СИРИЗА недвосмислено го осудува новото прекршување на Договорот од Преспа од претседателот на ВМРО - ДПМНЕ и мандатар за премиер на Република Македонија, господинот Мицкоски и ја повикува Владата на Мицотакис конечно да ги преземе предвидените дејствија, соопштија од грчката опозициска партија, јави дописничката на МИА од Атина.

Во соопштението од СИРИЗА велат дека „сакаат да го потсетат ВМРО дека континуираните прекршувања на Договорот од Преспа носат и предвидени санкции“, додавајќи дека целосното усогласување со Договорот „е неопходен услов за членство на Македонија во ЕУ“.

Паралелно од актуелната грчка Влада бараат „веднаш да го интернационализира прашањето со тоа што новото раководство на Македонија ќе биде соочено со своите одговорности пред меѓународната заедница од моментот кога ќе продолжи да го прекршува Договорот“.

-Навистина е жален фактот што Нова демократија и ВМРО, двете сестрински партии во ЕПП, се обидуваат, за да привлечат националистичка публика, да го торпедираат Договорот кој е пресвртница за сите народи на Балканот. Владата на Нова Демократија сноси тешка одговорност за оваа нова штета што ја нанесува на националните интереси, во име на својата неодговорна надворешна политика, избегнувајќи сите овие години какво било активно вклучување во Договорот за да ги одржи внатрепартиските рамнотежи, пишува во соопштението од СИРИЗА.

The post СИРИЗА реагира што Мицкоски кажа Македонија appeared first on Република.

„Мојот став е јасен, кажан во јавноста, повторен и непроменлив итн. А, што се однесува за ставот на поранешниот претседател на ВМРО-ДПМНЕ, Никола Груевски можеби Ковачевски може повеќе да ви каже. Ако знае деталите нека ги сподели со јавноста. Добро е да го прашате еве на следната средба со него да го прашате кој е ставот кој што тој го знае, а јавноста не го знае, ниту пак јас, ниту претпоставувам граѓаните овдека“, истакна претседателот на ВМРО-ДПМНЕ, проф. д-р Христијан Мицкоски од Илинден во врска со уставните измени.

Мицкоски додаде дека неговиот став е јасно кажан, артикулиран и е непроменлив.

„Мојот став јасно е кажан, артикулиран и е непроменлив“, нагласи претседателот на ВМРО-ДПМНЕ

The post Mицкоски: Мојот став за уставни промeни е јасен, повторен и непроменлив appeared first on Република.

Минатата година 2022ра од централниот буџет според податоците кои што се јавни и ги има Отворени финансии (Open Finance) префрлени се околу 200 милиони евра на АД ЕСМ. Повеќе од 200 милиони евра, тоа не се случило. Се сеќавам 2015тата, 2016, 2017тата година тогаш ЕЛЕМ, днешно АД ЕСМ префрлуваше пари на други јавни претпријатија за да работниците од тие јавни претпријатија добијат плати. За само 5 години го направија најголем загубар, и ако ме прашате зошто  тоа така, бидејќи договараат тендери во четири очи, затоа што крадат.Крадат на увозот на јаглен и транспортот на истиот, крадат на уозото на мазут и транспортот на истиот, крадат на тендерите и ископ на јаглен и јеловина.

И сето тоа предизвикува да денеска ЕЛЕМ, односно ЕСМ се најде во ваква состојба, вели претседателот на ВМРО-ДПМНЕ Христијан Мицкоски одговрајќи на новинарско прашање како ја оценува состојбата со енергетиката изминатата 2022ра година.
Мицкоски истакна дека од профитабилна компанија со 25 милиони евра во банки и 7 милиони на сметка, без долгови која ја оставил, владата на СДСМ успеална да направи најголем загубар во Македонија, додавајќи дека само за една година компанијата земала околу 200 милиони евра државна помош.

Од таму некаде 7 ноември до крајот на 2022 година АД ЕСМ само за увоз на електрична енергија плати повеќе од 45 милиони евра. А целата 2022 година доби донации од централниот буџет повеќе од 200 милиони евра. Ете така работи оваа влада на СДСМ од профитабилна компанија која што ја оставив со 25 милиони евра депозити во банки и околу 6-7 милиона на сметка без долгови, со исплатена плата за само 5 години успеаа да ја направат најголем загубар во Македонија, потенцираше Мицкоски
Мицкоски порача дека следната влада на ВМРО-ДПМНЕ ќе ја врати компанијата на вистинска патека и ќе ги санира сите проблеми и штети кои ги има направено  владата на СДСМ изминатите 6 години во делот на енергетиката.

Но, не треба да очајуваме и да губиме надеж бидејќи после предвремените избори доаѓа раководство кое што ќе знае да го санира овој проблем и ќе може практично АД ЕСМ на тие патеки кои што беше пред 5-6 години, рече тој.

The post Мицкоски: СДСМ од профитабилна компанија од АД ЕСМ направи најголем загубар затоа што крадат appeared first on Република.

Христијан Мицкоски, претседател на ВМРО-ДПМНЕ во своето интервју за „Вечер“ потенцираше дека потребни се предвремени парламентарни избори кои би се одржале најдоцна до средината на мај или во втората половина на мај. Според Мицкоски овие избори се потребни затоа што граѓаните велат дека оваа влада е неуспешна, дека оваа влада ја води Македонија во погрешна насока и дека оваа влада треба да си замине.

-Јас мислам дека најдоцна во јануари треба да има разврска ова сценарио за потенцијални предвремени парламентарни избори. Ако ме прашате зошто, затоа што ценам дека предвремените парламентарни избори би требало да се случат некаде во мај месец односно оваа пролет.За тоа да се случи потребно е во јануари да имаме политички и општествен консензус, веќе во февруари техничка влада таму некаде средината на февруари. Потоа влегуваме во два периода кои што се поврзани со големи верски празници, тоа е Рамазан и Велигден. И потоа по завршување на овие големи верски празници да отпочне процесот на кампања, тоа би значело крајот на април почеток на мај, и таму некаде во средината или втората половина на мај да имаме предвремени парламентарни избори.Затоа реков дека е потребен политички консензус бидејќи општествениот и граѓанскиот постојат. Кога велам дека постојат тоа може да се види на сите анкети многу јасно. Граѓаните велат дека оваа влада е неуспешна, дека оваа влада ја води Македонија во погрешна насока и дека оваа влада треба да си замине.Едноцифрени се бројките, кои што се позитивни за институциите кои што ги менаџира оваа влада и сето тоа кога ќе се собере можам да заклучам и дека императив треба да ни бидат предвремени парламентарни избори кои што би се одржале најдоцна до средината на мај или втората половина на мај, рече Мицкоски.

Претседателот Мицкоски укажа дека предвремени парламентарни избори не им одговараат на ДУИ и дека СДС е комплетно поданик на политиките на ДУИ.

https://republika.mk/vesti/makedonija/mitskoski-vmro-dpmne-ke-osvoi-ogromno-mnozinstvo-od-glasovite-na-graganite-na-slednite-izbori-bez-razlika-kako-ke-nastapat-sdsm-i-dui/

-Јас знам кому најмногу не му одговара, тоа е Демократската унија за интеграција (ДУИ), бидејќи раководството на оваа партија е свесно дека во оваа ситуација во која што тие функционираат во Владата никогаш понатаму нема да се има.Денеска СДСМ е комплетно поданик на ДУИ и на политиките на ДУИ кои што во овој момент можам да заклучам се сѐ само не се државни, народни, и политики кои што ќе значат прогрес, просперитет и на државата како што вие кажавте и на граѓаните и на компаниите. И ценам дека колку побргу пратениците на СДСМ ќе бидат свесни во каква ситуација ги туркаат политички неискусното дуо Зечевиќ – Ковачевски во прегратките на ДУИ да бидат нивен сервис во исполнување на нивните политики и замисли толку потешко ќе биде за државата.Затоа тие треба да се одважат, да се охрабрат и во рамките на партијата на СДСМ да издејствуваат предвремени парламентарни избори, кои што би се случиле оваа пролет. Затоа што ценам дека тоа е единствениот начин, не за ВМРО да победи, не за ВМРО да дојде да формира Влада и да биде власт, туку тоа е единствениот начин на држaвава да и се спречи слободното паѓање, Македонија да почне прво да се стабилизира па потоа да има и некаков раст, а граѓаните да престанат да ја напуштаат сопствената држава во очај, во недоверба, во незадоволство, во разочараност, резигнираност, кажа претседателот Мицкоски.

Претседатеот Мицкоски додаде дека актуелната власта нема стратегија како да управував со државата, а тоа го покажува и усвојувањето на буџетот во парламентот кој се темели на инфлација и нереален економкси раст.

-Ова е единствениот начин. Според мене, не постои друг начин. Инаку ќе продолжи егзодусот, јас не гледам стратегија, уште помалку ја гледам таа стратегија во буџетот кој што беше усвоен во парламентот. Можеби ова е единствениот буџет кој што е усвоен и кој што се темели на закони кои што не се донесени. Има неизвесност дали тие воопшто ќе се донесат. И ова е можеби единствениот буџет во независна Македонија кој што се темели, односно неговото полнење се темели на инфлација и на нереален економски раст.Замислете богата влада, сиромашен граѓанин. На тој начин владата планира да ја развива Македонија. Ова ќе се изучува како негативен пример во книгите за макроекономија, но и ќе биде можеби една од најлошите економски години за нашата Македонија и ќе биде пример како не треба некоја идна политичка гарнитура да практикува власт, вели Мицкоски.

The post Мицкоски: Граѓаните велат дека оваа влада е неуспешна, дека ја води Македонија во погрешна насока, решението се предвремени парламентарни избори appeared first on Република.

Да тоа го констатираме и тоа е се поочигледно и се гледа во работата на советите. Еве да речеме во советот на град Скопје видовме јасна коалиција помеѓу СДСМ, ДУИ и Левица кога на полноќ изгласаа одлука каде што се доделуваат 650 милиони денари субвенција за ЈСП. Замислете 650 милиони денари субвенција на ЈСП. Потоа јасно го гледаме тоа во работењето на советот на Аеродром, каде што советниците на СДСМ и Левица не поддржаа нови две градинки, нови две училишта, не поддржа  нови паркови, ново зеленило, булевари. Гласаа против буџетот или се воздржаа од гласање, вели претседателот на ВМРО-ДПМНЕ Христијан Мицкоски одговарајќи на новинарско прашање врз која основа вели дека има коалиција помеѓу СДСМ, ДУИ и Левица.

Мицкоски, истакна дека оваа коалиција СДСМ, ДУИ и Левица работи на штета на граѓаните во општините и ги кочи проектите кои треба да се реализираат идната година и се против изградба на нови паркови, зеленило, детски градинки и булевари.

Истото тоа се случи и во општина Охрид каде што советниците на СДСМ, ДУИ и Левица гласаа против. Истото се случи и во општина Бутел. За волја на вистината таму Левица и СДСМ гласаа против, а пак ДУИ го поддржа буџетот.  Од друга страна истото тоа се случи во Велес, каде СДСМ, ДУИ и Левица гласаа против новите проекти во Велес. И сега кога имате една ваква состојба многу јасно се гледа дека овие три политички партии работат на штета на граѓаните. Дали се тие во формална коалиција не знам, ќе треба тие да дадат одговор, но очигледно е нивното политичко дејствување. Од една страна го имате СДСМ кое организира кампања во Македонија , мене ме навредува, ме понижува и омаловажува, а од друга страна ја имате Левица која што заедно со СДСМ гласа против интересите  на граѓаните и против проектите кои се дел од буџетите. Од прилика така функционира, но во ред, тие така избрале, порача Мицкоси.

Претседателот Мицкоски истакна дека ВМРО-ДПМНЕ останува да работи чесно, посветено и одговорно  и да ги реализира проектите за граѓаните, наспроти  коалицијата на СДСМ, ДУИ и Левица која се занимава со гнев омраз и нихилизам.

Ние сме во коалиција со народот, ќе продолжиме да работиме и да ги реализираме проектите кои што сме ги ветувале, бидејќи само така знаеме да работиме, чесно, посветено, одговорно, храбро. Тие нека се занимаваат со гнев, омраза и нихилизам. Ние ќе се занимаваме со проекти  и испорака, дециден е Мицкоски.

The post Мицкоски: Коалицијата СДСМ, ДУИ и Левица во општините ги кочи проектите и работи на штета на граѓаните, но ВМРО-ДПМНЕ продолжува да реализира проекти посветено и одговорно appeared first on Република.

Општина Аеродром ќе издаде зелена општинска обврзница. Пари за нови проекти. Нови училишта, нови градинки, енергетски ефикасни. ВМРО-ДПМНЕ продолжува да иновира и да поставува нови стандарди. За прв пат во Македонија зелена, еколошка обврзница. Браво за Тимчо Муцунски и тимот од општина Аеродром.

Има надеж, потребна е промена за Македонија да почне да победува., најави лидерот Христијан Мицкоски.

The post Мицкоски: Општина Аеродром ќе издаде зелена општинска обврзница, ВМРО-ДПМНЕ продолжува да иновира и да поставува нови стандарди appeared first on Република.

Вечерва бев во Чучер Сандево на средба со Општинскиот комитет. Народот бара промени и пад на владата, затоа што не испорачува резултати и затоа што е доста од лагите и криминалот. Сите заедно ќе ги донесеме тие промени, силно и одлучно, за нашата Македонија, напиша лидерот Мицкоски.

The post Mицкоски : Народот бара промени и пад на владата, затоа што не испорачува резултати appeared first on Република.

Претседателот на ВМРО-ДПМНЕ Христијан Мицкоски, најави дека во текот на денот од партијата ќе го соопштат ставот дали ќе ја прифатат поканата за учество на лидерската средба свикана за в понеделник од премиерот Димитар Ковачевски.

Мицкоски појасни дека одлуката ќе биде донесена откако ќе направи консултации со коалициските партнери, со пратеничката група и со Извршниот комитет на партијата.

Очекувам дека телефонски ќе имам можност да се консултирам со коалициските партнери, со пратеничката група, со Извршниот комитет и во саботс ќе соопштиме дали ќе одиме и ако не, зошто не одиме, изјави Мицкоски во одговор на новинарско прашање по извршениот увид во градежните активности за асфалтирање на Бруснички пат во населеното место Брусник во Битола.

Премиерот и лидер на СДСМ, Димитар Ковачевски, испрати покана за лидерска средба со претседателите на сите политички партии застапени во парламентот за 7 ноември, која треба да се одржи во Собранието, со цел, како што рече, да се разговара за европскиот пат на земјава, како и за одлуките што во иднина треба да се носат со широк политички и општествен консензус.

Прашан како партијата ќе ја оствари целта за предвремени избори, Мицкоски вели дека тоа ќе го сторат „со обезбедување на 61 пратеник во Собранието“, на што напорно работат.

Во однос на тоа дали во евентуалната идна влада на ВМРО-ДПМНЕ би коалицирале со ДУИ, Мицкоски вели дека како партнери ги посакуваат партиите од албанскиот опозициски блок.

Тоа не сме кажале никогаш дали ќе коалицириме со ДУИ или со која било друга политичка партија, може и да не коалицираме со ДУИ. Наша цел и амбиција во делот на албанскиот блок е албанската опозиција, но има правило на Бадентер и ние мора да го почитуваме и ќе се водиме по тоа правило за да можеме да ги спроведеме реформите. Доколку имаме коалиција со политичката партија ДУИ, тогаш секако дека тие луѓе кои што се инкриминирани и за кои имаме основано сомнение, нема да бидат ниту во мојот кабинет, ниту ќе бидат дел од институциите. Но, ќе направиме се што е во наша моќ албанската опозиција да биде нашиот коалициски партнер, рече Мицкоски

The post ВМРО-ДПМНЕ денеска ќе ја објави одлуката дали ќе учествува на лидерската средба appeared first on Република.

Лидерот на ВМРО-ДПМНЕ, Христијан Мицкоски, придружуван од пратениците Рашела Мизрахи и Драган Ковачки, претседателот на Левица, Димитар Апасиев, и генералниот секретар на кабинетот на Претседателот, Миле Бошњаковски, се дел од присутните гости на денешното отворање на македонскиот културен клуб „Никола Вапцаров“ во Благоевград, Бугарија.

Претставник на претседателот Пендаровски беше Миле Бошњаковски.

Мицкоски на отворањето истакна ова е потврда дека македонскиот идентитет, народ и јазик се константни.

„Честитки за отворениот македонски клуб, кој е потврда дека и од оваа страна на границата македонскиот идентитет, народ и јазик се константни. Добро е што застануваме сите обединети, гледам и други политички партии овде, гледам и претставник од кај претседателот на државата. За жал, не можам да видам никој од кабинетот на премиерот, што навистина претставува голем пропуст и понижување на македонскиот народ, но тоа е тоа, тие си знаат зошто тоа го прават и која е нивната цел“,

рече Мицкоски.

The post Од македонските политичари во Благоевград беа единствено Мицкоски, Ковачки, Мизрахи и Апасиев appeared first on Република.

Денеска претседателот на ВМРО-ДПМНЕ проф. д-р Христијан Мицкоски заедно потпретседателот на партијата Владо Мисајловски и членот на ИК Драган Ковачки оствари средба со специјалниот претставник на Обединетото Кралство, Сер Стјуард Пич, кој беше придружуван од амбасадорот Метју Лосон во Република Македонија.

На состанокот се разговараше за актуелната состојба на европскиот континент и потребата од солидарност. Меѓу другото и за енергетската криза, од која Македонија особено е погодена.

ВМРО-ДПМНЕ како партија е силно за борбата со криминалот и корупцијата, заложба која не ја гледаме кај власта, и поради која сметаме дека е неопходно да дојде до промени.

Од страна на претседателот Мицкоски беше истакнат и планот Македонија под влада на ВМРО-ДПМНЕ да стане целосно енергетски стабилна, во однос на производството на струја, што ќе значи безбедност за државата и за системот на НАТО од кој сме дел. Но и интензивирање во работата на гасоводите и диверзификација на изворите.

Од страна на специјалниот претставник господин Пич беше истакнато дека Обединетото Кралство ќе продолжи со поддршката за напредокот на земјата и животот на нејзините граѓани.

The post Мицкоски се сретна со британскиот претставник Стујарт Пич appeared first on Република.