Во делови од хрватскиот Јадран годинава наплаќаат и користење на плажа, односно капење во море, па така, на пример, „дневниот престој“ во кампот „Млашка“ на островот Хвар чини две евра, пишува денеска сплитска „Слободна Далмација“.

Ако сме корисници на кампот – во ред, нешто што е под концесија треба да се наплати, но колку што можам да видам на достапните веб-страници, тој камп воопшто нема концесија на плажа, а камоли за концесија која вклучува наплата за користење на морето,  рекла една жена за сплитскиот весник.

Ми рекоа дека треба да платам три дневни билети за капење на плажа, за тројца возрасни, додала таа.

Појаснила дека не се работи за лежалка, чадор, или паркинг, туку цена од две евра по човек за капење и користење на плажата.

Жената обелоденила дека ова непријатно искуство го доживеала на источната страна на островот, а на сметката што ја добила, услугата е наведена како „дневен престој“, без дополнително објаснување.

The post Лудилото нема крај: На плажа во Хвар го наплаќаат и капењето во море, дневен престој чини две евра appeared first on Република.

Туристите речиси секојдневно се жалат на високите цени во Хрватска, особено на Јадранот.

Иако домаќините ги советуваат да ги проверат цените во ценовникот пред да нарачаат, изгледа дека се непријатно изненадени дури после ручекот...

Младата туристка Теона од Њујорк објави на TikTok и Instagram како била шокирана од сметката на Хвар. Според неа, таа по професија е блогерка која пишува за модата, убавината и патувањата.

Сметката изнесуваше 402,42 евра. Ја пофалила храната како одлична.

„Еве што се случува кога ќе ја прифатите препораката на келнерот за мезе и главно јадење. Тој не праша и колку сме гладни, а ние рековме дека не сме премногу гладни. Се прашувам колку ќе беше сметката ако кажевме дека сме гладни“, коментира разочараната њујорчанка. Сепак, таа го пофали сместувањето на Хвар како и самиот остров и напиша препораки.

„Градот е прекрасен. А Јадранското море е прекрасно сино“, покрај Хвар ги посетила и Корчула и Дубровник.

Додека дел од корисниците на социјалните мрежи се согласија со неа дека цените се претерани, имаше и такви кои ја критикуваа.

„Седнавте во сред сезона во познат ресторан на врвна локација, јадевте половина од чудата на морето, а потоа се чудевте на сметката - е еден од коментарите. Други додаваат дека никогаш не отишле во ресторан во нивниот живот без да го погледнат ценовникот.

Па, тоа не вреди ни 50 евра“, ѝ напишал еден турист.

The post Њујорчанка платила 400 евра за вечера на Хвар: „Храната е одлична, но…“ appeared first on Република.

Додека двајцата туристи уживале во огнени коктели на Хвар се стекнале со тешки изгореници, објави „24 сата.хр“. Едно лице ги повредило двете раце, додека друго се здобило со изгореници на 25 отсто од телото.

Полициските службеници на Сплитско-далматинската управа добиле известување за несекојдневен инцидент, во кој биле повредени маж и жена. Како што соопштија, тие двајца се повредиле во ресторан на Хвар додека пиеле огнени коктели. Жената ги повредила двете раце, а мажот се здобил со изгореници на 25 отсто од телото.

Мажот е задржан на понатамошно лекување, но според болницата не е во животна опасност. Жената се здобила со полесни повреди и по прегледот била пуштена од болница.

Несреќните туристи не се единствените на кои им се случило вакво нешто, а на социјалните мрежи има видеа кои покажуваат дека нарачувањето на ваков егзотичен пијалок може да заврши со неочекуван и непосакуван исход.

https://www.youtube.com/watch?v=G9TaEuZjWaU&feature=emb_title

The post Бизарна несреќа на Хвар: Туристи се запалиле додека пиеле огнени коктели appeared first on Република.

Турист на хрватското приморје ја покажа сметката во една од пекарите. Тој во Хвар купил две големи пици, таканаречени „џамбо“, За тоа платил неверојатни 800 куни што е околу 6500 денари.

Муштеријата веднаш сликата ја објавил на Фејсбук со напомена никогаш да не стапнат во објектот „Рива“.

The post Претерано: Две пици на хрватското приморје 6.500 денари appeared first on Република.