Русија треба да биде вклучена во мировниот процес во Украина, изјави швајцарскиот министер за надворешни работи Игнасио Касис, jaвува Независне.

„Мораме да најдеме начин да ја вклучиме Русија во мировните дискусии“ рече Касис за време на четвртиот состанок на советниците за национална безбедност посветен на украинската „мировна формула“

Тој рече дека нема да има мир доколку Русија нема свој удел во сето ова.

„На Украинците им треба мир, зимата во Украина не е иста како зимата во Давос. Мораме да направиме се за да им помогнеме на Украинците да постигнат мир. Оваа средба е во духот на традицијата на Швајцарија за промовирање на мирот“, смета тој.

Утре во Давос официјално ќе започне Светскиот економски форум, а се очекува учество на лидери од 100 земји и големи меѓународни организации.

The post Русија треба да биде вклучена во мировниот процес во Украина – рече швајцарскиот министер за надворешни appeared first on Република.