ВМРО-ДПМНЕ ја започнува кампањата за парламентарните избори традиционално од Охрид. На големиот митинг во градот на Узунов, Прличев, св. Клиемент и Наум претседателот на најголемата опозициска партија Христијан Мицкоски им се обрати на охриѓани со неколку теми за кои побара гласно размислување.

Зошто Стево Пендаровски ниту еднаш не го спомна ДУИ за било што лошо во кампањата до сега. Јас ќе ви кажам. Уценет е. Го држат. Не смее да писне. И ако кажува дека не е корумпиран не верувајте во такви работи, ако не е корумпиран ќе зборува директно и отворено против ДУИ и против сите криминалци, а нема да калкулира како сега.

Зошто лидерот на СДСМ, Ковачевски не кажува ниту еден збор за тоа што направиле како влада досега.  Зошто не кажува ниеден проект, мерка, реформа. Зошто не кажува за инвестиции кои ги донеле, и дали и како граѓаните подобро живеат во државава. Да дадат отчет што направиле. Отчет нема! Затоа што ништо не направија. Затоа што се заглавени со други приоритети, со крадење и местење тендери. Еве да ви кажам јавна тајна е дека од тендерите во РЕК ДУИ и СДСМ делат 20 проценти од тие што го земаат тендерот. Затоа нема отчет, затоа што единствениот отчет што може да го кажат е колку украле. Но, доаѓа крајот на тоа. И ако мислат ќе им се прогледува низ прсти се лажат. А во тоа ќе се уверат набрзо.

Цел прв круг на претседателски избори слушавме се и сешто, па режимот пак го збореа, сакаат да заборавиме дека се 7 години на власт и видовме што направија, и каков криминален артаноиден режим тие станаа, збореа за измислени теми на кои сами си поставуваа прашања и си одговараа, си креираа самите теми, затворени во меурот на сопствениот ментален склоп отуѓени од народот мислат дека со истите трикови повторно народот ќе се излаже и ќе им поверува. 7 години се на власт. Што добро памтите од нив, освен гафови, предавства, криминални афери?

Ни кажуваа дека земјава седела на маса со најсилните и тие ќе не бранат, заборавајќи да спомнат дека по стандард и живот не донесоа меѓу најсиромашните и најкорумпирани земји во светот, и дека сме рекордери по иселени лица во последниве 7 години, како никогаш во историјата. Ако од некој треба да не бранат најсилните, тоа е од корумпирани политичари како нив, а во тоа и тие веќе се уверени.

Ни кажува Ковачевски дека имал успеси и дека се било добро и дека седеле една тивка ноќ со Стево сами и се договарале. Па дури и Заев го видовме им дојде на помош со спотови. Но добро е што се заедно затоа што така со овие избори завршува една политичка етапа на корумпирани политичари кои ја злоупотребија довербата на граѓаните и дозволија ДУИ да ја киднапира и украде државата од рацете на народот. Ветуваа живот за сите во Македонија, паметите, добивме уживање за Артановци и Зечевци во Македонија, а живот за сите други на раб на егзистенција тука или надвор од земјава.

Ќе видите и во периодот што следува, се ќе прават, ќе измислуваат, само нема да збор да кажат за тоа што направиле за народот, рече Мицкоски.

The post Зошто Стево не го спомна ДУИ, зошто Ковачевски не наброја ниту еден проект: 7 години се на власт, што добро паметите од нив? appeared first on Република.

Ако ВМРО-ДПМНЕ знае да направи нешто што е навистина добро, тоа е да прави проекти, и програми кои ќе бидат најдобриот одговор за реалните проблеми со кој живее човекот. Тежината на оваа програма која ја промовирам денес а која е направена низ долготраен процес на консултации и собирање на најдобрите знаења на луѓето кои сакаат да се вградат во напредокот на државата, се состои во даденото ветување дека си стоиме на зборот. Тие што добро ме познаваат, знаат дека тоа што ќе го ветам, тешко го ветувам, но кога тоа ќе се случи ќе направам се за да го остварам - изјави лидерот на ВМРО-ДПМНЕ, Христијан Мицкоски, на денешната програмска дебата на која се презентира програмата на ВМРО-ДПМНЕ за претстојните параментарни избори, Платформа 1198.

Според него програмата наречена Платформа 1198 е длабоко визионерска програма посветена на развојот на Македонија, квалитетниот живот на сите граѓани, како и поставување на луѓето на прво место.

Платформа 1198 затоа што содржи 1198 проекти со кои решаваме огромен број на проблеми кај граѓаните, затоа што за нас луѓето се на прво место. Со фокус на реалните проблеми, оваа програма е срочена за да гарантира целосно функционирање на системот, заштита на националните интереси, квалитетно образование, како и модерен здравствен систем. Документот содржи и конкретни реформски мерки и политики кои ќе генерираат динамичен и повисок животен стандард, повисоки плати и пензии, притоа осигурувајќи ред и правда за сите. Програмата Платформа 1 198 се потпира на 5 клучни столба. И тоа Прво, активна и постојана борба за квалитетен животен стандард. Она што им е најпотребно на луѓето е пристоен живот. Второ отворање на фронт против корупција. Трето институтциите да работат според законите. Четвртиот столб е обезбедување на функционален систем за граѓаните. Петто, е заеднички патриотизам кој во сусштината е патриотиам кој обединува. И шестиот столб е непоколебливо почитување на правата и слободите на луѓето - рече Мицкоски.

The post Платформа 1198 – 1198 проекти кои се потпираат на пет клучни столба appeared first on Република.