Економистот и политичар на крајната десница, Хавиер Милеј ќе биде нов претседател на Аргентина по победата во вториот круг на изборите во јужноамериканската земја.

Милеј освои 55,95 отсто од гласовите, додека неговиот ривал Серхио Маса доби 44,04 отсто поддршка. Тоа се официјални резултати по 86 отсто пребројани гласачки ливчиња.

Маса го призна поразот и на приврзаниците им порача дека „Милеј е претседател кого го избраа погоелмиот број на Аргентинци за наредните четири години“.

Во победничкиот говор во Буенос Аирес, Милеј порача дека „почнува крајот на декаденцијата“ и следува „обнова на Аргентина“.

Милеј ќе ја преземе претседателската функција на 10 декември.

Честитки упати и поранешниот американски претседател Доналд Трамп.

Целиот свет гледаше! Јас сум многу горд на тебе. Ќе ја свртите вашата земја и навистина ќе ја направите Аргентина повторно голема, рече Трамп на социјалните мрежи.

The post Десничарот Хавиер Милеј е нов претседател на Аргентина, Трамп меѓу првите му ја честиташе победата appeared first on Република.

Гласачите во Аргентина денеска ќе излезат на втор круг од претседателските избори, каде ќе одлучуваат меѓу екстремниот десничар Хавиер Милеј и левичарот Серхио Маса.

Што ја чека земјата ако победи Милеј:

▫️ Земјата нема да се приклучи на БРИКС

▫️ Ќе има доларизација

▫️ Одбивање да соработува со Кина, Бразил и Русија во корист на САД и Израел

▫️ Приватизација, вклучително и во здравството и образованието

Што ќе се случи ако победи Маса:

▫️ Ќе се приклучи на БРИКС и ќе земе пари од банката за обединување

▫️ Порамнувања во национални валути

▫️ Работа со светот и раст на извозот

▫️ Континуирана социјална поддршка и бесплатни училишта, универзитети и болници

Што известуваат западните медиуми за изборите

Американските медиуми наведуваат дека Малеј често пати го споредуваат со поранешниот американски претседател Доналд Трамп, кого тој исклучително го цени, додека Маса е поранешен министер за економија од Перонистичката партија, која со децении го има главниот збор во аргентинската полиција.

Би-Би-Си потсетува дека во првиот круг Маса освои 36,7 отсто од гласовите, пред Милеј, со 30 отсто.

Меѓутоа, анкетите покажуваат дека Милеј, кој вети дека ќе го „разнесе“ политичкиот систем во Аргентина, ќе добие повеќе гласови.

Избирачките места ќе бидат отворени во 8:00 часот по локално време (12:00 часот по средноевропско време), а ќе бидат затворени во 18:00 часот.

За победа се неопходни 45 проценти од гласовите.

Кандидатката од првиот круг, која на 22 октомври заврши како трета, конзервативната политичарка Патриша Булрих, го поддржа Милеј, па најновите анкети покажуваат дека повеќето од нејзините гласачи ќе го дадат својот глас за самопрогласениот „анархо-капиталистка“.

Милеј (53) е економист чија реторика против естаблишментот му донесе популарност, особено меѓу помладите гласачи разочарани од традиционалната политика.

Неговата партија Либертад Аванза, која тој ја основа во 2018 година, гласачите ја гледаат како неизвалкана со грешки од минатото, а голем дел од неговата привлечност произлегува од фактот дека гласачите се подготвени да дадат шанса за неговите радикални предлози по децениите на економски пресврт.

The post Во игра се членството во БРИКС, доларизација на земјата, приватизација или социјална поддршка и бесплатно здравство и образование appeared first on Република.