Телото на лидерот на либанското шиитско движење „Хезболах“, Хасан Насрала е пронајдено на местото на израелскиот воздушен напад во јужните предградија на Бејрут и е недопрено, соопштија за светска агенција два извора запознаени со случајот - лекар и припадник на безбедносните сили.

Во вчерашното соопштение на Хезболах, кој ја потврди смртта на Насрала, не беше прецизирано како точно бил убиен и кога ќе биде погребот, но двата извори изјавиле дека на неговото тело немало директни повреди и се чини дека смртта настапила како последица на траума предизвиканата од силината на експлозијата.

The post Телото на Хасан Насрала е пронајдено, соопштија лекар и припадник на безбедносните сили appeared first on Република.

Русија најостро го осудува убиството на Хасан Насрала, генералниот секретар на либанската милитантна организација Хезболах, и го повикува Израел да ги запре нападите, се вели во соопштението објавено денеска на официјалната веб-страница на руското Министерство за надворешни работи.

„Најостро осудуваме уште едно политичко убиство извршено од Израел. Оваа насилна акција има уште подраматични последици за Либан и за целиот Блиски Исток. Убивањето либански граѓани речиси неизбежно ќе предизвика нов бран (насилство). Целосната одговорност за дополнителна ескалација паѓа врз Израел“, се наведува во соопштението.

Израелската војска соопшти дека извршила воздушен напад врз штабот на Хезболах лоциран под станбени згради во центарот на бејрутскиот кварт Дахија.

Во тој напад загинаа и командантот на Јужниот фронт на тоа движење Али Карки и командантот на силите на иранската револуционерна гарда Абас Нилфорушан.

The post Русија најостро го осуди убиството на Насрала appeared first on Република.

Американскиот претседател Џо Бајден изјави денеска дека убиството на лидерот на либанската група „Хезболах“, Хасан Насрала од страна на Израел, е мерка за спроведување правда за неговите многубројни жртви и рече дека САД целосно го поддржуваат правото на Израел да се брани од групите поддржани од Иран.

Бајден посочи дека му наредил на секретарот за одбрана Лојд Остин дополнително да ја зајакне одбранбената позиција на американските воени единици на Блискиот Исток за да се одврати агресијата и да се намали ризикот од ескалација на војната.

„На крајот, САД се обидуваат да ги деескалираат тековните конфликти во Газа и Либан преку дипломатски средства“, нагласи претседателот.

Тој не ја коментираше изјавата на иранскиот врховен водач, ајатолахот Али Хамнеи, кој предупреди дека ќе се одмазди за смртта на Насрала.

The post Бајден го нарече убиството на Насрала од страна на Израел „мерка за спроведување правда“ за неговите многубројни жртви appeared first on Република.