Генералниот секретар на Обединетите нации, Антонио Гутереш, изјави дека прекинот на огнот меѓу Израел и либанската група Хезболах претставува „првата трошка надеж“ во регионалниот конфликт по неколкумесечна ескалација.

Гутереш на прес-конференција во Лисабон по разговорите со португалскиот премиер Луис Монтенегро, порача дека исто така е неопходно Израел и Хезболах да бидат целосно посветени на почитување на прекинот на огнот.

Генералниот секретар на ОН повика и на итен прекин на огнот во Појасот Газа.

Примирјето меѓу Израел и Хезболах стапи во сила утринава во 4 часот по локално време, со што завршија речиси 14-месечните борби кои започнаа откако палестинската милитантна група Хамас изврши терористички напад во јужниот дел на Израел во октомври минатата година.

The post Гутереш: Прекинот на огнот меѓу Израел и Хезболах е „прва трошка надеж“ во конфликтот appeared first on Република.

Либанското шиитско движење Хезболах ќе соработува со либанската влада во распоредувањето на војската во јужните региони на Либан, кои се блиску до границата со Израел, изјави пратеник на движењето, цитиран од француските медиуми.

Хезболах уверува дека нема „видливо оружје“ или „бази“ во овие области.

Пратеникот Хасан Фадлала изјави дека Хезболах целосно соработува со државата за распоредување на засилувања на либанската армија во јужен Либан.

Нема да има никаков проблем, истакна Фадлала, нагласувајќи дека Отпорот нема бази и видливо оружје во регионот бидејќи „овој Отпор (. . .) не е редовна армија“.

Во текот на денот либанската армија соопшти дека го зголемува своето присуство во јужен Либан.

The post Хезболах ќе соработува со либанската влада во распоредувањето војска на границата со Израел appeared first on Република.

Либанскиот премиер, Наџиб Микати ијави дека договорот за прекин на огнот меѓу Израел и Хезболах е „фундаментален чекор“ кон регионалната стабилност. Заблагодарувајќи им се на Париз и Вашингтон за нивниот ангажман, Микати истакна дека либанската влада е посветена на „зајакнување на присуството на армијата на југот на земјата“, упориштето на движењето Хезболах.

Палестинските власти денеска го поздравија примирјето меѓу Израел и Хезболах и изразија надеж дека тоа „ќе помогне да се запре насилството и нестабилноста“ во регионот.

Техеран го поздрави „запирањето на израелската агресија“ во Либан, каде Иран финансиски и воено го поддржува Хезболах.

Иран цврсто ја поддржува владата, нацијата и либанскиот отпор“, изјави иранскиот дипломатски портпарол Есмаил Багај.

Ирачкото Министерство за надворешни работи го поздрави прекинот на огнот во Либан, повикувајќи на дополнителни меѓународни напори за да се избегне каква било понатамошна ескалација.

Меѓународната заедница, исто така, мора да преземе сериозни и итни мерки за да ги запре масакрите и нападите врз Палестинците во Газа, додаде Министерството.

Саудиска Арабија ги поздрави „сите меѓународни напори“ за прекин на огнот, соопшти саудиското Министерство за надворешни работи.

Влијателната монархија на Заливот порача дека се надева оти прекинот на огнот ќе доведе до „зачувување на суверенитетот“ на Либан и спроведување на резолуцијата 1701 на Советот за безбедност на ОН.

Јорданското Министерство за надворешни работи денеска го поздрави „важниот чекор“.

Тој чекор „мора да биде придружен со меѓународни напори насочени кон ставање крај на агресијата врз Појасот Газа, како и израелските напади на окупираниот Западен Брег“, се вели во соопштението.

Министерството за надворешни работи на Катар „го поздравува прекинот на огнот склучен во Либан“.

Како што се наведува во соопштението, Министерството додаде дека се надева на „сличен договор за ставање крај на тековната војна во Појасот Газа и израелските напади на окупираниот Западен Брег“.

Турското Министерство за надворешни работи „го поздрави позитивниот исход од преговорите за прекин на огнот во Либан и се надева дека тој ќе биде постојан“.

Меѓународната заедница треба да изврши притисок врз Израел строго да го почитува прекинот на огнот и да ја компензира штетата што ја предизвика во Либан, додаде тој.

Пекинг соопшти дека го „поздравува“ прекинот на огнот во Либан меѓу Израел и Хезболах.

Ги поддржуваме сите напори за намалување на тензиите и постигнување мир и го поздравуваме договорот за прекин на огнот постигнат од релевантните страни, изјави портпаролот на Министерството за надворешни работи, Мао Нинг.

Германската министерка за надворешни работи Аналена Бербок оцени дека договорот е „трошка надеж за целиот регион“.

Населението од двете страни на границата сака да живее во вистинска безбедност што трае, рече Бербок.

Прекинот на огнот „ќе донесе одредено олеснување за цивилното население на Либан и северен Израел, кои претрпеа незамисливи последици во последните месеци од разорниот конфликт“, рече британскиот премиер, Кир Стармер.

Тој додаде дека прекинот на огнот „сега мора да се трансформира во трајно политичко решение во Либан“.

The post Меѓународни реакции на примирјето во Либан appeared first on Република.

Норвешката безбедносна служба (ПСТ) соопшти дека не пронашла докази за продолжување на истрагата за норвешка поврзаност при испораката на пејџерите што експлодираа во септември до Хезболах во Либан.

Во истовремените експлозии на уредите загинаа десетици луѓе, а илјадници беа повредени,

Израел ја презеде одговорноста за пејџерскиот напад, кој го изненади Хезболах и беше проследен со масовна воздушна и копнена воена кампања против групата поддржана од Иран.

Норвешката безбедносна служба започна прелиминарна истрага откако стана јасно дека Бугарија води истрага за норвешки државјанин, сопственик на бугарска компанија, во врска со случајот.

-Целокупната проценка на ПСТ за откритијата во случајот покажува дека нема основа да отвориме нормална истрага, изјави денеска портпаролот на норвешката служба за безбедност во име на адвокатот на службата Харис Хреновица. Тој не даде повеќе детали.

Бугарската државна агенција за национална безбедност (ДАНС) на 20 септември објави дека е „неспорно утврдено“ дека пејџерите што се користат во Либан не се произведени или извезени од Бугарија.

Триесет и девет годишниот норвешки државјанин, сопственик на бугарската компанија, кој е под истрага во Бугарија - Ринсон Хозе, отпатувал од Норвешка во САД на 17 септември, ден пред да се разнесат пејџерите во Либан.

Тој работел во одделот за продажба во норвешката компанија DN Media Group, која го пријавила исчезнатиот вработен во полиција. Полицијата соопшти дека го затворила случајот откако Хозе го контактирал својот работодавец на 5 ноември.

Норвешките власти не објавија детали за тоа каде се наоѓа Хозе.

The post Норвешка ја прекина истрагата за можната врска меѓу Норвежанец, сопственик на бугарска фирма и експлозивните пејџери за Хезболах appeared first on Република.

Сирените за тревога денеска се огласија во централен и северен Израел, вклучително и во Тел Авив поради ракети лансирани од Либан од страна на милитантното движење Хезболах.

Според израелската армија (ИДФ) врз Израел истрелани се околу 240 ракети. ИДФ претходно соопшти дека врз Израел лансирани се околу 150 ракети.

Претставникот на спасувачката служба Маген Дејвид Адом изјави дека при нападите повредени се најмалку шест лица. Во Петач Тиква, источно од Тел Авив, оштетени се куќи, а вечерва таму повторно се слушнаа сирени.

Либанското милитантно движење Хезболах од почетокот на војната во Појасот Газа лансира ракети врз Израел, како поддршка на палестинската група Хамас. Израелската војска одговори со масовна кампања на воздушни напади и копнена инвазија во Либан.

Според најновите информации на либанското Министерство за здравство во вчерашните израелските воздушни напади во Либан загинале околу 84 лица, а 213 се повредени.

The post ИДФ: Хезболах лансираше околу 240 ракети кон Израел appeared first on Република.

Портпаролот на Хезболах Мохамед Афиф е убиен денеска во израелски напад врз густо населена област во Бејрут, потврдил за либанските медиуми претставник на проиранското движење, пренесе Ројтерс.

Нападот е извршен во населбата Рас ал Наба во централниот дел на либанската престолнина, а не во упориштето на Хезболах во јужните предградија.

Израелската војска не издала никакво предупредување за евакуација пред овој напад.

Либанското Министерство за здравство објави дека првичниот биланс од нападот е еден загинат и тројца ранети.

The post Убиен портпаролот на Хезболах appeared first on Република.

Израелската армија изутринава изврши нови напади врз упориштата на проиранското движење Хезболах во јужните предградија на Бејрут, по повикот до населението да се евакуира, пренесува Бета.

Облаци чад се издигнуваат над јужните предградија на либанската престолнина.

Пред нападот, портпаролот на израелската армија ги предупреди жителите на населбата Харет Хреикда да се евакуираат преку социјалната мрежа Х.

Бомбардирањето на цели во Либан започна на 23 септември, а израелската армија тргна во копнена офанзива на југот на земјата на 30 септември.

The post Нови израелски напади врз упоришта на Хезболах во предградија на Бејрут appeared first on Република.

Израел побарал од Русија да посредува меѓу израелската страна и Хезболах за мировно решение, пишува „Њузвик“.

Во моментов, обидите за договор за прекин на огнот се развиваат со поддршка на советниците на американскиот претседател, Амос Хохштајн и Брет Мекгурк.

Сепак, меѓународни медиуми, како што се израелскиот „Ynet News“ и „Asharq Al-Awsat“ во сопственост на Саудиска Арабија, цитираат извори дека во последните денови Израел побарал од Русија да учествува во договорот.

„Њузвик“ верува дека учеството на една глобална сила со врски со речиси сите главни чинители може да обезбеди клучна поддршка за иницијативата во време кога лидерството на Вашингтон на Блискиот Исток се повеќе се доведува во прашање.

Путин станува потенцијален посредник за мир на Блискиот Исток, се наведува во публикацијата.

The post Израел бара од Русија да посредува за договор со Хезболах appeared first on Република.

Либанското шиитско движење Хезболах го именуваше својот заменик-лидер Шеик Наим Касем за нов генерален секретар, наследувајќи го долгогодишниот лидер Сајед Хасан Насрала, кој беше убиен во израелски напад врз Бејрут минатиот месец.

Заменик-генералниот секретар на Хезболах, Шеик Наим Касем е висока личност во движењето, кое го поддржува Иран повеќе од 30 години.

Говорејќи од непозната локација на 8 октомври, Касем рече дека конфликтот меѓу Хезболах и Израел е војна за „кој прв плаче“ и како што рече тогаш „Хезболах нема да плаче прв“. Тој рече дека способностите на групата остануваат недопрени и покрај „болните удари“ на Израел.

Во 1991 година, Касем беше назначен за заменик-шеф на Хезболах од тогашниот генерален секретар на вооружената група Абас ал-Мусави, кој беше убиен во напад на израелски хеликоптер во 1992 година.

Тој беше првиот член на највисокото раководство на Хезболах кој даде телевизиски изјави по убиството на Насрала во израелскиот воздушен напад врз јужните предградија на Бејрут на 27 септември, особено областа Дахија.

Наим Касем е роден во 1953 година во Бејрут во семејство од југот на Либан и неговиот политички активизам започна со либанското шиитско движење Амал.

Тој ја напушти групата во 1979 година по Иранската исламска револуција, која го обликуваше политичкото размислување на многу млади либански шиитски активисти

Касем учествуваше на состаноците што доведоа до формирање на Хезболах, основан со поддршка на Иранската револуционерна гарда како одговор на израелската инвазија на Либан во 1982 година.

Интересно е тоа што Касем носи бел турбан за разлика од Насрала и Сафиедин, чии црни турбани го означуваат нивниот статус на потомци на пророкот Мухамед.

The post Koj e новиот водач на Хезболах: Касем носи бел турбан на главата,сите негови претходници носеа црни appeared first on Република.

Либанското движење „Хезболах“ денеска соопшти дека извршило напад со дрон врз израелската воздушна база „Тел Ноф“ јужно од Тел Авив.

Движењето тврди дека секојдневно напаѓа воени бази во Израел, а денеска групата објави дека извршила „воздушен напад со беспилотни летала“ врз базата Тел Ноф.

Хезболах, исто така, соопшти дека ја гранатирал израелска разузнавачка база во близина на северниот израелски град Сафед. Во соопштението, исламистичкото движење соопшти дека истрелало ракети врз базата Меишар, која ја опиша како „разузнавачки штаб за северниот регион“.

Групата, исто така, соопшти дека истрелала ракети врз израелските војници во јужен Либан, во близина на пограничното село Аита ал-Шааб - еден од насоките од кои израелската армија се обидува да продолжи со своите копнени упади во соседната земја.

The post Хезболах ја презеде одговорноста за нападот со дрон врз базата на израелските воздухопловни сили во близина на Тел Авив appeared first on Република.

Либанската шиитска група Хезболах, поддржана од Иран, ја презеде одговорноста за нападот со беспилотно летало во саботата врз резиденцијата на израелскиот премиер Бенјамин Нетанјаху, јави ДПА.

Израелските медиуми во саботата објавија дека дрон го скршил прозорецот од спалната соба во куќата на Нетанјаху во градот Цезарија, потсетува агенцијата. Во тој момент премиерот и неговата сопруга не биле во резиденцијата. Според израелската армија, во нападот нема повредени.

Хезболах признава дека цел бил домот на криминалецот и водач на ционистичкиот фашизам, изјави Мохамед Афифи, шеф на прес-службата на групата на денешната прес-конференција.

Покрај тоа, претставникот на Хезболах ја критикуваше германската министерка за надворешни работи Аналена Бербок за нејзините неодамнешни изјави во врска со воениот конфликт во Либан, велејќи дека „таа го оправдува убивањето цивили од страна на ционистичкиот непријател“.

Афифи посочи дека нема да има преговори со Израел „се додека трае огнот“.

The post За дронот кој влета во спалната на Нетанјаху одговорност презеде Хезболах appeared first on Република.

Либанското исламистичко движење Хезболах синоќа соопшти дека истрелало „ракети“ врз база на израелското разузнавање во предградие на Тел Авив.

Борците на движењето поддржано од Иран пукаа врз „базата Глиот на воената разузнавачка единица 8200“.

Нападот беше посветен на нивниот лидер Хасан Насралах, кој беше убиен од Израел на крајот на септември

The post Хезболах ја гаѓаше базата на Мосад во Тел Авив appeared first on Република.

Израелската армија (ИДФ) соопшти дека Хезболах вчера истрелал околу 200 проектили од Либан, каде ИДФ води копнена офанзива против проиранското исламистичко движење.

– Околу 200 проектили што ги лансира терористичката организација Хезболах ја преминаа (границата) од Либан ви Израел, се наведува во соопштението на ИДФ.

Проектилите првенствено биле насочени кон северниот дел на Израел

The post ИДФ: Хезболах лансираше околу 200 проектили врз Израел appeared first on Република.

Министрите за одбрана на Групата седум индустриски најразвиени земји (Г7) денеска упатија апел до Иран да престане да ја поддржува палестинската група Хамас, но и нејзините сојузници – Хезболах во Либан и Хутите во Јемен, кои се ангажирани на фронтовите против Израел.

Г7 апелира Иран да се воздржи од давање поддршка на Хамас, Хезболах, Хутите и другите недржавни актери, како и од преземање какви било дополнителни мерки кои би можеле да го дестабилизираат регионот и да иницираат процес на „неконтролирана“ ескалација, се наведува во заедничката изјава по состанокот во Неапол.

Министрите повикаа и на „значително и одржливо зголемување“ на хуманитарната помош за Појасот Газа.

Земјите од Г7 се обединети во нивната поддршка за потребата од итен прекин на огнот во Газа, ослободување на сите заложници, значително и одржливо зголемување на протокот на хуманитарна помош низ Појасот Газа и пат кон решение со две држави, се наведува во заедничка изјава.

Министрите ја потврдија својата „непоколеблива“ поддршка за Украина, вклучително и воена поддршка.

Ја потврдуваме нашата непоколеблива поддршка за слободата, суверенитетот, независноста и територијалниот интегритет на Украина, сè додека е потребно. Ја нагласуваме нашата намера да продолжиме да обезбедуваме помош за Украина, вклучително и воена, на краток и долг рок, се додава во заедничката изјава.

Земји-членки на Г7 се САД, Франција, Германија, Италија, Канада, Велика Британија и Јапонија.

The post Г7: Иран да престане да ги поддржува Хамас, Хезболах и Хутите appeared first on Република.

Беспилотно летало лансирано од Либан удрило во зграда во израелскиот град Цезареја, каде што живее израелскиот премиер Бенјамин Нетанјаху, соопшти израелската војска.

Според извештаите на израелските медиуми, првично не било познато дали Нетанјаху бил во крајбрежното одморалиште лоцирано меѓу Тел Авив и Хаифа во моментот на нападот.

Во инцидентот нема повредени, соопшти армијата. Пресретнати се уште два летечки објекти без екипаж.

Воздушна тревога имаше и во Тел Авив, 55 километри јужно, бидејќи беспилотно летало наводно се приближувало до областа Глилот, каде што се наоѓа седиштето на израелската надворешна разузнавачка служба Мосад и уште еден разузнавачки центар.

Според армијата, сирените се огласиле на многу други локации во северен Израел, вклучувајќи го и градот Тиберија на западниот брег на Галилејското Море.

Либанската шиитска милиција Хезболах, која е во сојуз со Хамас во Појасот Газа, речиси секојдневно истрелува ракети и беспилотни летала врз Израел од почетокот на војната во Газа во октомври минатата година.

По веста за смртта на лидерот на Хамас, Јехја ал Синвар во Газа, милицијата поддржана од Иран најави „нова фаза на ескалација“.

The post Цел на Хезболах бил израелскиот премиер: Дрон од Либан удри во близина на домот на Нетанјаху appeared first on Република.

Најмалку дваесет лица се повредени, од кои пет потешко, откако дрон се урна во областа Бињамин во северен Израел, јавија израелските медиуми.

Израелските медицински служби соопштија дека три лица се во критична состојба.

Според Џерусалим пост, дроновите биле лансирани од Хезболах од подрачје на јужен Либан, а во Израел не биле активирани тревоги за предупредување.

The post Најмалку 20 ранети во напад на Хезболах во северен Израел appeared first on Република.

Канцеларијата на ООН за координација на хуманитарните прашања соопшти дека повеќе од половина милион луѓе во Либан биле принудени да ги напуштат своите домови, а 285.000 ја напуштиле земјата.

Бројот на загинати поврзани со конфликтот се зголемил за 200 проценти во последните две недели, додека бројот на раселени лица пораснал за 385 проценти.

Од 23 септември, Израел значително ги засили ракетните напади врз голем број цели во Либан, тврдејќи дека напаѓа локации на шиитска групација Хезболах.

Хезболах го нападна Израел во знак на револт за израелскиот напад врз Газа.

Досега, над 1.700 луѓе се убиени, а речиси 10.000 се ранети во конфликтот меѓу Израел и Хезболах во последната година, покажуваат податоците на Министерството за здравство на Либан. Во последните 24 часа, израелските бомбардирања усмртиле 25 лица, а 127 се ранети.

Според информации од Меѓународната организација за миграции, најмалку 541.527 луѓе се раселени во Либан, а 285.000 ја напуштиле земјата од 23 септември. Околу 40 проценти од нив се Либанци.

Израелската армија соопшти дека уништила уште тунели и складишта со оружје на Хезболах во Либан. Според војската, многу од оружјата и муницијата биле скриени во станбени објекти, а уништените тунели биле користени од милитантите за приближување до израелската граница.

The post Половина милион раселени во Либан, а 285.000 ја напуштиле земјата appeared first on Република.

Генералниот секретар на либанското движење Хезболах, Хасан Насрaлах се согласил на прекин на огнот со Израел, еден ден пред да биде убиен во израелски воздушен удар во главниот град на Либан, Бејрут. Оваа изјава ја даде либанскиот министер за надворешни работи, Абдала Бу Хабиб во интервју за Си-Ен-Ен.

Во интервјуто, Хабиб истакна дека претседателот на либанскиот парламент, Набих Бери, стапил во контакт со Насралах и добил позитивен одговор за прекинување на напријателствата, по што властите на земјата ги информирале САД и Франција.

https://republika.mk/vesti/svet/eve-kako-e-lotsiran-liderot-na-hezbolah-rakata-pri-rakuvane-mu-bila-namachkana-so-supstantsa-shto-izrael-lesno-mozhel-da-ja-lotsira/

Сепак, еден ден подоцна, Израел изврши воздушен напад, убивајќи го генералниот секретар на Хезболах и неколку други високи членови на движењето.

The post Лидерот на Хезболах прифатил прекин на огнот со Израел, но еден ден подоцна беше убиен во израелскиот воздушен напад appeared first on Република.

Либанската милитантна група Хезболах денеска истрела повеќе ракети кон северот на Израел, од кои неколку погодија станбени објекти во Кармиел и Деир ал-Асад.

Според израелските власти, десет лица се примени на лекување поради шок, без физички повреди, пренесува Си-Ен-Ен.

Неколку противпожарни екипи се распоредени за да интервенираат ако е потребно, додека осум екипи веќе се ангажирани во гаснење на пожарите во близина на градот Рош Пина.

The post Хезболах истрела многу ракети кон северниот дел на Израел appeared first on Република.

Хашем Сафиедин, кој требаше да биде избран за нов лидер на либанската милитантна група Хезболах, од вчера е недостапен, изјави денеска за Ројтерс извор од либанските безбедносни сили.

Тројца либански безбедносни извори изјавија дека спасувачите не можеле да стигнат до местото во јужните предградија на либанскиот главен град Бејрут, што вчера беше бомбардиран додека израелските воздушни напади продолжија.

Изворите наведуваат дека постои сомневање дека Сафиедин вчера бил убиен во напад врз јужните предградија на Бејрут.

ИДФ соопшти дека ноќеска го нападнала разузнавачкиот штаб на Хезболах, во голем воздушен напад врз Бејрут.

Њујорк Тајмс и американскиот портал Аксиос објавија дека цел на израелскиот напад на Бејрут бил Хашем Сафиедин, кој треба да биде избран за нов лидер на Хезболах откако Хасан Насрала беше убиен во израелски напад врз Бејрут на 27 септември, пренесе „Тајмс оф Израел“.

The post Хашeм Сафиедин, кој требаше да биде нов лидер на Хезболах, од вчера е недостапен appeared first on Република.