Албанија ќе продолжи да се вооружува во 2025 година, за што во Предлог-буџетот за следната година предвидени се околу 180 милиони лека (98 лека=1 евро) за набавка на беспилотни летала.

Беспилотните летала ќе бидат опремени заедно со командни и контролни системи. Првите шест авиони купени од Турција се веќе поставени во базата на НАТО во Кучово, додека за време на посетата на Тирана турскиот претседател Реџеп Таип Ердоган изјави дека ќе донира и други камикази - беспилотни летала за Албанија, објави „Ора њуз“.

Според истиот извор, друго финансирање ќе биде заштитата од напади, за што се предвидува продолжување на проектот „противвоздушен систем на национално ниво“ вреден 271 милиони лека, но кој се очекува да трае до 2027 година со вкупно 20 милијарди лека.

Зголемувањето на капацитетот нема да застане тука. Албанија и следната година планира да купи хеликоптер „УХ 69 Блек Хок“, за што е предвидена сума од 6,6 милијарди лека. Друга иновација ќе биде купувањето авиони со повеќенаменски цели. Се очекува да се инвестираат 1,3 милијарди лека, наведува телевизијата.

Нивната намена ќе биде за гаснење пожари, но и за помош на луѓе заглавени во непристапни предели.

The post Албанија ќе купува дронови, системи за противвоздушна одбрана и хеликоптери appeared first on Република.

Министерот за внатрешни работи Панче Тошковски денеска во Центарот за обука на МВР во Идризово присуствувал на презентација на најновиот софтвер за менаџмент на воздухопловни операции специјално дизајниран за потребите на хеликоптерските единици во состав на Министерството за внатрешни работи.

Тошковски истакнал дека операциите со хеликоптери се од клучна важност за МВР било да станува збор за спасување, транспорт, гасење пожари, полициски операции или цивилни задачи и заради тоа се наметнува потребата од висок степен на организација, координација и сигурност при изведувањето на мисиите.

Сложеноста на операциите во хеликоптерските единици бараат постојана адаптација и брза реакција во секој момент. Креиравме софтвер кој ќе ги обедини сите аспекти, интегрирано управување, автоматизација на процесите, со цел подобра координација и поддршка за носење на брзи одлуки. Ја видовме важноста на хеликоптерските единици во справување со пожарите и колку брзата и професионална реакција е важна за обезбедување на безбедноста на граѓаните и од овој аспект. Еден од стратешките планови на новото раководство на МВР, вклучително и Владата е дигитализација на процесите со цел побрзи и подобри услуги за граѓаните, унапредување на процесите во полицијата кои ќе креираат модерна и ефективна полиција која успешно ќе се бори со сите видови криминал и корупција и ќе ја гарантира безбедноста на секој граѓанин и државата, потенцирал министерот Тошковски. 

The post Тошковски: Нов софтвер за менаџмент на воздухопловни полициски операции, дигитализација на процесите за модерна и ефикасна полиција appeared first on Република.

Официјална Приштина најави набавка на хеликоптери за Косовските безбедносни сили

Таканаречениот процес „трансформација во армија“ на Косовските безбедносни сили (КБС) е во втората фаза, а во следните четири години Приштина ќе набави и флота од хеликоптери“, изјави министерот за одбрана, Ејуп Македончи.

Тој додаде дека на Косово ќе му бидат обезбедени хеликоптери за да го заврши тој оперативен аспект на КБС.

Континуирано ги разгледуваме опциите за нивно купување со нашите партнери, особено со САД“, додаде Македончи.

The post Косово ќе набавува борбени хеликотери appeared first on Република.

Забележана е огромна загуба на воени хеликоптери во Грција по поплавите предизвикани од бурата „Данел“, од минатата година.

Аеродромот Стефановикио, кој се наоѓа во регионот Тесалија во Грција и каде што се сместени над 100 воени хеликоптери, доживеал значителни поплави од бурата „Даниел“ на почетокот на септември 2023 година.

Откако надојдените води почнале да се намалуваат, првите проверки откриле катастрофални штети на зградите и леталата.

30 „OХ-58Д“ вооружени извидувачки хеликоптери на долгорочно складирање се сметаат за целосно уништени, што претставува околу 40% од 70-те хеликоптери набавени како вишок од американските резерви

Изгубени се и меѓу 3 и 6 јуришни хеликоптери „АХ-64А+ Апачи“ (од вкупно 19). Загубата претставува 15,7% (3 хеликоптери) до 31,57% (6 хеликоптери) од флотата „Апачи“.

Пријавени се и значителни загуби на инфраструктура за одржување, алатките и критичните потсистеми за хеликоптери.

https://republika.mk/vesti/balkan/voda-kal-mrtvi-zhivotni-i-unishteni-domovi-i-biznisi-vo-poplavenite-delovi-vo-grtsija/

The post Поплавите во Грција предизвикале огромна загуба на воени хеликоптери appeared first on Република.

Министерот за одбрана Владо Мисајловски денеска потврди дека ќе продолжи да се спроведува Договорот за набавката на осум хеликопетри од италијанскиот производител Леонардо, склучен на ниво на држава со држава од поранешната Влада и ја повика Антикорупциската комисија да се произнесе поскоро за поднесената претставка по однос набавката.

Денеска официјално ќе имаме управна група каде што ќе има две точки за разгледување – новиот буџет за наредната година каде треба да ги испланираме сите средства и исто така да ги видиме програмските цели за наредната година. Тука се сите оние цели што НАТО ги задава како нашата обврска, но и да ги разгледаме сите потребни наши чекори како да обезбедивме средства за дополнителни финансии. Имаме потпишан договор кој чини навистина премногу со Леонардо за пристигнување осум хеликоптери. Вчера имавме состанок со амбасадорот и со новото аташе и со старото кое замина. Разговаравме за повеќе работи. Сега треба да се формираат дополнителни тимови каде што ќе започне оваа постапка за да се почитува договорот, рече Мисајловски на новинарско прашање останува ли договореното хеликоптерите Леонардо да почнат да пристигнуваат во 2026 година.

Иако имаше и една претставка од ДКСК за овој предмет, рече дека се уште немаат добиени информации.

Ја користам оваа прилика да повикам да се разгледа повторно таа преставка и да стигне до нас, бидејќи сакаме да знаеме што се случувало во минатото. Но она што е склучено по договор ние мора да продолжиме да го работиме, а тоа е една огромна набавка од преку 300 милиони евра за нови осум хеликопетри. Се очекува првиот во 2026 година, а низ годините да пристигнат останатите хеликопетри, рече Мисајловски.

Тој нагласи дека Министерството за одбрана ќе информира за сите детали околу реализацијата на оваа набавка.

Мене ми е навистина жал што во овој момент ги немаме хеликоптерите бидејќи знаете што се случува во Македонија, и навистина ни се потребни, но така одат овие набавки склучени држава со држава. И за се она што ќе се случува транспарентно максимално ќе биде објавено, за нивното пристигнување. Тие ќе имаат дополнителна инсталација за потреба во случај на пожари, рече Мисајловски по примопредавањето на опрема од Република Турција за Армијата во касарната „Илинден“.

Договори држава со држава земјата, посочи, има склучено и со Франција и со САД за страјкерите, и се она што е веќе потпишано ќе се реализира и ќе се исплаќа.

Тоа се огромни средства за МО, но ние ќе правиме се од себе за да се зголемува буџетот, оваа година ќе програмираме да биде над 2,15 проценти согласно БДП. Денеска еве го имаме тој состанок, програмираме над 2,30 проценти да биде буџетот зголемен. Да видиме што ќе се случува, а последниот збор ќе го има Министерството за финансии, изјави Мисајловски, по примопредавањето на донација во опрема од Турција за нашата Армија.

Договорот за набавка на нови осум транспортни хеликоптери од типот AW149 и AW169M за потребите на Армијата, вреден 249,5 милиони евра, во име на владите на двете земји беше потпишан во март, годинава, од страна на министрите за одбрана Славјанка Петровска и Гуидо Кросето. Со потпишувањето на овој договор покрај набавката на осум хеликоптери кои треба да бидат испорачани во периодот од 2026 година до крајот на 2028 година, вклучен е и пакет за логистичка поддршка односно опрема, резервни делови, тренажер, комплетна обука на летечкиот и техничкиот персонал и изградба на модерен инфраструктурен објект.

The post Мисајловски: Ќе продолжи да се спроведува набавката на хеликоптерите од Италија appeared first on Република.

Полското Министерство за одбрана потпиша офсет договори со „Боинг“ и „Џенерал Електрик“ во вредност од околу 255 милиони долари, со што е поблиску до финализирање на договорот вреден 12 милијарди долари за купување 96 воени борбени хеликоптери „АХ-64Е Апачи“.

Полската армија наскоро ќе ги набави овие хеликоптери, кои навистина ќе ја зајакнат нашата подготвеност и безбедност во однос на она што се случува надвор од границите на Полска, односно во контекст на војната во Украина“, изјави заменик-министерот за одбрана Павел Бејда.

Офсет договорите се посебен вид договори што и овозможуваат на владата на една земја да купува оружје произведено од странски компании. Договорот со „Боинг“ од 102 милиони долари е за поддршка за одржување на хеликоптерите „AХ-64E“ како и обука за одржување, додека договорот од 135 милиони американски долари за „Џенерал Електрик“ е за поддршка за моторите за „Апачи“ и погонските единици во други полски воени хеликоптери.

Во август 2023 година, САД одобрија продажба на 96 хеликоптери „AХ-64E Апачи“ и поврзана опрема на Полска за околу 12 милијарди долари, а подоцна истата година Полска ги склучи своите први офсет договори со „Локид Мартин“.

The post Полска почнува набавка на американски воени хеликоптери „АХ-64Е Апачи“ appeared first on Република.

Вицепремиерот и министер за внатрешни работи Ивица Дачиќ изјави синоќа дека со одобрение на претседателот на Србија Александар Вучиќ и премиерот Милош Вучевиќ, МВР денеска ќе испрати два хеликоптери на Хеликоптерската единица за да им пружи помош на припадниците на Секторот за вонредни состојби при гаснење на пожарот што се прошири од Македонија во местото Козјак кај Бујановац, во близина на манастирот Прохор Пчињски, јави дописникот на МИА од Белград.

По одобрение на претседателот на Србија Александар Вучиќ и премиерот Милош Вучевиќ, Министерството за внатрешни работи утре ќе испрати два хеликоптери на Хеликоптерската единица за да им пружи помош на припадниците на Секторот за вонредни ситуации во гаснењето на пожарот што од Македонија се прошири до областа Козјак кај Бујановац, во близина на манастирот Прохор Пчињски, изјави Дачиќ, се наведува во соопштенеито до медиумите на МВР.

Во него се додава дека поради ширење на пожарот во источниот дел на Македонија, а врз основа на официјалното барање на Центарот за управување со кризи на Владата на Македонија, Министерството за внатрешни работи ќе испрати хеликоптер „Агуста Бел 212“ во земјава со пет припадници на хеликоптерската единица и припадник на Секторот за вонредни состојби.

Во акцијата за гаснење на пожарите во Македонија, по одобрение од нивните колеги учествуваат 10 пожарникари-спасувачи со три теренски возила, кои дејствуваат во атарот на селото Магленце со што спречуваат понатамошното ширење на пожарот кон територијата на Србија.

Во гаснењето на пожарот на крајно непристапен терен во областа Козјак, ангажирани се 43 пожарникари-спасувачи со 14 возила од противпожарните единици на Врање, Белград, Ниш, Лесковац, Крушевац, Смедерево, Панчево, Јагодина и Крагуевац, изјави министерот Дачиќ, се наведува во соопштението на српското МВР.

The post Српски хеликоптери и пожарникари доаѓаат на помош за пожарите кај Прохор Пчињски и во источниот дел на Македонија appeared first on Република.

Два хеликоптера од Одделот за воздухопловни единици денеска дејствувале на повеќе локации каде што имаше пожари во реонот на Богомила, селата Габровник и Мокрени.

- Хеликоптерот Бел 412 во 20 налети исфрли 30 тони вода, а хеликоптерот Ми 171 во 14 налети исфрли 38 тони вода. На овој начин е спречено пожарот да се прошири кон селата, но сепак на повисоките места и во пределите со густа шума истиот не е локализиран и се уште е активен, соопштија од МВР.

The post Хеликоптери на МВР исфрлија над 68 тони вода врз пожари во реонот на Богомила и селата Габровник и Мокрени appeared first on Република.

Набавката на осум нови хеликоптери од компанијата „Леонардо“ ќе изнесува 249,9 милиони евра и се очекува првата испорака да биде во втората половина од 2026 година, информира денеска министерката за одбрана Славјанка Петровска.

Петровска на денешната прес-конференција по посетата на ценатрот за обуки на пилоти во касарната во Петровец одговорајќи на новинарски прашања истакна дека цената ги опфаќа хеликоптерите, изградба на хангар, како и соодветна обука за пилотите.

-Вкупната сума на набавката е 249,9 милиони евра тоа ги опфаќа осумте хеликоптери, двата вида кои веќе ги презентиравме. Меѓу другите договорени ставки е и изградба на хангар, тоа ќе биде обврска на компанијата „Леонардо“, која ќе треба да изгради соодветен хангар во кој ќе бидат чувани сите осум хеликоптери со специјални дополнителни простории, обезбедување на дренажери, часови за обука и обука во нивниот центар, односно нивната академија за обука на пилоти. Годината на достава е дефинирана, во договорот пишува дека ќе биде втората половина на 2026 година, така што од разговорите што ги имав и при потпишувањето на договорот и од разговорот со министерот добив уверување дека рокот на испорака ќе биде испочитуван. Затоа што согласно рокот на испорака понатаму зависат повеќе врзани процеси, изјави министерката.

Во однос на првичната цена која била предвидена за набавката, Петровска посочи дека изминатите години како и во останатите сегменти, така и во воената индустрија цените постојано растат.

-Треба да се има предвид дека првичната цена која била предвидена за оваа набавка е од пред неколку години знаете дека за жал, изминатите години генерално во воената индустрија како и во сите останати сегменти растат постојано, така што мислам дека она што тимот успеа да го испреговара со компанијата да ги обезбеди сите оние потребни дополнителни опреми за непречено оперирање и извршување на сите задачи, мисии и операции на крај се постигнаа таа цена која е соопштена, појасни Петровска.

Додаде дека дел од хеликоптерите ќе бидат вооружени, но дека и останатиот дел ќе ја имаат можноста да бидат вооружени дополнително доколку се утврди потреба.

Рече дека двата хеликоптери кои биле пратени на ремонт во Чешката Ребулика ќе се вратат во некој од наредните денови, бидејќи ремонтот веќе бил завршен и сега се правеле финалните проверки.

-Останатите кои не се пратени, ќе има набавка на делови со истата компанија и нашите техничари, механичари ќе ги опремуваат и тие ќе бидат во функција. Идејата е овие хеликоптери да бидат оперативни се додека не пристигнат новите, а тогаш согласно планот за модернизација секоја опрема која ќе биде заменета спаѓа во списокот на опрема која може да биде отуѓена, дали тоа ќе биде со продажба или донација ќе одлучиме дополнително, подвлече Петровска.

Исто така, таа информира дека до министерството вчера доцна попладне пристигнало писмо од Антикорупциска која оформи предмет за набавката на хеликоптерите и дека веќе се подготвува документацијата за која изрази надеж дека ќе биде доставена до комисијата уште пред истекот на наведениот рок.

The post Пред избори и среде криза власта ќе даде 250 милиони евра за хеликоптери appeared first on Република.

Набавката на осум нови хеликоптери од компанијата „Леонардо“ ќе изнесува 249,9 милиони евра и се очекува првата испорака да биде во втората половина од 2026 година, информира денеска министерката за одбрана Славјанка Петровска.

Петровска на денешната прес-конференција по посетата на центарот за обуки на пилоти во касарната во Петровец одговорајќи на новинарски прашања истакна дека цената ги опфаќа хеликоптерите, изградба на хангар, како и соодветна обука за пилотите.

Вкупната сума на набавката е 249,9 милиони евра тоа ги опфаќа осумте хеликоптери, двата вида кои веќе ги презентиравме. Меѓу другите договорени ставки е и изградба на хангар, тоа ќе биде обврска на компанијата „Леонардо“, која ќе треба да изгради соодветен хангар во кој ќе бидат чувани сите осум хеликоптери со специјални дополнителни простории, обезбедување на дренажери, часови за обука и обука во нивниот центар, односно нивната академија за обука на пилоти. Годината на достава е дефинирана, во договорот пишува дека ќе биде втората половина на 2026 година, така што од разговорите што ги имав и при потпишувањето на договорот и од разговорот со министерот добив уверување дека рокот на испорака ќе биде испочитуван. Затоа што согласно рокот на испорака понатаму зависат повеќе врзани процеси - изјави министерката.

Во однос на првичната цена која била предвидена за набавката, Петровска посочи дека изминатите години како и во останатите сегменти, така и во воената индустрија цените постојано растат.

Треба да се има предвид дека првичната цена која била предвидена за оваа набавка е од пред неколку години знаете дека за жал, изминатите години генерално во воената индустрија како и во сите останати сегменти растат постојано, така што мислам дека она што тимот успеа да го испреговара со компанијата да ги обезбеди сите оние потребни дополнителни опреми за непречено оперирање и извршување на сите задачи, мисии и операции на крај се постигнаа таа цена која е соопштена - појасни Петровска.

Додаде дека дел од хеликоптерите ќе бидат вооружени, но дека и останатиот дел ќе ја имаат можноста да бидат вооружени дополнително доколку се утврди потреба.

Рече дека двата хеликоптери кои биле пратени на ремонт во Чешката Ребулика ќе се вратат во некој од наредните денови, бидејќи ремонтот веќе бил завршен и сега се правеле финалните проверки.

Останатите кои не се пратени, ќе има набавка на делови со истата компанија и нашите техничари, механичари ќе ги опремуваат и тие ќе бидат во функција. Идејата е овие хеликоптери да бидат оперативни се додека не пристигнат новите, а тогаш согласно планот за модернизација секоја опрема која ќе биде заменета спаѓа во списокот на опрема која може да биде отуѓена, дали тоа ќе биде со продажба или донација ќе одлучиме дополнително - подвлече Петровска.

Исто така, таа информира дека до министерството вчера доцна попладне пристигнало писмо од Антикорупциска која оформи предмет за набавката на хеликоптерите и дека веќе се подготвува документацијата за која изрази надеж дека ќе биде доставена до комисијата уште пред истекот на наведениот рок.

The post Хеликоптерите на „Леонардо“ ќе ја чинат државава 249,9 милиони евра appeared first on Република.

Повеќе од 18 часа се трага по двегодишното девојче Данка Илиќ, кое вчера попладне исчезнало во околината на градот Бор во Србија. Потрагата продолжува и денеска. На терен се полицајци, пожарникари спасувачи, припадници на планинарската спасувачка служба, припадници на жандармеријата. Во потрагата се вклучени и кучиња трагачи, ловџии и многубројни граѓани, а се користат и хеликоптери и дронови со камери.

Полицијата оди од зграда до зграда за да најде некаква трага која ќе помогне во потрагата по исчезнатата Данка, а проверени се и сите напуштени објекти во приградската населба Бањско Поле во околината на Бор.

На приодот кон Бањско Поле има пунктови каде што полицијата врши увид на возила, а како што јавуваат српските медиуми, се истражуваат и сите лица од безбедносен интерес кои претходно биле во судир со законот.

Исчезнувањето на двегодишната Данка по првпат го активира системот „Најди ме“ (Amber Alert) во Србија со помош на кој јавноста веднаш се известува за исчезнатото дете.

The post Повеќе од 18 часа се трага по двегодишната Данка од Бор, вклучени хеликоптери и дронови appeared first on Република.

Новиот состав на Државната комисија за спречување на корупцијата отвара предмети за набавката на осум хеликоптери за Армијата вредни 230 милиони евра од италијанскиот „Леонардо“ и за набавката на 22 амбулантни возила преку тендер на Министерството за здравство.

Ова и денес го потврди новата претседателка на Антикорупциска, Татјана Димитровска, при тоа нагласувајќи дека случаите се отвораат предизборно по допрен глас.

Двата предмети за набавките на хеликоптерите и на амбулантни возила, со 13 други предмети, значи имаме 15 предмети поврзани со изборниот процес“, изјави Димитровска за РСЕ.

Според првиот човек на ДКСК набавките не смеат да се случуваат предизборно, повикувајќи се на Изборниот законик и во Законот за спречување на корупцијата, каде што се регулираат условите за нови инвестиции, вонредни исплати, вработувања, итн.

Дополнително,претходно беше објавено дека Министерството за здравство купува 22 амбуланти возила по цена од 90 000 евра за парче, иако еден месец претходно ЕУ донирала слични такви по цена од 63 000 евра.

Што се однесува за хеликоптерите, таму компанијата „Леонардо“ веќе е на лош глас по контроверзни набавки за неколку други земји.

The post Новиот состав на ДКСК отвора предмети за набавките на хеликоптери и амбулантни возила appeared first on Република.

АРМ треба да се модернизира, но набавка од 250 милиони евра пред избори не смее да има, идната влада треба да одлучува по тоа прашање, ова денеска преку соопштение до јавноста го истакнаа од ВМРО-ДПМНЕ.

Купувањето на опрема за АРМ е работа која СДС и ДУИ имаа 7 години да ја прават, а не на два месеци пред избори да трошат 250 милиони евра. Набавката на хеликоптерите е процес за кој треба да одлучува новата влада по изборите, а не истрошената влада на СДС и ДУИ кои немаат план за државата. Власта не кажува како се одбрани токму тие хеликоптери и зошто транспортни, а не борбени? За набавка на опрема за АРМ треба да има јасна постапка за потребите и долгорочните цели, велат од партијата.

Од таму додаваат дека идната влада на ВМРО-ДПМНЕ вистински ќе вложува во Армијата, а не како СДС и ДУИ 7 години. Со право народот вели дека немаме држава, време е да ја вратиме, велат од ВМРО ДПМНЕ.

The post ВМРО-ДПМНЕ: АРМ треба да се модернизира, но набавка од 250 милиони евра пред избори не смее да има, идната влада треба да одлучува по тоа прашање appeared first on Република.

Власта да ја стопира набавката од 250 милиони евра за транспортни хеликоптери во изборен период, за тоа треба да одлучува идната влада, велат од ВМРО ДПМНЕ.

Надвор од секое нормално делување е СДС и ДУИ да вршат избор на тендер од 250 милиони евра на неколку недели пред избори, во период на техничка влада.

Наместо борбени хеликоптери, власта набавува транспортни, со што не ја зголемува борбената готовност на АРМ.

Дополнително никој не знае како е изберена фирмата Леонардо, и зошто не се изберени другите компании меѓу кои американска компанија или германско-француски конзорциум.

Како е извршен изборот и кој ја донел одлуката што всушност да се набави.

Наместо трошење на 250 милиони евра пред избори, да се стопира набавката и по неа да одлучува идната влада.

Со право народот вели дека немаме држава, време е да ја вратиме, велат од ВМРО ДПМНЕ.

The post ВМРО-ДПМНЕ: Власта да ја стопира набавката од 250 милиони евра за транспортни хеликоптери во изборен период appeared first on Република.

За хеликоптерите сакам неколку аспекти за искоментирам, првата работа е дали Македонија во моментов воопшто има потреба од транспортни хеликоптери, бидејќи за да знае јавноста се работи за хеликоптери кои ќе бидат за транспорт на персонал и војници, а за борбени хеликоптери, изјави потпретседателот на ВМРО-ДПМНЕ, Александар Николоски при посетата на Прилеп одговарајќи на новинарско прашање поврзано со набавката на хеликоптери од министерство за одбрана.

Николоски посочи дека со ваква набавка одбранбената готовност на Македонија и армијата со ова не се подобрува, а исто така 250 милиони да се потрошат на ова е расипништво.

Во исто време кажуваме дека 250 милиони евра ќе впуштиме во сите општини во Македонија. Ако само за ова не ги трошат парите, за една година сите општини во Македонија ќе можат веќе да почнат со препород и со решавање на децениските проблеми на граѓаните. Министерката за одбрана на јавноста и должи одговор како е возможно во веќе почнат изборен период, распишани се избори да врши толку голема јавна набавка која треба да ја плаќа следната влада, рече Николоски.

Николоски исто така вели дека мора да се одговори зошто и како баш оваа компанија Леонардо од Италија е избрана а не се избрани другите компании, конкурирале француско-германски огромен конзорциум, шведски и американски производител.

Зошто е избран токму Леонардо, и дали причината за изборот е огромниот корупциски скандал кој беше прв на владата на Зоран Заев, а тоа е набавката на радарски систем од страна на компанијата Леонардо, кој според разговорите кои ги слушнавме во јавност чинел 1 милион евра повеќе од проценетата вредност за што тогашниот генерален секретар на владата Драги Рашковски заврши во затвор. Се дава набавка на компанија која е веќе поврзана со огромен скандал во Македонија. Ова покажува расипничко трошење и за ова ќе има одговорност, ако е прекршен законот, истакна Николоски.

The post Николоски: Власта расипнички троши 250 милиони евра за транспортни хеликоптери на компанија поврзана со огромен корупциски скандал во Македонија appeared first on Република.

Владата на денешната седница ја разгледа и усвои Информацијата од Министерството за одбрана за потребата на доделување договор за набавка на повеќенаменски транспортни хеликоптери, со склучување договор влада со влада помеѓу Владата на Република Македонија и Министерството за одбрана на Италијанската Република.

Како што се наведува во соопштението, овластена е министерката за одбрана, Славјанка Петровска, да го потпише Аранжманот помеѓу Министерството за одбрана и Министерството за одбрана на Италија, за соработка во полето на воената хеликоптерска авијација.

Согласно потребата за реформа на одбранбениот сектор и негова интеграција во НАТО, утврдена во Стратегискиот одбранбен преглед, како што е соопштено од Министерството за одбрана, се постапува по Долгорочен план за модернизација и опремување на Армијата на Република Македонија, за постигнување целосна интероперабилност со армиите на земјите партнери во НАТО.

На седницата Владата, на предлог на Министерството за одбрана, донесе Одлука за испраќање припадници на Армијата на Република Македонија, за учество во НАТО мисијата „Зајакнато истурено присуство“ (Enhanced Forward Presence -eFP ) во Република Летонија.

The post Министерството за одбрана ќе набавува повеќенаменски транспортни хеликоптери од Италија appeared first on Република.

Пожарникарите започнаа протокол за одговор при итни случаи, откако добија извештаи за „експлозии и потреси“ на островот Рузвелт во Њујорк рано утрово. Повикот стигнал набргу по 6 часот наутро по извештаите за експлозии.

Противпожарната служба наводно добила извештаи за „повеќе експлозии“ во областа и „се обидува да го лоцира изворот“. Снемало струја во тој реон, а на терен се голем број полицајци.

Локалните жители пријавиле дека се разбудиле од звуците на експлозии и чувството дека зградите се тресат, пишува „Дејли мејл“. Над градот наводно летаат хеликоптери.

Засега нема информации за повредени, а истрагата е во тек.

🚨🇺🇸BREAKING: MULTIPLE EXPLOSIONS REPORTED IN NYC AREA

Roosevelt Island reportedly hit by "three booms" causing buildings to shake in Manhattan and Queens.

Emergency crews, including firefighters and Con Edison, are on-site accessing the situation pic.twitter.com/xCeuEYsMKk

— The Global Affairs (@GlobalAffairsU) January 2, 2024

The post Серија експолозии во Њујорк, хеликоптери го надлетуваат градот appeared first on Република.

Првите два средно транспортни хеликоптери Х-225М, кои Унгарија ги нарача од Ербас за потребите на своите вооружени сили во 2018 година, и се испорачани на земјата, пишува денеска порталот Балканска безбедносна мрежа.

Како што се наведува во текстот, Унгарија нарачала вкупно 16 авиони од овој тип како дел од својата програма за воена модернизација.

Со ова Будимпешта постепено ќе ја замени постојната флота на транспортни хеликоптери од советско и руско производство со авиони од западно производство.

Новите хеликоптери H-225M се распоредени во базата во Солнок и ќе се користат за транспорт на војници, борбено пребарување и спасување, како и за специјални операции.

Покрај набавка на нови хеликоптери, предвидена е и модернизација на придружната инфраструктура, заедно со изградба на нов комплекс хангар.

„Унгарија го избра Ербас за стратешки партнер за модернизација на хеликоптерската флота. Покрај нарачката за 16 H-225M, купени се и 20 лесни хеликоптери H-145M, чија испорака започна во 2019 година. Сите беа испорачани, а еден се урна ова лето за време на вежба во Хрватска, при што загинаа тројца членови на екипажот“, се вели во текстот.

Во 2017 година беа купени два патнички авиона Ербас А-319 за транспорт на војници во НАТО и други меѓународни операции.

The post Испорачани првите два хеликоптера H225M за унгарските вооружени сили appeared first on Република.

Овие хеликоптери кои ги донираме на Украина се нефункционални бидејќи немаме резервни делови за нив, кои се од руско производство. Зарем Русија ќе дозволи Македонија да набавува резервни делови? Согласно нашите планови за развој на одбраната, преминува од источната застарена платформа, на нова модерна западна платформа“ рече министерката за одбрана, Славјанка Петровска во нејзиното гостување на ТВ Шења.

Таа додаде дека старите хеликоптери кои земајва ги донира на Укрина се произведени во 1984 година, а Македонија ќе ги замени со нови.

Оние хеликоптери кои се во функција и се потребни за нашата Армија се задржини и се дел од воздухолопвството. Тие нема да ги отуѓуваме, рече Петровска.

Министерката кажа дека во завршна фаза е процесот за набавка на нови хеликоптери за Армиајта и појасни дека тој го води тим составен од претставници од Армијата и Министерството за одбрана чија експертиза е воздухопловството.

Врз основа на нашите развојни планови и програми, тие утврдуваат кои карактеристики треба да ги поседуваат новите хеликоптери и врз основа на тоа започнале постапка и се обратиле до повеќе компании за да побараат понуда. Во напредна фаза е овој процес и пристингати се 5 понуди од различни компании, од различни држави, рече министерката.

The post Петровска: Хеликоптерите кои ги дониравме на Украина беа неупотребливи за нас appeared first on Република.

Министерката за одбрана, Славјанка Петровска, ги отфрли наводите на пратеникот Драган Ковачки од ВМРО-ДПМНЕ дека припадници на военото разузнавање биле упасени на Косово.

На гостувањето во емисијата „360 степени“ на Алсат телевизија, Петровска најави дека е можно да поднесе тужба против него.

Во емисијата, Петровска зборуваше и за можната донација на хеликоптери на Украина.

Таа посочи дека анализата на Генералштабот за тоа дали земјава може да ги донира хеликоптерите Ми-24 е завршена и дека на следната владина седница ќе биде доставен предлог за донесување на одлука со која  Македонија ќе и донира 12 хеликоптери на Украина. Петровска нагласи дека ваквата одлука нема да влијае на борбената готовност на Армијата.

Сета опрема којашто досега беше донирана, освен што е на барање на Украинците, ним им е потребна и тоа е опрема за која украинската армија е вешта во користењето, опрема која согласно нашите планови за модернизација веќе е на истекот на користење, нема да биде во составен дел на нашето вооружување и многу е извесно дека за кус временски период, ќе требаше да ни биде наплатено за да ја уништиме, рече министерката.

Во однос на финансиските импликации, Петровска истакна дека проценката на вредноста на донациите без можната донација на хеликоптери изнесува околу 30 милиони евра, но дека за само помалку од една година Македонија беше поддржана од САД со 139 милиони долари, наменети за набавка на нова, најсофистицирана опрема.

За плановите за набавка на нови хеликоптери, министерката информира дека во завршна фаза е деталната евалуација на петте пристигнати понуди за набавка на повеќенаменски хеликоптери и анализата за тоа дали тие се во согласност со нашите барања и потреби. Таа појасни дека станува збор за повеќегодишна набавка на осум повеќенаменски хеликоптери.

https://republika.mk/vesti/makedonija/odbrana-ke-nabavuva-osum-novi-helikopteri-najavuva-petrovska/

The post Петровска вели дека донираните хеликоптери на Украина секако ќе требало да ги уништиме appeared first on Република.