На 01.09.2024 во 15.00 часот на ул.”Тодор Циповски Мерџан” во Тетово, полициски службеници од Отсекот за криминалистичка полиција при СВР Тетово го лишиле од слобода Б.Ј.(35) од тетовско Горно Палчиште.

Тој бил баран по потерница врз основа наредба од Казнено – поправната установа Затвор Идризово поради бегство од затворот.

Тој имал за доиздржување на една година и четири од казната за сторено кривично дело по член 215 од Кривичниот законик. По целосно документирање на случајот, Б.Ј. ќе биде спроведен во КПУ Затвор Идризово.

The post Во Тетово приведен бегалец од Затвор Идризово appeared first on Република.

Затвореникот Д.Ф.(35) од Скопје вчера во Казнено-поправната установа Идризово во Скопје искршил стакло, се повредил, по што почнал обилно да крвари. Починал на пат кон Комплексот клиники „Мајка Тереза“.

Како што информира денеска МВР, случајот вчера, во 12.35 часот, бил пријавен во СВР Скопје од Казнено-поправната установа Идризово. Настанот се случил околу 12 часот во установата, во просторија за посети.

Од страна на лекар констатирана била смрт. Извршен бил увид од увидна екипа на СВР Скопје, а по наредба на јавен обвинител, телото на починатиот е предадено на обдукција.

The post Се повредил затвореник, на пат кон болница починал appeared first on Република.

Единицата за интервентна полиција на СВР Скопје лиши од слобода криминалец баран со потерница за затворска казна од 12 години и десет месеци, соопшти Министерството за внатрешни работи.

Како што наведува во соопштение, полициски службеници од Единицата за интервентна полиција при СВР Скопје завчера (21 јули) го уапсиле 34-годишниот Ј.С. од Скопје кој поради бегство од затворот „Идризово“ бил баран со потерница по наредба на Основниот кривичен суд,

Ј.С. бил осуден на казна затвор од 12 години и 10 месеци во врска со член 188 ст.1 и чл. 236 ст. 1 т.1 в.в чл. 22 и чл. 24 од Кривичниот законик. Тој ќe биде спроведен во надлежната казнено-поправна установа, наведува МВР.

The post Педофил избеган од „Идризово“ уапсен во Скопје appeared first on Република.

Затвореник од „Идризово“ се обидел да побегне поради што службеник морал да пука за предупредување во воздух.

На 17.07.2024 во 10.05 часот во СВР Скопје, од Казнено – поправната установа Затвор Идризово било пријавено дека осуденикот Г.А.(41) ја прескокнал заштитната ограда и се обидел да побегне, но набргу бил фатен од службеници на затворската полиција и бил вратен во установата. Притоа, еден од службениците од службениот пиштол испукал еден предупредувачки кушрум во воздух, соопштија од полицијата.

Се преземаат мерки за расчистување на случајот.

The post Пукање во „Идризово“ поради обид на затвореник да побегне appeared first on Република.

Во вторникот во 23.00 часот во СВР Скопје, од Казнено – поправната установа Затвор Идризово било пријавено дека осуденикот М.П.(35) од с.Мојанци, скопско, при пад од ограда се здобил со тешки телесни повреди, констатирани во Комплексот клиники „Мајка Тереза“.

Имено, според пријавеното, во 19.00 часот, откако му завршила смената во јавно претпријатие лоцирано веднаш до установата, за да излезе, се обидел да ја прескокне оградата затоа што главната капија била заклучена, а откако се качил на оградата, му се слошило и паднал, велат од МВР.

Увид на местото извршила екипа од СВР Скопје и се преземаат мерки за расчистување на случајот.

The post Затвореник прескокнувал ограда – за да се врати во „Идризово“ appeared first on Република.

Министерот за правда Игор Филков ја посети Казнено-поправната установа Идризово, по вчерашниот инцидент, кој се случи во затвореното одделение Амбуланта, каде беа повредени припадници на затворската полиција и затвореници.

Филков, како што информира Министерството за правда, во разговорот со директорот на затворот Зоран Јовановски, беше информиран за настанот, како и за проблемите со кои се соочува установата, пренатрупаноста, немањето соодветни просторни услови за сместување, недостигот на медицински персонал и лица задолжени за ресоцијализација.

- По извршениот претрес во одделението Амбуланта биле пронајдени 37 метални шипки, 21 дрвена рачка, 3 кабли, 12 шрафови, 15 ножеви, 4 шрафцигери, пластичен шприц со 2 игли, ножици, парчиња од скршено стакло и 3 полначи за мобилен телефон. При физичката пресметка предизвикана е поголема материјална штета, се вели во соопштението.

Во наредниот период потребно е да се донесат конкретни мерки за подобрување на состојбите и условите во затворите. Состојбата во затворите е алармантна. Ресоцијализација и рехабилитација со лоши услови во затворите не може да има, стои во соопштението.

Вчера во 13:10 часот во СВР Скопје од КПУ Затвор Идризово било пријавено дека околу 10:30 часот во затвореното амбулантно одделение во установата бил нарушен јавниот ред и мир со физичка пресметка меѓу повеќе осудени лица. Притоа со повреди се здобил Е.М.(26), додека С.Д.(43) и С.М.(29) се здобиле со повреди од остар предмет, по што биле пренесени во Комплексот клиники „Мајка Тереза“ за укажување на лекарска помош.

МВР соопшти дека се преземаат мерки за расчистување на случајот.

The post Филков во затворот Идризово по вчерашниот инцидент – пронајдени ножеви, шипки, дрвени рачки, кабли, шрафцигери, шприцеви и игли appeared first on Република.

Во затворот Идризово попладнево се случи масовна тепачка.

Од снимките кои ги обезбеди ТВ21, може да се види дека се работи за десетици затвореници кои се чини дека имале вербален конфликт, кој потоа прераснал во физичка пресметка.

Засега не се познати мотивите за ова насилство

The post Видео од масовна тепачка во затворот Идризово appeared first on Република.

На 01.06.2024 во 18:47 часот СВР Скопје, од Казнено-поправната установа Затвор Идризово било пријавено дека во затворениот дел на установата бил нарушен јавниот ред и мир со меѓусебна физичка пресметка помеѓу две групи на затвореници.

Во масовната тепачка, осуденикот Х.Ф.(29) од с.Студеничани, скопско, се здобил со тешки телесни повреди, констатирани во Градската општа болница „8 Септември“ во Скопје.

Се преземаат мерки за расчистување на случајот.

The post Масовна тепачка меѓу затвореници во Идризово, едно лице тешко повредено appeared first on Република.

Четворица вработени во затворот „Идризово“ се пренесени на Универзитетската клиника за токсикологија како последица од пожарот што вчера избувнал во женското одделение од затворот, потврди за МИА заменик-директорот на затворот Феми Јонузи.

Јонузи за МИА вели дека според информациите што ги има, пожарот бил подметнат од затворенички кои запалиле постелнини и душеци. Здравствената состојба на четворицата вработени, како што изјави, е стабилна.

Од Министерството за внатрешни работи за МИА потврдија дека вчера имало пожар во затворот.

-На 21.05.2024 во 19:55 часот во СВР Скопје од Казнено- поправната установа Затвор Идризово било пријавено дека во затворениот дел од женското одделение настанал пожар во една од просториите. Од екипа на Бригадата за противпожарна заштита Скопје пожарот бил изгаснат. Увид бил извршен, велат од МВР.

The post Вработени во затворот „Идризово“ завршија на Токсикологија по пожарот во женското одделение, нивната состојба стабилна appeared first on Република.

Вчера во 19.55 часот во СВР Скопје од Казнено – поправната установа Затвор Идризово било пријавено дека во затворениот дел од женското одделение настанал пожар во една од просториите, соопшти МВР.

Од екипа на Бригадата за противпожарна заштита Скопје пожарот бил изгаснат, а повредени лица нема.

Неофицијално, пожарот бил подметнат од затворенички кои запалиле постелнини и душеци.

МВР извршил увид и наскоро ќе излезе со повеќе детали.

The post Пожар во женското одделение во затворот „Идризово“ appeared first on Република.

Во Комплексот клиники „Мајка Тереза“ во Скопје починал осуденикот И.А.(65) од Тетово, кој издржувал казна затвор во Казнено – поправната установа Затвор Идризово, а кој претходно бил донесен со влошена здравствена состојба.

Како што соопшти МВР, случајот бил пријавен ноќеска, во 02.30 часот по полноќ во СВР Скопје.

По насока на Јавен обвинител телото на починатиот било предадено на обдукција.

The post Осуденик од затворот во Идризово ноќеска починал на Комплекс клиники „Мајка Тереза“ appeared first on Република.

Во затворот Идризово гласањето за претседателските избори денеска се одвива без проблеми, иформираат за МИА од Избирачкиот одбор.

Подготвките за гласањето завршија одлично. Гласањето започна во 7 часот и се одвива без проблеми. Во Избирачкиот список за ова гласачко место број 2536 се запишани 887 избирачи, а до пладне на гласање излегоа 235, изјави за МИА членот на Избирачкиот одбор Тони Трајковски.

Согласно Избирачкиот список денеска треба да гласаат 2.147 лица кои се на издржување казна затвор или се во притвор.

За претседателските избори денеска гласаат и болните и изнемоштените и лицата во старските домови.

Членови на Избирачките одбори ги посетуваат во нивните домови за да гласаат и 6.935 болни и изнемоштени лица, чии пријави беа прифатени.

Запишани се и 534 избирачи, кои поднеле пријава за гласање, во посебниот извод од Избирачкиот список за лица кои за време на изборите се наоѓаат во установи за вон семејно згрижување, како и двајца избирачи со статус на внатрешно раселени лица, согласно евиденцијата на Министерството за труд и социјална политика.

Право на глас на седмите претседателски избори имаат 1.814.317 избирачи. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.

The post Гласањето за претседател во затворот Идризово се одвива без проблеми appeared first on Република.

Од Обвинителството за гонење организиран криминал и корупција информираат дека утрово имало голема акција во затворот „Идризово“, во која се уапсени 17 затворски полицајци.

Од ОЈОГОКК најавија дека наскоро ќе има повеќе детали и соопштение.

Минатата недела во затворот Идризово имаше голема полициска акција и претреси со специјалци. Тогаш беше потврдено дека се потрупани два тунели односно канали кои не се во употреба и за кои постоеле сомнежи за можно користење за бегство на затвореници.

The post Голема акција во „Идризово“: Уапсени 17 припадници на затворската полиција appeared first on Република.

Филмско бегство се подговувало во најголемиот македонски затвор КПД Идризово. Во затворот се откриени два тунела кои требало да бидат употребени за бегство на непознат број затвореници. Бекството е спречено, а полицијата вршела претрес во затворот, пренесува „360 степени“.

Во единственото официјално соопштение од Обвинителството што е објавено досега, потврдено е дека имало претрес во КПД Идризово со цел, како што е наведено „за обезбедување доказен материјал“.

Во акција координирана од Основното јавно обвинителство Скопје, поради сомневања за кривично-правни дејствија, утрово се извршени претреси во КПУ ’Идризово’ – Скопје со цел обезбедување доказен материјал“ – соопштија од Обвинителството.

Претресот во повеќе простории на затворот Идризово потврден е и од МВР.

Министерството за внатрешни работи ја известува јавноста дека денеска (11.4.2024 г.) под координација на ОЈО Скопје и по барање на КПУ ’Идризово’, даде асистенција на затворот во вршење на претреси на повеќе простории со цел обезбедување доказен материјал поради сомневања за кривичноправни дејствија. Претресите се завршени и сите активности поминаа без никакви проблеми“ – соопштија од МВР.

The post Филмско бегство се подговувало во Идризово – пронајдени два тунела низ кои затворениците требало да избегаат appeared first on Република.

Поголема кличина на недозволени предмети се откриени при претресите што утрово беа извршени во Казнено поправната установа Идризово со цел обезбедување доказни материјали, информира за МИА директорот на КПУ Идризово - Скопје, Зоран Јовановски.

https://republika.mk/vesti/crna-hronika/tigri-vlegoa-vo-idrizovo-se-spremala-vojna-megu-dve-bandi/

Тој нагласи дека веќе се завршени претресите.

Во акција координирана од Основното јавно обвинителство Скопје, поради сомневања за кривично-правни дејствија, утрово се извршени претреси во КПУ Идризово – Скопје со цел обезбедување доказен материјал, информира претходно ОЈО Скопје.

The post Јовановски: Поголема количина на недозволени предмети се откриени при претресите во КПУ Идризово appeared first on Република.

Припадници на Специјалната антитерористичка единица „Тигар“ утрово влегоа во најголемиот затвор во државава. Како што потврдуваат од Основното јавно обвинителство Скопје се прават претреси поради сомневање за извршени кривично-правни дејствија.

Во акција координирана од Основното јавно обвинителство Скопје, поради сомневања за кривично-правни дејствија, утрово се извршени претреси во КПУ Идризово – Скопје со цел обезбедување доказен материјал, соопштија кусо од ОЈО Скопје.

Според информации на дел од медиумите, акцијата следувала по сознанија дека се подготвувала пресметка помеѓу две групи во затворот.

The post „Тигри“ влегоа во „Идризово“, се подготвувала војна меѓу две банди appeared first on Република.

Денеска во кругот на Центарот за обука во Идризово започна со работа новиот пункт за фотографирање за лични документи. Министерот за внатрешни работи Панче Тошковски го посети пунктот и кажа дека се ангажирани четворица вработени на четири базни станици.

Треба да се направи уште многу повеќе во иднина за да може да го затвориме оној број околу два милиони лични документи коишто е потребно да се обноват но секако тоа е чекор во насока да се подобри работата на МВР, рече Тошковски при посетата.

Она коешто го констатиравме пред десетина дена отприлика и донесовме одлука дека со зголемување на човечките капацитети ќе овозможиме колку што може повеќе граѓани да се фотографираат за пократок временски период еве профунцкионира. Ова е нов пункт којшто започна со работа. Моментално функционираме со плус четири базни станици и со четворица луѓе коишто ќе ги примаат граѓаните за издавање на лични документи. Ако прв чекор е прием на барањето, односно закажување на термин, втор е фотографирање на граѓаните за секој личен документ, рече Тошковски.

The post Тошковски во посета на Идризово каде што започна со работа новиот пункт за фотографирање за лични документи appeared first on Република.

Во мувла и влага, ладни ѕидови и без топла вода, затвореничките во КПУ Идризово тврдат дека две недели живеат во нехумани услови. Иако бараат Управата да ги слушне нивните повици, не добиваат никаков одговор. Педесетина жени потпишани на петиција поставија и ултиматум, ако за два дена директорот не ја поправи ситуацијата стапуваат во штрајк со глад. Во сведоштво за Сител обвинуваат, во затворот се прави геноцид.

-Условите се катастрофални, во секоја соба има влага, глувци, стаорци, а хигиената е на минимална основа. Грноцид се прави врз човетвото. Нас ни е битна петицијата, некој од службата да се види со нас. Досега никој не е повикал, не знаеме ни дали е стигната петицијата таму каде што треба да стигне. Како нешто пробуваат, пуштаат топло, па гасат. Не се знае што се прави. Нас не интересира затоа што катастрофа се условите за живеење внатре - вели една од затвореничките.

Потпишаната петиција сепак стигнала до Управата на затворот. Директорот Зоран Јовановски за Сител вели барањата се процесуираат. Но иако потврдува дека условите се катастрофални, затвореничките не биле оставени толку долго во вакви услови. Станувало збор за дефект кој бил саниран. Вели не е точно дека две седмици немале топла вода. Скенирањ биле направени и се правел плн за реновирање

Сведочењата на оние кои се внатре сигнуваат и до меѓународните организации.

Во Идризово моментално се сместени 1216 затвореници, од кои 70 се жени. Затоа Јовановски бара надлежнте да не се залагаат само декларативно за подобрување на условите во затворот, туку и вистински да се зафатат со работа.

Засега нема ништо ниту од ветувањата на министерот Лога за изградба и на нови капацитети во Идризово. Иако и самиот предупредуваше колку е лоша состојбата, на терен нема никакви поместувања. Дополнително, и покрај катастрофалните услови во кои се сместени затворениците, државата скратила дури 15 отсто од буџетот за оваа година наменет за затворите.

The post Бунт во затворот Идризово – 50 затворенички најавуваат штрајк со глад appeared first on Република.

На 29.12.2023 во 12.13 часот во СВР Скопје од Комплексот клиники „Мајка Тереза“ било пријавено дека кај нив биле донесени две лица (вработени во КПУ Идризово) со повреди.

Имено, според пријавеното, по претходен нарушен јавен ред и мир со физичка пресметка помеѓу затвореници, при интервенција на затворските полицајци, тие биле физички нападнати од осуденикот Д.Н.(26).

Се преземаат мерки за расчистување на случајот.

The post Тепачка меѓу затвореници во Идризово, двајца вработени повредени обидувајќи се да ја смират appeared first on Република.

Осуденици од Казнено-поправната установа „Идризово“ бараат средба со Народниот правобранител и со Хелсиншкиот комитет, а во спротивно од утре најавуваат штрајк со глад.

Од управата на „К.П.У. „Идризово“ потврдуваат дека до нив е стигнато писмо со најава за штрајк со глад. Во писмото се наведува дека штрајкот е поради осудениците кои беа повредени викендов при претрес во полуотвореното одделение.

Ние осудениците од Н.П.О-одд при К.П.У. „Идризово“ ве известуваме дека од утре, 31 октомври, стапуваме во штрајк со глад поради тешко повредените осуденици на кои не им се укажува лекарска заштита иако се со тешки телесни повреди како последица од полициската акција, се наведува во писмото.

https://republika.mk/vesti/crna-hronika/ne-prashuvaat-koj-si-shto-si-pochnuvaat-vednash-so-kotek-zatvorenitsi-od-idrizovo-tvrdat-deka-bile-pretepani-od-politsijata/

Министерството за внатрешнби работи викендов соопшти дека при претрес во полуотвореното одделение во „Идризово“ се повредени 10 полицајци при судир со група затвореници кои пружила отпор. При претресот, пронајдени се 63 мобилни телефони, 82 ножа, 4 шила, 71 полнач за телефон и дрога.

The post Затвореници од „Идризово“ од утре ќе штрајкуваат со глад, тврдат дека не им се помага на тешко повредените во акцијата appeared first on Република.