. Во недостиг на било какви аргументи, во недостиг на било какви факти, во недостиг на било какви други бројки од тоа што имавме прилика да го видиме во изминатиот период, единствена реторика која што му останува на СДС е да зборува дека ВМРО е виновно- рече Јанушев.

Додаде дека поранешниот министер за внатрешни работи, две и пол години порачувал обрасци со старото име иако бил свесен дека валидноста на истите ќе биде до февруари месец 2024 година.

„Не може тој човек да не сноси никаква одговорност кога свесно ја донел целокупната  јавност во една ситуација на манипулација. Не само што граѓаните не можат да патуваат, не само што ги направија затвореници во сопствената држава и ги ставија во притвор, туку предизвикаа и сериозна материјална штета“, истакна Јанушев.

Тој додаде дека јавното обвинителство треба да постапува и по допрен глас, посочувајќи дека кога ја поднесуваше кривичната пријава рече дека ова е сериозна проба  за новиот избран јавен обвинител да покаже, дали е марионета во рацете на власта или навистина заслужува да ја извршува таа функција.

„Месец дена подоцна доаѓаме до заклучок, барем од ова до сега, дај Боже да сум грешка во моето тврдење, дека е марионета во рацете на СДС и ДУИ“, потенцираше Јанушев.

The post Jaнушев: Јавниот обвинител еден месец не постапува по кривичната пријава за хаосот со личните документи, се покажува дека е марионета на СДСМ и ДУИ appeared first on Република.

Игор Јанушев, пратеник и член на ИК на ВМРО-ДПМНЕ оствари средба со Претседателот на Собранието на Австрија, г-дин Волфганг Соботка.

-Со Претседателот на Собранието на Австрија, г-дин Волфганг Соботка разговаравме за претстојните Претседателски и Парламентарни избори во Македонија. Исто така, г-дин Соботка се интересираше за проблемот наметнат од Бугарија, при што го информирав за ставот на ВМРО-ДПМНЕ дека за нас е неприфатливо прифаќањето на бугарскиот диктат и дека новата влада предводена од ВМРО-ДПМНЕ интензивно ќе работи на надминување на сите пречки на патот кон ЕУ и решавање на отворените прашања во духот на меѓународното право и познатите практики на реципроцитет и достоинствено решение кое ќе биде прифатливо врз основа на заемно почитување.
На тој план потребна е взаемна волја и отворена и чесна дискусија, без еднострани ултиматуми.

The post Јанушев-Соботка: Новата влада предводена од ВМРО-ДПМНЕ интензивно ќе работи на надминување на сите пречки на патот кон ЕУ appeared first on Република.

ВМРО-ДПМНЕ денес поднесе кривична пријава против лицето Оливер Спасовски, кој како поранешен министер за внатрешни работи е лично и директно одговорен за хаосот со личните документи, истакна Игор Јанушев од ВМРО-ДПМНЕ.

Тој ја покажа кривичната пријава, која што беше поднесена во Јавното обвинителство.

Оливер Спасовски кој што кажував во својство на министер за внатрешни работи во период од околу 2 ипол години издавал лични документи кои што знаел и бил свесен дека нивната важност нема да биде во рок отколку што е ставен во документите туку истите ќе престанат да важат на 12.02.2024 година. Имено, тој овој период од 12.02.2019 па се до средината на 2021 година тој свесно и директно раководејќи со Министерството за внатрешни работи кои што впрочем ги издаваат овие документи нанесува штета на десетици илјади граѓани. И таа штета е и материјална и нематеријална штета. Две ипол години тој ја донесува македонската јавност, граѓаните на Република Македонија во заблуда со ова негово постапување. Впрочем тој врши злоупотреба на службената положба и овластувања, и несовесно работење во службата - рече тој.

Оваа кривична пријава се заснова на прекршување на членовите 353 став 1 и 353-в став 5 од Кривичниот закон.

Очекуваме од Јавното обвинителство да ја прифати кривичната пријава поднесена од ВМРО-ДПМНЕ и да отвори истрага за Оливер Спасовски бидејќи одговорност во оваа држава мора да има. Апелираме и очекуваме дека новоизбраниот Јавен обвинител на Република Македонија ќе покаже дека е професионалец, а не дека е продолжена рака на власта во заминување на СДС и ДУИ– рече Јанушев.

The post ВМРО-ДПМНЕ со кривична за Спасовски: Издавал лични документи чиј рок знаел дека ќе заврши порано, нанел материјална штета на десетици илјади граѓани appeared first on Република.

Оливер Спасовски и Димитар Ковачевски се креаторите на хаосот со роковите на важење на личните карти и возачките дозволи со тоа што свесно ги довеле граѓаните во трошок и им нанеле материјална штета.Имено, иако Спасовски и Ковачевски знаеле дека од февруари 2024 години личните карти и возачките дозволи нема да важат, само заради договорот кој тие го потпишаа решиле да ги издаваат документите, oбвини Игор Јанушев.

И Спасовски и Ковачевски до пред месец дена лажеа дека граѓаните нема да плаќаат казни доколку имаат возачки дозволи со Република Македонија, за вчера да мораме да одржиме итна седница во Собранието за да го спречиме хаосот кои тие го создадоа со донесување на законски измени поднесени од Министерот за внатрешни работи.Двоецот на СДС – Спасовски и Ковачевски нанесоа материјална штета на десетици илјади граѓани. СДС знаеле дека личните документи нема да важат и свесно молчеле за да не бидат предмет на критика од народот.

Го повикуваме ЈО да постапува согласно закон и да поведе постапка, но и Народниот правобранител да ги заштити граѓаните кои ги извадиле соодветните документи.

Очекуваме од ЈО и Народниот правобранител да поведат постапка против Спасовски и Ковачевски и владата во целост, која ја довела целата нација во заблуда и материјален трошок.

Загрозени се основните човекови права, и само заради власта во заминување на СДС и ДУИ голем број на граѓани не можат слободно да се движат надвор од Република Македонија, а да не беа законските измени на предлог на ВМРО-ДПМНЕ во целост ќе беше блокиран и внатрешниот сообраќај.

Спасовски и Ковачевски мора да се соочат со одговорност. Никогаш не било полошо. Важно е да ги поразиме.

The post Спасовски и Ковачевски се креаторите на хаосот со роковите на важење на личните карти и возачките дозволи appeared first on Република.

Она што е најстрашно што денес на не цели 3 месеци до изборите, наместо да разговараме на седница да се пополни слободното место во ДИК за да имаме фер и демократски избори, за да имаме избори на кои нема да се фрли дамка, повторно имаме циркус и од кога ако не, од техничкиот премиер. Го гледавме со годи како прави циркус како претседател на Собранието, сега циркузот го продолжува и во влада, вели Игор Јанушев, пратеник и член на ИК на ВМРО-ДПМНЕ на денешната седница на која се дискутира за именување на двајцата министри за здравство и информатичко општество.

Јанушев потсети дека согласно законот за влада односно член 43 оваа влада е преодна за организирање на фер и демократски избори.

Член 43 од законот за влада 100 дена пред одржување на избори на пратеници, а по претходна оставка од претседателот на владата, собранието избира нова преодна влада за спроведување на избори за пратеници. Толку. Значи оваа влада која постои сега која ја предводи техничкиот премиер, е со една и единствена цел а тоа е да се спроведат изборите на фер и демократски начин, рече тој и додаде дека не му е јасно како предлогот за министер за здравство ќе влијае за одржување на фер избори преку министерството за здравство.

Како Демири, инфектолог по професија и секоја чест за неговото професионална биографија ќе придонесе преку министерството за здравство да се спроведат фер и демократски избори, требаше да ни одговори техничкиот премиер кој денеска не говорница не гукна. Можевте барем да ни одговорите на чиј предлог е, го предлага СДС, ДУИ или пак некој од крилата. Како дојдовте до овој предлог, некој ви го јави по телефон, можевте да излезете и да кажете.

Јанушев истакна дека предлогот за министер за информатичко општество и администрација има најголемо работно искуство како советник за маркетинг.

Или она што е поинтересно како Бајрами кој што е дипломиран политиколог со најголем дел од своето работно искуство како советник за маркетинг ќе помогне во тоа да се спроведат фер и демократски избори во соодветно министерство. На ова прашање мислам дека одговор нема никој а најмалку техничкиот премиер, објасни Јанушев.

Јанушев им порача дека на изборите ќе ги збришат за целиот хаос и лагите со патните исправи, здравството, образованието, лагите за наводна изградба на 1300 километри патишта.

Ќе ве збришеме за хаос што го направивте со лични карти и пасошите. Ќе ве збришеме затоа што лажевте за двојното убиство, затоа што напаѓавте медиуми и новинари, затоа што не набавувате лекови и лажевте за изградбата на Клиничкиот центар, затоа што молчевте и лажевте за губењето на податоците од фондот, затоа што не исплаќавте пари на лекарите и им се заканувавте на специјализантите дека ќе им ги прекинувате договорите, затоа што лажевте дека сте изградиле 1300 километри патишта, ќе ве збришеме за хаосот во образованието и немањето на книги за децата, за хаосот во министерството за култура, и за целокупниот хаос кој што го оставивте во државата, изјави тој.

Јанушев и порача на власта дека после изборите дел од нив ќе останат запаметени како најнеспособни, дел ќе бидат заборавени, а голем дел ќе завршите по затворите за криминалите и предавствата.

Крајот не ви е блиску, туку крајот ви е дојден и само ќе ве потсетам што точно ви кажав пред точно 1 година. Дел од вас колеги ќе останете запаметени како најнеспособните, добар дел ќе бидете заборавени, а да дел ќе завршите по затворите за криминалите и предавствата кои што ги правевте, нагласи Јанушев.

На крај Јанушев кажа дека бидејќи ЈО не реагира, ВМРО-ДПМНЕ следните денови ќе поднесе соодветна пријава до Спасовски кои изминатите 5 години нарачувал и пуштал во промет стари обрасци за кои знаел дека нивната важност е до 12 февруари.

Бидејќи ЈО не постапува во текот на следните денови ВМРО-ДПМНЕ ќе поднесе соодветни пријави за тој што во изминатите 5 години, а нарачувал и пуштал во промет стари обрасци и овозможил изработка и издавање на лични документи со важност долга од 12февруари, иако знаел дека важноста на истите е до овој датум, заклучи Јанушев.

The post Jaнушев со порака до власта: Ќе ве згазиме на избори за хаосот што го направивте со личните документи appeared first on Република.

Поради неодговорноста и измеќарскиот однос на СДС, граѓаните се доведени во ситуација да бидат во притвор во сопствената држава. Имено, изминатите години, надлежните институции, пред се МВР предводено од Спасовски, свесно работеле против интересите на државата и граѓаните, за сега да има целосен крах во издавањето на патни исправи поради што граѓаните не можат да ги остварат своите основни слободи и права, вели Игор Јанушев, пратеник и член на ИК на ВМРО-ДПМНЕ.

Ова е директно нарушување на човековите и граѓанските права на секој поединец во Македонија, затоа што некој ја злоупотребил својата должност и несовесно работел во службата. Оливер Спасовски е директно одговорен за ова, бидејќи со години наназад набавувал обрасци за лични и патни исправи и истите ги издавал, иако бил свесен дека тие ќе станат неважечки пред истекот на нивниот рок на важност. Со тоа, Спасовски не само што го оштетил државниот буџет, туку ги оштетил и граѓаните кои денес се соочуваат со ограничување на движењето и материјална штета. За ова ВМРО-ДПМНЕ во име на сите граѓани ќе побара кривична одговорност од Оливер Спасовски, затоа што граѓаните кои извадиле пасош во период од 2018 година па до денес, а на кои државата не им издала соодветна патна исправа, се директно оштетени и доведени во омаловажувачка позиција да не можат да ги уживаат своите права, вели тој.

Воедно во име на сите граѓани, ВМРО-ДПМНЕ ќе поднесе и тужба со цел обештетување на граѓаните кои свесно од страна на ова влада на ДУИ и СДСМ беа изложени на непотребни финансиски трошоци.

Ова покажува дека оваа власт на ДУИ и СДС е жив зијан за граѓаните. СДС и Ковачевски треба да се засрамат и да им се извинат на граѓаните за овој хаос. Најмалку што може да направат е да ги прифатат измените на законите за лични документи и за безбедност во сообраќајот во итна постапка во Собранието, како прв чекор, за да ја ублажат катастрофата кои ја предизвикаа, велат од ВМРО-ДПМНЕ.

https://youtu.be/ZKA9XTTdZh0?si=Q7Vlmx5KnmYO9TBy

The post Јанушев: ВМРО-ДПМНЕ ќе поднесе тужба за Спасовски appeared first on Република.

Државните пари како грантови или државна помош наместо кај граѓаните и фирмите низ фер постапка, завршуваат кај фирмите на семејствата на врвот на власта.5 милиони, од вкупно 6-те милиони денари државни пари за грантови од ФИТР завршиле кај две фирми на Дрин Ахмети, внук на Али Ахмети, познатиот талентиран бизнисмен кој ја презема Соравиа без вложен денар, бара Игор Јанушев.

Тор индустрис, фирма во целосна сопственост на Дрин Ахмети, добила околу 32.000 евра за проектот насловен како „3D modeling and scanning of infrastructure design“, а втората негова фирма Еверест ЏД добива 50.000 евра за проектот „Data management Efficiency System“. Вкупно 82.000 евра од ФИТР управуван од кадарот на ДУИ – Фестим Халили, за внукот на неговиот партиски шеф, Дрин Ахмети.

https://www.youtube.com/watch?v=lCTs0nQfpnw&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Ако за двата проекти се доделени 5 милиони денари, а вкупно биле предвидени 6, нејасно е дали воопшто некоја друга компанија добила пари од ФИТР за проекти по овој јавен конкурс.

За ова, ВМРО-ДПМНЕ говори веќе подолг период наназад, и први во јавноста отворивме случај како семејството Ахмети се богати на грбот на народот. Оттука, ја поздравуваме одлуката на ДКСК да отвори предмет за Дрин Ахмети.

Апелираме до владата итно да го разреши директорот на Фондот за иновации и технолошки развој, Фестим Халили, како и сите членови на Управниот одбор и Комитетот за одобрување на инвестиции.

Воедно, го повикуваме ЈО да отвори постапка по однос на Дрин Ахмети и добивањето пари од ФИТР, особено ако се земе во предвид фактот што го констатира и ДКСК, а тоа е промената на роковите за проектот и неизвршениот надзор за сработеното, а предвидено во проектот.

Поразително е што ова однесување е пракса на ФИТР и уште еден показател зошто немаме држава, уште еден показател за тоа дека никогаш не било полошо и зошто е важно да ги поразиме!

The post Јавното обвинителство да отвори истрага за грантовите од ФИТР на Дрин Ахмети appeared first on Република.

Игор Јанушев од ВМРО-ДПМНЕ преку статус на Фејсбук пишува дека по битката од седум години низ судските лавиринти е конечно слободен граѓанин на Македонија.

„После долги 7 години мое лично соочување со политички прогон и малтретирање од страна на т.н. независно или “како пупка отворено” обвинителство и судство, пред мене имам чисто досие. Во овој момент, после сите нивни сценарија кои пропаднаа, јас гордо можам да кажам дека повторно сум слободен граѓанин на Република Македонија!

Сите овие години одлучив да молчам додека тие зборуваа невистини, а да зборувам кога тие ќе молчат пред вистината и правдата! За овој монтиран случај против мене, во интерес на јавноста ќе го споделам следното:

Согласно тендерската документација потребни се минимум 21 бод за компаниите да се квалификуваат во II фаза! И покрај тоа што сум единствен од комисијата кој дава доволно бодови за двете компании да се квалификуваат, со што се овозможуваат услови компанијата со пониска цена да го добие тендерот и иако овој доказ (кој денес прв пат јавно го објавувам) од буквално првиот ден им беше познат и на обвинителката, а и на судијата, решија да го игнорираат! Понатаму, нема да коментирам …”

За крај, само ќе додадам дека иако одлучија да играат валкано и подло, на погрешен човек одлучија да ја покажат моќта и силата!“, стои во неговиот пост на Фејсбук.

The post Јанушев по седум години конечно ја доби правната битка и е слободен граѓанин appeared first on Република.

Она што вчера се случи во Собрание беше циркус, во однос на славењето и триумфализмот. Тоа е една политичка и лична неизживеаност. Зборуваме за партија која 22 години е на власт, а цели шест години раководи со државата. Сега нешто во јавност покажуваат дека нешто Бог знае што се случило и од тоа се прави театар. Секој има право да прави тоа што сака – се виде во државата, рече пратеникот на ВМРО-ДПМНЕ, Игор Јанушев за вчерашното гласање на техничката влада и славењето на ДУИ.

Според него,пиењето, пушењето и пеењето што вчера се случувале во Собранието е „небаре мислиш Македонија освоила Светско првенство во фудбал“.

Јанушев посочи дeка од оваа техничка влада не може да се очекуваат реформи, бидејќи оваа е преодна влада од 3 месеци која ќе има за цел да го организира изборниот процес.

Ова е техничка влада која има за цел да организира фер избори. Од оваа влада ние не можеме да очекуваме реформи, ниту да ја води државата, туку ќе биде за организирање на изборниот процес, изјави Јанушев во емисијата „24 анализа“.

Тој нагласи дека не може да се согласи со изјавите дека Џафери немал скандали и афери, потсетувајќи дека речиси на сите собраниски седници го прекршил Деловникот за работа на Собранието, како и дека ги навредувал вработените собраниски службеници за кои слушна целата јавност.

The post Јанушев: Она вчера во Собрание беше циркус, една политичка и лична неизживеаност appeared first on Република.

Игор Јанушев, пратеник од ВМРО-ДПМНЕ во своето гостување во емисијата „Заспиј ако можеш“ зборуваше за програмата со која ВМРО-ДПМНЕ ќе излезе на изборите и ќе даде една насока на граѓаните што планира ВМРО-ДПМНЕ да работи.

Јас искрено верувам и искрено се надевам дека и со програмата со која што ќе излеземе на изборите ќе има еден добар сегмент кој што ќе даде насока на граѓаните што планираме да правиме. Но многу побитно е дека по формирање на новата влада дека буквално од првиот ден ќе мора и те како да се засукаат ракавите и сите овие работи кои што ги гледаме како едноставно не можеме да се помириме и да живееме со тоа бидејќи едноставно не се живее. Каде и да отидеш едноствано треба да се јавиш на некој, за било која работа да треба да ја завршиш мораш да побараш некој, значи едноставно мислам дека сите во државата сакаат да можат да одат да си извадат извод, да си платат данок, било што без да треба да му се јават на некој, односно да му биде достапно онака како што треба да биде - рече Јанушев.

Јанушев во текот на своето гостување рече дека наредната 2024 година ја гледа како година на рестарт за многу работи во државата.

Јас ја гледам 2024 година како година за рестарт за многу работи. Добро е што се вразумија или може ги вразумија да одиме на еден изборен циклус, добро е што конечно по сите циркузи во јавноста се договори датумот за избори. Годината очекувам да почне помалку или повеќе бурно, нели ќе поминат овие празници и ќе дојдеме на некои 10 дена пред избор на техничка влада, само што ќе пројде изборот на техничка влада кон крајот на февруари ќе треба да се распушти Собранието и де факто ќе влеземе во кампања, со оглед на тоа дека почетокот на април и официјално ќе започнат кампањите. Сигурно дека и во текот на март и те како ќе се тера тој предизборен период - рече Јанушев.

Тој на крај заклучи дека јасно е дека ВМРО-ДПМНЕ ќе ја превземе власта и дека за многу брзо време ќе се осетат првите сегменти на подобро во делот на економијата, животниот стандард, инвестициите и така натаму.

Ќе дојдат изборите, ќе завршат, не мора да се прават анкети и да се гледаат анкетите, се знае дека ќе има промени и ќе дојдат тие промени и се надевам дека нема да се изгуби многу време после 8 мај и дека за многу скоро ќе се формира и нова влада и на таа нова влада ќе и остане еден добар период од 6 месеци до крајот на годината, за да можеме да седнеме пак при крајот на следната година и да констатираме што во 2024 година се случило, а се надевам дека ќе биде така. Се надевам ќе има неколку работи кои што ќе кажеме еве овие работи се за поздрав и дека треба да се продолжи така. Сигурен дека првите сегменти во кои ќе може да се осети ќе биде делот на економијата, инвестициите, животниот стандард - порача тој.

The post Јанушев: Јасно е дека ВМРО-ДПМНЕ ќе ја преземе власта и за многу бргу време граѓаните ќе осетат подобрување во сите сегменти appeared first on Република.

Пратеникот Игор Јанушев на социјалените мрежи објави видео од хаосот на скопските булевари.

На снимката се гледа дека гужвата ја прави полицијата и возилата од владината придружба.

https://republika.mk/vesti/skopje/alo-skopje-vo-guzhva-sum-ke-te-baram/

The post Еве кој ја прави гужвата на скопските улици appeared first on Република.

Во последните десет години има прилично зголемување на корупцијата и во Македонија има епидемија на корупција – оцени американската амбасадорка Анџела Агелер, вели Игор Јанушев.

8 од последните 10 години СДС&ДУИНГ се на власт, претходните 2 имаше техничка влада во која исто така беа СДС&ДУИНГ, а во целиот овој 10 годишен период Министер за внатрешни работи е Оливер Спасовски!

Корупцијата и криминалот во Македонија немаат само име и презиме, имаат и средно име – ДУИНГ&СДС&СПАСОВСКИ!

The post Корупцијата и криминалот во Македонија немаат само име и презиме, имаат и средно име – Дуинг-СДСМ-Спасовски appeared first on Република.

Игор Јанушев од ВМРО-ДПМНЕ, преку статус на Фејсбук пишува дека со СДСМ и ДУИ има епидемија од корупција во земјава.

Во последните десет години има прилично зголемување на корупцијата и во Македонија има епидемија на корупција – оцени американската амбасадорка Анџела Агелер.

8 од последните 10 години СДС&ДУИНГ се на власт, претходните 2 имаше техничка влада во која исто така беа СДС&ДУИНГ, а во целиот овој 10 годишен период Министер за внатрешни работи е Оливер Спасовски!

Корупцијата и криминалот во Македонија немаат само име и презиме, имаат и средно име – ДУИНГ&СДС&СПАСОВСКИ, стои во неговиот пост на Фејсбук!

The post Јанушев: Со СДС и ДУИ има епидемија од корупција appeared first on Република.