Ковачевски не си верува на себе или на заменик министерката за правда. Предлогот за хрватската преамбула дојде од владата, но се разбира, нашите министри и заменици читаат селективно и не знаат дека во правото, интерпретацијата не може да биде механичка. Не може да во набројаните малцинства да ги зацрните Македонците и да речете што и фали на Хрватска, изјави пратеничката Гордана Силјановска Давкова за „За или против“ на Алфа телевизија.

Таа истакна дека се чита преамбулата како историска приказна тоа е уставо-правната меморија.

Илјадната хрватска историја е таму. Сите републики и сите народи кога се распадна Југославија се повикаа на правото на самоопределување дои отцепување тоа значи дека ако во рамките на федерацијата имаат такво право, значи дека може и самостојно да продолжат така и имаат паво на сувереност. Првиот член и вториот член на хрватскиот устав велат дека Хрватска дека е национална држава на хрватскиот народ и држава на малцинствата, изјави таа.

Додаде дека кога се вели национална држава не се вели дека државата сега се создава, се влече својот легитимитет, државно правен континуитет.

Ние имавме слична работа во поблага форма. Во двата устави и македонскиот и хрватскиот има „и други“. Не може сите да се набројат туку треба да се гледа суштински што им се гарантира, истакна Силјановска Давкова.

Во однос на работните групи, таа потенцираше дека власта со тоа се труди да креира перцепција дека тргнала работата и дека уставните измени не се пишуваат туку така.

Промена на Устав е сериозна работа и не се прави вака. Ни се смеат на Преспанската измена уставоправен аспект. Дури ни професори по Уставно право не знаат што значи дека зборот тој и тој се менува со реченицата таа и таа. Тој што го пишувал тоа нема поим од Уставно право. Нелегитимно е и да се менува устав во последна година од мандат. Потоа никој на избори не праша дека ќе се менува Устав, нагласи Силјановска Давкова.

Таа потенцираше дека Устав не се менува како на берза.

The post Силјановска Давкова: Устав не се менува како на берза, Ковачевски не си верува себеси – предлогот за хрватската преамбула дојде од Владата appeared first on Република.

Ковачевски рече-Таче одрече. До пред само некоја недела власта го посочуваше хрватскиот модел за преамбулата на Уставот како добра основа за уставните измени кои треба да се направат со цел Бугарите да влезат во Уставот.

И навистина Уставот на Хрватска е добар пример бидејќи носител на државноста е хрватскиот народ a на сите други малцинства, меѓу кои и на македонското им се гарантирани сите права. Клучен збор е „малцинства“ односно „nacionalna manjina“  како што се нарекуваат во хрватскиот Устав.

Ако се препише хрватскиот Устав, сите кои живеат во Македонија а не се Македонци, односно Албанци, Турци, Срби, Власи, Бошњаци, и по ново Бугари, Хрвати и Црногорци треба да бидат во променетиот македонски Устав, односно во неговата преамбула.

Ништо спорно, и никој би не би имал против. Затоа беше за поздравување што власта во Македонија го посочуваше хрватскиот модел.

Но, откако лидерот на ВМРО-ДПМНЕ Христијан Мицкоски се изјасни дека за него хрватскиот Устав е прифатлив и оти би би прифатил такви промени на Прембулата, да се пробудија духовите.

Први се јавија албанските партии со изговор дека минало времето кога една нација или народ надвадувала на друг и оти промената на Уставот требало да ја изразува реалноста, односно мултиетичноста на Македонија.

А што си мислеше власта и албанските партии? Дека Уставот е излог од кој ќе си земат само она што им одговара, во случајот набројувањата на сите помали заедници како што е во хрватскиот Устав, а она што не им одговара а тоа е истакнувањето на македонскиот народ како носител на државноста ќе го оставиме во витрината? Така тоа не бидува.

Ковачевски како по обичај се прави дека не е одовде или пак е свесен дека и онака никој ништо не го прашува.

Јас не кажав што е прифатливо, што не е прифатливо, кажав дека прво работи работна група во рамки на Министерството за правда во којашто членуваат експерти и во која веќе се поканети претставници на политичките партии застапени во Парламентот и којашто ќе треба врз основа на најдобрите искуства да изработат предлог којшто треба да биде ставен на расправа. И кажав дека има политички партии кои што зборуваат за еден модел, па има политички партии кои зборуваат за друг модел на амандмани, трети зборуваат за трети. Вие кажавте за хрватски, излезе друга политичка партија кажа за швајцарски модел, трета излезе за белгиски модел да зборува и затоа треба да се седне на експертско ниво и да се изработи предлог којшто одговара на македонското општество и којшто одговара на нашите закони и на она што ние го очекуваме од нашата иднина како идна земја членка на Европската унија. Јас не кажав ниту дека сум за нешто за, ниту дали сум за нешто против-рече Ковачевски денеска.

The post Сега и хрватскиот модел не бил добар: Албанските партии мислат дека Уставот е излог од кој ќе си земат само што она им одговара appeared first on Република.

Власта упорно молчи по најавата на лидерот на опозицијата Христијан Мицкоски дека е подготвен за уставни измени по хрватскиот модел.

Наместо Ковачевски, говори неговиот нов коалициски партнер Арбен Таравари, кој бара уставни измени по швајцарски, а не по хрватски модел. Против хрватскиот модел се изјасни и Алтернатива иако за оваа партија не знаеме дали е власт или опозиција.

Можеби хрватскиот премиер Андреј Пленковиќ кој е денеска во посета на Македонија ќе ја убеди власта дека тоа е добар пример и оти ќе бидат заштитени сите права на малцинствата.

https://republika.mk/vesti/makedonija/dali-plenkovik-vo-skopje-ke-pobara-od-vlasta-da-go-prifati-hrvatskiot-model-na-ustav/

За ВМРО-ДПМНЕ молкот на власта на Ковачевски покажува дека тие не се спремни една таква европска преамбула да ја прифатат, туку сакаат повторно да прават егзибиции.

Граѓаните гледаат дека не си имаат работа со европски политичари во власта, туку само со  кариеристи кои заради личен интерес се подготвени да направат се само да се задржат некој ден повеќе во фотелја. Овие луѓе, на чело со Ковачевски немаат ниту европски вредности, ниту имаат национално и државничко чувство. Тие се купи ден политичари, кои тргуваат со националните интереси.Последната реторика која ја имаа со предлагање на хрватскиот модел на преамбула, од која потоа самите ретерираа, само ја покажува нивната кусогледост и хипокризија.

The post Toлку од европските вредности на власта – не го прифаќа хрватскиот модел на Устав appeared first on Република.

Зошто Ковачевски и Ахмети молчат за предлогот да се ископира Хрватскиот модел на Устав, земја членка на ЕУ која до вчера ја кажуваа за пример? прашува ВМРО-ДПМНЕ.

СДС и ДУИ треба да се изјаснат за ставот на ВМРО-ДПМНЕ, Уставот на Македонија да се преслика од тој на Хрватска, каде Македонската држава ќе се означи како држава на Македонскиот народ и малцинствата кои живеат во Македонија, каде поименично ќе се запишат сите кои беа опфатени во последниот попис.

Според ВМРО-ДПМНЕ Пресликување на Хрватскиот модел, е одличен пример за Македонија.

Хрватскиот устав е устав на земја членка на ЕУ и сметаме дека пресликување на истиот може само да ја зацрвсти нашата посветеност кон ЕУ и нејзините стандарди.Доколку СДС и ДУИ се искрени тие нема зошто да се противат на хрватскиот модел, кој ги гарантира правата на сите малцинства

The post Зошто Ковачевски и Ахмети молчат за предлогот да се ископира хрватскиот модел на Устав? appeared first on Република.

Според аналитичарот Александар Кржаловски, ВМРО-ДПМНЕ направи одличен потег со предлогот за имплементација на хрватскиот Устав. Како што изјави за „Тема на денот“ на Сител, ова е одличен потег на ВМРО-ДПМНЕ да ја заврти дискусијата од притисок кон нив дека не сакаат уставни измени со шокантен противудар со кој се тепаат три муви, додека пак СДСМ се затекнати и немаат одговор.

Топката се префрли на владината страна и тоа од една страна СДСМ, а од друга страна сите албански партии. СДСМ се фати во дефанзива и се шокирани од предлогот, што ја покажува леснотијата со која се прифаќаат некои работи како тоа што се прифати во јули за ова или претходно Преспа. Испаѓа на непрочитано, бидејќи најмногу циркулираше да се земе хрватскиот Устав како предлог, рече Кржаловски.

https://republika.mk/vesti/makedonija/ako-sdsm-i-dui-se-evropjani-da-gi-prifatat-izmenite-na-ustavot-po-primerot-na-zemja-chlenka-na-eu/

Додаде дека сега испаѓа дека поинаку бидејќи или не го прочитале или не ги разбрале деталите, бидејќи ВМРО-ДПМНЕ ги изненади.

Додека СДСМ се мисли како да одговори, интересна е реакцијата од албанскиот блок. Први беа Алијанса за Албанците, потоа Алтернатива со одбивање, што демонстрира чудна ситуација, дека по кажува фразата „по туѓ грб, 100 стапа не болат“. Додека се удираше по македонскиот народ, се ќе прифатеа, но кога се одзема од тоа за Албанците, сега е проблем и неприфатливо. Како така? Ова што го предлага ВМРО-ДПМНЕ исто така е европски предлог, ама не им одговара на нив, истакна Кржаловски.

The post Кржаловски: СДСМ се затекнати од предлогот на ВМРО-ДПМНЕ, испаѓа дека го нудеа Уставот на Хрватска на непрочитано appeared first on Република.

За Социјалистичката партија на Македонија начелно е прифатлива преамбулата од хрватскиот Устав да се примени и во измените во Уставот на Република Македонија.

Социјалистичката партија на Македонија го задржува принципиелниот став и инсистира на условување на уставните измени со реципроцитет во бугарскиот Устав и наведување на македонското малцинство во него.

Меѓутоа, како што е претходно напоменато од наша страна, сметаме дека овој парламентарен состав нема добиено мандат за било какви уставни измени.

Оттаму е потребата за одржување брзи предвремени парламентарни избори, став зад кој Социјалистичката партија на Македонија цврсто стои.

Воедно, Социјалистичката партија на Македонија не е подготвена и исклучува секаква можност да започне било каков дијалог со СДС, сметајќи го тоа за чин спротивен на изградените партиски ставови и нарушување на концептот за заштита на националните и државните интереси.

The post За СПM начелно е прифатлива преамбулата од хрватскиот Устав appeared first on Република.

Власта многу пати досега на темата уставни измени во јавноста ги пласираше тезите за промена на Уставот на Република Македонија, по моделот во Република Хрватска. Оваа држава, Република Хрватска, е земја членка на ЕУ па оттука и промената на уставот по т.н. хрватски модел за ВМРО-ДПМНЕ е сериозно применлив и прифатлив. Затоа, испраќаме јавна понуда до власта при промена на нашиот устав да го примениме хрватскиот модел во целост во однос на преамбулата, ова денеска преку прес-конференција го истакна Марија Митева од ВМРО-ДПМНЕ.

Со тоа, Македонија ќе го промени мултиетничкот карактер во унитарен и аналогно на тоа Македонија ќе е држава на македонскиот народ и држава во која припаѓаат националните малцинствата, кои живеат тука. Еве како би изгледал македонскиот устав, односно преамбулата ако би се земала во предвид хрватската преамбула: Република Македонија се воспоставува како национална држава на македонскиот народ и држава на припадниците на националните малцинствата: Албанци, Турци, Роми, Власи, Бошњаци и др., кои се нејзини државјани, на кои им се гарантираат исти права со тие на македонскиот народ и остварување на националните права, во согласност со демократските норми на Организацијата на Обединети Нации - вели Митева.

Таа додава дека со тоа, сегашната преамбула ќе претпрпи значителна промена од причина што актуелната преамбула гласи:

Граѓаните на Република Македонија, Македонскиот народ, дел од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите!

Воедно, спремни сме да разговараме сите националности кои се забележани во последниот попис да бидат дел од националните малцинства, но Македонија да биде унитарна држава. Ваков модел, во оваа форма ВМРО-ДПМНЕ како политичка партија е подготвена веднаш да поддржи, без никакви условувања. Очекуваме СДСМ и ДУИ да го прифатат овој предлог од причина што самите постојано се прокламираат за европски политичари, па оттука после нивните изјави со кои хрватскиот модел го предлагаат како најсоодветен пример за промена и примена во Македонија не веруваме дека сега би биле против овој модел и би одбиле Македонија да биде унитарна држава - вели Митева.

The post При промена на Уставот на Македонија да се примени во целост хрватската преамбула appeared first on Република.