Во специјалното божикно издание на „Нешто конкретно“, Игор Џамбазов отворено зборуваше за карактерот, за животот, квалитетите и за делата на неговата колешка и пријателка Весна Петрушевска, а за книгата „Гол човек“ призна дека му ги вратила сите пари што ги изгубил на коцка.

Раскажа и што сè му остана од големата љубов, која ја опиша како филмска.

Јас имав нешто што во книгите го нема, таква врста на наплив, на љубов, на среќа, на страст... и од сето тоа останаа пар фотографии, неколку поетични размислувања, една песна и спот, но сепак остана нешто, нашето беше баш како на филм - ние сме во најголема љубов ама нема да бидеме заедно, рече тој.

За себе смета дека е личност со најмалку хејтери во Македонија.

Кога можев да одам на одмор на Малдиви 4 месеца јас одев во Пехчево на рибник, а во Дојран можам да живеам со 500 денари на ден, раскажа тој.

Најконструктивна критика во животот ја добива од својата мајка која му рекла: „Тоа што луѓето те познаваат на улица не значи дека си добар глумец“. Го послушал и советот на својот дедо да не се појавува во телевизиските проекти „Македонски приказни“, а неговиот татко ги избришал броевите на сите автори што не дошле на неговата промоција на книга.

https://youtu.be/LoHZ-VTeaTY?si=S6ZYUFLQfo6VtlZ6

The post Џамбазов: Сè што изгубив на коцка вратив со „Гол човек“ appeared first on Република.

Познатиот македонски шоумен, Игор Џамбазов, соопшти дека го загубил својот најверен и секојдневен сопатник во животот, неговата мачка Емче.

Денес мојата Емче замина на небото. Најмилото сонце мое...“, напиша Џамбазов на својот Инстаграм профил.

 

View this post on Instagram

 

A post shared by Igor Djambazov (@igordzambazov)

Игор многу често споделуваше детали за животот со мачката и за начинот на кој таа внесува радост во неговото секојдневие.

 

View this post on Instagram

 

A post shared by Igor Djambazov (@igordzambazov)

 

View this post on Instagram

 

A post shared by Igor Djambazov (@igordzambazov)

The post Џамбазов сподели трогателна вест: Денес мојата Емче замина на небото, најмилото сонце мое appeared first on Република.

„Ми заплакало селото Ваташа“ е македонска песна оригинално напишана и изведена во 60-те години. Текстописец е Лазар Манчевски – Пинџур, кој инспирацијата ја добил од масакрот во Ваташа што се случил за време на Втората светска војна, кога на 16 јуни 1943 година биле застрелани 12 младинци од фаштистичката војска. Песната ја отпеале повеќе домашни интерпретатори, а оригиналот е изведен од Никола Бадев во 1975 година.

Песната повторно стана актуелна по изведбата на Андријана Јаневска и Игор Џамбазов на последната Златна Бубамара на популарноста, а сега овој двоец во рамки на проектот „Македонијо во срце те носиме“ и ја сними.

Самата идеја за песната и спојот со Игор Џамбазов беше на Ранко Бубамара и сè започна од настапот на Златна Бубамара на популарноста. Потоа дојде предлогот да бидам дел од проектот „Македонијо во срце те носиме“. Со задоволство прифатив, бидејќи во моментов вакви проекти ѝ се повеќе од потребни на Македонија, во време кога царуваат туѓи песни на туѓи јазици. Им порачувам на младите да ја сакаат, почитуваат и слушаат македонската музика, особено изворната народна песна бидејќи таа е нашиот идентитет, вели Андријана.

Видеото за „Ми заплакало селото Ваташа“, за која овој пат аранжманот го направи Николче Мицевски, а во изведба на Андријана и Игор, е со потписот на Скендеровски продукција, која стои зад проектот „Македонијо во срце те носиме“ и во чии рамки се препеани 12 македонски песни. Нумерите се изведени од 12 изведувачи, и од светот на забавната и од светот на народната музика, а публиката уште треба да ги слушне и види ДНК и Зуица Лазова.

Концертниот караван под истото име „Македонијо во срце те носиме“ ќе гостува во неколку македонски градови - Да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас.

https://www.youtube.com/watch?v=jsATYRN4q6Q

The post Андријана Јаневска: Треба да се сака и почитува македонската музика, таа е нашиот идентитет! appeared first on Република.

Со овации и голем аплауз беа поздравени Катерина Танева (Кате и „Нели ти реков“), Андријана Јаневска, Игор Џамбазов и хорот „Мирче Ацев“ за емотивната изведба на песните „Ми заплакало селото Ваташа“ и „Цветови“ од Славко Јаневски со која започна одбележувањето на 80 години од масакрот во Ваташа:

The post Уште една изведба за ежење на „Ми заплакало селото Ваташа“ од Андријана, Џамбазов, Кате и „Мирче Ацев“ appeared first on Република.

Актерот и шоумен, Игор Џамбазов, објави јавна порака по повод Денот на македонскиот јазик.

The post Џамбазов: На македонски плачевме, на македонски се молиме, пееме и сакаме, на македонски веруваме appeared first on Република.

Не престануваат реакциите на јавноста за емотивната изведба на „Ми заплакало селото Ваташа” испреплетена со „Цветови“ на манифестацијата „Златна бубамара на популарноста”, која беше премиерно прикажана на „Канал 5“.

Во црвен фустан Андријана Јаневска придружувана од хорот „Мирче Ацев“ разбуди бура од емоции кај јавноста со песната од поетот Лазар Манчевски – Пинџур, а моќната изведба ја заокружи Игор Џамбазов со рецитирањето на антологиската поема на Славко Јаневски, и двете песни посветени на 12-те ваташки младинци, убиени од бугарскиот фашистички окупатор во 1943 година.

Во вистинско време, со вистинска емоција, коментираат корисниците на социјалните мрежи за овие 7 легендарни минути:

https://www.youtube.com/watch?v=rtyCGznm2Wg

The post Седумте минути од „Златна бубамара“ за кои зборува цела Македонија appeared first on Република.

По долго боледување почина бардот на македонското глумиште, Димче Мешковски. Колеги и пријатели се простуваат од него преку социјалните мрежи. Актерот Игор Џамбазов, сподели една од најемотивни пораки и се збогува од својот колега и пријател.

Збогум, драг мој Мешко. Има ли име ова? Оваа тага… Низ главава ми експлодираат спомени. Претстави, филмови, серии, радио драми, легендарното Хихирику, тезги, софри, песни, гитари, бесконечни партии карти во театарот. И многу ќеф. Што те познавав, што ме прифати како син, и што навиваше за мене и тогаш кога не требаше. Се гледаме стари“, вели Игор во својата објава.

Мешковски беше роден на 31 октомври, 1945 година во Скопје. Имаше 77 години. Беше актер во Драмскиот театар – Скопје.

https://republika.mk/vesti/kultura/pochina-dimche-meshkovski/

The post Драг мој Мешко, ти навиваше за мене и тогаш кога не требаше: Игор Џамбазов се збогува со својот пријател appeared first on Република.

Актерот Игор Џамбазов и сликарката Илина Арсова не се повеќе заедно. Во интервју за порталот „Слободен печат“ открива дека далечината си го направила своето.

„Да, тоа е огромен проблем. Далечината. Единственото нешто што може да ја победи љубовта. За жал, Илина и јас не сме повеќе заедно. Таа веќе одлучи дека сака таму да живее, доби одлична понуда за работа, онаа за која сонуваше во последните 10 години, и што е најважно од сѐ, сето ова таа ми го најави уште во првите денови на нашата љубов. И конечно, кога короната и официјално не беше пречка за патувања, таа се спакува, во куферот што ѝ го подарив претходниот ден и замина. Исто како во „Бестрага“. Сите приказни исти се, тажни ко оваа“. Сите големи љубови се тажни, но јас сум возрасен човек и научив да се справувам со сѐ. Ги молам сите оние што нѐ сакаа и ја подржуваа нашата љубов, да не бараат виновници. Виновник за сето ова не постои. И понатаму сакам да продолжите да ја поддржувате Илина во нејзините акции, бидејќи таа е една посебна жена со која имав привилегија да бидам скоро три години. Од неа научив многу, а некои нејзини совети ќе ги користам до судниот ден“, раскажува Игор за „Слободен печат“.

The post Исто како во „Бестрага“, сите приказни исти се, тажни ко оваа: Игор и Илина се разделија appeared first on Република.

Антологиската патриотска фолк балада „Заветна“, која своевремено оригинално ја изведе и маестрално ја испеа македонската фолк легенда, покојниот Пепи Бафтировски доби блуз верзија. Песната е последната снимка на дуетот Игор Атанасоски – Харе и Игор Џамбазов.

https://www.youtube.com/watch?v=2B1OJfLScDc

Во најавата  за песната Џамбазов на својот Инстаграм ќе каже: Ова  наше видување на легендарната ‘Заветна’, испеана од Пепи Бафтировски, звучи како кога по некоја случајност  Пепи Бафтировски и Гери Мур, би седеле на иста маса и би ја напишале оваа песна“! – при тоа честитајќи им ја Новата Година на сите со истата.

„Заветна“ која со текот на времето стана своевидна, неофицијална втора македонска химна е дело авторскиот тандем, браќата Миле и Ѓорѓи Барбаровски.

„Идејата беше моја, а Џамбазов со воодушевување ја прифати. Снимана е во текот на септември во студиото „Тралала“ на Мите Димовски“, изјави Гуру Харе.

The post Игор Џамбазов и Гуру Харе направија блуз верзија на антологиската „Заветна“ appeared first on Република.

Невладината организација ХЕСЕД во соработка со Центар за боречки спортови – Работнички Адора најавува голем добротворен настан под мотото „Пееме за Фит Кидс” кој ќе се одржи на 18 ноември во Equilibrium Day & Night со почеток во 20 часот. Ќе настапат звучни имиња од естрадата, како Игор Џамбазов, Дани Димитровска, Адриан Азири, Марија Новак и План Г Бенд. Влезниците се веќе во продажба, а сите собрани средства ќе бидат искористени за реализација на проектот „Рекреативна гимнастика и физички развој за децата со социјален ризик“.

Пејачи и актери ја поддржаа хуманата иницијатива на ХЕСЕД во чиј фокус се децата во социјален ризик. Целта на овој проект е да се овозможи децата во социјален ризик да се вклучат во еден организиран воспитно-образовен и тренажен процес, со цел да се подобрат нивните психо – физички перформанси и способности, за пред сѐ да имаме здрави личности кои ќе бидат иднина на нашето општество. Иновативен спорт кој ќе придонесе можност за инклузија со деца од биолошки семејства. Спортувајќи, децата во социјален ризик ќе се социјализираат, а со тоа ќе развиваат позитивни особини како дружење, меѓусебно почитување, толеранција, соживот, упорност, трудољубивост, пожртвуваност, дисциплинираност и слично, што во крајна линија се придобивки кои воопшто спортот може да ги искалеми уште од најрана возраст кај децата.

The post Игор Џамбазов и Дани Димитровска ќе пеат на добротворниот настан за децата од социјален ризик appeared first on Република.

Познатата алпинистка, Илина Арсова, замина во Америка. Таа е во Тенеси, каде започнала да работи како професорка на Универзитетот Тенеси, од каде добила и стипендија за докторски студии.

Илина се обрати преку видео во кое посочи дека одлуката да замине не била лесна и се заблагодари за поддршката од семејството и нејзиниот партнер, шоуменот Игор Џамбазов.

-За сите пријатели и фанови праќам мал поздрав од Ноксвил, Тенеси. До сега не стигнав официјално да споделам дека добив престижна стипендија за докторски студии и инструкторска позиција на Универзитетот од Тенеси. Оваа одлука не беше лесна во поглед на љубовта и фамилијата која ми недостига во секој миг, сепак овој мој нов Монт Еверест, долго беше на листата па еве му дојде редот. Искрено им благодарам на најблиските и мојот драг Игор Џамбазов за целата поддршка во овој момент, новите почетоци никогаш не се лесни. Знаењето е нашето најголемо богатство, па никогаш не престанувајте да учите- порача Арсова.

View this post on Instagram

A post shared by Ilina Arsova (@ilina_arsova)

The post Илина Арсова се пресели во Америка, му се заблагодари на Џамбазов за поддршката која ѝ ја дал appeared first on Република.

Игор Џамбазов објави поема во знак на честитка за Денот на независноста на Република Македонија.

 

View this post on Instagram

 

A post shared by Игор Џамбазов (@igordzambazov)

The post Џамбазов: Земјо моја, кој така ти пресуди, кој толку те испусти и кој се плаши името да ти го изусти appeared first on Република.

Почна снимањето и подготовките на втората сезона на еколошката ТВ емисија Агенда 21. Актерите Весна Петрушевска и Игор Џамбазов , пак ќе ја спасуваат природата. Во новата сезона покрај Весна и Игор, учествуват и младите, сега веќе поискусни од минатата сезона, Кристијан Ѓоргиев, Анастасија Митровска и Јована Миладинова. Тука се и децата од актерската школа на Весна, кои се дел од снимањето на еколошката емисја за подигање на свеста за зачувување на природата.

Загадениот воздух и почва, дивите депонии и електронскиот отпад ќе бидат главна тема и оваа сезона. Мора сите повеќе да се грижиме за животната средина, да ја негуваме и цениме оти таа е нашето живеење, нашето постоење, рече Весна Петрушевска.

Еколошката ТВ емисија Агенда 21 е во продукција на КМК, од каде велат дека се свесни за големата тежина на темите кои ги обработуваат и дека само со едукација и јавна дебата може да се дојде до посакуваната цел, а тоа е зачувување на природата и чист воздух.

Во ова непредвидливо време во кое живееме тешко е да се зборува на вакви теми. Токму затоа сме многу среќни што компаниите Нула отпад и Пакомак ја препознаа нашата мисија. Се надевам дека емисијата има влијание кај гледачите, а особено кај младите преку најмладите глумци од актерската школа на Весна Петрушевска бидејќи, ефектите од глобалното затоплување ги чувствуваме секојдневно. - потенцира Виолета Дамевска Ѓоргиева, продуцент на проектот.

The post Почна снимањето на втората сезона на еколошката емисија „Агенда 21“ appeared first on Република.

 

View this post on Instagram

 

A post shared by Игор Џамбазов (@igordzambazov)

The post Џамбазов: Француски предлог – за никаде appeared first on Република.

Пред самиот почеток на фестивалот "5ре" во чест на великанот Петре Прличко, му оддадовме почит на бистата посветена на него во Младинскиот парк.
Заедно со неговиот внук и добитник на истоимената награда за животно дело, Игор Џамбазов, претседателот на Советот на Општина Велес, Зоран Љутков и организаторите Ненад Витанов и Жарко Спасовски положивме свежо цвеќе, сеќавајќи се на богатата ризница која Прличко ни ја оставил во наследство.
"5ре" започнува наскоро, Велес живее! - напиша велешкиот градоначалник Марко Колев на својот фејсбук профил.

Фестивалот започнува вечерва, а ќе трае до 28 мај. Утревечер во 20 часот е претставата „Странци“ во изведба на Драмскиот театар од Скопје, на 21 мај во сабота ќе гостува прилепскиот театар „Војдан Чернодрински“ со комедијата „Да Инспекторе“. На 25 мај е претставата „Вардарски пастуви“ на Тетарот Комедија од Скопје, а на 26 мај „Пасивно пушење“ со гостување на штипскиот театар. Сите претстави ќе бидат на сцената на велешкиот Народен театар освен последната на 28 мај кога е и затворањето на фестивалот на отворено на сцената во Младинскиот парк STAND UP со Тино и Атанас. Во рамки на фестивалот ќе има и две детски претстави кои се бесплатни за децата првата е на 26 мај во 13 часот „Чунголунговски, Пепелашка и Принцот Тортичка“ и втората на 28 мај во 12 часот кога ќе гостува Театарот за деца у младинци со претставата „Супербајкастично“. Билетите за сите претстави за фестивалот може да се набават на билетарата од велешкиот театар. Основач и покровител на фестивалот е Општина Велес и повеќе спонзори, а организатор е Здружението со делегирана надлежност „Плус публика“ Велес.

The post Започнува фестивалот „5ре”, Џамбазов и Колев се поклонија пред бистата на Прличко appeared first on Република.

Ниту еден судски спор, не предизвикал толку многу внимание во јавноста како оној помеѓу Џони Деп и Амбер Херд.

Џони Деп е доказ дека и мажите можат да бидат жртви на семејно насилство. А ги има многу, но поголемиот дел од нив молчат. Срамот да не бидат озборувани е поголем од болката на ударите.

Токму на оваа тема естрадниот магазин „Бекстејџ“ разговараше со дел од нашите јавни личности. Оној кој прв зборуваше беше Игор Џамбазов.

Тепаниот маж се срами повеќе од тепаните жени. Срамота е. Да му признаеш на најдобриот другар дека жена ти те тепа? Прво, нема да ти верува- вели Џамбазов.

The post Џамбазов: И мажите се жртви на семејно насилство, но никој не им верува, ако признаеш на пријател, најпрво ќе ти се изнасмее appeared first on Република.

На 57-годишна возраст почина Сашо Пижевски – Пиже, познат скопски шоумен, пејач и угостител.

Пиже е роден е во Дебар Маало, каде го поминал своето детство, за потоа да се преселил во Влае, каде што и до денеска живееше. Тој е еден од главните творци на ноќниот и забавен живот во Скопје од крајот на 80-тите па со мали паузи сè до денес.

Заедно со Горан Атанасов – Зеко и Игор Џамбазов бил основач и член на култната група Хавана Бенд, која била своевидна атракција на македонската естрада во раните 90-ти, позната по хитовите Шток ми бејби, Нема спас, Дај ми, жити се и др. По нејзиното распаѓање, се посветил на својот бизнис – угостителството и само повремено, како гостин, учествувал во неколку музички проекти.

https://arhiva.republika.mk/917857

Во последно време актуелен беше со повторното обединување на Хавана Бенд и нивниот хит Балада за мајка ти и татко ти, плод на соработката со Александар Митевски и како сопственик на привлечниот кафе-бар Мајка ти и татко ти.

Пиже почина во ист ден со Зеко. Непосредно пред смртта, на социјалните мрежи спродели сеќавање на пријателот.

Тажната вест на социјалните мрежи прв ја објави Игор Џамбазов.

„Каде бе Пиже? Каде бе брате? Само пред пет дена пиевме кафе кај мене у маало. Ми збореше за Скјатос, а во очите ти светкаа тинејџерски искри на радост. Имаше повеќе живот во тебе од сите гости во бавчата. Ми рече: “Џамбаз, уште не и ме се дааме на копиљациве, така? Па шо бе, боље изглеаме од нив”. Довидување, другар мој. И сликни едно селфи од горе. Ја ќе го објавам, ти шерни го. Тага. Збогум брате…“, напиша Џамбазов.

The post На четиригодишнината од смртта на Зеко, почина Пиже appeared first on Република.

Не задржувајќи ги емоциите и солзите, Игор Џамбазов во „Бекстејџ“ првпат зборуваше за загубата на неговиот татко, маестро Александар Џамбазов.

https://youtu.be/U4shXy8Km6Q

The post Знаеше дека ќе си оди, па ми раскажуваше приказни што никогаш не ги раскажуваше appeared first on Република.

Актерот Зоран Љутков преку статус на Фејсбук пишува дека актерот Игор Џамбазов добитник на актерската награда за животно дело „Петре Прличко“.

Нема подобар момент за да се нагласи величината на нечиј живот од оној кога личноста се радува за уште еден освоен врв.

Особена чест ми претставуваше што токму денес, на промоцијата на Игор Џамбазов на “Присобрани дела”, како дел од Саемот на книга 2022, во присуство на многу колеги, на мојот пријател и колега му соопштив дека жири комисијата одлучи тој да биде добитник на актерската награда за животно дело “Петре Прличко”.
Наградата официјално ќе му биде предадена на 19 Мај, на отворањето на новоформираниот театарски фестивал во Велес, а на наше огромно задоволство добитникот на наградата за животно дело, Игор Џамбазов, како единствен наследник на животот и делото на Петре Прличко, даде дозвола истиот да се преименува во “5ре” во чест на неговиот дедо.

Велес е горд на својата култура, на големите имиња кои оставиле трага во минатото која силно одѕвонува до денес. Наше е да ја зачуваме, негуваме и воздигнеме културата која сите не оплеменува. Велес живее!“, стои во неговиот пост на Фејсбук.

The post Игор Џамбазов е добитник на актерската награда за животно дело „Петре Прличко“ appeared first on Република.

На вчерарашниот настап на „Виноскоп“ Игор Џамбазов им испрати „поздрав“ на неговиот бугарски колега Слави Трифонов, најгласниот во негирањето на Македонија и бугарскиот премиер Кирил Петков.

Пеејќи ја преработката на „Бела Чао“ шоуменот ги спомена и Красимир Каракачанов и Бојко Борисов и им испрати порака дека ние бевме партизани, а тие беа оние другите.

Автор на видеото: Велибор Тофилоски

The post Џамбазов им запеа на Петков и Трифонов: Партиџано, тоа сме ние, вие сте тие другите! appeared first on Република.