Градоначалничката на Скопје, Данела Арсовска и државната секретарка во Министерството за економија Размена Чекиќ-Дуровиќ денеска ќе ја отворат манифестацијата „Хероини во туризмот“, која претставува презентација на пошироката слика и можности кои ги нуди туризмот како една алка во економијата преку која директно и индиректно се охрабруваат жените претприемачи со нивните семејства да се приклучат во туристичката понуда на нашата земја е целта на настанот „Хероини во туризмот“, што денеска ќе се одржи во Скопје во организација на истоимената асоцијација.

На настанот е предвидена богата програма со панел дискусии на повеќе теми на кои ќе земат збор „локални хероини“ кои веќе се дел од туристичката понуда во нашата земја, експерти за локални искуства од земјава, како и од Полска, Франција, Германија, Италија и Колумбија, поддржувачи на женското претприемништво во нашата земја и во Европа, иницијатори и обучувачи за социјалното претприемништво, маркетинг експерти, туристички водичи, поддржувачи на руралниот и активен туризам, жени занаетчии, основачи на здруженија за одржлив развој и многу други.

Учесницчки се повеќе од сто жени кои со својата дејност и хоби имаат поврзаност со туризмот и туристичката понуда во нашата земја а ќе биде споделуван во живо преку фејсбук линк на македонски јазик за сите заинтересирани кои не се во можност да имаат свое физичко присуство на конференцијата поради пополнетиот капацитет, како и преку Zoom линк до сите слушатели од странство што ќе биде пренесуван со симултан превод на англиски јазик.

Покрај конференцискиот дел, на настанот ќе има отворен базар со 20 штандови каде ќе бидат организирани директни средби меѓу „локалните хероини“ кои се веќе дел од туристичките понуди, присутни претставници од тур оператори за дојдовен туризам, агенции за појдовен туризам кои имаат за цел развивање на свои патувања во нашата земја, локални водичи, претставници од организации и програми кои го поддржуваат женското претприемништво и потенцијалните хероини кои ќе имаат можност да добијат поголема мотивација од страна на веќе вклучените жени „хероини“ во туристичките понуди.

The post Арсовска ќе ја отвори манифестацијата „Хероини во туризмот“ appeared first on Република.