Батлерот на принцезата Дијана Пол Бурел тврди дека принцот Хари и Меган Маркл наскоро ќе се разведеат затоа што и двајцата се несреќни во бракот. Тој тврди дека засега се во брак само заради децата.

„Мислам дека во моментов е рано неговото семејство да се раздели и дека сака да останат заедно за да може да ги види неговите деца како растат. Ако ги напушти сега, ќе ги изгуби бидејќи знае дека Меган ќе ги чува во Америка. Поради сето тоа, мислам дека Хари ќе се труди да се држи до програмата сè додека може. Но, неизбежно е овој брак да се распадне затоа што знаеме дека со големите критики, светската слава и присуството во печатот доаѓа и голем притисок“, рече Бурел за GB News.

Тој истакна дека Хари на секој можен начин ќе се обиде да избегне развод бидејќи и самиот пораснал во скршено семејство.

„Јас лично не сакам повторно да го видам Хари несреќен, веќе видов премногу солзи, сакам тој да биде многу среќен, сакам да го видам него и семејството како напредуваат“, рече тој.

За потсетување во британските медиуми неодамна објавија дека Хари понекогаш се повлекувал и се држел подалеку од Меган, бидејќи сакал да биде сам. Наводно често одел во блискиот луксузен клуб „Сен Винсент“ чии бунгалови се наменети за гости со посебни барања.

The post Хари и Меган ќе се разведат, предвидува батлерот на принцезата Дијана appeared first on Република.

Кралицата Елизабета Втора му порача на семејството да се соберат за да го прослават нејзиниот платинест јубилеј следната недела, но без драма. Еве како на тоа реагираа Меган Маркл и принцот Хари.

Војвотката и војводата од Сасекс ѝ порачаа на британската кралица дека ќе се држат настрана за време на прославата, односно дека ќе присуствуваат само на официјалните настани, пишува „Дејли мејл“. Така, наредбата „без драма“ ќе биде испочитувана.

Познатиот пар, кој ќе дојде во Британија со своите деца Лилибет и Арчи Харисон (што ќе биде нивно прво патување со најмалите во татковината на принцот Хари) има проблем како да го прослави првиот роденден на девојчето, во сабота на 4 јуни.

Според извор за „Сан“, Меган и Хари сакаат Лилибет да го прослави роденденот со поширокото семејство, но членовите на семејството се презафатени на денот на нејзиниот роденден, токму поради прославата на важниот јубилеј на кралицата.

Познато е дека кралицата во сабота ќе биде на коњичкото дерби во Сари, а ќе видиме како на крајот ќе се прослави првиот роденден на Лилибет Дијана, која за неколку дена ќе ја запознае својата прабаба Елизабета Втора.

Организаторите на прославата на 70-годишнината од владеењето на кралицата Елизабета Втора се многу фрустрирани поради нејаснотијата за тоа на кои настани ќе присуствуваат Меган Маркл и принцот Хари, пишува „Телаграф“ и додава дека стравуваат дека двојката ќе го засени самиот настан.

Организаторите се плашат и поради навиката на Меган Маркл и Хари ненадејно да се појават на некој собир, а тоа, според нивното верување, би можело да доведе до „циркус“.

The post Кралицата суптилно ги предупреди Хари и Меган: Да нема драма на прославата на јубилејот appeared first on Република.