Поранешниот холивудски продуцент Харви Вајнстин има хронична миелоидна леукемија (ХМЛ), т.е. рак на коскената срцевина. Веќе еднаш осудениот сексуален напасник се наоѓа на третман за рак на коскената срцевина, додека сѐ уште издржува казна затвор на островот Рикерс во Њујорк, САД, објави „Ен-би-и њуз“ (NBC News).

Крег Ротфелд, претставникот на Вајнстин, одби да ги коментира наводите за здравствена состојба на неговиот клиент, наведувајќи го почитувањето на приватноста како причина. Но, претходно и неговите адвокати потврдија оти 72-годишниот некогашен филмаџија има здравствени проблеми. Во септември, тој итно беше префрлен во болница заради операција на срцето.

Вајнстин, кој негираше дека имал неконсензуален секс со некого, беше прогласен за виновен за силување во февруари 2020 година во случај што го поттикна движењето „#MeToo“.

Апелацискиот суд во Њујорк ја отфрли пресудата во април, откривајќи дека Вајнстин не добил фер судење бидејќи судијата неправилно дозволил несоодветно сведочење. Тој е в затвор и чека повторено судење, како и судење за сексуален напад од друго обвинение. Тој се изјасни за невин во септември. Вајнстин боледува од дијабетес, висок крвен притисок, спинална стеноза и течност во срцето и белите дробови, изјавија претходно негови застапници.

The post Харви Вајнстин има рак на коскената срцевина appeared first on Република.

Американските обвинители истражуваат „дополнителни насилни сексуални напади“ за кои тврдат дека ги извршил поранешниот холивудски филмски магнат Харви Вајнстин и планираат да побараат ново обвинение против осудениот силувач, изјави денеска обвинителот на судското сослушување во Њујорк.

Обвинителката Никол Блумберг рече дека дополнителните напади што Вајнстин наводно ги извршил на Менхетен сè уште не го поминале статутот на застареност и се теретат како кривични дела.

Адвокатот на Вајнстин, Артур Ајдала, рече дека одлуката на обвинителот е неправедна, бидејќи Врховниот суд на државата Њујорк ја поништи претходната пресуда за силување во 2020 година.

The post Американските обвинители отворија нова истрага против Харви Вајнстин appeared first on Република.

Поранешниот холивудски продуцент Харви Вајнстин е осуден на 16 години затвор поради силување глумица во 2013 година.

Вајнстин (70) беше осуден во Судот во Лос Анџелес, каде што поротата уште во декември го прогласи за виновен. Обвиненијата се однесуваат на сексуален напад врз поранешна манекенка и актерка, која на суд беше именувана „Н.Н.“, а тој ја силувал во хотел во Лос Анџелес во февруари 2013 година.

Вајнстин, инаку со-основач на продуцентската куќа „Мирамакс“, ќе треба да ја отслужи новата казна по истекот на 23-годишната казна затвор за сексуален напад изречена во Њујорк.

The post Нови 16 години затвор за Харви Вајнстин appeared first on Република.

Врховниот суд во Лос Анџелес го прогласи поранешниот американски холивудски продуцент Харви Вајнстин за виновен за силување, во втората ваква пресуда против него.

Поротата го прогласи Вајнстин (70) за виновен по обвинението за силување и напад со сексуална пенетрација со туѓ предмет, извршени врз жена.

Поротата не можеше да донесе пресуди по две обвиненија, вклучувајќи го и силувањето на сопругата на гувернерот на Калифорнија, Џенифер Сибел Њусом, која потврди дека на судењето била означена како „Џејн До 4“.

На Вајнстин му се заканува затворска казна до 18 години по точките за кои е осуден, но отежнувачките околности може да ја зголемат и на 24 години. Тој веќе отслужува 23-годишна затворска казна откако беше осуден за силување во Њујорк.

Вајнстин на судењето во Лос Анџелес се соочи со седум обвиненија за силување и сексуален напад на четири жени, меѓу 2004 и 2013 година.

The post Харви Вајнстин вторпат осуден за силување appeared first on Република.