Долго време во јавноста се зборува дека е потребно европско решение на проблемот кој што Македонија во однос на европските интеграции. И долго време двете владејачки партии СДСМ и ДУИ зборуваа дека Хрватска може да е пример кој што може да се следи. И ние за тоа велиме доколку Хрватска е модел којшто може да се следи дајте да ја копираме Преамбулата од хрватскиот Устав и јасно да напишеме дека Македонија е национална држава на македонскиот народ во којашто исто така живеат и националните малцинства и да се набројат сите национални малцинства кои што се појавуваат во пописот“, истакна потпретседател на ВМРО-ДПМНЕ, Александар Николоски, во гостување во емисијата „Трилинг“ на телевизија 24.

Николоски додаде дека во Хрватска такви се 22 национални малцинства.

Мислам дека по 30 години порази на македонскиот народ од промена на знамето, преку двапати промена на име и неколкупати промена на Устав до финалната промена на името, време е и другите политички субјекти во Македонија да дадат, пред се мислам тука на политичката партија ДУИ којашто 20 години ги ужива плодовите на власта, и нешто конечно да добијат Македонците, а тоа е дека ова е национална држава на македонскиот народ.

 

Тоа е нашиот предлог, тие претходно го зборуваа и така што не гледам пречка зошто не би се прифатил. И мислам дека конечно ДУИ нема да е кочничар на евроинтеграциите на Македонија, на почетокот на преговори на Македонија со ЕУ. Уште помалку мислам дека ДУИ би биле за тоа да Македонија и Албанија да се одвојат затоа што ако Македонија не почне преговори тогаш ќе се раздвои од Албанија.

 

Ние сме за Преамбула во која што Македонија ќе биде дефинирана како национална држава на македонскиот народ и националните малцинства кои што живеат во неа. А, за овој предлог кој што во моментов го туркаат СДСМ и ДУИ ние не сме, и сме го кажале тоа и нема да подржиме промена на Устав“, изјави Николоски.

Потпретседателот на ВМРО-ДПМНЕ, посочи дека имаше неколку прес конференции на Димитар Ковачевски во изминативе скоро година дена каде што тој предлага хрватски модел. Исто така и Бујар Османи, којшто е претставник на ДУИ, предлагаше хрватски модел. И сега, кога ВМРО-ДПМНЕ вели да се усвои хрватскиот модел, тогаш власта го одбива. Пред неколку дена претседателот Стево Пендаровски исто така го одби хрватскиот модел. И така на тој начин тие ја покажуваат дволичноста и покажуваат каков однос имаат.

ТВ дуел мислам дека е здрав за секоја демократија помеѓу претседателот на Владата и лидер на опозицијата. За жал во Македонија не се случуваат често, ретко ги гледаме. А, добро е да се случат, за да разменат аргументите, да види јавноста кој каде е и што е, и после тоа да може да носи одлука кога ќе гласа на избори.

 

А, во однос на работните групи ако нешто не сакате да завршите тогаш влезете во вакви изведувања на процедури. За процесот на уставни измени не постојат работни групи. Процесот на уставни измени е многу јасен, се иницира уставна измена во Собранието за која што е потребна двотретинско мнозинство, потоа Комисијата за уставни прашања на Собранието, значи институционална форма, подготвува Нацрт – текст кој што како предлог се усвојува во Собранието со 61 пратеник. И потоа повторно се враќа во Комисијата и Комисијата го потврдува и се усвојува во Собранието со двотретинско мнозинство. Тоа е уставниот начин за промена на Уставот. Никаде нема работни групи“, нагласи потпретседателот на ВМРО-ДПМНЕ, Николоски.

Тој рече ако власта мисли дека има поддршка во Собранието нека го усвојат предлогот за почеток на уставни измени. Но власта во Собранието нема двотретинско мнозинство и се обидуваат со работни групи да играат во јавноста.

The post Николоски: ВМРО-ДПМНЕ е за хрватски модел на Уставот, СДСМ и ДУИ кажуваа дека се за хрватски модел, но сега не го сакаат appeared first on Република.

Петар Поп-Арсов

До пред некое време со големо внимание ги следевме изборите во Бугарија. Со внимание и надеж дека кај нашиот сосед ќе се случи нешто кое што ќе ги релаксира односите со Македонија и ќе ја заврши оваа ера на „добрососедство“ со потис и печат ставени од Заев и Борисов. Го испративме Каракачанов (веќе и го заборавивме), го испративме и Слави, дури и ликот на „прогресивниот“ Петков некако бледнее иако сè уште се препелка во калта на бугарската политичка реалност.

И така, избори по избори, веќе ни бројот не им го следиме, Бугарија никако да излезе на прав пат и да формира стабилна политичка влада која ќе ја дефинира вистинската определба на нејзините граѓани. Колку да знаеме со кого се, со кого сакаат да им биде државата?! Со партнерите од партнерствата во кои во моментов се членки или со другите каде што некогаш беа членки?

Со ЕУ и НАТО се, или со Русија? Никако да се решат! Теоретски гледано, мнозинството од нивните гласачи постојано поддржуваат политички опции кои во принцип се за ЕУ и НАТО, но никако нивните ЕУ-НАТО опции да најдат заеднички јазик и да формираат влада. Се некако не им оди, не се согласуваат, те ова не чини, те она не е добро и веќе во подолг временски интервал овозможуваат главниот збор да го има Румен Радев. Претседателот Радев, прорускиот политичар кој раководи со земја членка на ЕУ и НАТО во услови кога овие две организирани форми на држави активно се ангажирани во војната во Украина. Баш онака, бугарски!
Ќе помислам дека намерно го прават тоа?! Дека намерно се позиционираат во сивата зона на геополитиката чекајќи го исходот на војната во Украина. Онака, за секој случај. Не се знае кој ќе победи горе, па што си е сигурно, сигурно е. Немаме влада, не можеме ефикасно да донесуваме одлуки, не можеме со цел капацитет да им се придружиме на партнерите, и така. Класична бугарска политика.

Ако се работи за некоја народна мудрост, која како колективна свест се пресликува на изборните резултати во континуитет неколку изборни циклуси наназад заради заштита на нацијата, тоа е навистина брилијатно. Народот сам гласа во правец на пат позиција блокирајќи го процесот на формирање на влада?! Навистина интересен феномен! Но, доколку тоа е потпомогнато и од политичките елити на бугарските ЕУ-НАТО опции, е тоа е веќе нешто друго. Тоа е веќе организирана форма на делување на бугарската политика во правец на играње на улогата „ни риба, ни девојка“, чекајќи го исходот на играта од горе.

Шенген може да почека, еврозоната исто така, дури и привлечноста на европските финансиски фондови се со помала сила од силата на стравот и љубовта од и кон Русија.

Некако натака ми врти работава. Самите велат дека во однос на Македонија ја завршиле работата и веќе е извесно дека македонското прашање е недоволен параван зад кој можат да се кријат. Самите велат дека бугарските позиции кон Македонија веќе се европски позиции и како такви се дел од преговарачката рамка на ЕУ кон Македонија. Тука можат да одморат и да се фокусираат на тоа како да ги предриблаат оние што играат на големиот терен.

А ние?
Ние ќе се расправаме за уставните измени кои што ни ги наметнаа како обврска! Ќе си ги вадиме очите за обврската која што самите ја прифативме! Ни власта повеќе не негира дека сме влезени во процес на самоблокада. Тогаш кога ја критикувавме и опоменувавме дека со прифаќањето на францускиот предлог состојбата на самоблокада ќе стане наша реалност, тие велееа дека со самиот чин на прифаќањето на обврската за уставни измени всушност започнуваме со преговорите со ЕУ. Денес е очигледно е дека тоа беше лага, уште една во низата лаги поврзани со напредокот во процесот на евроинтеграциите која што ни ги сервираше оваа власт.

Од скоро го имаме хрватскиот модел на уставот на маса, како предлог даден од ВМРО. Поточно кажано, ја имаме преамбулата на хрватскиот устав која во себе содржи формула која во моментов претставува основа околу која внесувањето на Бугарите во уставот би било поддржано од потребниот двотретински цензус во Собранието. Ова е чекор напред! Испружена рака и чин на конструктивност демонстриран на македонската политичка сцена.

Хрватскиот модел како предлог покажа дека Бугарите воопшто не се, ниту пак биле проблем. Проблем сме ние, Македонците. Проблем е нашиот статус и дефиниција во рамки на Уставот на сопствената држава. Постојаните промени на Уставот, диктирани и наметнати под разни околности и притисоци го еродираа статусот на македонскиот народ до таа мера што веќе македонската држава станува непрепознатлива како матична држава на мнозинскиот народ, Македонците.

Симптоматично е тоа што СДСМ молчи во однос на хрватскиот модел. Молчат и другите релевантни политички партии од кои зависи целокупната постапка на промената на Уставот. За волја на вистината токму Ковачевски беше првиот кој јавно го посочи хрватскиот модел како излезна формула од македонската самоблокада. Зошто сега не се произнесува кога има подадена рака? Можеби се плаши од реакција на коалиционите партии од албанскиот кампус, особено од оној релевантниот дел кој и понатаму молчи и тактизира. Го оставаат Таравари и неговите партиски колеги да пласираат тези кои се далеку од европските вредности, стандарди и заеднички тенденции и аспирации кои што ги имаме во однос на ЕУ.

Го оставаат да го ползува нелегитимниот и криминално спроведен попис како аргумент кој го спротивставува на предлогот за примена на хрватскиот модел. Го оставаат да користи неевропска реторика враќајќи не далеку во минатото. Ги оставаат или намерно ги пуштаат во јавноста сопствените мегафони и платеници да толкуваат дека со примена на некои термини од хрватскиот устав ќе сме се врателе назад и ќе сме ги загрозиле правата на етничките заедници.

Пред некаде две, двеипол години пишував на оваа тема во една од моите претходни колумни (хиперлинк во прилог) и дадов свое видување за тоа како е дефиниран статусот на етникумите кои живеат во Македонија. Особено за етникумите и деловите од народи кои живеат во Македонија како малцинства.

Да се потсетиме:
„Национално малцинство или етничка заедница?
Во однос на дефиницијата на терминот национално малцинство, може да се каже дека дури ни Рамковната конвенција за заштита на националните малцинства на Советот на Европа не содржи дефиниција за тоа што претставува национално малцинство. Причината е едноставна, сè уште не постои општа дефиниција за која се согласиле сите земји членки на Советот на Европа. Секоја земја располага со простор да процени кои групи граѓани треба да бидат опфатени со Конвенцијата на нејзината територија. Заради ваквата недореченост во однос на ова прашање има постојан конфликт и тужби пред Судот во Стразбур.

Терминот национално малцинство со кој се дефинира положбата на еден етникум во една држава, претставува сериозен статус на тој етникум во рамки на конкретната држава. Покрај малцинствата кои претставуваат дел од народ со сопствена национална држава, постојат и малцинства кои како народ во целина немаат сопствени национални држави. Најкарактеристичен пример за ваков тип на малцинство, присутен речиси во сите европски земји и пошироко е Ромскиот народ. Токму за таквите малцинства, најблиската и најточната дефиниција би бил терминот етничка заедница.

Тука доаѓаме до нашиот Охридски рамковен договор и неговиот двосмислен и експериментален карактер. По потпишувањето на овој договор, Македонија е дефинирана како држава на Македонскиот народ и делови на албанскиот, турскиот, влашкиот, српскиот, ромскиот, бошњачкиот и други народи. Текстот од Уставот во продолжение не го содржи терминот национално малцинство, туку во употреба е терминот етничка заедница. Во терминолошка смисла постои целосно изедначување на претставниците на народи кои имаат свои национални држави (албанците, србите, турците и бошњаците) и оние кои немаат (ромите и власите), и сите се сместени во поимот етничка заедница.

Доаѓаме до поентата!

Силните „борци за етнички права“, кои со војната од 2001 година предизвикаа уставни измени, го сведоа својот народ на етничка заедница. Испаѓа како македонските албанци, срби, турци итн. да немаат врска со нивните матични држави и не претставуваат нивно национално малцинство во Македонија, туку се некоја етничка творба која самата себе се дефинира под поимот албанец, србин, турчин итн. Откажувањето од терминот национално малцинство и прифаќањето на терминот етничка заедница дефинитивно беше чекор назад...

Многу експерименти и многу експериментални термини на оваа македонска земја. Многу понижувачки и пред се самопонижувачки термини со кои самите на себе си ја нанесуваме најголемата штета.“

Немам што да додадам на погоре кажаното. Само можам да заклучам дека сопствен прилог и придонес во македонскиот евроинтегративен процес треба да дадат сите етникуми кои живеат во Македонија, без разлика дали тие сакаат да останат на ниво на етничка заедница или пак да бидат третирани согласно светските стандарди како како дел од сопствениот народ, кој има сопствена национална држава, а кој живее во Македонија како национално малцинство.

А Бугарија? Бугарија зафатена со сопствените проблеми и мака како да се спаси од стегите во кои е ставена во геополитички контекст, ќе го чека исходот од македонската самоблокада. Ќе чека и постојано ќе мешетари надевајќи се дека ова прашање во скоро време нема да се реши. Барем не додека војуваат Русија и Украина. Не сум баш сигурен, поточно убеден сум дека Бугарија е таа која најмалку сака да го решиме ова прашање и да ги ставиме Бугарите во Уставот!

Македонската власт е на потег!

The post Деблокада на македонските евроинтеграции по хрватски терк – Pse jo?! appeared first on Република.

Хрватскиот премиер Андреј Пленковиќ во Скопје не побара Македонија да усови уставни измени како во неговата земја. Тој го употреби зборот „својствени“за земјава и порача дека сега е моментов нашата држава, штитејќи го националниот интерес, идентитет и јазик, да ја засили динамиката во евроинтеграциите.

Тој момент е сега и треба да се искористи. Сега Македонија може да го забрза процесот. Време е за повлекување на вистинските потези и стратешки одлуки – рече Пленковиќ на заедничката прес-конференција со премиерот Димитар Ковачевски.

Процесот на уставни измени е структуриран процес согласно закон и согласно Устав, изјави денеска премиерот Димитар Ковачевски во одговор на новинарско прашање за хрватскиот модел за уставни измени.

Ковачевски беше дециден дека не може да каже што е прифатливо, а што не е прифатливо за него туку дека тој е за тоа работната група во Министерството за правда да изработи предлог којшто одговара на македонското општество, на нашите закони и на она што ние го очекуваме од нашата иднина како идна земја - членка на ЕУ. Премиерот го отфрли предлогот на ВМРО-ДПМНЕ за лидерска средба бидејќи ставовите на политичките партии се веќе познати.

-Јас не кажав што е прифатливо, што не е прифатливо, кажав дека прво работи работна група во рамки на Министерството за правда во којашто членуваат експерти и во која веќе се поканети претставници на политичките партии застапени во Парламентот и којашто ќе треба врз основа на најдобрите искуства да изработат предлог којшто треба да биде ставен на расправа. И кажав дека има политички партии кои што зборуваат за еден модел, па има политички партии кои зборуваат за друг модел на амандмани, трети зборуваат за трети. Вие кажавте за хрватски, излезе друга политичка партија кажа за швајцарски модел, трета излезе за белгиски модел да зборува и затоа треба да се седне на експертско ниво и да се изработи предлог којшто одговара на македонското општество и којшто одговара на нашите закони и на она што ние го очекуваме од нашата иднина како идна земја членка на Европската унија. Јас не кажав ниту дека сум за нешто за, ниту дали сум за нешто против, рече премиерот Ковачевски.

The post Пленковиќ не побара да донесеме Устав налик на хрватскиот, бара да бил својствен за нашата земја appeared first on Република.

Според аналитичарот Александар Кржаловски, ВМРО-ДПМНЕ направи одличен потег со предлогот за имплементација на хрватскиот Устав. Како што изјави за „Тема на денот“ на Сител, ова е одличен потег на ВМРО-ДПМНЕ да ја заврти дискусијата од притисок кон нив дека не сакаат уставни измени со шокантен противудар со кој се тепаат три муви, додека пак СДСМ се затекнати и немаат одговор.

Топката се префрли на владината страна и тоа од една страна СДСМ, а од друга страна сите албански партии. СДСМ се фати во дефанзива и се шокирани од предлогот, што ја покажува леснотијата со која се прифаќаат некои работи како тоа што се прифати во јули за ова или претходно Преспа. Испаѓа на непрочитано, бидејќи најмногу циркулираше да се земе хрватскиот Устав како предлог, рече Кржаловски.

https://republika.mk/vesti/makedonija/ako-sdsm-i-dui-se-evropjani-da-gi-prifatat-izmenite-na-ustavot-po-primerot-na-zemja-chlenka-na-eu/

Додаде дека сега испаѓа дека поинаку бидејќи или не го прочитале или не ги разбрале деталите, бидејќи ВМРО-ДПМНЕ ги изненади.

Додека СДСМ се мисли како да одговори, интересна е реакцијата од албанскиот блок. Први беа Алијанса за Албанците, потоа Алтернатива со одбивање, што демонстрира чудна ситуација, дека по кажува фразата „по туѓ грб, 100 стапа не болат“. Додека се удираше по македонскиот народ, се ќе прифатеа, но кога се одзема од тоа за Албанците, сега е проблем и неприфатливо. Како така? Ова што го предлага ВМРО-ДПМНЕ исто така е европски предлог, ама не им одговара на нив, истакна Кржаловски.

The post Кржаловски: СДСМ се затекнати од предлогот на ВМРО-ДПМНЕ, испаѓа дека го нудеа Уставот на Хрватска на непрочитано appeared first on Република.

Тезите дека уставните измени би можело да се направат, по примерот во Хрватска, ВМРО-ДПМНЕ ги гледа како добро решение.Со овој модел, Македонија ќе биде држава на еден народ и на малцинствата во нејзе, објаснува Марија Митева од ВМРО-ДПМНЕ.

Воедно, и Димитар Ковачевски, но и Бујар Османи во неколку изјави за медиумите говореа како хрватскиот Устав е прифатлив модел, додека денес молчат. Затоа, ги повикуваме СДС и ДУИ како самопрогласени Европејци, како политички субјекти кои се залагаат за европски фронт да ги прифатат измените на уставот по примерот на земја членка на ЕУ.
Со овој модел, Македонија ќе биде држава на еден народ и на малцинствата во неа.

Имено, во уставот на Република Хрватска јасно пишува НАЦИОНАЛНИ МАЛЦИНСТВА, а во уставот на Република Македонија ДЕЛОВИ ОД НАРОД. Разликата е голема – македонскиот народ е изедначен со останатите народи кои живеат во Македонија, за разлика од националните малцинства во Хрватска.

Во Хрватска јасно пишува дека е национална држава, за разлика од Македонија која е воспоставена како граѓанска држава.

https://www.youtube.com/watch?v=Mv6hP12_InA&embeds_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

The post Aко СДСМ и ДУИ се Европејци да ги прифатат измените на Уставот по примерот на земја членка на ЕУ appeared first on Република.

Она што се случува во владејачкото мнозинство е хаос и немање на принципиелни ставови околу најважните прашања кои се од интерес за државата. Истото се случува и околу уставните измени и барањето за уставни измени кои што знаеме дека веќе подолг период се тераат како една главна стратешка работа од која што би значела евроинтеграцијата на Република Македонија, истакна пратеникот Александар Велјановски.

Тој во врска со уставни измени и различните ставови по ова прашање кај владејачкото мнозинство постои разногласие. Имено тој потсети и на ставот кој претседателот Мицкоски во кажа а тоа е Македонија во својата преамбула биде по моделот на Република Хрватска како национална држава на македонскиот народ и на малцинствата кои што живеат во Република Македонија и кои што ги уживаат истите права како што ги ужива и македонскиот народ.

Јас можам да кажам дека во владејачкото мнозинство постои разногласие. Ова со Хрватскиот модел, предлогот кој што го слушнавме и од страна претседателот Мицкоски, јас го слушнав и од заменик министерката за правда која во една емисијата на една национална телевизија кажале дека правеле една компаративна споредба на сите устави во регионот па и пошироко, не знам можеби и во Африка затоа што од СДС може се да се очекува и дошле до заклучок дека во Република Хрватска, Македонците се дел од преамбулата и дека таму никаков проблем. Оттука и предлогот на претседателот Мицкоски односно фрлената ракавица е токму во таа насока да Македонија во својата преамбула биде по моделот на Република Хрватска како национална држава на македонскиот народ и на малцинствата кои што живеат во Република Македонија и кои што ги уживаат истите права како што ги ужива и македонскиот народ, а во согласност со Повелбата на Обединетите Нации, рече тој.

Велјановски во врска околу разните ставови на повеќе политички партии кои излегоа вчера за уставните измени заклучи дека поради тие различни ставови потребно е да се оди на предвремени парламентарни избори. Тој во врска со одржување на предвремени парламентарни избори додаде дека на тие избори ВМРО-ДПМНЕ ќе излезе со програма, со јасен план, со национален политички, економски во кој што би предложиле како тие како партија ќе се справат со овој проблем.

Во текот на вчерашниот ден слушнавме најразлични интерпретации на овој предлог односно отфрлање на предлогот од страна на албанските политички партии, нов предлог од страна на Алтернатива, повик за влегување во групата што ќе биде комисијата која што ќе се занимава со давање на предлози за тоа како би изгледала преамбулата. Така да сметам дека токму ова разногласие доведува до заклучокот дека е потребно да се оди предвремени парламентарни избори на кои би излегле со програма, со јасен план, со национален политички, економски во кој што би предложиле како ние како партија ќе се справиме со проблемот кој што го наметна Република Бугарија, а преку продолжената рака на Република Бугарија тоа е СДСМ во Република Македонија, заклучи Велјановски.

The post Велјановски: Устав по хрватски модел, Македонија држава на македонскиот народ и малцинствата кои живеат во неа appeared first on Република.

Секој ден граѓаните ги слушаат СДСM и ДУИ со полни зборови за Европа, а еве им сега шанса да ги претворат во дела тие зборови. ВМРО-ДПМНЕ безусловно и веднаш, прифака уставни измени по моделот на Хрватска, велат од партијата.

Македонија да стане национална држава на Македонците и малцинствата во нејзе. Односно Македонија би била држава на еден народ, со широко набројување на сите малцинства.

Тоа би изгледало вака:

“Република Македонија се воспоставува како национална држава на македонскиот народ и држава на малцинствата: Албанци, Турци, Роми,  Срби, Власи, Бошњаци и други, кои се нејзини државјани, на кои им се гарантираат исти права, со тие на македонскиот народ и остварување на националните права, во склад со демократските норми на ООН”

Веруваме дека СДС и ДУИ нема да имаат ништо против, да прифатат европски устав како решение за уставните измени

The post Како би изгледал нашиот Устав според хрватскиот модел: Република Македонија се воспоставува како национална држава на македонскиот народ и држава на малцинствата,Албанци, Турци, Роми, Срби… appeared first on Република.

За Социјалистичката партија на Македонија начелно е прифатлива преамбулата од хрватскиот Устав да се примени и во измените во Уставот на Република Македонија.

Социјалистичката партија на Македонија го задржува принципиелниот став и инсистира на условување на уставните измени со реципроцитет во бугарскиот Устав и наведување на македонското малцинство во него.

Меѓутоа, како што е претходно напоменато од наша страна, сметаме дека овој парламентарен состав нема добиено мандат за било какви уставни измени.

Оттаму е потребата за одржување брзи предвремени парламентарни избори, став зад кој Социјалистичката партија на Македонија цврсто стои.

Воедно, Социјалистичката партија на Македонија не е подготвена и исклучува секаква можност да започне било каков дијалог со СДС, сметајќи го тоа за чин спротивен на изградените партиски ставови и нарушување на концептот за заштита на националните и државните интереси.

The post За СПM начелно е прифатлива преамбулата од хрватскиот Устав appeared first on Република.

Со почнување на процесот во Собранието ќе се отвори јавна расправа, преку работни групи, каде може и Мицкоски и ВМРО-ДПМНЕ да дадат свои предлози. Овој процес мора да биде инклузивен, транспарентен за да дојдеме до најдобрите предлози и решенија за промените во Уставот, со цел да го продолжиме европскиот пат на нашата држава, најави Игор Каевски од СДСМ.

Ваквата најава од власта доаѓа откако ВМРО-ДПМНЕ изрази подготвеност да разговара за промена на преамбулата н Уставот по хрватскиот модел.

https://republika.mk/vesti/makedonija/miteva-pri-promena-na-ustavot-na-makedonija-da-se-primeni-vo-tselost-hrvatskata-preambula/

The post Власта ја повика ВМРО-ДПМНЕ да даде предлози за уставни измени appeared first on Република.

Власта многу пати досега на темата уставни измени во јавноста ги пласираше тезите за промена на Уставот на Република Македонија, по моделот во Република Хрватска. Оваа држава, Република Хрватска, е земја членка на ЕУ па оттука и промената на уставот по т.н. хрватски модел за ВМРО-ДПМНЕ е сериозно применлив и прифатлив. Затоа, испраќаме јавна понуда до власта при промена на нашиот устав да го примениме хрватскиот модел во целост во однос на преамбулата, ова денеска преку прес-конференција го истакна Марија Митева од ВМРО-ДПМНЕ.

Со тоа, Македонија ќе го промени мултиетничкот карактер во унитарен и аналогно на тоа Македонија ќе е држава на македонскиот народ и држава во која припаѓаат националните малцинствата, кои живеат тука. Еве како би изгледал македонскиот устав, односно преамбулата ако би се земала во предвид хрватската преамбула: Република Македонија се воспоставува како национална држава на македонскиот народ и држава на припадниците на националните малцинствата: Албанци, Турци, Роми, Власи, Бошњаци и др., кои се нејзини државјани, на кои им се гарантираат исти права со тие на македонскиот народ и остварување на националните права, во согласност со демократските норми на Организацијата на Обединети Нации - вели Митева.

Таа додава дека со тоа, сегашната преамбула ќе претпрпи значителна промена од причина што актуелната преамбула гласи:

Граѓаните на Република Македонија, Македонскиот народ, дел од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите!

Воедно, спремни сме да разговараме сите националности кои се забележани во последниот попис да бидат дел од националните малцинства, но Македонија да биде унитарна држава. Ваков модел, во оваа форма ВМРО-ДПМНЕ како политичка партија е подготвена веднаш да поддржи, без никакви условувања. Очекуваме СДСМ и ДУИ да го прифатат овој предлог од причина што самите постојано се прокламираат за европски политичари, па оттука после нивните изјави со кои хрватскиот модел го предлагаат како најсоодветен пример за промена и примена во Македонија не веруваме дека сега би биле против овој модел и би одбиле Македонија да биде унитарна држава - вели Митева.

The post При промена на Уставот на Македонија да се примени во целост хрватската преамбула appeared first on Република.