Дали СДСМ уште од почетокот на кампањата го пушти низ вода претсдателскиот кандидат Стево Пендаровски.Ваков впечаток се стекнува откако никој од челниците на СДСМ не му дојде на почетниот митинг во Прилеп. Не дојде лидерот Ковачевски ниту носителот Венко Филипче.Жално беше да се гледа како во 12 минутниот говор Пендаровски секој втор збор му беше НАТО,ЕУ,НАТО, ЕУ додека во првите редови беше само Горан Мисовски од НСДП и пејачката Кристина Арнаудова.

Додека Пендаровски се мачеше да ги анамира прилепчани, лидерот на СДСМ беше на ифтарска вечера во Сарај.

The post Пендаровски пуштен низ вода на почетокот на кампањата: Таче не му дојде во Прилеп, го оставија со Мисовски од НСДП appeared first on Република.

Претседателот на ВМРО-ДПМНЕ Христијан Мицкоски вечерва беше на Ифтар вечера.

На Ифтар вечера со нашите пријатели. Заеднички за нова надеж, иднина и промени кои мора да ја направат Македонија силна и просперитетна!

The post Мицкоски на Ифтар вечера: Заеднички за нова надеж, иднина и промени кои мора да ја направат Македонија силна и просперитетна! appeared first on Република.

Претседателот на Владата на Република Македонија, Талат Џафери, по повод светиот месец Рамазан, приреди Ифтарска вечера на која беа поканети и присуствуваа претседателот на Собранието на Република Македонија, Јован Митрески, претседателката на Уставниот суд, Добрила Кацарска, поранешниот претседател на Владата, Димитар Ковачевски, актуелните членови на Владата, претставниците од верските заедници во земјава, претставници од судството, академската јавност и други гости.

Во своето поздравно обраќање пред присутните гости, премиерот Џафери посочи дека  Ифтарската вечера, како традиција за време на светиот месец Рамазан, е начин за собирање на блиското и далечно семејство, на пријателите, соработниците. Рамазан, иако е месец во кој верниците од исламската вероисповед постат, во исто време, ги хранат душата и мислите со позитивни мисли, со взаемна почит и разбирање, со чувство на солидарност и сочувство за секое човечко битие.

При тоа, ифтарските вечери се можност и за потсетување на основните вредности на взаемна почит, упатување на желби за добро здравје, благосостојба и успех.

„Семејството е главниот столб, околу кое се одвива целиот наш живот и кое е најзначајната поддршка и поттик за да можеме да ги вршиме нашите секојдневни задачи и одговорности со највисоката посветеност и внимание.Само тогаш кога имаме мир во семејството, имаме спокој и во умот, и можеме да рефлектираме спокој и во работата и во државата. Апелирам до сите, да бидеме подобри луѓе од тоа што сме, да правиме корисни дела за луѓето во потреба, затоа што само тогаш ќе бидеме вистински среќни, кога сите околу нас ќе ја споделуваат среќата со нас“, порача претседателот на Владата на Република Македонија, Талат Џафери.

The post Џафери на Ифтарската вечера упати пораки за взаемна почит, желби за добро здравје, благосостојба и успех appeared first on Република.

Кандидатот на ДУИ за претседател Бујар Османи денеска преку својот Фејсбук профил упати покана за заеднички ифтар до претседателските кандидати Стево Пендаровски поддржан од СДСМ, Гордана Силјановска од ВМРО-ДПМНЕ, Арбен Таравари поддржан од албанската опозициска коалиција Вреди и Максим Димитриевски од партијата ЗНАМ.

Како што потенцира Османи на објавата, ги кани на заеднички ифтар за да се договораат за позитивна и конструктивна кампања.

-На денот кога ја чекаме потврдата на нашите кандидатури за претседател на Република Македонија, сакам да ги поканам кандидатите Стево Пендаровски, Гордана Силјановска, Арбен Таравари и Максим Димитриевски на заеднички ифтар со цел во духот на овој месец да разговараме и да се договориме за позитивна, конструктивна кампања и натпревар на идеи за да добиеме европски претседател, вели Османи во објавата на Фејсбук.

The post Османи ги кани Пендаровски, Силјановска, Таравари и Димитриевски на ифтар, покана не добија Јакимовски и Ванковска appeared first on Република.

Претседателот на ВМРО-ДПМНЕ, Христијан Мицкоски, присуствуваше на ифтарската вечера во Шуто Оризари во организација на Општинскиот Комитет на партијата.

Да споделиме единство, одлучност и спремност за промени за заедничката иднина. Затоа што мораме да ја градиме Македонија за сите луѓе!, порача Мицкоски.

The post Мицкоски: Да споделиме единство, одлучност и подготвеност за промени за заедничката иднина appeared first on Република.

Околу 60 турски студенти кои студираат во Штип ќе добиваат бесплатна храна за ифтар. Ваквата организација доаѓа со цел помош на оние, чии родители во Турција се соочуваат со проблеми по стравотниот земјотрес што ја зафати земјата.

Помошта доаѓа за уште толку верници од исламска вероисповед, штипјани кои овој месец ќе ги постат рамазанските пости.

Имаме околу 60 студенти од Турција, во земјотресот што изгубија буквално сѐ, родителите не можат да им праќаат ништо. Ние им помагаме овде, а родителите нивни живеат во шатори во Турција. Сега ние како им помагаме? Ги повикуваме овде, тие се запишани со име и презиме и ќе дојдат овде вечерва, ќе може овде да вечераат без пари затоа што постат. Ќе им припремиме и мало пакетче со сахур за да може изутрина да јадат, изјави Џевџет Зејнелов, одговорен за организацијата.

Храната е потпомогната од муфтиството, од каде сѐ уште испраќаат помош и за настраданите во Турција. Зејнелов посочи дека помош испраќаат и штипјани кои живеат во странство и тој апелира на дополнителна помош со цел да се обезбеди храна за сите оние, кои се во тешка финансиска состојба.

The post Шеесет турски студенти во Штип ќе добиваат бесплатна храна за ифтар appeared first on Република.

Премиерот Димитар Ковачевски вечерва приреди ифтар за членовите на Владата и за претставници на партиите од коалицијата, како и за претставници на Исламската верска заедница и други општествени организации, кои ја практикуваат исламската вероисповед.

Посакувајќи им добредојде, премиерот Ковачевски во своето обраќање нагласи дека му е чест да ги пречека како гости за време на празничните пости, кога семејствата и пријателите се собираат како израз на меѓусебно почитување.

Рамазанските пости се период кога семејствата се собираат, пријателите се дружат и се посветуваат на саморефлексија и размислување. Ми претставува посебна чест што ја прифативте поканата оваа вечер да бидеме заедно во исполнувањето на вашите свети должности. Со заедничкото споделување и укажување чест во месецот кога нашите сограѓани од исламска вероисповед го празнуваат Рамазан, испраќаме порака за заедништво и подавање рака. Ова се празнични денови кои нè учат сите нас на милосрдие, добрина, давање љубов, грижа и простување кон другите, истакна премиерот Ковачевски во своето обраќање.

Празничниот пост, како што рече премиерот, е одрекување од земните и сетилните задоволства што е заедничка вредност на многу вери – вклучувајќи ја и христијанска.

Постот и воздржувањето ни се потребни за да го јакнеме духот и да прифатиме дека промените што сакаме да ги направиме, мора да започнат со нас и во нашите заедници. Со секој ифтар за време на Рамазанскиот пост се стекнуваме со можност да ја охрабруваме и негуваме нашата заедница, нагласи Ковачевски.

Kако држава и семејство на различни вери, кои меѓу себе живеат сложно, како што нагласи премиерот, се продолжува традицијата што како наследство ни ја оставија нашите претходни генерации.

Со заедничко споделување и празнување стануваме поблиски. Со почитување на заеднички вредности кои ја јакнат нашата заедница, успешно ќе продолжиме да го градиме нашето едно општество за сите. Тој концепт успешно го развиваме врз основа на почитувањето на различни верски традиции, како столб на изградените вредностни системи на еднаквост и меѓусебен дијалог на разбирање. На сите вас и на сите наши сограѓани од Исламската вероисповед, ви посакувам спокоен период на пост и молитва во месецов на Рамазан. Нека има спокојство, здравје, среќа и бериќет во секое семејство, истакна премиерот Димитар Ковачевски.

The post Ковачевски: За време на Рамазан испраќаме пораки за заедништво appeared first on Република.

Претседателот на ВМРО-ДПМНЕ Христијан Мицкоски заедно со потпретседателите на партијата Александар Николоски и Владо Мисајловски, градоначалникот на Аеродром Тимчо Муцунски, претседателот на скопскиот совет Трајко Славески и останати членови, присуствуваа на ифтар вечера пред големиот муслимански празник Рамазан Бајрам.

Во пресрет на празникот Рамазан Бајрам, на ифтар вечера со нашите пријатели. Македонија наша заедничка, за сите луѓе!

The post Мицкоски на ифтар вечера со сопартијците и пријателите appeared first on Република.

Претседателот Стево Пендаровски вечерва информираше дека присуствувал на ифтарска вечер кај едно семејство од скопско Кондово.

Тој на сите сограѓани од исламска вероисповед во месецот на Рамазан, им посака мирен период на пост, молитва и среќни денови со вашите најблиски.

Им благодарам на семејството Таналари во Кондово за гостопримството, што ми овозможија да бидам дел од нивната ифтарска вечера, беше објавено на официјалниот профил на Пендаровски на социјалните мрежи.

The post Пендаровски на ифтарска вечера во Кондово appeared first on Република.