Илјадници луѓе синоќа излегоа на улиците на Виена, протестирајќи против Слободарска партија на Австрија (ФПО) да биде дел од новата влада.

Организаторите тврдат дека се собрале околу 25.000 луѓе, додека полицијата не излезе со официјални бројки. Популистичката ФПО победи на изборите одржани во неделата со околу 29 проценти од гласовите.

Повеќето од останатите политички партии ја отфрлија можноста за коалиција со десничарите. Конзервативната Австриска народна партија, предводена од канцеларот Карл Нехамер, изрази подготвеност за соработка, но под услов лидерот на ФПО, Херберт Кикл, да не презема никакви државни функции.

Кикл, сепак, има амбиции да стане канцелар.

Демонстрантите поминаа низ центарот на градот и се собраа пред Парламентот носејќи транспаренти со натписи „Не во коалиција со нацистите“. На еден од плакатите Кикл е прикажан како марионета контролирана од рускиот претседател Владимир Путин, поради обвиненијата дека има проруски ставови.

Претседателот на Австрија, Александер Ван дер Белен, денеска треба да започне разговори за формирање нова влада со сите политички лидери, почнувајќи со Кикл.

Koj e Херберт Кикл

55-годишниот шеф на десничарската FPÖ не е шармантен заводник на масите. Неговиот шарм и харизма се скромни, а важи и за осаменик. Тој израснал во работничко семејство во Корушка, студирал историја и филозофија, но не дипломирал.

Трча и планинари на долги патеки.
Веќе за време на неговото време како пишувач на говори и раководител на кампања, тој разви слогани како „Татковина наместо ислам“ или „Повеќе храброст за нашата виенска крв - премногу странско никому не годи“.

The post „Татковина наместо ислам“: Koj e Херберт Кикл кој најавува дека ќе ја ослободи Австрија од мигрантите appeared first on Република.

Премиерот на Унгарија, Виктор Орбан, престојува во Виена за да го промовира „Патриотскиот манифест“ со Херберт Кикл, лидер на австриската десничарска Партија на слободата, како и Андреј Бабиш, поранешен премиер на Чешка.

Орбан, Кикл и Бабиш го потпишаа „Патриотскиот манифест“ изутринава во Виена, обидувајќи се да формираат најголем десничарски блок во Европскиот парламент.

Говорејќи за ТВ ФПО, Орбан изјави дека ќе формира нова политичка сила, која според него ќе стане најголемиот десничарски блок во Европскиот парламент.

Унгарските медиуми претходно пишуваа за тоа дека Виктор Орбан работи на создавање нова фракција во Европскиот парламент. Освен австриските и чешките конзервативци и десничари, фракцијата треба да ја сочинуваат и претставници на партијата на словачкиот премиер Роберт Фицо, како и полската партија Право и правда (ПиС) која ја води Јарослав Качински.

Орбан и неговите сојузници на ниво на Европската Унија изразија големо незадоволство од распределбата на позициите по изборите, кои претежно им припаднаа на функционерите од Европската народна партија (ЕПП) и Социјалдемократите. Ваквата распределба Орбан ја окарактеризира како удар врз цела Европа и нејзините вредности.

The post „Патриоти за Европа“: Орбан формира нов десничарски блок во Европскиот парламент appeared first on Република.