Полската тенисерка Ига Свјонтек е победник на последниот грен-слем турнир сезонава, УС Опен откако во финалето во Њујорк беше поуспешна од Тинижанката, Онс Жабер со 6-2, 7-5.

Дуелот меѓу првата и петтата носителка траеше нешто помалку од два часа, а моментно најдобрата светска тенисерка, дојде до својата трета грен-слем титула во кариерата по успесите на Ролан Гарос (2020, 2022).

Жабер, пак, од своја страна го играше своето второ последователно грен-слем финале, но како и неодамна на Вимблдон, туниската тенисерка повторно загуби.

The post Полјачка Свјонтек триумфираше на УС Опен appeared first on Република.

Полската тенисерка Ига Свјонтек и Онс Жабер од Тунис ќе играат во финалето на последниот грен – слем турнир сезонава УС Опен во Њујорк.

Свјонтек, која е најдобро рангирана на ВТА листата, ја совлада во полуфиналето белоруската ривалка Арина Сабаленка со 3-6, 6-1, 6-4, додека петта тенисерка во светот Жабер беше подобра од Каролин Гарсија од Франција со 6-1, 6-3.

За 21-годишната Свјонтек ова е прво финале на УС Опен во кариерата, во која има две грен – слем титули на Ролан Гарос.

Нејзината противничка во утрешното финале, Жабер, ќе го игра второто финале во кариерата, а претходно најголем успех на грен – слемот во Њујорк и беше пласман во третото коло

The post Жабер и Свонтек ќе играат во финалето на УС Опен appeared first on Република.