Здружението на инженери ќе покрене иницијатива да се донесе закон со којшто ќе почне да се гради Чебрен со македонски сили, најави вечерва Константин Димитров, кој е дел од ова Здружение.

Димитров за централниот дневник на телевизија „Сител“ изјави дека имаме капацитет сами да го изградиме Чебрен и дека ова е проект којшто треба да го обедини општеството.

Да се донесе закон за изградба на Чебрен, Галиште, Скочивир т.е. да се реши интегрално програмата со сливовите на реките каде Црна Река е дел од Вардарска долина. Да се направи закон којшто не може да се менува без разлика која влада и да дојде. Однапред да се дефинираат средства коишто не се големи, рече Димитров.

Здружението на инженери во изминатиот период реагираше до надлежните институции во врска со тендерот за изградба на Чебрен. Изразија сомневање дека се направени суштински, правни, економски и стручно-научни недостатоци во постапката при подготовка и реализација на тендерот за доделување концесија за користење вода за производство на струја со изградба на хидроелектраните на Црна Река.

Четиринаесетиот тендер за изградба на Чебрен пропадна. Министерката за животна средина и просторно планирање Каја Шукова денеска информираше дека грчката ПЦЦ Архиродон ја нема продолжено банкарската гаранција.

Заклучно со 31 декември не пристигна продолжувањето на банкарската гаранција од страна на избраниот понудувач на тендерот за изградба на Чебрен и со самото тоа веќе не е активна понудата на ППЦ-Архиродон. Министерството за животна средина и просторно планирање (МЖСПП) ќе ја извести Владата дека тендерот пропадна, рече Шукова на прес-конференција.

The post Димитров: Ќе покренеме иницијатива да се донесе закон за изградба на Чебрен со домашни сили appeared first on Република.

Министерката Каја Шукова објави дека тендерот за ХЕЦ Чебрен официјално пропадна. Банкарската гаранција од 1,4 милиони евра од грчки „Архиродон“ нема да се активира.

ППЦ-Архиродон на 14 септември 2023 година беше избран за најповолен понудувач на 14. тендер за изградба на реверзибилната хидроцентрала ПАХЕ „Чебрен“. Подоцна имаше забелешки на јавниот повик и до крајот на 2023 година требаше да одлучи дали ќе продолжи со проектот.

На штетноста на овој проект предупредуваа еколози а лидерот на ВМРО ДПМНЕ Христијан Мицкоски за „Република“ пред неколку месеци го откри овој скандал на власта.Тој презентираше документ од Службен весник од 17 јануари 2020 година е објавена одлуката за почнување на постапка за доделување концесија за изградба на проектот Чебрен.

Во овој „Службен весник“ е дефинирана процедурата и условите кои што ги донела Владата кога премиер бил Зоран Заев на седница одржана на 24 декември 2019 година. Во членот 5 од оваа одлука за почнување постапка се дефинирани обврските кои што ги презема државата и вели: Државата на компанијата што ќе ја добие оваа набавка ќе и ја отстапи хидроцентралата „Тиквеш“ која фунционира на Црна Река, три месеци по датумот на старт на изградбата на хидроцентралата „Чебрен“. Значи почнувате да градите и три месеци потоа го добивате „Тиквеш“.

Тој ја објасни процедурата на целиот проект.

Потоа треба да изгради 400 киловолтна трафостаница „Мариово“ каде што ќе се поврзе хидроцентралата, ќе направи експропријација на земјиштето, ќе изгради пристапни патишта до локацијата и ќе обезбеди ноќни вишоци на струја со која помалата хидроцентрала „Орлов камен“ навечер ќе ја враќа водата во  „Чебрен“ и ќе може истата вода неколку пати да се користи преку ден за производство на електрична енергија.

Mицкоски објави дека власта се повикува на поништената одлука ама модифицирана. Односно, поништената одлука вели ќе му ја отстапиме на добитникот ХЕЦ „Тиквеш“ откако ќе почне градбата, а во повикот повторно се појавува ХЕЦ „Тиквеш“, но три месеци откако ќе биде завршена градбата.

Ако таа градба трае шест години а ХЕЦ Тиквеш произведува отприлика 150.000 мегават часови, а пазарната вредност е 120 мегават часови, помножено со шест години добиваме сума од 100 милиони евра. Но што е важно, помеѓу овој јавен повик, одлуката на Заев е одлуката на Спасовски да брише делови од одлуката на Заев за отпочнување на постапка и се објавува јавниот повик каде што повторно се појавува ХЕЦ „Тиквеш“ каде не би требало да се појави бидејќи е веќе избришан од страна на Владата на Спасовски две недели претходно.

https://www.youtube.com/watch?v=q4wZx08Ldds&embeds_referring_euri=https%3A%2F%2Frepublika.mk%2F&source_ve_path=MjM4NTE&feature=emb_title

Според Мицкоски клучно е што Владата еднаш ја дава „Тиквеш“ три месеци откако ќе почне градбата а вториот пат ја брише. Но тука не завршува сѐ. Откако ја добива оваа одлука компанијата добитник, на 16.10 оваа година вложува жалба до Министерството за животна средина и вели дека членовите 5, 6, 8 и 10 од оваа одлука се спротивни на тендерската документација на која учествувале.

Не знам дали е ова направено од незнаење или од некои други причини но предупредувам дека овој процес ваков каков што е поставен на погрешна основа. Имаме право како потенцијално идна влада да бидеме загрижени дека ова може да не доведе во една многу сложена ситуација и ги повикувам институциите, вклучително и потенцијалниот инвеститор да го разјаснат ова на јавноста. Народот има право да знае која од овие одлуки е одлуката и зошто и зошто се појавува различно толкување на отстапување или не отстапување на ХЕЦ „Тиквеш“ дали три месеци по отпочнување на градбата или три месеци по пуштање во функција на хидроцентралата „Чебрен“ и тоа е 100 милиони евра разлика.

https://republika.mk/vesti/ekonomija/mitskoski-nov-skandal-so-izgradba-na-chebren-izbrishale-chlen-za-otstapuvane-na-tikvesh-na-koj-podotsna-se-povikuvaat/

The post Документи: Владата сакаше со „Чебрен“ и „Тиквеш“ да „сврти“ 100 милиони евра appeared first on Република.

Премиерот Димитар Ковачевски во однос на забелешките на Здружението на инженери дека со давањето на Чебрен на странска компанија се нарушува електроенергетската независност на државата вели дека доколку би постоеле можности самата држава да го изгради овој проект вреден над една милијарда евра, тогаш тоа досега би било направено.

– Такви дискусии се воделе 40 години, бидејќи овој проект е стар 40 години колку што се сеќавам имаше и 13 неуспешни тендери коишто дури даваа и подобри услови за оној кој би ја добил можноста за градење на ревизибилната хидроцентрала, меѓутоа од различни причини не успеале претходно. Така што, доколку постоеле можности самата држава да го изгради овој проект вреден над една милијарда евра, тогаш во изминатите 40 години сигурно тоа би било направено, изјави денеска Ковачевски.

The post Ковачевски за „Чебрен“: Aко имаше пари државата самата ќе го изградеше appeared first on Република.

Здружението на инженери на Македонија денеска информира дека е поднесена претставка до надлежните институции за одлуката за концесија за хидроцентралата Чебрен.

Претставката ја поднесовме поради сомневање дека со општите акти на Владата во постапката при подготовката и реализацијата на јавниот повик за доделување концесија за користење вода за производство на електрична енергија со изградба на хидроелектрични централи на Црна Река се направени бројни суштински, правни, економски и стручно-научни недостатоци со кои се загрозуваат     суверенитетот, територијалната целина и основите на економските односи определени со Уставот, како и уредувањето на територијата за потребите на одбраната предвидени со Планот за одбрана на Републиката согласно одредбите од Законот за одбрана, се вели во соопштението.

Здружението на инженери очекува надлежните органи да постапат по претставката и да го замрзнат процесот за потпишување на договор за јавно-приватно партнерство сѐ додека не се истражат, потврдат или отфрлат нивните сомневања.

Преставката, како што стои во соопштението, е испратена до Уставниот суд, Државното правобранителство, Државната комисија за спречување на корупцијата, Државниот завод за ревизија, Јавното обвнителство и Бирото за јавни набавки.

Од Здружението на инженери сметаат дека проектот за изградба на хидроцентралата Чебрен по пат на јавно – приватно партнерство е штетен и со него се нарушува електроенергетската независност на земјава и се дава на управување воден ресурс кој е веројатно најзначаен во овој век.

https://youtu.be/QVtM4gOwEeg?si=U-QlqvRd7_Nd6b5B

The post Здружението на инженери поднесе претставка за концесијата за Чебрен appeared first on Република.

Изградбата на хидроцентралата Чебрен и хидроцентралата Орлов камен е процес кој е децениски. Целта е да се збогати производниот енергетски потенцијал на Македонија и до тука е се добро. Но, за жал дали од незнаење дали аматерски начин Владата повторно го загрозува реализирањето на овој проект, рече Христијан Мицкоски, претседател на ВМРО-ДПМНЕ за време на посетата на Битола која е во рамки на кампањата „Важно е! Од тебе зависат промените!“.

Мицкоски објасни како Владата го загрозува реализирањето на овој проект.

Владата на Зоран Заев на крајот на својот мандат мислам дека е 24 или 27 декември 2019 година носи одлука во која дефинира во членот 5 став 3 со што ќе учествува ЕСМ поранешно ЕЛЕМ во новата компанија која треба да формира со најуспешниот понудувач. И таму вели, дека ќе биде вложен ХЕЦ Тиквеш три месеци од почетокот на изградбата на ХЕЦ Чебрен и Орлов Камен. Потоа вели трафостаница 400 киловолтна во Мариово, потоа вели ќе се направи експропријација на земјиштето па ќе се изградат пристапни патишта и ќе се користат по поповластена цена ноќните вишоци на електрична енергија за потребите на Орлов Камен да ја враќа водата назад во акумулацијата Чебрен, кажа Мицкоски.

Мицкоски додаде дека „тоа е отприлика состојбата на крајот од декември 2019, потоа следи нова одлука од страна на Владата, на техничката Влада на Спасовски од почетокот на февруари“.

На почетокот на февруари 2020 следи одлука во која вели членот 5 став 3 се брише и остануваат другите ставови за да потоа таму некаде на 17 февруари мислам се објави тендерската документација во која повторно се појавува ХЕЦ Тиквеш да ја користи најуспешниот понудувач и има ексклузивно право, но сега малку модифицирана вели откако ќе се изгради Чебрен три месеци потоа, вели Мицкоски.

Мицкоски информираше што следело потоа и додаде „за да слушнеме дека практично се повикуваат на членот 5 ставот 2 од претходната одлука каде велат дека пред објавување на тендерската документација ЕСМ, поранешно ЕЛЕМ ќе донело одлука со што ќе учествувало во новата компанија, а потоа кога ја објавуваат тендерската документација никаде не се повикуваат на таа одлука како што се повикуваат на таа одлука како што се повикуваат на владините одлуки“.

И сега, продолжи Мицкоски, како тогаш наеднаш се појавува таа одлука која ја нема во документите.

Затоа што ако сум јас понудувач логично е да ги имам сите документи на увид одлука на влада, закони, одлука на АД ЕСМ. Тие ја заплеткале работата. Мојата цел беше бидејќи ВМРО-ДПМНЕ за неколку месеци ќе формира влада не сакаме да биде погрешно сфатено она кое сакаме да биде правилно направено, не сакаме да ги менаџираме туѓите пропусти и грешки со тоа што ќе го стопираме процесот. И потоа таков стопиран може да има негативни импликации и кон потенцијалниот инвеститор и кон Владата, затоа најдобронамерно укажуваме каде се направени пропусти за тие во овие неколку месеци бидат надминати. И ако покрај сето ова што го зборувам постои уште една жалба која е поднесена од фирмата избрана за најповолен понудувач која ги оспорува членовите 5, 6, 8 и 10 од одлуката за доделување и избор на најповолен понудувач и велат дека одлуката е спротивна на тендерската документација, рече Мицкоски.

Мицкоски додаде дека народски кажано направиле карма каша или ја исплеткале работата која ни они самите не знаат како да ја решат.

Но, проблем е што ќе плаќаат граѓаните и проблемот треба да го решава Македонија, нивната глупост и незнаење треба Македонија да ги решава. Но и да не знаат ќе ја решиме за неколку месеци, заклучи Мицкоски.

The post Мицкоски: Владата направи кармакаша со „Чебрен“ и не знае како да го реши она што го заплетка appeared first on Република.

Лидерот на ВМРО-ДПМНЕ Христијан Мицкоски во интервјуто за „Република“ отвори нов скандал на власта за изградба на хидроцентралата „Чебрен“. Според него,  одлуките биле менувани неколку пати и тоа сега е причина грчкиот инвеститор да се жали за начинот на спроведување на набавката.

Дека тоа е така, и оти одлуката да се даде ХЕЦ „Тиквеш“ три месеци по изградата на хидроцентралата „Чебрен“ или неколку месеци по отпочнувањето на работите, што е разлика од 100 милиони евра струја што ќе ја произведе Тиквеш“ за тие шест години e менувана неколку пати, „Република“ објавува документти.

Во документ од Службен весник, од 17 јануари, 2020 година, е објавена одлуката за почнување на постапка за доделување концесија за изградба на проектот Чебрен.

Тука е дефинирана процедурата и условите, кои што ги донела Владата, кога премиер бил Зоран Заев, на седница одржана на 24 декември 2019 година.

Во членот 5 од оваа одлука за почнување постапка, се дефинирани обврските кои што ги презема државата и вели: Државата на компанијата што ќе ја добие оваа набавка ќе и ја отстапи хидроцентралата „Тиквеш“ која фунционира на Црна Река, три месеци по датумот на старт на изградбата на хидроцентралата „Чебрен“.

Односно, само што ќе се почне со изградба, после само три месеци „ХЕЦ Тиквеш“ ја добивате на дланка.

Потоа треба да изгради 400 киловолтна трафостаница „Мариово“ каде што ќе се поврзе хидроцентралата, треба да се направи експропријација на земјиштето, треба да се изгради пристапни патишта до локацијата и треба да се обезбеди ноќни вишоци на струја, со која помалата хидроцентрала „Орлов камен“ навечер ќе ја враќа водата во  „Чебрен“ и ќе може истата вода неколку пати, да се користи преку ден за производство на електрична енергија.

Оваа одлука на владата, на Заев се менува од страна на техничката влада на Спасовски и се брише членот 5, став 3, во кој што се опфатени обврските.

Со новата одлука, за изменување на одлуката, која што ја носи владата на Зоран Заев, се вели дека членот 5, ставот 3, кој што ги опфаќа се брише, тој член став 3 и повеќе не постои и тоа се објавува во Службен весник број 33, којшто е објавен на 10-ти февруари 2020 година.

Од прилика две недели, откако владата на Спасовски ја модифицира одлуката на владата на Заев и повторно магично се појавува ексклузивното право, да ја управува и одржува ХЕЦ „Тиквеш“.

Поништената одлука вели ќе му ја отстапиме  на добитникот, ХЕЦ „Тиквеш“, три месеци, откако ќе почне градбата, а во повикот повторно се појавува ХЕЦ „Тиквеш“, но три месеци откако ќе биде завршена градбата.

Ова е огромна разлика, бидејќи ако таа градба трае 6 години, а ХЕЦ „Тиквеш“ произведува од прилика 140-150 илјади мегават часови, пазарната цена е некаде околу 120 евра мегават час, но таа е пикова енергија и е уште поскапа, но еве да речеме 120 евра мегават час, помножено со 6 години, ние добиваме сума од 100 милиони евра.

Во записникот од седницата на владата, одржана на 14 септември 2023 година, во која што се избира, сега три ипол години подоцна, се носи одлука, каде што се избира најповолен понудувач и така е дојдено до компанијата, која што на јавноста кај нас е позната како ППЦ-Архиродон груп, односно грчкото електростопанство.

Владата во таа одлука, се повикува на Службен весник број 13 и број 33. Тоа се двата службени весници, каде што еднаш ја дава „Тиквеш“ три месеци откако ќе почне градбата, а вториот пат ја брише

Што кажа Мицкоски за „Чебрен

Во овој документ од Службен весник од 17 јануари 2020 година е објавена одлуката за почнување на постапка за доделување концесија за изградба на проектот Чебрен. Во овој „Службен весник“ е дефинирана процедурата и условите кои што ги донела Владата кога премиер бил Зоран Заев на седница одржана на 24 декември 2019 година. Во членот 5 од оваа одлука за почнување постапка се дефинирани обврските кои што ги презема државата и вели: Државата на компанијата што ќе ја добие оваа набавка ќе и ја отстапи хидроцентралата „Тиквеш“ која фунционира на Црна Река, три месеци по датумот на старт на изградбата на хидроцентралата „Чебрен“. Значи почнувате да градите и три месеци потоа го добивате „Тиквеш“.

Потоа треба да изгради 400 киловолтна трафостаница „Мариово“ каде што ќе се поврзе хидроцентралата, ќе направи експропријација на земјиштето, ќе изгради пристапни патишта до локацијата и ќе обезбеди ноќни вишоци на струја со која помалата хидроцентрала „Орлов камен“ навечер ќе ја враќа водата во  „Чебрен“ и ќе може истата вода неколку пати да се користи преку ден за производство на електрична енергија.

 

Документот број два е одлука што ја носи техничката влада на Оливер Спа.совски на 4 февруари 2020 година за изменување на одлуката што ја носи владата на Заев истата оваа одлука е објавена во Службен весник од 10 февруари 2020 година. Оваа одлука вели дека членот 5 ставот 3 се брише и тоа го објавува во Службен весник на 10 февруари 202о година.

Во документот број четири со кој се покануваат компаниите да учестуваат на предквалификации од 17 јануари, значи отприлика две недели откако владата на Спасовски ја модифицира одлуката на владата на Заев и повторно магично се појавува ексклузивното право да ја управува и одржува ХЕЦ „Тиквеш“ три месеци по започнување со работа на „Чебрен“. Се повикуваат на поништената одлука ама модифицирана. Односно, поништената одлука вели ќе му ја отстапиме на добитникот ХЕЦ „Тиквеш“ откако ќе почне градбата, а во повикот повторно се појавува ХЕЦ „Тиквеш“, но три месеци откако ќе биде завршена градбата.

Ако таа градба трае шест години а ХЕЦ Тиквеш произведува отприлика 150.000 мегават часови, а пазарната вредност е 120 мегават часови, помножено со шест години добиваме сума од 100 милиони евра. Но што е важно, помеѓу овој јавен повик, одлуката на Заев е одлуката на Спасовски да брише делови од одлуката на Заев за отпочнување на постапка и се објавува јавниот повик каде што повторно се појавува ХЕЦ „Тиквеш“ каде не би требало да се појави бидејќи е веќе избришан од страна на Владата на Спасовски две недели претходно.

Во документот записник од седницата на Владата одржана на 14 септемви 2023 година се носи одлука каде што се избира најповолен понудувач и така е дојдено до компанијата Пиписи архиродон груп“ , односно грчкото електростпанство. Владата во таа одлука се повикува на Службен весник број 13 и 33, двата Службени весници каде што еднаш ја дава „Тиквеш“ три месеци откако ќе почне градбата а вториот пат ја брише. Но тука не завршува сѐ. Откако ја добива оваа одлука компанијата добитник, на 16.10 оваа година вложува жалба до Министерството за животна средина и вели дека членовите 5, 6, 8 и 10 од оваа одлука се спротивни на тендерската документација на која учествувале.

 

Не знам дали е ова направено од незнаење или од некои други причини но предупредувам дека овој процес ваков каков што е поставен на погрешна основа. Имаме право како потенцијално идна влада да бидеме загрижени дека ова може да не доведе во една многу сложена ситуација и ги повикувам институциите, вклучително и потенцијалниот инвеститор да го разјаснат ова на јавноста. Народот има право да знае која од овие одлуки е одлуката и зошто и зошто се појавува различно толкување на отстапување или не отстапување на ХЕЦ „Тиквеш“ дали три месеци по отпочнување на градбата или три месеци по пуштање во функција на хидроцентралата „Чебрен“ и тоа е 100 милиони евра разлика

The post Скандалот „Чебрен“ низ документи: Kaко Владата им подари на Грците хидроцентрала и профит од 100 милиони евра appeared first on Република.

Невистини на Мицкоски, ДПМНЕ го поклони Тиквеш а СДСМ бара прво реализација на Чебрен со што заштеди 100 милиони евра

https://republika.mk/vesti/ekonomija/mitskoski-nov-skandal-so-izgradba-na-chebren-izbrishale-chlen-za-otstapuvane-na-tikvesh-na-koj-podotsna-se-povikuvaat/

Христијан Мицкоски или нема познавање или свесно кажува невистини за Чебрен.

Не е точно дека е избришан член во Одлуката за започнување на постапка за доделување на концеција. Вистината е дека Во членот 5 од Одлуката за изменување, избришан е само ставот 3, каде што се доделува Тиквеш 3 месеци по добивање на одобрението.

The post СДСМ негира дека го поклониле ХЕЦ „Тиквеш“ за „Чебрен“ appeared first on Република.

Развивањето на пазарите, за да можат да ги следат промените, е можно само преку креирање на овозможувачка и поттикнувачка средина, кажа во воведното обраќање вицепремиерот за економски прашања Фатмир Битиќи на отворањето на МЕФ енергетскиот форум во Скопје. Според него нашата држава е лидер во регионот со донесените и веќе имплементирани закони и подзаконски акти, кои се целосно усогласени со Европската енергетска Заедница, со кои е овозможена либерализација на енергетскиот пазар.

-Со усогласување на енергетските политики, современите енергетски технологии и мобилизирање на финансии, го отвораме патот за одржлива и просперитетна енергетска иднина која ги ублажува климатските промени, ја подобрува енергетската безбедност и го поттикнува економскиот раст. Сите политики и мерки на Владата, со кои креираме подобра енергетска иднина на земјата, се фокусирани на, изградба на нови капацитети на базна енергија и истовремено производство на енергија од обновливи извори, истакна вицепремиерот.

Тој додаде дека во однос на производството на базна електрична енергија, при крај е процесот на евалуација на понудите за изградба на најголемиот извор од хидро капацитетите за проектот „Чебрен“, со проценета вредност на инвестиции од милијарда евра и предвиден капацитет на производство на базна енергија од 300 – 330MW.

-Истовремено, со зголемен интензитет растат јавните и приватни инвестиции во обновливи извори на енергија. Во последните 2 години во државата има инсталирано и ставено на мрежа повеќе од 207MW фотоволтаични централи. Дополнително на ова, нашите политики привлекоа приватни инвестиции од повеќе од милијарда евра, кои во наредниот период ќе изградат капацитет од над 1GW, заклучи Битиќи.

The post Битиќи: При крај е евалуацијата на понудите за изградба на Чебрене appeared first on Република.

Процесот на доставување понуди заврши, и сега е во тек втората фаза на евалуација на доставената понуда од компанијата „ППС” од Грција, како единствена компанија што помина во оваа фаза – изјави министерот за животна средина и просторно планирање Насер Нуредини во интервју за Фактор, одговарајќи на прашање до каде е постапката за избор на фирма партнер која ќе ја гради хидроцентралата Чебрен. Нуредини вели дека се останати уште помалку од 30 дена од фазата на евалуација.

– Имаме помалку од 30 дена за завршување на евалуацијата и проверка на доставената документација. Доколку е сè во ред се понудата, следната фаза на овој проект е потпишување на договорот за Чебрен. Овој проект е изводлив и ќе успее. Особено знаејќи дека Чебрен е еден од најважните и најголеми инфраструктурни проекти во нашата држава. За доброто на државата и за граѓаните е овој проект да успее – рече Нуредини

Хидроелектраната Чебрен ќе има инсталирана моќност од 333 мегавати и потенцијал од многу повеќе. Дополнително, ХЕЦ Чебрен ќе работи во каскаден систем со постојната ХЕЦ Тиквеш која е на истиот слив на Црна Река, што значи дека ќе биде каскаден систем со над 400 MW.

– Сепак, важноста на оваа инсталација не е само додадениот капацитет, туку улогата што ќе ја има во балансирањето на мрежата и помагањето во нашата транзиција кон обновлива енергија. Обновливите извори како што се сончевата енергија, ветерот итн. не се константни и ќе им треба средство за балансирање кога тие не произведуваат, односно средство што може веднаш да го замени произведениот капацитет што недостасува – рече Нуредини во интервју за Фактор.

Според Нуредини, двете хидроцентрали вкупно би произведувале околу 1200 GWh на годишно ниво што е зголемување за 33 отсто на домашното производство на електрична енергија, а државата ќе може да обезбеди електрична енергија за дополнителни околу 180 илјади домаќинства само од производството на хидроцентралата Чебрен, вели Нуредини, додавајќи дека изградбата на хидроцентралата Чебрен влегува во зелените политики кон коишто ние како држава сме ориентирани.

– Имајќи ги предвид случувањата со економската и енергетската криза, како што и претходно напоменав и последиците од недостиг на електрична енергија на глобално ниво, државите се ориентираат кон искористување на домашните капацитети. Нашата држава со овој значаен проект за нас, ги поставува темелите на искористување на капацитетите со коишто располагаме и кои економски ќе се одразат позитивно за сите граѓани. Проектот Чебрен, односно ХЕЦ на Црна Река се случува во време кога гледаме што значи да се биде енергетски независен и безбеден. Може да се каже дека е вистинското време, но јас би рекол дека ова требаше да се направи одамна – истакна Нуредини.

The post ППС од Грција ќе ја гради хидроцентралата Чебрен, вели министерот Нуредини appeared first on Република.

Од ВМРО-ДПМНЕ порачуваат дека ХЕЦ Тиквеш мора да остане сопственост на државата и бараат од власта да се вразуми и да не ја дава гратис на инвеститорот во ХЕЦ Чебрен.

ХЕЦ Тиквеш е хидроцентрала која е градена со народни пари, таа е исплатена и сега произведува струја за народот преку ЕЛЕМ која се движи од 7 до 12 евра за мегават час. Во време кога пикова струја каква што се произведува од истата чини над 200 евра за мегават час на берзата ХУПЕКС.

 

ХЕЦ Тиквеш е и огромна акумулација од која зависат земјоделците во целата Тиквешија, најголемиот винарски регион во Македонија. И тие илјадници земјоделци не смеат да зависат од волјата и бизнис интересот на потенцијалниот инвеститор во ХЕЦ Чебрен, кога ќе сака да им пушти вода, а кога не - велат од ВМРО-ДПМНЕ.

Од партијата велат дека поддржуваат изградба на ХЕЦ Чебрен, како и дека како идна влада ќе помогнат на потенцијалниот инвеститор за се што е потребно како држава и влада, но дека владата на СДС мора да се откаже од намерата на истиот да му ја подари ХЕЦ Тиквеш.

ВМРО-ДПМНЕ нема да поддржи нов бомбона бизнис, овој пат во форма на мираз за потенцијалниот инвеститор за изградба на ХЕЦ Чебрен. И сериозно ќе се занимава за ревизија на таков договот доколку се случи, околу вклучувањето на ХЕЦ Тиквеш во целиот проект.

 

ХЕЦ Тиквеш е на народот и така треба да остане. Илјадници семејства зависат од водата на акумулацијата и се произведува евтина струја за домаќинствата - порачуваат од ВМРО-ДПМНЕ.

The post ВМРО-ДПМНЕ: ХЕЦ Тиквеш мора да остане сопственост на државата, власта да се вразуми и да не ја дава гратис на инвеститорот во ХЕЦ Чебрен appeared first on Република.

Хидроцентралата „Чебрен“ би ја балансирала целата енергетска мрежа во Македонија, изјави министерот за животна средина Насер Нуредини во емисијата „10 минути“ на ТВ21.

Тој посочи дека во моментов во процес е втората фаза за евалуација на проектот на единствената компанија што помина – „ППС“ од Грција.

„Целата наша стратегија за енергетската стратегија и климатските промени што ја предложивме во Парискиот договор е дека до 2030 година повеќе нема да користиме јаглен, дека нема да се случува и да се грижиме за нашата иднина. Чебрен е клучот за сето ова. Со него мораме да ја балансираме енергетската диверзификација во нашата земја со обновлива енергија“, изјави Нуредини за ТВ21.

Инвестицијата се очекува да биде над 500 милиони евра, најави министерот и додаде дека тоа ќе и помогне и на државната економија.

Доколку хидроцентралата „Чебрен“ биде завршена до 2030 година, мора да се затворат сите термоелектрани, рече Нуредини, објаснувајќи дека оние електрани кои работат со јаглен се најголемите загадувачи во државата.

The post Чебрен ќе биде „батеријата“ на државата, треба да се заврши во 2030 година appeared first on Република.

„PPS“ од Грција е компанијата која до Министерството за животна средина и просторно планирање испрати комплетна понуда за доделување концесија за користење на водата на Црна Река. На јавниот повик освен од оваа компанија, пристигна понуда и од компанијата „EDF“ од Франција која е необврзувачка и не ја доставила бараната гаранција за учество во постапката. Крајниот рок за доставување на понудите за проектот беше до денеска до 11 часот, а постапката започна на 17 јануари оваа година.

Надлежната Комисија во Министерството ќе има 60 дена да евалуира и да даде извештај на Влада за понудата, а како што изјави Нуредини на денешната прес-конференција, постапката ќе биде транспарентна. Се очекува во првата половина на 2023 година да се потпише договор со успешна евалуација.

Министерот додаде дека изборот на приватен партнер се очекува да се случи до крајот на првата половина на 2023 година, по што би започнала изградбата на ХЕЦ Чебрен, од која ќе треба да се произведува балансна енергија од најмалку 333 мегавати.

-Овој ден го сметам за историски ден за нашиот енергетски сектор и воопшто за иднината на државата, имајќи ги предвид случувањата со енергетската криза и последиците од недостигот на електрична енергија на глобално ниво, при што генерално државите се ориентираат кон искористувањето на домашните капацитети. Во текот на целиот процес, ние како Влада бевме максимално посветени овој проект да успее, особено затоа што зад нас имавме 13 неуспешни обиди во текот на 20 години, рече Нуредини.

Од таа причина, како што рече, посебно внимание посветиле на добро проектирање на условите, при што имале слух за потребите на понудувачите, нивните забелешки во текот на процесот како и за потребата за продолжување на роковите за легализација на проектот поради ковид кризата

-Овие хидроцентрали ќе бидат со можност за давање на секундарна регулација или т.н. балансна енергија што има своја вредност во привлекување на инвеститори. Втора работа е што проектот ќе се изведува по принцип на Јавно приватно партнерство, каде АД Електрана на Северна Македоија ќе биде јавниот партнер. Македонија денес се препозна како стабилна земја за инвестирање, за што доказ се и денешните пристигнати понуди. Ако се земе предвид дека инвестициите во енергетиката се исплатливи на подолг рок, инвеститорите се секогаш заинтересирани проектите во енергетиката да ги реализираат во стабилни земји, додаде министерот.

Како што посочи, во согласност со реалната динамика на изведување на работите за вакви проекти, првото производство се очекува да биде по 2028/9 година.

The post По 13 неуспешни обиди во 20 години, Грци дале „прифатлива понуда“ за мегапроектот ХЕЦ „Чебрен“ appeared first on Република.