Никакво придвижување на екстрадицијата на Алил Демири и Африм Исмаиловиќ кои се доживотно осудени за случајот ,,Монструм” за петкратното убиство кај Смилковското езеро.

„Чекаме“ – одговори денеска изјави министерот за правда, Игор Филков запрашан до каде е екстрадицијата. Тој потсети дека за тоа разговарал со неговата косовска колешка при последната меѓувладина седница меѓу Македонија и Косово.

-Таму процедурата е во тек и го чекаме исходот во секој момент. Кога ќе дознаеме, ќе дознаете и вие, кажа Филков.

Пред десетина дена, косовскиот премиер Албин Курти истакна дека ова е прашање и за судовите и јавните обвинителства на Македонија и Косово.

-Ние сме во ситуација кога имаме наследено старо прашање и тоа налага законски и судски третман за што нашите двајца министри даваат нивен максимум за што поскоро са се реши. Да им дадеме уште малку време да го решат и да се погрижат за проблемот, кажа Курти на заедничката прес-конференција со неговиот македонски колега Христијан Мицкоски.

Летово Министерството за правда повторно бара екстрадиција од Косово. Барањата се веќе доставени до Министерството за правда на Косово и се уште се чека одговор од нивна страна.

Последен пат, нивна екстрадиција беше побарана во 2018 година. Во 2021 година косовските власти ја одбија екстрадицијата за Исмаиловиќ, а за Демири немаше одговор. Министерот за правда Игор Филков штом стапи на функцијата изјави дека Демири и Исмаиловиќ не се гонат за други кривични дела во Косово.

Во судскиот процес за случајот познат како „Монструм“, на доживотен затвор беа осудени Алил Демири, Африм Исмаиловиќ и Агим Исмаиловиќ. Обвинетиот Фејзи Азири доби 15 години затвор, а Хаки Азири 9 години. Ослободителна пресуда поради недостиг на докази доби единствено обвинетиот Сами Љута. Исмаиловиќ и Демири се обвинети дека се двајца од тројцата непосредни извршители на убиствата кај Смилковско езеро.

The post Правда сè уште чека исход од Косово за екстрадицијата на Демири и Исламиловиќ appeared first on Република.

Министерот за правда Игор Филков остварил билатерална средба со еврокомесарот за правда Дидие Рејндерс, на маргините на министерскиот форум ЕУ - Западен Балкан за правда и внатрешни работи кој се одржува во Будва.

Беше  изразена благодарност за напорите на Европската Унија за континуираната поддршка во процесот на пристапување и реформите. На средбата се разговараше за владеењето на правото, законодавната агенда и планираните реформи во правосудството кои се содржани во Развојната секторска стратегијата за правосудство ( 2024-2028), информира Министерството за правда.

Како особено значајна била посочена дигитализацијата која, како што наведува Министерството во соопштението, „треба да овозможи напредок и побрз, потранспарентен и поефикасен начин на функционирање кој значително ќе придонесе за развој на општеството“.

The post Министерот Филков на средба со еврокомесарот Дидие Рејндерс appeared first on Република.

Институтот помилување е многу битна работа во државата. Не смееме да дозволиме да биде предмет на дневнополитички игри и препукувања, а нас тоа ни се случува. Еднаш веќе осудени лица теба да ги пратиме на ресоцијализација. Не можеме повторно да ги судиме во јавноста, изјави денеска министерот за правда Игор Филков одговарајќи на новинарски прашања во врска со помилувањето затвореници, по посетата на Казнено поправниот дом од отворен вид Струга.

Тој појасни дека Министерството за правда не помилува, туку може да даде само препорака за намалување на казната од еден до шест месеци. Потоа, додаде, таа препорака оди кај Претседателката, односно кај Комисијата. Министерството, нагласи, има еден член и тој нема право на глас, односно не гласа.

Како министер за правда забележа дека е потребно освежување на Комисијата која носи одлуки за помилување.

Во однос на препукувањата на релација Вишо Републичко обвинителство и Државниот виш обвинител, кажа дека е во тек со случувањата.

– Будно ја пратиме работата, но во овој момент навистина не би имал што да коментирам. Да почекаме да видиме што ќе се случи, изјави Филков.

The post Филков: Потребно е освежување на Комисијата за помилување appeared first on Република.

Изминатиот период Министерството за правда интензивно работеше на обезбедување и реализација на повеќе активности со цел за завршување на процесот од административно-технички и правен карактер за отпочнување на Комисијата како независен субјект со својата работа.

Министерот за правда Игор Филков смета дека ова претставува важен исчекор кон обезбедување на подобра заштита на човековите права за жртвите на кривични дела со насилство. Со ставањето во функција на канцеларијата за Комисијата за паричен надоместок на жртви од кривично дело со насилство, се создаваат услови оваа комисија да функционира како независно тело со својство на правно лице.

Иако Законот за исплата на паричен надоместок на жртви од кривични дела со насилство стапи на сила на 25.11.2022 година, а започна да се применува од 25.05.2023 година, еве денеска, цели 17 месеци по примената Министерството за правда обезбеди услови за започнување со работата на Комисијата за паричен надоместок на жртви од кривично дело со насилство формирана на 13.02.2024 година. Целта на овој закон е да се обезбеди паричен надоместок на жртвите од кривични дела сторени со насилство како помош од страна на државата, согласно со начелото на општествена солидарност и да се спречи секундарна виктимизација како дополнително страдање што жртвите можат да го претрпат од односот на надлежните органи, рече Филков.

Претседателката на Комисијата за паричен надоместок на жртви од кривично дело со насилство, Цветанка Периќ упати благодарност до Министерството за правда за напорите да се обезбедат услови за непречено работење и најави дека на наредната седница ќе се отпочне со постапување по предмети.

The post Филков: Овозможивме жртвите од кривично дело со насилство да добијат паричен надоместок appeared first on Република.

Министерот за правда, Игор Филков, стои зад вчерашните изјави дека неговиот претходник, Кренар Лога, пред да замине од функцијата со себе го зел класифицираниот документ со препораките за Судскиот совет изработен од оценската мисија на Европската комисија. Поранешниот министер Лога, по обвинувањето од Филков, на социјалните мрежи објави дека писмото е добиено по електорнски пат, а го добиле и останатите институции, а делот што бил класифициран само за министерот, е архивиран од службено лице во Министерството.

„Се што имав да кажам во врска со работата на мојот претходник кажав вчера и стојам зад тоа. Ја разбирам неговата нервоза, меѓутоа понатамошниот дијалог ќе се одвива пред надлежните органи“, кусо рече министерот Филков одговарајќи на новинарски прашања по отворањето на канцеларијата на Комисијата за парична помош на жртви од кривично дело со насилство.

Лога вчера објави дека два дена по назначувањето на Филков, неколкупати го побарал за средба телефонски, преку СМС пораки и преку Кабинетот од каде го известиле дека тие ќе го побараат за средба, до која се уште не дошло.

The post Филков: Ја разбирам нервозата на Лога, понатамошниот дијалог ќе се одвива пред надлежните органи appeared first on Република.

Многу споменуваниот документ за препораките на Оценската мисија на ЕУ не е на располагање во Министерството, изјави денеска министерот за правда, Игор Филков, за време отчетотот за „Стоте дена Влада“ дека. Според него кога си заминувал од функцијата неговиот претходник, Кренар Лога, го зел со себе документот.

Голем предизвик за нас е фактот дека Министерството за правда не располага со толку споменуваниот документ со препораки за Судскиот совет на Оценската мисија на ЕК. Иако се работи за документ кој е класифициран, истиот е земен од мојот претходник и Министерството за правда не располага со него. Сега се снаоѓаме како знаеме, се потпираме на електронски верзии на дел од документите кои ги содржат препораките. Но без официјално образложение и без допис од ЕК - обвини Филков, кој најави дека за документот на Оценската комисија ќе одржи посебна прес конференција и ќе бара одговорност.

Актуелниот министер за правда вели дека затекнал девастирано Министерство. Тврди дека целосно бил испразнет кабинетот од документација, а место тоа нашол по 200 парчиња маици, чадори и чаши за кои фактурите не биле платени. Му биле оставени тој да ги плаќа. Имало и фактури за плаќање за лаптопи, телефони и електрични скутери, но не и документација за кого се набавени. Затекнал и нефункционален возен парк.

Филков, на денешната прес конференција најави зголемување на старосната граница за пензионирање на судиите. Тој појасни дека законското решение ќе мора да се донесе во најскоро време, со оглед дека судството може да се соочи со проблем.

Имаме реален проблем и работиме на измените. Мислам дека предложената граница ќе биде 67 години и ќе важи за сите судии - појасни Филков, одговарајќи на новинарски прашања.

Недостигот на судии во македонските судови влијае на квалитетот на пресудите. Голем дел од судовите работат со помалку од една третина од предвидените судии. Тоа значи повеќе работа за секој судија, трупање предмети, одолговлекување на пресудите.

Тотален колапс на судството ќе има за околу 10 години ако продолжи ова темпо на одлив на судии и неизбирање нови – ова го покажала анализата на невладината „Коалиција сите за правично судење“, според која за 5 години, во пензија и нешто со разрешувања од судството заминале 177 судии, а биле избрани само 52 од дипломираните кандидати од Академијата за судии и јавни обвинители.

The post Лога го земал документот со препораките на Оценската мисија на ЕУ, обвини Филков appeared first on Република.

Многу споменуваниот документ за препораките на Оценската мисија на ЕУ не е на располагање во Министерството, изјави денеска министерот за правда, Игор Филков, за време отчетотот за „Стоте дена Влада“ дека. Според него кога си заминувал од функцијата неговиот претходник, Кренар Лога, го зел со себе документот.

„Голем предизвик за нас е фактот дека Министерството за правда не располага со толку споменуваниот документ со препораки за Судскиот совет на Оценската мисија на ЕК. Иако се работи за документ кој е класифициран, истиот е земен од мојот претходник и Министерството за правда не располага со него. Сега се снаоѓаме како знаеме, се потпираме на електронски верзии на дел од документите кои ги содржат препоракиите. Но без официјално образложение и без допис од ЕК“, обвини Филков, кој најави дека за докуметот на Оценската комисија тќе одржи посебна прес конференција и ќе бара одговорност.

Актуелниот министер за правда вели дека затекнал девастирано Министерство. Тврди дека целосно бил испразнет кабинет од документација, а место тоа нашол по 200 парчиња маици, чадори и чаши за кои фактурите не биле платени. Му биле оставени тој да ги плаќа. Имало и фактури за плаќање за лаптопи, телефони и електрични скутери, но не и документација за кого се набавени. Затекнал и нефункционален возен парк.

The post Филков: Лога си ja зел со себе целата документација, ги нема ни препораките на ЕК appeared first on Република.

Министерот за правда, Игор Филков најавува зголемување на старосната граница за пензионирање на судиите. На денешната прес-конференција по повод 100 дена Влада, Филков појасни дека законското решение ќе мора да се донесе во најскоро време, со оглед дека судството може да се соочи со проблем.

-Имаме реален проблем и работиме на измените. Мислам дека предложената граница ќе биде 67 години и ќе важи за сите судии, појасни Филков, одговарајќи на новинарски прашања.

Недостигот на судии во македонските судови влијае на квалитетот на пресудите. Голем дел од судовите работат со помалку од една третина од предвидените судии. Тоа значи повеќе работа за секој судија, трупање предмети, одолговлекување на пресудите.

Тотален колапс на судството ќе има за околу 10 години ако продолжи ова темпо на одлив на судии и неизбирање нови – ова го покажала анализата на невладината „Коалиција сите за правично судење“, според која за 5 години, во пензија и нешто со разрешувања од судството заминале 177 судии, а биле избрани само 52 од дипломираните кандидати од Академијата за судии и јавни обвинители.

The post Филков најавува зголемување на старосната граница за пензионирање на судиите appeared first on Република.

Министерот за правда Игор Филков , денеска во Охрид оствари билатерална средба со министерот за правда на Република Унгарија, Бенце Тузсон.

Министерот за правда Игор Филков ја потенцираше важноста на поддршката од Република Унгарија во процесот на пристапување на Република Македонија кон ЕУ. Унгарскиот колега, Бенце Тузсон посочи дека нашата држава мора да го следи патоказот во врска со пристапот кон ЕУ и да го забрза процесот на хармонизација на националните закони согласно со легислативата на ЕУ.
Министрите потенцира дека не постојат проблеми во однос на меѓународната правна помош во кривични и граѓански предмети меѓу двете држави.

Од страна на министерот за правда на Република Унгарија беше претставена измената на Унгарската национална легислатива и начинот на кој користат вештачка интелигенција во базата на податоци на закони и подзаконски акти.

Министерот на Република Унгарија Бенце Тузсон го покани министерот за правда Игор Филков во официјална посета на Будимпешта со цел да биде прикажана оваа новина во дигитализацијата на базата на податоци на закони и подзаконски акти.

The post Средба на Филков и Тузсон во Охрид appeared first on Република.

Министерот за правда Игор Филков оствари работна средба со амбасадорката на Грција во нашата земја, Софија Филипиду на која се дискутираше за одличната билатерална соработка која ја имаме во изминатиот период во различни области.

Се разговараше за реформите во правосудството, владеењето на правото, како и соработката на Академиите за судии и јавни обвинители на двете држави што ќе биде од големо значење за приближување на нашето со европското законодавство.

Грција ги подржува европските аспирации на Република Македонија и се подготвени да обезбедат стручна помош за олеснување на процесот преку организирање на работилници, официјални посети и средби на експертско ниво.

Очекувањата се да се интензивираат на напорите за целосно и доследно спроведување на Договорот од Преспа од страна на двете држави.

The post Филков: Грција е наш поддржувач на патот кон ЕУ appeared first on Република.

Министерот за правда Игор Филков, осврнувајќи се на состојбите во Судскиот совет посочува дека тој треба да биде независно тело кое во одлуките ќе се води од индивидуалната дисциплинска одговорност на членовите на Советот.

Реформите се потребни и како акти, конкретни активности, но и како менување на начинот на опсервирање и перцепција. Ние, Судскиот совет го гледаме како комплетно независно тело кое во одлуките се раководи токму од индивидуалната дисциплинска одговорност на членовите на Советот. Ние апелираме на нивната професионалност и посветеност на законските парадигми и токму во таа насока е и оваа реформа. Затоа, иницираме постигнување независност која што ќе произлезе токму од самите судии и обвинители, тие да ги изберат членовите и да ја понесат моралната, професионална и правна одговорност во тој избор. Во Судскиот совет не треба да влијаат предлозите од владата, од парламентот, од претседателот. Ние даваме простор, сега Судскиот совет, со самостојни одлуки, прво за својот состав, да ја потврди својата независност. Дадовме и време, но од нивна страна се уште нема никаков одговор, предлог или одлука. Сметам дека индивидуалната одговорност ќе има многу поголем ефект од колективната одговорност која пак може да не втурне во еден опасен лавиринт од кој ќе биде тешко да се излезе. Но, во моментов сите решенија се на маса и се бара најдоброто, вели Филков, во интервју за „Вечер“.

Во однос на прашањето, дали претседателката на Судскиот совет Весна Дамева доставила сет предлози за реформи, министерот за правда, Игор Филков одговори дека до овој момент тоа не е сторено, но дека се надева дека во перидот кој следи ќе се најде време за дијалог.

Потребата за реформи е очигледна. Нефункционирањето на правосудниот апарат го гледаат и го чувствуваат на своја кожа и граѓаните, посебно оние што се во самиот систем, суштински и правно. Се бараат реформи кои посебно се однесуваат на работата на Судскиот совет, нешто што и ние го увидовме, при евалуација и зголемување на транспарентноста на дисциплинските постапки. Дел од овие реформи се веќе планирани и што од сето тоа ќе биде спроведено, ќе зависи од анализата на функционалноста како систем. Официјална средба со претседателката на Судскиот совет, Весна Дамева, во рамките на Министерството за правда не е направена, но се надевам дека во периодот кој следи ќе се најде време за дијалог, потенцира Филков.

The post Министерот за правда: Во моментов сите решенија за Судски совет се на маса и се бара најдоброто решение appeared first on Република.

Министерот за правда Игор Филков во изјава за ТВ Канал 5 за случајот со Блерим Рамадани рече дека одлуката на судијата Пајазит Пајазити е неразбирлива и не е во согласност со досегашната пракса.

Последниот случај со поранешниот припадник на ОВК Блерим Рамадани, е еден од низата, во кој јасно се отсликува актуелната состојба во судството. Одлуката на судијата Пајазит Пајазити е неразбирлива и не е во согласност со досегашната пракса.

Истакна дека затоа и довербата на граѓаните во судството, правосудството и обвинителството е на рекордно ниско ниво.

-Оваа судска одлука е уште еден доказ дека се потребни неодложни реформски процеси во судството и правосудството и градење на еден систем во кој ќе има еднаква правда за сите. Во тој систем мора да доминираат вистински професионалци, а не партиски послушници.

Тој е изненаден што на денешната седница на Судскиот совет не се отвори и прашањето за случајот со Блерим Рамадани.

Очекував да бидат разгледани сите докази, аргументи и факти за одлуката на судијата Пајазит Пајазити. И секако, доколку бидат утврдени какви било неправилности и недоследности во постапката и процедурата или пак бидат утврдени влијанија при носење на судската одлука, истиот да биде санкциониран и разрешен од функцијата. Го повикувам Судскиот совет да одржи вонредна седница на која би се разгледало и ова прашање со цел во иднина да не ни се повторат исти или слични ситуации, рече Филков.

Судскиот совет денеска на итна седница донесе одлука да се формира Комисија што ќе ја констатира фактичката состојба по однос донесените одлуки од страна на Основниот кривичен суд Скопје, а поврзани со случајот на Блерим Рамадани кој избега од куќен притвор додека во тек беше екстрадициона постапка. Претседателката на Судскиот совет, Весна Дамева, на почетокот на денешната итна 495-та седница, изјави дека формално за ништо од овие случаи не е известена, но дека Судскиот совет има должност да реагира по допрен глас.

The post Филков: Одлуката на судијата Пајазити за Блерим Рамадани не е во согласност со досегашната пракса appeared first on Република.

Министерот за правда Игор Филков ја повлекува одлуката за давање на согласност за десеткратно зголемување на нотарската тарифа, која ја донел неговиот претходник Кренар Лога пред да замине од функцијата, информираше денеска на прес-конференција по брифингот со новинарите.

Филков иницирал постапка до Владата за анулирање на дадената согласност на тарифата што ќе претставува основа за неспроведување на донесената одлука. Според Филков, неговиот претходник преку скриен процес без да ја информира јавноста потпишал одлука со која од 1 септември нотарските услуги ќе се зголемеле за десет пати, но како што рече, ова нема да се случи.

Иницирав постапка за повлекување на одлуката за давање на согласност за зголемување на нотарската тарифа која ја донесе претходната Влада. Како што знаете, пред да замине од функција поранешниот министер за правда Кренер Лога, потпишал одлука со која од 1 септември ќе се овозможеше зголемување на услугите на нотарите за 10 пати. Ова нема да се случи. Затоа ќе ги повлечам измените за новата тарифа. Вака не се работи. Не смее народот да плаќа нешто 10 пати повеќе, односно не смее да се носат одлуки без да има широка дебата, без да слушнеме што мислат за тоа сите засегнати страни - рече Филков

Ваквата одлука, додаде, била донесена уште во февруари месец, но според него, се чекало да поминат изборите, по што на 5 јуни техничката Влада дала одобрение и на 11 јуни новите тарифи биле објавени во „Службен весник“.

За ова никој не ја информирал јавноста ниту преку официјални соопштенија, ниту преку прес-конференција, односно процесот бил скриен. Новите цени треба да важат од 1 септември и тоа нема да се случи. За промената на цената во кој било основ мора да има сериозна анализа. Мора да има утврдено потреба од сериозно зголемување како што предвидел поранешниот министер, кој од неразбирливи причини терал некоја агенда за поскапувањето. По повлекувањето на одлуката имам намера да отворам дебата и да разговараме што може да се направи, сѐ со цел да не бидат оштетени ниту граѓани, но ниту нотарите - рече Филков.

Вели по стапувањето на функција, со поддршка од пратениците иницирал да се направи анализа од страна на Парламентарниот институт, при што ќе се земат предвид нивните, но и аргументите на нотарите.

Во меѓувреме со поддршка на пратениците во овие месец дена инициравме да се направи анализа од страна на Парламентарниот институт при што ќе се земат предвид нивните, но секако и аргументите на нотарите - додаде Филков.

Во врска со реформите во Судскиот совет, Филков рече дека е подготвен за отворање на широка дебата, како и дека е на иста страна со премиерот Христијан Мицкоски и амбасадорите на Европската унија и САД.

Спремен сум да отворам широка дебата на оваа тема и ќе разговараме со стручната и со пошироката македонска јавност и ќе дојдеме до заедничко решение. Ние сите сме на иста страна и јас, и премиерот и нашите пријатели од Европа и САД - посочи Филков.

На брифинг со новинарите пред почетокот на прес-конференцијата, Филков рече дека Министерството веќе работи на измени и дополнување на Кривичниот законик, со што би се отстраниле последиците, од како што рече, наменски направените измени на Кривичниот законик во 2023 година.

Веќе работиме на измени и дополнување на Кривичниот законик со што ќе се отстранат штетните последици од избрзаните и политички наменски направени измени на Кривичниот законик во 2023 година. Очигледно и оправдана беше негативната јавна реакција на граѓаните, во делот на измените за случаите на корупција. Со други зборови никој да не биде гонет од порано и истите да не одговараат за стореното - рече Филков.

Прашан за имињата од работната група која ги прави измените и дополнувањето на Кривичниот законик, министерот рече дека во моментов не е спремен да ги каже, бидејќи во моментов се работи на измени на тоа тело.

Тоа не е функционално тело и не сметам дека ја имаат испорачано работата за која што биле ангажирани. Изменето е целото тело, и групата и формата. Значи не брои 35 луѓе, туку оние кои што ќе работат на измените се дел од истата група, но и нови членови, за кои што во моментов не сум спремен да зборам, но кога ќе закажам средба за КЗ-то ќе ги видите и имињата. Заедно со луѓето од кабинетот разговараме на тема да се формира функционална група која што може да биде оперативна и да се состанува почесто и да може да испорача резултати - рече Филков.

The post Нема да има десеткратно зголемување на нотарската тарифа: Филков ја повлекува одлуката на претходната влада appeared first on Република.

Министерот за правда Игор Филков денеска остварил средба со шефот на делегацијата на ЕУ во земјава, Дејвид Гир.

Се разговарало за состојбата со тековните и планираните реформски чекори во судството, евроинтегративните процеси, Стратегијата за реформи во правосудството 2024-2028,состојбата со Судскиот совет, затворите како и борбата против корупцијата и организираниот криминал.

Во однос на законодавната агенда која треба да се реализира во периодот кој претстои се планира отворање на широка јавна дебата на сите засегнати чинители во која ќе бидат слушнати мислењата на експертската и општата јавност со цел да се дојде до најдобри реформски решенија за реализација на програмските цели на Владата .

Како што соопштуваат од Правда, министерот Филков посочил дека во изминатите 10 дена откако ја презеде функцијата е информиран и целосно запознаен со процесот на преговори во делот на Поглавјето 23,, Правосудство и фундаментални права”, Планот за раст и 7-те цели од Реформската агенда, вклучување на невладините организации во дискусиите, како и активностите поврзани со реализација трите тековни проекти, еден од ЕУ и два од УСАИД.

Филков ја истакнал определбата дека спроведувањето на реформската агенда е приоритет на државата при што останува клучна поддршката од ЕУ за стабилноста на земјата со надеж за продолжување на билатералната соработка во духот на заедничките вредности.

The post Министерот за правда и евроамбасадорот разговараа за реформите во правосудството appeared first on Република.

Министерот за правда Игор Филков ја посети Казнено-поправната установа Идризово, по вчерашниот инцидент, кој се случи во затвореното одделение Амбуланта, каде беа повредени припадници на затворската полиција и затвореници.

Филков, како што информира Министерството за правда, во разговорот со директорот на затворот Зоран Јовановски, беше информиран за настанот, како и за проблемите со кои се соочува установата, пренатрупаноста, немањето соодветни просторни услови за сместување, недостигот на медицински персонал и лица задолжени за ресоцијализација.

- По извршениот претрес во одделението Амбуланта биле пронајдени 37 метални шипки, 21 дрвена рачка, 3 кабли, 12 шрафови, 15 ножеви, 4 шрафцигери, пластичен шприц со 2 игли, ножици, парчиња од скршено стакло и 3 полначи за мобилен телефон. При физичката пресметка предизвикана е поголема материјална штета, се вели во соопштението.

Во наредниот период потребно е да се донесат конкретни мерки за подобрување на состојбите и условите во затворите. Состојбата во затворите е алармантна. Ресоцијализација и рехабилитација со лоши услови во затворите не може да има, стои во соопштението.

Вчера во 13:10 часот во СВР Скопје од КПУ Затвор Идризово било пријавено дека околу 10:30 часот во затвореното амбулантно одделение во установата бил нарушен јавниот ред и мир со физичка пресметка меѓу повеќе осудени лица. Притоа со повреди се здобил Е.М.(26), додека С.Д.(43) и С.М.(29) се здобиле со повреди од остар предмет, по што биле пренесени во Комплексот клиники „Мајка Тереза“ за укажување на лекарска помош.

МВР соопшти дека се преземаат мерки за расчистување на случајот.

The post Филков во затворот Идризово по вчерашниот инцидент – пронајдени ножеви, шипки, дрвени рачки, кабли, шрафцигери, шприцеви и игли appeared first on Република.

Игор Филков ја презеде функцијата министер за правда, информираат од Министерството за правда.

Министерот, како што се вели во соопштението, најавил дека во својот мандат ќе преземе реформи во сферата на правосудството и засилување на борбата против криминалот и корупцијата, деполитизација на судството и обвинителството, враќање на довербата на граѓаните во правосудниот систем и владеење на правото.

Во периодот кој следи ќе се обрне поголемо внимание на измените на законите за Судски совет, за Јавно обвинителство, за Советот на јавни обвинители, спроведување на реформската агенда во рамки на процесот на имплементација на Планот за раст на Западен Балкан, Патоказот за владеење на правото кој ќе ги исцрта насоките на реформите и мерките до крајната цел-завршување на преговорите како и вклучување на земјите кандидати во Извештајот за владеење на правото како инструмент за рана детекција или превенција на предизвиците со владеењето на правото, се вели во соопштението од Правда.

Филков, кој е член на Извршниот одбор на Движењето ЗНАМ – „За Наша Македонија“, е роден во Скопје, каде и дипломира на Правниот факултет „Јустинијан Први“ на Универзитет „Св.Кирил и Методиј.

Тој на функцијата ќе го замени Кренар Лога, од редовите на Алијанса за Албанците, крилото на Зијадин Села, кој беше министер за правда од февруари 2023 година.

The post Игор Филков ја презеде функцијата министер за правда appeared first on Република.