Израелската армија (ИДФ) денеска соопшти дека за време на викендот притворила 44 осомничени екстремисти на Хамас при рација во болница во северниот дел на Газа.

ИДФ на 25 октомври упадна во болницата Камал Адван во Бејт Лахи и притвори 44 вработени мажи.

Палестинските здравствени претставници изјавија дека болницата во која се лекуваат околу 200 пациенти, е тешко оштетана при упадот на ИДФ.

Додека неименуван израелски претставник истакна дека се воделе жестоки борби околу болницата Камал Адван, но не и внатре во објектот. Додека според друг анонимен претставник медицинскиот персонал е идентификуван бидејќи некои од екстремистите се преправиле како медицински лица.

The post ИДФ уапси над 40 осомничени членови на Хамас во болница во Газа appeared first on Република.

Израелската армија денеска нареди евакуација на речиси дваесет либански погранични населби.

Наредбата доаѓа само неколку часа откако Израел испрати копнени сили во јужен Либан во, како што ја нарече, ограничена операција против милитантите на Хезболах.

Наредбата за евакуација, издадена од портпаролот на израелската армија на платформата X, прецизираше дваесетина населби во јужен Либан, а со неа им се наредува на тамошните жители да се евакуираат северно од реката Авали, на околу 60 километри од границата.

Тоа е далеку од реката Литани, која ја означува северната граница на зоната одредена од ОН, која требаше да дејствува како тампон меѓу Израел и Хезболах по војната во 2006 година, пренесуваат американските медиуми.

Реката Литани се наоѓа на околу 32 километри северно од границата меѓу Либан и Израел.сд

The post ИДФ нареди евакуација на дваесетина либански погранични населби appeared first on Република.

Израелската армија (ИДФ) соопшти дека денеска нападнала две цели во Сирија, при што е ликвидиран припадник на либанското исламистичко движење Хезболах.

Израелската армија го елиминираше Ахмад ал Џабр, терорист на Хезболах во Сирија, во областа Кунеитра, се наведува во соопштението на ИДФ.

Израелската армија наведе и дека нападнала и друг регион во јужна Сирија.

The post Израелската армија ликвидира член на Хезболах во Сирија appeared first on Република.

Израелските одбранбени сили (ИДФ) им наложија на сите преостанати жители на градот Газа да побегнат на југ кон Деир ал-Бала. Повикот во средата дојде кога израелската војска ги интензивираше борбените операции во палестинската енклава, вклучително и рацијата на комплексот на Агенцијата за бегалци на ОН за кој тврдеше дека го користеле Хамас и палестинските борци на Исламскиот џихад.

ИДФ издаде неколку предупредувања за евакуација во градот Газа во изминатите неколку дена, додека израелските трупи спроведуваа операции во неговите западни, јужни и источни населби, според Times of Israel. Околу 200.000 Палестинци остануваат во северниот дел на енклавата, пишува весникот, цитирајќи проценки на ИДФ.

Израелските авиони фрлија летоци, повикувајќи ги „сите во градот Газа“ да си заминат бидејќи областа „ќе биде опасна борбена зона“. Флаерите наведоа два „безбедни правци“ за евакуација и инструкции да се упатат на југ.

Канцеларијата на ОН за координација на хуманитарни прашања (ОЦХА) предупреди дека најновите израелски наредби за евакуација ќе ја влошат и онака лошата ситуација во Газа, каде што огромното мнозинство од населението е раселено од почетокот на војната во октомври. Директивата „само ќе поттикне масовно страдање за палестинските семејства, од кои многумина повторно и повторно се раселени“, рече агенцијата. Предупреди дека постојаното раселување на Палестинците ја отежнува работата на хуманитарните групи бидејќи тие се принудени „да ги ресетираат своите операции за помош одново и одново“.

„Хуманитарните работници реагираат, но она што можат да го испорачаат е многу помалку од потребите“, напиша на X хуманитарниот координатор на ОН за окупираната палестинска територија, Муханад Хади, во средата по патувањето во Газа.

За време на раните фази на инвазијата на Газа, Израел им порача на Палестинците да се евакуираат од северниот дел на енклавата. Како што ИДФ ги прошири своите рации, армијата им наложи на луѓето да напуштат и одредени јужни области, вклучително и источниот Кан Јунис и Рафа, град во близина на египетската граница кој стана огромен бегалски камп.

ИДФ соопшти дека продолжува со „таргетирана оперативна активност заснована на разузнавање“ во Рафа и на други места. Армијата постојано изјавува дека ќе ја исполни својата мисија да го неутрализира Хамас и исламистичките групи во Газа и да ги ослободи преостанатите израелски заложници.

Во своето обраќање пред Кнесетот во средата, министерот за одбрана Јоав Галант рече дека акциите на ИДФ „доведоа до елиминација на над 14.000 терористи и до колапс на воените рамки на Хамас“.

The post ИДФ нареди сите да го напуштат градот Газа appeared first on Република.

Израелската радиодифузна корпорација објави дека политичкото раководство на земјата и дало зелено светло на војската во текот на овој месец постепено да премине во третата, последна, фаза од војната против Хамас во Газа. Радиодифузерот додава дека одлуката е донесена, меѓу другото, поради тензијата на северниот фронт со цел да се избегне ширење на војната.

Според изворот, третата фаза ќе ги вклучи преостанатите израелски сили во коридорите Нецарим и Филаделфија, како и на други места во Појасот Газа, за да се изврши притисок врз движењето Хамас доколку не се постигне договор за размена на заложниците. Израелската радиодифузна корпорација објасни дека зеленото светло ќе и овозможи на армијата да ја продолжи воената операција, но во поинаква форма. Израелскиот премиер Бенјамин Нетанјаху синоќа изјави дека Израел е при крај на фазата на елиминирање на воените капацитети на движењето Хамас и дека ќе продолжи да го уништува.

Во меѓувреме, израелскиот министер за финансии Безалел Смотрич повика на воведување воена управа над Појасот Газа бидејќи смета дека окупацијата на Појасот ќе го спречи враќањето на Хамас и обновувањето на неговите воени способности.

На состанокот со членовите на неговата партија Религиозен ционизам, Смотрич рече дека е целосно против запирање на војната без да се постигнат дефинираните цели што ги објави израелската влада, објави Ал Џезира Балканс

The post ИДФ добила зелено светло за третата, последна, фаза од војната во Газа appeared first on Република.

Израелската армија (ИДФ) денеска ги нападна милитантите на Хамас кои беа во училишниот комплекс во Кан Јунис, кој служеше како команден центар на групата.

Борбени авиони на израелските воздухопловни сили, управувани од Јужната команда, ги нападнаа терористите кои се наоѓаа во училишниот комплекс „Ал Хасана“ во областа Кан Јунис. Терористите на Хамас планираа, режираа и изведоа бројни терористички операции додека беа на училиште, се вели во соопштението на ИДФ.

Во нападот беа направени најмногу напори за да се избегнат цивилни жртви.

The post ИДФ: Нападнавме училиште во кое се криеја терористи appeared first on Република.

САД, Велика Британија, Јордан и Франција му помогнаа на Израел да се одбрани од иранскиот напад, јавија израелските одбранбени сили (ИДФ).

Портпаролот на ИД, Даниел Хагари, говорејќи за француската помош, рече дека Франција има многу добра технологија, авиони, радари и дека тие придонеле во патролирањето на воздушниот простор, додавајќи дека нема точни детали дали француските авиони собориле некој од проектилите што беа лансирани од Иран, пренесе „Тајмс оф Израел“.

Израелските власти рано утринава соопштија дека САД, Велика Британија и Јордан, исто така, помогнале во пресретнувањето на беспилотните летала и проектили што Иран ги истрелал кон Израел во текот на ноќта.

Портпаролот на ИДФ, Даниел Хагари, изјави дека израелската противвоздушна одбрана пресретнала 99 отсто од околу 300 ирански ракети лансирани кон Израел.

The post ИДФ: На Израел во одбраната од иранскиот напад му помогнаа САД, Велика Британија, Франција и Јордан appeared first on Република.

Израелската армија соопшти дека го уништила најголемиот досега откриен тунел на Хамас во Појасот Газа, јави ДПА.

Тунелот со неколку краци, што беше пронајден на север од крајбрежната енклава кон средината на декември минатата година, беше уништен во последните недели, соопшти денеска ИДФ, пренесена од германската агенција.

Армијата објави и видео снимки на кои се гледа како делови од тунелот се разнесуваат и војниците фрлаат бетон на други негови делови.

ДПА наведува дека оваа информација не можеше да добие независна потврда.

Израелските одбранбени сили (ИДФ) соопштија низ тунелот можеле да минуваат возила, а самиот имал должина од четири километри и бил на длабочина од 50 метри.

Тунелскиот систем се наоѓал на 400 метри од граничниот премин Ерез, меѓу Израел и Газа, но не се наоѓаше на израелска територија, соопшти ИДФ.

The post ИДФ соопшти дека го уништила најголемиот тунел на Хамас appeared first on Република.

Израелската армија соопшти дека во напад со беспилотно летало на Западниот Брег, во близина на кампот Балата, го елиминирала Абдулах Абу Шалал, како што наведе, главниот терористички лидер во оваа палестинска енклава, кој планирал непосреден напад.

Според соопштението, тој бил убиен во комбинирана операција спроведена од армијата и безбедносната служба Шин Бет, пишува „Тајмс оф Израел“.

Војската соопшти дека Абу Шалал е одговорен за низа неодамнешни напади, вклучително и пукањето во населбата Шимон Хацадик во Ерусалим, во кое беа повредени двајца Израелци и за поставување бомба која рани еден војник.

Израелската војска тврди дека Абу Шалал добивал пари и инструкции од Иран и терористичките групи во Газа и во странство.

Палестински извори соопштија дека во нападот врз неговиот автомобил загинале три лица.

The post На Западниот брег убиен главниот лидер на терористите Абдулах Абу Шалал appeared first on Република.

Израелските одбранбени сили (ИДФ) соопштија дека денеска во северниот дел на Појасот Газа е отворен шестчасовен коридор за евакуација на цивилите долж улицата Салах ел Дин кон југ од енклавата.

Коридорот ќе биде отворен до 16 часот по локално време, јавува Си-Ен-Ен.

Северниот дел од Појасот Газа се смета за жестоко бојно поле и истекува времето за евакуација. Придружете им се на стотиците илјади лица кои ги послушаа повиците и во последните денови се преселија на југ“, напиша портпаролот на ИДФ, Авичај Адрае, на социјалната мрежа Х.

Портпаролот на американскиот Совет за национална безбедност Џон Кирби вчера најави дека Израел ќе спроведува дневни четиричасовни паузи во борбите во одредени области на северниот дел на Појасот Газа.

Кирби додаде дека најавите за паузи ќе бидат објавени три часа пред почетокот, и дека од клучно значење е хуманитарните залихи и помошта да се прошират и на областите каде што луѓето бегаат.

The post ИДФ: Во Газа отворен шестчасовен коридор за евакуација на цивилите appeared first on Република.

Израелските бомбардирања против позициите на Хамас во Појасот Газа продолжија и синоќа, речиси две недели по нападот врз Израел во кој животот го загубија повеќе од 1.400 луѓе, јави ДПА.

Борбени авиони нападнаа повеќе од 100 позиции и убиле припадник на палестинската група за која наводно учествувал во нападот на Хамас на 7 октомври, соопштија утрово Израелските одбранбени сили (ИДФ).

Претставници на ИДФ додадоа дека биле бомбардирани тунел, магацини за оружје и десетици командни центри. Дополнително, при целен напад на градот Газа, била „ликвидирана дивизија на Хамас“.

Објектите и оружјето на групата биле уништени во џамија северно од градот Џабалија, за кој Израел рече дека се користи како место за набљудување и тренинг.

Израел одговори на нападот од страна на милитантите на Хамас со силно бомбардирање на Појасот Газа, во кој според палестинските власти досега загинаа 3.785 луѓе.

На границите на крајбрежната енклава, каде живеат повеќе од два милиони луѓе, израелската Армија се подготвува за можна копнена офанзива. Хамас држи повеќе од 200 заложници во Газа.

The post ИДФ продолжија со напаѓање цели на Хамас во Појасот Газа appeared first on Република.