Американската кантри пејачка Ингрид Андрес се извини и призна дека била пијана додека ја изведувала американската химна на бејзбол стадион во Tексас, САД пренесува Би-би-си.

Нејзината чудна изведба на „The Star-Spangled Banner“ стана вирален хит на социјалните мрежи по дербито во бејзбол лигата.

„Бев пијана синоќа. Денеска одам во болница за да ја добијам потребната помош. Тоа не бев јас синоќа. Се извинувам на МЛБ, на сите фанови и на оваа земја што толку многу ја сакам за тој настап. Ќе ве известам како оди на рехабилитација, слушам дека е навистина забавно“, напишала Андрес, пејачката која е четирикратно номинирана за Греми.
На социјалните мрежи нејзината акапела верзија на националната химна беше наречена „болна“ и „една од најлошите изведби на националната химна досега“. На социјалната мрежа „Икс“ кружат и снимки од играчот на Филаделфија Филис, Алек Бом кој се смее додека Андрес пее.

Country music star Ingrid Andress admits she was drunk as hell last night singing the national anthem at the home run Derby. 😂😂😂 And she’s going to rehab. pic.twitter.com/Y4MF96CWn3

— AeroGant ✭ (@AeroGant) July 16, 2024

За разлика од бројните негативни коментари на социјалните мрежи, колегите од американската сцена ја поддржаа Ингрид Андрес.

„Многу ми е жал што поминуваш низ ова. Внимавај и ќе излезеш од ова многу посилна“, напиша пејачката и актерка Луси Хејл, а кантри ѕвездата Мартина Мекбрајд ѝ испрати слична порака: „Испраќам многу љубов …’

Пејачката и текстописец Џулија Мајклс напиша: „Те сакам, девојче. Жал ми е што минуваш низ ова. И жал ми е што светот може да биде толку суров“. И пејачката Карли Пирс ја пофали Андрес, изјавувајќи дека е потребна голема сила за да се добие такво признание во медиумите.

Еден нејзин обожавател објави постар клип од Андрес на сцената на концерт со едноставен натпис: „Ова е нејзиниот вистински талент“.

Инаку, во 2010 година, Андрес се појави како акапела пејачка на музичкиот натпревар на НБЦ, а откако воспостави соло кариера, таа беше номинирана за наградата Греми во 2021 година за најдобар нов изведувач. Таа е коавтор на хит песната „Boys“ од Чарли Екс-Си-Екс и „Girl in the Mirror“ од Бебе Реџа.

The post Позната пејачка пијана ја отпеа американската химна пред полн стадион: Се извини и најави дека оди на рехабилитација appeared first on Република.

Во сенка на тензиите на трбините поминува официјалната химна на Европското првенство. Песната „fire“ ја исполнуваат Оne republic, Meduza i Leonny.

Станува збор за бледа песна која брзо ќе падне во заборав

Слушнете ја.

https://www.youtube.com/watch?v=C5B22ONbFrc

The post Бледо: Oва е официјалната химна за Европското првенство appeared first on Република.

Движењето БЕСА е за што поскоро одржување на парламентарните избори, рече вечерва нејзиниот лидер и градоначалник на Тетово, Билал Касами. Според него, во коалицијата „Европски сојуз за промени“ каде покрај БЕСА се и Алтернатива и Демократско движење, се разговара за претседателски кандидат на државата, но се уште не се спомнува конкретен предлог, ниту нечие име.

Како што истакна Касами во вечерашното гостување на ТВ Сител, гласачите и членството на Алијанса за Албанците (АА) се определени како опозиција и сакаат да бидат дел од промените на претстојните избори. Останува уште, нагласи Кaсами, раководството на оваа партија конечно да ги слушне своите структури. На АА е, додаде, да одлучи дали ќе оди на изборите како опозиција или ќе ја поддржи ДУИ. Во првиот случај може да даде сериозен придонес, а во вториот, рече, ќе остане сама. Во секој случај, оцени лидерот на БЕСА, тоа што АА „им служи на ДУИ и на Владата, е на нејзина штета“.

Касами се осврна и на химната. Потенцира дека е многу важно таа да ја рефлектира реалноста во државата, односно да не се однесува само на Македонците, туку и на останатите етникуми.

-Бараме што побрзи избори. И последниот извштај на Европската комисија е дополнителен доказ дека се потребни што побрзи избори. Оваа Влада навлезе длабоко во коруптивни процеси и не ја интерсира ЕУ. Цениме дека што побрзи избори би биле спас за државата и за евроинтеграцискиот процес. За претседателски кандидат уште не сме одлучиле. За име разговараме, имаме неколку опции, но тоа е и во духот на нашето соединување како три опозициски партии на Албанците. Изборот на потенцијалните кандидати ќе биде во правец на тоа што го имаме зацртано како определба и програмска понуда за следните избори. Внимателни сме во тој дел и покажуваме дека како три партии и лидери немаме индивидуални барања или претензии за некој од нас да биде претседателски кандидат. Тоа ќе биде уште една отворена врата за да придобиеме некоја политичка партија која би сакала да се приклучи на идејата за промени, конечно по 20 години кај Албанците, која е поголема од индивидуалните барања и претензии на кој било од нас. Целта е да се добијат изборите и да дојдат промени за подобро и кај Албанците и во опшптеството генерално, објасни Касами.

Тој е дециден дека во ниту еден случај не злоупотребува етнички чувства на своите сограѓани за да добие, како што рече, глас повеќе.

-Но, верувам и тоа е реалноста. Се додека химната на државата ги повикува Македонците како етникум и се однесува на нив, Албанците не може да се чувствуваат комотно и тоа не го кажувам прв пат. За Албанците да ја чувствуваат химната како своја, мора да бидат дел од неа. Не сме против тоа што химната се однесува на Македонците, туку би требало да се однесува и на Албанците. Ние бараме не само химната, туку сите симболи на државата да ја рефлектираат реалноста. Знамето е класичен пример, иако според мене е неутрално во однос на етникумите, но поради процесот како беше донесено, наметнато во преговорите со Грција, има отпор кај другите етникуми за негово користење како државно. Ако сите треба да ги почитуваме симболите, тогаш државата треба да ги почитува своите граѓани и да го рефлетира мултиетничкиот карактер. Ова сум го кажал јавно како опозиција, но утре кога би бил дел од некоја комбинација, би сакал да седнеме и сериозно да разговараме за овие ситуации полека, јавно и искрено, без позадина, за сите етнички заденици државата да ја чувствуваат како своја и да придонесат за неа.

Како што напомена Касами, „се додека химната се однесува на Македонците како етничка заедница, а не на граѓаните, Албанците, Турците, ние ќе се повикуваме на нашата етничка химна“.

-Сакам тоа да е решено со закон. Има две можности: или државната химна и другите симболи да ја рефлетираат реалноста или, ако се интонира химната која Македонците ја чувствуваат како своја, тогаш во општините каде мнозинство се Албанците, да се инторнира химна која Албанците ја чувствуават како своја, објасни лидерот на БЕСА

The post Kaсами бара промена на химната и знамето, во нив да ги имало и Албанците appeared first on Република.

На предлог на советничката група на ВМРО ДПМНЕ и коалцијата, советниците во скопската општина Карпош ја изгласаа одлуката за интонирање на химната на Република Македонија во основните училишта.

Претходно, ваква одлука донесоа и скопските општини Аеродром и Гази Баба, со цел кај децата од мали да им се развие љубовта кон татковината.

Химната се интонира секој понеделник, пред почетокот на наставата.

The post Химната ќе се интонира и во основните училишта во општина Карпош appeared first on Република.

Секој граѓанин треба да покаже почит кон еден од основните симболи на државата во која е роден, му овозможила да се образува, да формира семејство и во неа живее, изјави денеска претседателот на ВМРО – ДПМНЕ, Христијан Мицкоски.

Одговарајќи на прашање дали во сите општини каде градоначалниците се од ВМРО- ДПМНЕ ќе се инторнира македонската химна, тој рече дека ова прашање не би го партизирал и смета дека тоа треба да биде пракса не само во општините, каде што градоначалниците се од редовите на ВМРО – ДПМНЕ.

Мислам дека ова треба да биде политика, којашто ќе биде централизирана. Министерството за образование оваа политика ќе ја спроведе и мислам дека на целата територија на државата треба да има ваков начин на покажување почит кон државата, во којашто сите ние живееме и твориме, вели Мицкоски.

Тој апелира до министерот за образование ова да биде државна политика и да се реализира во сите општини, без разлика од која политичка партија и да се градоначалниците.

Имаме држави, нашиот стратешки партнер САД, каде што има многу нации, сите стојат пред интонирање на американската химна и се горди кога ја слушаат американската химна и сите го почитуваат американското знаме. Така што оние кои не ги почитува националните атрибути на државата, во којашто живее, тогаш навистина има сериозен системски пропуст, вели Мицкоски по посетата на Општина Гази Баба.

The post Химната на Македонија треба да се интонира во сите училишта во државата, смета Мицкоски appeared first on Република.

Од ВМРО-ДПМНЕ велат дека премиерот Димитар Ковачевски го исквернавил 11 Октомври, односно наместо државната, владата ја пуштила партиската химна, а дури 24 часа од настанот нема извинување.

Најмалку што требаше да направи Ковачевски е да се извини и да има одговорност за настанот. Со самиот факт што нема извинување станува јасно дека власта всушност намерно ја пуштила партиската химна на СДС на државен настан.

Претходно во текот на најавите за настанот на банерите пуштени од владата целосно беше изоставена Македонија. Оттука се поставува прашањето дали всушност намерно е пуштена партиската химна на СДС на државен настан?

Од што се срами Ковачевски? Што е целта на сквернавењето, прашуваат од ВМРО ДПМНЕ

The post ВМРО-ДПМНЕ: Ковачевски го исквернави 11 Октомври, наместо државната, владата ја пушти партиската химна appeared first on Република.

Македонскиот одбојкар, Александар Љафтов, на престојното Европско првенство кое ќе се одржи во Скопје, ќе настапи со специјално дизајнирана опрема. Ќе игра со патики на кои се напишани делови од македонската химна и на кои е нацртано македонското знаме.

Љафтов, кој ќе биде еден од главните адути на македонската репрезентација, објави фотографии со новите патики.

 

View this post on Instagram

 

A post shared by LvL Custom Footwear 👟 (@lvlcustom)

Македонија во среда го почнува настапот на Европското првенство во салата „Борис Трајковски“, а противник ќе ѝ биде селекцијата на Данска.

The post Одбојкарот Александар Љафтов на Европско ќе игра во патики на кои ќе ги има македонската химна и знаме appeared first on Република.

По посетата на премиерот на Косово, Албин Курти, во Скопје и во Тетово и реакциите кои изнесени во јавноста по оваа посета, особено за делот на иконографијата, ниту претседателот на Република Македонија, Стево Пендаровски, не го оставија рамнодушен, велат од партијата Алтернатива.

Плашејќи се дека Ковачевски и Апасиев го заземаат целосно местото на албанофобијата, конечно и тој излезе на сцена да побара правна одговорност за оние кои го „уништија државноста на РМ“ поради химната на албанското знаме и албанските национални знамиња.

Како што многупати сме кажале, ако има некој Македонец кој верува дека Албанците некогаш некаде ќе ја отпеат „Денес над Македонија се раѓа“, тој има сериозни проблеми со перцепцијата на реалноста, бидејќи – додека оваа држава не ја разбира мултиетничката реалност – туку инсистира на моноетнички македонски државни симболи, тоа никогаш нема да се случи.

Што се однесува до загриженоста на претседателот Пендаровски, мора да истакнеме дека тој со оваа реакција, напаѓајќи го Албин Курти, се чини дека ù се додворува на ДУИ за да го поддржи и за една кандидатура. Освен тоа, се чини, тој сака да им покаже на Апасиев и на албанофобните македонски националисти дека им е лојален кон „нив“ и, конечно, но најважно, тој преку оваа реакција како да сакаше да му докаже и на Александар Вучиќ дека е подготвен да го повторува својот рефрен секогаш кога тој ќе искаже антиалбански пораки.

Како и да е, за здравјето на оваа држава и нејзиниот претседател е добро повеќе да не гледаат српски соништа, бидејќи тоа сериозно му штети на удобноста и мирот на Балканот, соопштија од Алтернатива.

The post Оној што верува дека Албанец ќе ја отпее македонска химна има сериозни проблеми со реалноста – порачуваат од Алтернатива appeared first on Република.

Хит на социјалните мрежи стана снимката од туристите на плажа во Улцињ како стојат во место додека одекнува химната „Хеј, Словени“.

„Крај на ‘работниот’ ден на плажата Мохито во Улцињ“, се наведува во описот на видеото.

По завршувањето на химната, публиката почна да аплаудира. Мештаните велат дека се пушта секој ден во текот на летото точно во 18 часот.

Zavrsetak “ radnog” dana na plazi Mojito.. u Ulcinju.. dnevno.. pic.twitter.com/XwS1Tvsdw1

— Bogdan Tanjevic (@BogdanTanjevic) August 3, 2023

The post Засвире „Хеј Словени“ па цела плажа во Улцињ стана на нозе appeared first on Република.

Хит на социјалните мрежи стана снимката од туристите на плажа во Улцињ како стојат во место додека одекнува химната „Еј, Словени“.

„Крај на ‘работниот’ ден на плажата Мохито во Улцињ“, се наведува во описот на видеото.

Zavrsetak “ radnog” dana na plazi Mojito.. u Ulcinju.. dnevno.. pic.twitter.com/XwS1Tvsdw1

— Bogdan Tanjevic (@BogdanTanjevic) August 3, 2023

По завршувањето на химната, публиката почна да аплаудира. Мештаните велат дека се пушта секој ден во текот на летото точно во 18 часот.

Улцињ е гратче во југозападниот дел на Црна Гора, на Јадранското Море, и познато туристичко место уште во поранешна Југославија. Околу 70% од жителите, кои се вкупно 10 илјади, се етнички Албанци.

„Еј, Славени/Hej, Sloveni“ беше официјалната химна на Југославија. Напишана е од словачкиот свештеник Самуел Томашик во 1834 година како химна на панславизмот. Музиката е заснована на химната на Полска.

По распаѓањето на Југославија беше химната на СР Југославија, а подоцна и на Србија и Црна Гора.

The post Во Улцињ цела плажа стана на нозе кога ја слушнаа химната „Хеј Словени“! appeared first on Република.

На трибините во „Таурон Арена“ доминира црвено-жолтата боја, а околу 1.000 навивачи на Македонија ги бодрат ракометарите против фаворитот, а салата особено грмна при интонирањето на нашата химна.

The post Грмна македонската химна во Краков appeared first on Република.

Латино ѕвездата Малума, американската раперка Ники Минаж и либанската уметница Мирјам Фарес ја претставија песната „Tukoh Taka“ која ќе биде официјалната химна на Светското првенство во Катар.

Песната е со весели ноти и мотивирачки тон, а комбинира стихови на шпански, на англиски и на арапски јазик. Музичките ѕвезди рапуваат и пеат за обединување на обожавателите ширум светот на заедничка прослава.

Со енергичен танц ритам, песната претставува комбинација на меѓукултурни влијанија од пејачите при што секој музичар има сопствен стил.

„Многу сум среќен што сум дел од химна на СП. Отсекогаш сум сонувал за ваква прилика. Претставувањето на латино музиката на вакво глобално ниво заедно со неверојатни уметници кои пеат на англиски и на арапски јазик ја крева нашата култура на уште едно ниво“, изјави Малума.

The post Слушнете како звучи химната на Светското првенство во Катар appeared first on Република.

Многу емоции ги преплавија македонските ракометни репрезентативки, кои денеска во СЦ „Борис Трајковски“ во Скопје ги почнаа настапите на Европското првенство (ЕП) на кое Македонија е еден од домаќините.

Овој момент беше забележан и од официјалната страна на ЕХФ.

𝙏𝙚𝙖𝙧𝙨 𝙤𝙛 𝙥𝙧𝙞𝙙𝙚 🇲🇰 #ehfeuro2022 | #playwithheart pic.twitter.com/svTXLWpDEr

— EHF EURO (@EHFEURO) November 5, 2022

The post Почна ЕП: Ракометарките низ солзи ја испеаа македонската химна! appeared first on Република.

Бугарското министерство за надворешни работи го осуди исвиркувањето на бугарската химна на фудбалскиот натпревар меѓу репрезентациите на Македонија и Бугарија во Скопје.

Во изјавата на портпаролот на бугарското МНР и заменик министер за надворешни работи, Костадин Коџабашев, се наведува и дека „говорот на омраза кон Бугарија и Бугарите од трибините на националниот стадион во Скопје е недвосмислена негација на основните вредности на современите демократски општества и е во контраст со европските принципи и норми на однесување“.

Во соопштението се наведува и дека бугарското МНР ја зема предвид реакцијата на Министерството за надворешни работи на Македонија, кое го осудува говорот на омраза за време на фудбалскиот натпревар и истовремено ги повикува официјалните власти во Скопје да го направат тоа што е неопходно за искоренување на „антибугарската агресија во јавниот простор на земјата“.

Бугарското МНР потсетува и дека со Договорот од 2017 година и билатералните протоколи потпишани во 2019 и 2022 година, двете земји категорично се залагаат за преземање ефективни мерки против говорот на омраза. Исто така, се посочува дека зачувувањето на напредокот постигнат во последните месеци во политичкиот дијалог бара ваквите настани засекогаш да станат дел од минатото, за двете земји да отворат нова страница во односите, засновани на меѓусебно почитување и почитување и добрососедство.

The post Бугарското МНР го осуди исвиркувањето на химната во Скопје appeared first on Република.

По смртта на кралицата  нејзиниот најстар син, принцот Чарлс, го презема тронот.
Бидејќи Чарлс го презема тронот, стиховите на „God Save the Queen“ се менуваат во „God Save the King“.

Сите стихови ќе останат исти, освен заменките и „кралицата“ ќе се заменат со зборот „крал“.

Покрај зборовите на националната химна ќе бидат променети, а ќе бидат испечатени и нови поштенски марки и валута што ќе го одразуваат искачувањето на принцот Чарлс на тронот.

https://republika.mk/vesti/svet/sega-e-oficijalno-pochina-britanskata-kralica-elizabeta/

The post Нема веќе „Господ ја чува кралицата“: Велика Британија ќе ја промени химната appeared first on Република.

Убав слоган направиле од химната која не сакаат да ја чујат, коментира аналитичарот Ивор Мицковски.

Слободен е Грујо, ние другите сме обединети околу заедничката мизерија.

 

Заборавивте што се случи лани, се дадовте на фешти, не ја научивте лекцијата за дистанцата помеѓу убавите приказни и грдата реалност.

 

Само мала самокритика и воздржаност ќе значеа многу поголем напредок, слобода и самосвест од сите ваши денес празни прослави.

 

Очигледно, не живееме иста земја и општество и не се залагаме за истата слобода.
Уживајте во пригодните коктели и здравици - пишува Мицковски.

The post Мицковски: Убав слоган направиле од химната која не сакаат да ја чујат appeared first on Република.

На завршувањето на ЕХФ Шампионатот, на кој македонските ракометни надежи го освоија златото, на свечената церемонија организаторот ја пушти можеби најкратката верзија на македонската химна.

Но, тоа не ги поколеба црвено-жолтите кои и без музика (акапела) ја испеаја македонската химна, онака како што им лежи на срцето, но пред се гордо, како што што впрочем го носеа и се бореа во националниот дрес на Македонија.

Видеото можете да го видите на следниот ЛИНК.

The post Вака се пее химната: Македонските ракометни надежи освоија злато, па ги пуштија грлата на најјако appeared first on Република.

Кога се интонира химна, рацете не може по ниту една основа да ги држиш на стомак, му се обраќа полковникот Драган Ковачки на премиерот Димитар Ковачевски, кој вчера не стоеше мирно додека се интонираа македонската и химната на шпанскиот гостин, премиерот Педро Санчес Кастехон.

Ова е непочитување кон гостинот од Шпанија, а со тоа ја срамиш Македонија што за жал сè уште ја претставуваш, му порача Ковачки на Ковачевски, нарекувајќи го аматер.

Македонската химна, пак, повторно беше интонирана во скратена верзија.

https://republika.mk/vesti/makedonija/himnata-povtorno-skratena-shpanskiot-premier-ne-slushna-za-krushevskata-republika-goce-delchev-i-pitu-guli/

The post Ковачки за аматерските раце на стомак на Ковачевски: Ја срамиш Македонија што за жал сè уште ја претставуваш appeared first on Република.

Шпанскиот премиер Педро Санчес Кастехон денеска пред платото пред Владата беше пречекан со највисоки почести. Домаќинот Димитар Ковачевски го пречека гостинот и се упатија на пултот каде беа изведени двете химни.

Најпрвин шпанската а потоа и македонската. Но, нашата химна повторно беше скратена и од оркестарот на АРМ беше изведен само почетниот дел каде се говори за „Македонците кои се борат за своите правдини.

Но, делот кој се говори за крушевската република, Гоце Делчев и останатите илинденски револуционери не беше изведен.

https://www.youtube.com/watch?v=DFuW7pK3IMU

Истото се случи и за време на посетата на премиерот на Бугарија Кирил Петков.

The post Химната повторно скратена: Шпанскиот премиер не слушна за Крушевската република, Гоце Делчев и Питу Гули appeared first on Република.

https://republika.mk/vesti/makedonija/ja-skratija-himnata-petkov-ne-slushna-za-goce-delchev-dame-gruev-sandanski-i-krushevskata-republika/

The post Владо Јовановски: Или свирете ја химната до крај и пејте ја сосе Гоце, Питу, Даме и Јане, или не ја галатете appeared first on Република.