Министерот за Европа и надворешни работи, Игли Хасани, на средбата организирана од албанското претседателство со земјите-членки на Американско-јадранската повелба (А-5), истакна дека Албанија останува решена да промовира мир и стабилност, охрабрувајќи на дијалог и зголемување на соработката во Западен Балкан, објави АТА.

Toj додал дека Албанија е "силен застапник за европската и евроатлантската интеграција на Западен Балкан“.

Истакнал дека за Албанија, како претседавач со Јадранската повелба, спроведувањето на политиката на отворени врати останува клучен приоритет.

Позитивниот одговор на долгогодишното барање на Косово за членство е клучен и задоцнет чекор што мора да се реши што е можно поскоро, порачал Хасани.

На состанокот учествувале земјите членки и набљудувачи на Јадранската повелба, Албанија, Босна и Херцеговина, Хрватска, Црна Гора, Македонија, САД, потоа Косово и Србија како набљудувачи и Словенија, поканета.

На Работната средба организирана на високо ниво на ОН, беше високо оценет фокусот на Албанија да ја води иницијативата, а дискусиите се фокусираа на случувањата во регионот и натамошното зајакнување на соработката наспроти заедничките безбедносни предизвици, наведува Агенцијата.

Посолува дека американско-јадранската повелба (САД-Јадранска повелба) е безбедносна политичка иницијатива со регионален карактер, однапред договорена на Самитот на НАТО во Прага (ноември 2002 г.), меѓу претседателите на Албанија, Хрватска, Македонија и САД. потоа се прошири со Црна Гора и Босна и Херцеговина, каде Косово, Словенија и Србија имаат статус на набљудувачи.

The post Албанија како претседавач со Јадранската повелба, ќе се залага за зголемување на соработката во Западен Балкан и членството на Косово appeared first on Република.

За албанскиот министер за Европа и надворешни работи, Игли Хасани, Европската унија не смее да потфрли во обликувањето на транзицијата, доколку сака да стане актер кој навистина може да влијае на настаните на Блискиот Исток или Украина или каде и да е следната криза.

Обраќајќи се на еден од панелите на Форумот за дипломатија во Анталија, министерот Хасани ги истакнал напорите на ЕУ да стане глобален актер.

-ЕУ има потенцијал да стане вистински глобален актер и повеќе не може да избегнува тешки избори. Способноста на Унијата да ги обликува транзициите започнува во нејзиното непосредно соседство, а проширувањето е клучот за постигнување на оваа цел, рекол министерот Хасани, јави агенцијата Балкан веб.

Според шефот на албанската дипломатија, единствен одговор на актуелните кризи се континуираните напори за зајакнување на мултилатерализмот.

-Мултилатерализмот страда конкретно во последните две децении. Имаме неколку меѓународни организации кои не го испорачуваат она што се очекува. Сè уште сме сивата зона во стомакот на Европа. Ние сме опкружени со граница на ЕУ, но сè уште не сме интегрирани. Сè уште се бориме да ги развиеме трите елементи: либерална демократија заснована на владеење на правото, слободна пазарна економија и слобода и основни човекови права, оценил тој.

На трето издание, Форумот за дипломатија во Анталија учествуваат шефови на држави и влади, министри, дипломати, бизнис лидери, академици, експерти и претставници на младите и медиумите на сеопфатна дебата. Главната тема на овој Форум беше „Унапредување на дипломатијата во време на превирања“.

The post Хасани во Анталија: ЕУ не може да избегнува тешки решенија ако сака да биде вистински глобален актер appeared first on Република.