На ракометниот натпревар помеѓу Ловќен и Беране во црногорскиот шампионат дојде до вистински хаос откако навивачи испраќаа погрдни зборови од трибините, а потоа скандираа „Косово е Србија“. Освен тоа тие фрлаа и стаклени шишиња кон ракометарите на теренот.

Медиумите во Црна Гора пренесуваат и дека дел од навивачите влегле на теренот со цел да се пресметаат со гостинските ракометари, па поради тоа средбата привремено и била прекината.

Ovako su se igrači Lovćena proveli u #Berane

“U finišu utakmice Beranci su rukometaše cetinjskog tima gađali predmetima među kojima su bile i staklene flaše, a pojedinci su pokušali i da uđu na teren i fizički se obračunaju sa igračima crnogorskog šampiona”.

“Utakmica je tri… pic.twitter.com/th8GHTqIc9

— CGsport.me (@cgsportme) November 25, 2024

The post Хаос на ракометен натпревар во Црна Гора: Навивачи фрлаа стаклени шишиња на теренот и скандираа „Косово е Србија“ appeared first on Република.

Снегот проследен со силни ветрови предизвика хаос во речиси сите земји на Балканот, од каде известуваат за колапс во сообраќајот и прекини во снабдувањето со електрична енергија.

Во Србија, снежните врнежи создадоа хаос на патиштата, поради што властите апелираат до возачите да бидат внимателни. Активирани се метеоаларми низ целата земја, а во одредени делови истовремено се издадени три предупредувања.

 

View this post on Instagram

 

A post shared by 192.RS (@192_rs)

Црногорското приморје денеска беше погодено од силен јужен ветер и дожд, а во Херцег Нови големи бранови го поплавија шеталиштето.

Подгоричкиот портал „Дан“ објави фотографии од читатели со коментар дека ова е изненадување за гостите на градот, но не и за локалното население кое е навикнато на вакви сцени. Брановите претставуваат предизвик за минувачите покрај брегот.

Поради најавеното невреме, во Црна Гора е активиран црвен метеоаларм.

Во Федерацијата БиХ снегот предизвикува проблеми, особено на западот и југозападот, каде што поради ниските температури се предупредува на појава на мраз на коловозите. Во Херцеговина, силните ветрови и дождот го отежнуваат сообраќајот, а слична состојба е и во другите делови на БиХ.

Во Бихаќ, силниот ветер направи големи проблеми – освен што предизвика штета на новоизградената спортска сала, го урна и покривот на едно средно училиште. Засега нема информации за повредени лица. Ветрот исто така урна дрвја кои паднаа врз паркирани автомобили.

 

View this post on Instagram

 

A post shared by Regionalna informativna novinska agencija (RINA) (@_rina.rs)

Во Бања Лука и низ поголемиот дел од Република Српска, снегот предизвика сообраќајни проблеми поради нерасчистените патишта и бројни дефекти на електроенергетските системи. Од Градската управа на Бања Лука информираат дека сите екипи за зимска служба се на терен.

Проблеми со врнежите има и во населените места како Пријечани, каде што се излеале отпадните води. Некои автобуски линии не сообраќаат, а населбата Долна Кола остана без струја. Интензивен снег паѓа и во селата околу Поткозарје, Градишка и Лакташи, каде што некои патишта се едвај проодни, пренесува Блиц.

 

View this post on Instagram

 

A post shared by 192.RS (@192_rs)

Жителите од овие краишта велат дека снегот за празникот Свети Архангел Михаил (21 ноември) последен пат паднал пред 25 години.

Во делови од Хрватска, снегот и силните ветрови предизвикаа блокада на патиштата и прекини во снабдувањето со струја. Во Шибеник, плимата поплави улици и кафулиња. Снег паѓа во Горски котар, Лика и делови од копнената Хрватска, вклучувајќи го Загорје, Меѓимурје и Славонија. На Јадранот, силниот ветер урива дрвја и телефонски столбови.

Во Горски котар и Лика, моментално нема достапни патни правци од внатрешноста кон Далмација, Риека и Истра за товарни возила со приколки и возила без зимска опрема. Во прекин се и дел од катамаранските линии, додека во Шибеник, плимата поплавува сообраќајници и кафулиња.

The post Првиот снег донесе хаос на Балканот: Излизгани возила, завеани патишта, прекин на струја appeared first on Република.

На протест што денеска се одржа пред канцелариите на Град Скопје, жители на Шуто Оризари, средношколци и студенти го изразија своето незадоволство во однос на состојбата со јавниот превоз. Градоначалникот на Шуто Оризари, Курто Дудуш, потенцираше дека оваа Општина е оставена без јавен превоз, додека студентите и средношколците испратија апел да се набават нови автобуси и да се пуштат нови автобуски линии.

Градоначалникот Курто Дудуш изјави дека граѓаните на Шуто Оризари 730 дена немаат пристап до јавен превоз. Според него, расистички, дискриминаторски, нехумано и неодговорно е 40 000 граѓани две години да немаат јавен превоз.

Вчера рековте неумесно е граѓаните на градот Скопје да останат еден ден без јавен превоз, поради немање на нафта. Според вас, која е замената за зборот неумесно за граѓаните на Општина Шуто Оризари, кои 730 дена немаат пристап до јавен превоз. Јас би рекол, зборот е расистички. Расистички, дискриминаторски, нехумано и неодговорно е да оставиме 40.000 граѓани, две години без јавен превоз. Прашајте ги шоферите од линијата 61, која поминува покрај Општина Шуто Оризари. На три километри од почетот на Општината, колку години и колку граѓани ја користат оваа линија како алтернативен превоз, рече Дудуш.

Тој подвлече дека денеска повторно во Шуто Оризари нема автобуси, а напомена и дека во оваа Општина не се собира редовно смет од домаќинствата.

Ние татковците, мајките на ученици кои секојдневно доцнат поради немање јавен превоз, ние професорите, воспитувачите на деца од Општина Шуто Оризари, кои секојдневно доцниме или не се појавуваме на работа поради немање на јавен превоз. Ние мажите и жените кои добивме откази од работа, поради секојдневно доцнење поради немање јавен превоз. Ние постарите лица кои не стигнуваме на време на закажаните термини во болниците и со загрозуваме здравјето, додаде градоначалникот.

Тој побара од градоначалничката на Град Скопје, Данела Арсовска итно да постапи по возниот ред, објавен на страната на ЈСП и од утре да возат автобуси по улиците на Општина Шуто Оризари.

Итно да се ревидира одлуката на ЈСП и градот, во која се наложува во Шуто Оризари да возат над 90 отсто од приватни превозници. Итно да си ги подмирите долговите кон приватните превозници и да им овозможите услови да продолжат да возат во Шуто Оризари. Итно да пуштите нови автобуси да возат во Општина Шуто Оризари. Итно да се обезбедат услови за редовно собирање на смет од домаќинствата во Општина Шуто Оризари и на дивите депони. Да обезбедите одржливост на донесените одлуки и да не се доведете во ситуација пак да ви дојдеме со истите барања после еден месец, рече Дудуш.

Претседателот на Универзитеското студентско собрание на Универзитетот „Св. Кирил и Методиј“ во Скопје, Александар Николовски на протестот изјави дека од спроведената анкета на над 3500 студенти, 85 отсто од студентите во последниве две недели чекаат автобус повеќе од 15 минути, а 65 отсто повеќе од 20 минути.

Дополнително, како што рече, 95 отсто од студентите не се задоволни со услугите коишто ги нуди Градот Скопје во однос на јавниот градски превоз.

Универзитеското студентско собрание се приклучи на овој протест, поради тоа што сметаме дека од лични интереси, партиски или политички препукувања студентите и средношколците не смеат да трпат товар. Затоа, бараме да престане злопупотребата и паѓањето на благосостојбата на студентите и срендошколците во текот на колоквиумската испитна сесија, рече Николовски.

Секретарката на Универзитеското студентско собрание на Универзитетот „Св. Кирил и Методиј“ во Скопје, Адела Асани, на протестот испрати апел да се набават нови автобуси и да се пуштат нови автобуски линии.

Апелираме да се набават нови автобуси и да се пуштат нови автобуски линии. Да почнат и да се завршат сите инфраструктурни ветувања, да се вложи и да се поддржат алтернативни опции на превоз. Да се изгради градска железница, како и пруга до аеродормот во Скопје и исто така, да се заврши проектот за „бас рапид транспорт“, изјави Асани.

Берин Мухамед од Сојузот на средношколци, пак, укажа дека на секој час може да се забележи дека половина од класот е празен поради немање на јавниот превоз.

Веќе две години средношколците се залагаат јавниот скопски превоз да биде фер за сите средношколци. Во декември во 2023 година, од страна на Уставен суд беше донесена одлука дека скопсккот превоз треба да биде бесплатен за сите ученции. Во септември, оваа одлука на Уставниот суд не беше испочитувана од страна на градот Скопје. Учениците не можат да бидат присутни на часот, и не смееме да отсуствуваме од часови, додаде Мухамед.

Студентката Мерсина Даминова изјави дека десет отворени предмети, заверени во архивата во Скопје со над 1000 потписи, се однесени до Градот Скопје, до Владата и до локалната самоуправа, при што се укажува на итноста од решавање на овој проблем.

Отворени се десет предмети кои се заверени во архивата во Скопје со над 1000 потписи, со што се укажува на итноста од решавање на овој проблем, којшто трае веќе со години. Доволно тапкаме во место, да продолжиме напред, рече Даминова.

На новинарско прашање до градоначалникот Дудуш, дали е во комуникација со градоначалничката Данела Арсовска, тој одговори дека таа е недостапна.

Едноставно, градоначалничката е недостапна. Верувам дека не комуницира со ниеден градоначалник во Скопје. Имаме комуникација преку секретар на градот Скопје, но лична комуникација немаме, рече Дудуш.

Во Скопје два дена не сообраќаа автобуси поради тоа што ЈСП Скопје немаше нафта. Возеа само триесетина автобуси од кои 25 возат на гас. Состојбата беше надмината откако Владата донесе одлука на ЈСП да му се даде нафта за седум дена од државните резерви.

The post „500 илјади заложници на една личност – Данела Арсовска“: Граѓански протест пред Град Скопје appeared first on Република.

Координаторите на советничките групи на Советот на Град Скопје, на 15. вонредна седница постигнаа консензус и донесоа заклучок со којшто ја поздравија одлуката на Владата за позајмување на нафта од државните резерви за потребите на Јавното сообраќајно претпријатие (ЈСП) и побараа заедно во координација со ЗЕЛС, да продолжат разговорите со Град Скопје за нормализирање на состојбите во градот.

Како што беше посочено на седницата, по интервенција на Владата за позајмување на нафта од државните резерви за следните седум дена, в петок изутрина јавниот градски превоз во Скопје ќе биде нормализиран.

https://republika.mk/vesti/skopje/gotovo-e-vladata-odluchi-so-nafta-od-drzhavnite-rezervi-da-se-reshi-problemot-so-avtobusite-niz-skopje/

На почетокот на седницата, градоначалничката на Град Скопје Данела Арсовска изрази благодарност до Владата, апелирајќи до советниците да го следат позитивниот пример. За кризата во ЈСП, Арсовска рече дека не е резултат на несоодветното менаџирање на претпријатието, туку поради што редовната јавна набавка била предмет на управна контрола од страна на Бирото за јавни набавки.

Она кое што се случи вчера, а тоа е да застане превозот поради недостаток на нафта, морам да кажам дека не е предизвикано од тоа што некој несоодветно си ја завршил својата работа, туку е предизвикано од тоа што во редовна јавна набавка, односно постапка за јавна набавка, која што во рок е завршена за да нема никакви проблеми, беше предмет на управна контрола од страна на Бирото за јавни набавки и истата беше поништена, и покрај тоа што се работи за јавна набавка која што е за суштинскиот енергенс, рече Арсовска.

Доколку не била поништена оваа јавна набавка, Арсовска вели овој проблем немало да постои.

https://republika.mk/vesti/skopje/arsovska-se-pojavi-na-sednitsata-na-grad-skopje-se-zablagodari-za-resheniot-problem/

Доколку не беше оваа јавна набавка поништена, ние денес овој проблем немаше да го имаме. Од друга страна, морам да кажам дека денес имавме можност да видиме она кое што го зборуваме веќе во изминатите три години, чекорот којшто беше направен од страна на Владата и од страна на премиерот, којшто во рекордно време од истато тоа Биро за јавни набавки успеавме да добиеме одобрение за директна спогодба за да може Јавното сообраќајно претпријатие во овие услови во какви што беше ставано од истата таа институција да може да испреговара и да се снабди со нафта, додаде Арсовска.

Одлуката на Владата ја поздрави и координаторката на советничката група од редовите на СДСМ, Љубица Јанчева, посочувајќи дека ова било предложено решение од страна на СДСМ и побара Советот да донесе заклучок со којшто ќе се поддржат трите предложени решенија.

Прво, измени и дополнување на Законот за финансиска поддршка на општините и јавните претпријатија основани од нив. Овој закон беше донесен во 2018 година од нашата Влада и со него се уредуваат сервисираните долгови на општините, вклучително и долгот на Град Скопје. Значи бараме измена и дополна на тој закон за да се примени и во случајот со Град Скопје. Во голем дел ќе се совпадне со веќе доспеаните долгови. По скратена постапка, СДСМ се нуди пратеничката група да го поднесе, но сите да го поддржат. Втор предлог е Владата да донесе одлука за доделување субвенции евро дизел гориво од државните резерви за нафта. Убаво е што Владата прифати една мерка од предложените решенија на СДСМ, но треба да се прецизира и затоа треба да остане и во заклучокот. Дополнително не го знаеме износот на субвенционираното дизел гориво. Ние предлагаме да се бајпасира целиот кризен период до крајот на годината. Добро е да мислиме три чекори нанапред. И последниот предлог е со закучокот пратениците во Собранието да иницираат свикување на Надзорна расправа во Собранието за состојбата во Град Скопје. Одржувањето на надзорната расправа би било примерот на претходните расправи, за прашања од јавен интерес, рече Јанчева.

Советникот од редовите на ВМРО-ДПМНЕ, Мартин Стојановски, пак, вели дека тие како советничка група досега ги изгласале сите програми за Град Скопје, вклучително и за ЈСП, но истакна дека надминувањето на кризата зависи од менаџирањето од страна на Град Скопје и Јавното сообраќајно претпријатие.

https://republika.mk/vesti/skopje/naftata-se-dostavuva-vo-baznite-stanitsi-na-jsp-se-ochekuva-utre-izutrina-da-ima-normaliziran-avtobuski-prevoz-vo-skopje/

Само оваа година доделивме 645 милиони денари, тоа мислам околу 10 милиони евра субвенции за ЈСП. И претходните години имаме огромна сума доделено субвенции, што значи дека ние како советничка група секако сме гласале за сѐ што е позитивно за ЈСП, но и за останатите претпријатија, рече Стојановски.

Прашањето за долгорочната стабилност на јавниот превоз останува отворено, додаде Стојановски, бидејќи, како што рече, ваквата состојба за граѓаните не е само технички проблем, туку резултат на политичките игри.

И покрај владината интервенција, останува прашањето за долгорочната стабилност на јавниот превоз. За скопјани оваа состојба не е само технички проблем, туку и доказ за политичките игри што го доведоа ЈСП до колапс. Нафта утре ќе има, а јавната набавка за една недела ќе биде реализирана од страна на Градот Скопје и повторно автобусите би требало да возат, секако доколку тоа успеат службите од Градот Скопје да го менаџираат, рече Стојановски.

The post Советот на Град Скопје ја поздрави одлуката на Владата и побара да продолжат разговорите за нормализирање на состојбите во градот appeared first on Република.

Градоначалничката на Скопје, Данела Арсовска како небулозно го оценува образложението на Бирото за јавни набавки за поништената набавка на гориво еуродизел за автобусите на ЈСП „Скопје“ и вели дека не може да се зборува за подобра или полоша понуда за набавка на гориво, во ситуација кога цената е регулирана од страна Регулаторната комисија за енергетика (РКЕ).

Она што беше дадено како образложение во јавноста, односно како причина за (поништување н.з.) на самата набавка за нас е небулозно затоа што не можете вие да имате подобра или полоша понуда за набавка на гориво каде што цената е регулирана од страна на Регулаторната комисија на Република Македонија. Таа е иста цена за сите, не може да биде поголема или пониска, не може да се наддава на таа цена затоа што цената е веќе одредена од Регулаторната комисија за енергетика, рече скопската градоначалничка во интервју за ТВ Телма.

Арсовска забележува дека директорката на Бирото за јавни набавки ја донела сега одлуката за поништување на набавката и тоа што имала замерка е што само една комапнија дала понуда.

Има замерка на тоа дека една компанија дала понуда, што е нормално, сите ги гледаат притисоците, ретко кој се охрабрува во претпријатие што е таков загубар да го снабдува со енергенс, и кога веќе се осмелил сметам дека е не само политички и неумесно, туку и штетно да се прават сега такви работи, вели Арсовска.

Ситуацијата со автобусите е таква поради опструкциите кои, како што вели, постојано и ги прави советот чие мнозинство е од редовите на власта и на ВМРО-ДПМНЕ.

Скопската градоначалничка Арсовска во интервјуто обвини дека мнозинството во Советот на Град Скопје одбива да ја гласа иницијативата за набавка на нови автобуси која досега се најде на дневен ред на 25 седници на Советот, но не доби поддршка. Според неа, тоа е така бидејќи до сега биле навикнати на носење тендери во четири очи.

Во меѓувреме, веќе втор ден на улиците на Градот Скопје сообраќаат само по триесетина автобуси на градското сообраќајно претпријатие. Граѓаните со часови чекаат автобус, работници доцнат на работа, ученици на училиште, студенти на предавања.

Предмалку Владата на вонредна седница донесе одлука со која ќе се овоможи на градот Скопје да му се позајмат дел од нафтените резерви на државата.

https://republika.mk/vesti/skopje/gotovo-e-vladata-odluchi-so-nafta-od-drzhavnite-rezervi-da-se-reshi-problemot-so-avtobusite-niz-skopje/

The post Се јави и Арсовска appeared first on Република.

Владата се вклучи во решавањето на проблемот со недостигот на нафта за автобусите на ЈСП Скопје. На денешната вонредна седница е донесена одлука со која ќе се овоможи на градот Скопје да му се позајмат дел од нафтените резерви на државата.

Како што брифираат за МИА од Владата, денеска, меѓудругото, Бирото за јавни набавки донесе одлука со која се исполнети условите за спроведување на постапка со преговарање без објавување на оглас за да се скрати периодот за набавка на дериватот потребен на градот Скопје.

Со ова, како што се потенцира, Владата го затвора прашањето со настаната потешкотија во работењето на градското претпријатие за јавен сообраќај.

На вонредната седница на која се расправаше за недостигот на енергенси за обавување на јавниот сообраќај на територијата на Град Скопје, била констатирана лошата состојба и недостиг на гориво за потребите на Јавното сообраќајно претпријатие при што Владата се вклучи во решавање на овој проблем.

https://republika.mk/vesti/skopje/skandalot-se-prodlabochuva-finansiska-politsija-gi-cheshla-javnite-nabavki-za-mazut-vo-jsp/

Веќе втор ден на улиците на Градот Скопје сообраќаат по триесетина автобуси на градското сообраќајно претпријатие поради недостиг на нафта. Граѓаните со часови чекаат автобус.

The post Готово е: Владата одлучи со нафта од државните резерви да се реши проблемот со автобусите низ Скопје appeared first on Република.

Факт е дека затекнавме хаос, револтирани граѓани и изгубено достоинство. Со макотрпна и посветена и организирана работа го решивме проблемот со издавање лични документи. Нема веќе гужви со часови. Во насока на доближување на условите на МВР до граѓаните и остварување на нивните права, отворивме канцеларии на управни служби во Општина Јагуновце и Матејче и во идниот период ќе се отворат повеќе такви канцеларии секаде каде што немало за граѓаните полесно о побрзо да ги остваруваат своите права и полесен и побрз пристап до нашите услуги, истакна денеска министерот за внатрешни работи Панче Тошковски на прес-конференција по повод 100 дена од новата Влада.

Во насока на унапредување на условите на условите за работа и градење на задоволна и ефикасна полиција министерот, Тошковски го потенцираше почетокот на целосното реконструирање на Центарот за обука на МВР, планот за изградба на нови полициски станици и преземање на напуштени и неискористени објекти и нивно профункционирање, како и отворањето на новиот Регионален К9 центар за обука и сертификација поддржан од мисијата на ОБСЕ.

Во наредниот период најавувам ново средно полициско училиште. После прва и втора година средно образование, идните млади полицајци трета и четврта година ќе можат да ги поминат во рамки на средното полициско училиште коешто ќе биде лоцирано токму во центарот за обука. Овој тренд е имплементиран и во земји од ЕУ бидејќи нашите анализи покажуваат дека професионалниот капацитет на полициски службеници коишто биле едуцирани во рамки на средно полициско училиште е далеку повисок така што ова ќе биде еден од основните фокуси на МВР во следниот период, потенцираше министерот.

Тој посебно го нагласи проблемот со немањето на соодветни полициски униформи за полициските службеници и истакна дека веќе интензивно се работи за набавка на нови практични и квалитетни полициски униформи.

Се надевам дека веќе следната година сите полициски службеници ќе можеме да ги облечеме, во соодветни, практични и достоинствени полициски униформи какви што тие заслужуваат, а граѓаните очекуваат од својата полиција, дециден беше министерот Тошковски.

Тошковски ги истакна и одлуките за исплаќање на финансиски средства за хранарина за подолга работа од три часа во ноќна смена, што во минатото предизвикувало генерирање огромен број тужби против министерството и промена на колективниот договор за финансиска награда за новороденче и кон полициските службеници од машки пол со тоа надминувајќи ја дискриминацијата која била правена порано со награда само на вработените од женски пол.

Во делот на дигитализација на процесите кој е еден од главните фокуси како на министерството така и на Владата, министерот ги истакна проектите како мобилната апликација „Џастис РБН за родово базирано насилство“ за постапување на полициските службеници по случаи за родово базирано насилство, новиот софтвер за менаџмент на воздухопловни полициски операции и меморандумот за користење на системот „Безбеден град“ со над 220 надзорни камери во Кавадарци.

„Зголемено присуство на полицијата, побезбедни граѓани“ е мотото под кое МВР работи за обезбедување на граѓаните како на Скопје, така и на државата со цел доведување на безбедносната состојба на ниво на кое е задоволителна.

Граѓаните на државата, а посебно на Скопје се сведоци на унапредување на безбедносната состојба во изминатиот период. Имавме голем број на спроведени акции во овие 100 дена, со голема успешност, констатирани прекршоци. Имавме и голем број приведени лица, лица барани со потерници, лица избегани од затвори или сториле одредено кривично дело. Сето тоа беше верификувано со голем број кривични и соодветни пријави и оваа акција даде многу добри резултати и ќе продолжи и во иднина, нагласи министерот.

Во борбата со пожарите, Тошковски нагласи дека и покрај уништениот систем од претходно, сепак хеликоптерската единица на МВР е главниот столб во делот на справувањето со пожарите кои беснееја ова лето.

Хеликоптерите на МВР имаат над 350 летечки часа во текот на летото со исфрлени над 3400 тони вода без пожарите. 10 часа беа остварени во реализирани седум потраги и спасувачки акции и имаме два медицински лета 15 летачки часови, акцентираше Тошковски.

Реферираше и за борбата со криминалот и корупцијата и во полициските редови, бидејќи, како што рече, граѓаните заслужуваат чесна и професионална полиција која ќе се бори со криминалот и ќе ја обезбедува нивната безбедност.

The post Тошковски: Затекнавме хаос, за 100 дена решен проблемот со документите, услугите поблиски до граѓаните appeared first on Република.

На овие фотографии јасно се гледа негрижата и условите на Клиниката за психијатрија во моментите на заминување на одродената власт, споделуваат од Комисијата за здравство на ВМРО-ДПМНЕ, додавајќи дека во вакви несоодветни услови се буквално фрлени и новите кревети на кои пациенти ќе треба да спијат.

Тука, на Клиниката за психијатрија, оставени се лични работи на докторите и средниот медицински персонал без никакакво обезбедување, па така на првиот спрат може секој слободно да влезе преку тарасата, нема ниту врати, а заклучена е само канцеларијата на директорот. Негрижата за јавното здравство, кое денес е на маргините ја гледаме во секоја установа, на секое ниво и секој град. Еклатантен пример е негрижата во инфраструктурата на Клинички центар, а сведоци сме дека како резултат на тоа повеќе од половина месец блокиран беше цел хируруршки блок, нешто што се случува првпат во историјата на државата.
Според проценките одложени се над 2000 интервенции, a пациенти дури и со малигни заболувања и други итни случаи не ја добиваат потребната здравствена услуга, а надлежните и денес немаат јасен план и мерки за ублажување на оваа состојба со листите на чекање за хируршки интервенции кои и пред оваа хаварија беа долги. Со еден збор, наместо да се решаваат ваквите реални проблеми во инфраструкрурата што требало да се надминат пред 3 години, поважно беше да има аплаузи и градење култ кон личности за чисто политиканство на сметка на неводење грижа за реалните потреби и приоритети. Доаѓа крај на ваквото расипништво, а сите менаџери кои се огрешиле и не работеле согласно прописите на штета на пациентите ќе сносат одговорност, велат од комисијата.

The post Вознемирувачки фотографии: Во ова ѓубре се фрлени и новите кревети на кои пациенти ќе треба да спијат appeared first on Република.

Со месеци ДПМНЕ на партиски прес конференции од белиот дворец тврдеа дека имаат решение и дека ќе го решеле проблемот со личните документи, пасошите и возачките дозволи, соопшти СДСМ.

Сега, откако влегоа во техничката Влада и имаат министер за внатрешни работи, ДПМНЕ наместо решение создава хаос со личните документи и шири паника меѓу граѓаните“ велат од владејачката партија.

Според СДСМ, не треба да се казнуваат граѓаните кои ги немаат заменето возачките дозволи. Велат дека тие се за домашна употреба и законот дава можност за опомена.

Дополнително, наместо да го зголеми капацитетот за сликање и вадење пасоши, министерот од ДПМНЕ го укина вадењето пасош без закажување. Тоа негативно влијае затоа што го намалува бројот на граѓани кои можат да се сликаат, а од друга страна драстично го пролонгира процесот.

Тоа значи дека граѓаните со месеци нема да можат да добијат нов пасош, а го доведува во прашање и законскиот рок за издавање пасош.

ДПМНЕ и тимот на министерот во МВР направија хаос и во одобрувањето на пасошите, наместо 15 дена сега граѓаните чекаат и повеќе од 20 дена а пасошот не им е готов. ДПМНЕ едно зборува во опозиција, сосема друго прави кога е власт“ порачаа од СДСМ.

The post СДСМ: Наместо решение ДПМНЕ создава хаос со личните документи appeared first on Република.

Срамот и хаосот во македонскиот таканаречен правен систем, препознаени и надвор од Македонија, не застанува, рече на денешната прес-конференција портпаролот на ВМРО-ДПМНЕ, Наум Стоилковски.

Случајот со Весна Дамева и одлуката на Управниот суд покажува само дека, ако во Судскиот совет се разрешува претседател, ако се работи незаконски и се носат одлуки спротивно на пишаните норми, што останува за обичниот граѓанин, којшто бара правда пред било која истанца на македонското судство. Разрешувањето на Дамева, претходната оставка заради нагласена политички- бизнис притисоци врз Црвенковска, изборот на претседател на Советот по Дамева, и сега одлуката на Управниот суд, во очите на домашната и меѓународна јавност се опишуваат со македонската “Од шупливо- во празно, истакна Стоилковски.

Да имаат грам достоинство, членовите на судскиот совет веднаш би требало да си поднесат оставка, вели Стоилковски.

Ова нема крај, препознаени се истите игри и врз Врховниот суд, закани за разрешувања, коишто носат дополнителен немир и несигурност кај граѓаните, но и аларм кај меѓународната јавност. Никогаш не било полошо. Хаосот во судството е резултат на владеењето на ДУИ и СДС, резултат на политички одлуки и пишување на закони во партиски штабови по мерка на криминалот. За оваа ситуација директно одговори се СДС, ДУИ, Ковачевски и Пендаровски. Тие и нивните пратеници ги бираа главните актери во оваа сапунска серија, за што постои и признание од страна на Пендаровски, дециден е Стоилковски.

Се додека СДС и ДУИ се на власт, Македонија нема да има независен правосуден систем. Никогаш не било полошо, Важно е да ги поразиме! Порача Стоилковски.

The post Стоилковски: Хаосот во судството е резултат на владеењето на власта appeared first on Република.

На превојот Стража е хаос, на две-три места има застои на патот Стража - Кичево. Кој нема итна и неодложна работа нека не тргнува кон Охрид или Скопје, апелираат на социјалните мрежи граѓани кои заглавиле во гужвата.

Врнежите од снег кои почнаа вчера, предизвикаа проблеми во сообраќајот. Забрана за тешки товарни возила е воведена на неколку патни правци низ државата, а Центарот за управување со кризи издаде вонредна информација за сите оние кои се наоѓаат во Берово да не тргнуваат на пат поради обилни врнежи од снег.

Од 10 часот, според информациите од Авто мото сојузот на Македонија и јавното претпријатие „Македонија пат“ воведена е забрана за движење на сите видови моторни возила на патен правец Берово - Беровско Езеро, поради обилни врнежи снег.

Од Центарот за управување со кризи апелираа до сите лица кои моментно се наоѓаат кај Беровско Езеро - да не тргнуваат на пат, а ако имаат потреба од храна и лекови, да се јават на 112 во ЦУК, по што од Општина Берово ќе им биде доставено што им е потребно.

Регионалните центри за управување со кризи во Берово и во Штип, во координативна оперативна комуникација преку Секторот за операции и координација, соопштија дека во целосен прекин е патот Берово-Струмица поради врнежи од снег и паднати дрвја по патот.

Забрани за тешки товарни возила има и на патните правци на крак Маврово - Маврови Анови и Двориште - Струмица - Берово. И на патниот правец Тетово - Попова Шапка, односно на потегот од село Лисец кон Попова Шапка, воведена е забрана за автобуси и тешки товарни возила, додека за останатите возила задолжителна е употребата на зимска опрема (ланци).

Од АМСМ информираа дека сообраќајот на останатите државни патишта се одвива во зимски услови, по влажни коловози. Интензитетот на сообраќај на патните правци надвор од градските средини е умерен, а на граничните премини од македонска страна, нема подолги задржувања за влез и излез од државата.

Расчистени се одроните на патниот правец Делчево - Македонска Каменица - Кочани кај селото Истибања, дел од магистралата А3.

Како што информира раководителот на делчевската подружница на „Македонија пат“, Влатко Цоневски, сообраќајот на оваа делница повторно се одвива по двете коловозни ленти.

Претходно, поради големите одрони, сообраќајот на овој патен правец беше во прекин.

Паралелно, како што додаде Цоневски, извршено е чистење на патот од снежни наноси до граничниот премин „Делчево“ како и регионалниот пат кон планината Голак.

Од „Македонија пат“ апелираат на внимателно возење долж патните правци во Пијанечко-малешевскиот регион и почитување на сообраќајната сигнализација.

The post Хаос на Стража: Ако немате итна работа не тргнувајте накај Охрид или Скопје appeared first on Република.

Обвинителството два месеци молчи за скандалот на клиниката на Онкологија, за кој посведочија и пациенти и медиуми. Обвинителството молчи речиси цел месец откако ВМРО-ДПМНЕ ги обелодени документите за скандалот „Диво Месо“ во кој се гледа како канцер мафијата правела бизнис на грбот на пациентите на Онкологија, како се набавувала скапа терапија на ангро од омилената веледрогерија на власта, а во исто време пациентите сведочат за недостаток, за тоа како свесно бил исклучен КАТО системот кој требало да го контролира трошењето на терапијата, за тоа како се изнесувала терапија без протоколи и истата била аплицирана на други места, за индиции дека терапија завршувала на црниот пазар во земјата и странство итн, велат од ВМРО-ДПМНЕ.

Намерно на клиниката владеел башибозлук за да може во матно да се печали, односно клиниката да тоне во долгови, добавувачите да трупаат добивки, а пациентите и покрај потрошените тешки милиони, пак да трпат за третмани и за терапија. Најдобар пример за системски пропусти и недоследности бележи и самиот извештај од финансиската контрола на клиниката за Онкологија. Тој утврдил дека во недостиг на официјални протоколи, листата со лекови од ФЗОМ не им е доставена на лекарите како насока за препишување. Онкологија имала тендери за лекови без одобрение на Фондот, што само покажува дека се набавувало без систем и без усул се трупале финансиски обврски кон добавувачот. Исто така, на одделот за карцином на дојка не се приложувал специјалистички извештај од „Мој термин“, туку сосема друга форма каде што тешко се следи заболувањето, испитувањата и терапијата. Креиран е тотален хаос, со цел во тој хаос некој да профитира, истакнуваат од партијата.

Ова било невозможно да се случува без знаење на највисоките структури на министерството и власта.

Сите овие грозоморни информации обвинителството ги имаше на увид и пак ништо не презема, затоа што Јовески се моли кај власта за уставен судија, а пак на Абази на глава буквално му стојат пола партија ДУИ. Ако Обвинителство и власта мислат дека скандалот на Онкологија ќе го забошотат, тогаш се лажат. Овој случај, како и сите други трагедии кои се случија, а беа затворени по принципот „кабелот е крив“, по промената на власта ќе бидат детално истражени и одговорните ќе бидат казнети, се наведува во партиското соопштение.

The post ВМРО-ДПМНЕ: На Oнкологија свесно бил создаден хаос за да може некој да профитира – немало протоколи за лекови и извештаи за третмани appeared first on Република.

Одделението за социјални политики на Демократското движење, изразува длабока индигнација за вистинскиот хаос и анксиозноста на граѓаните кои ја доживеат чекајќи да се стекнуваат со лична карта и возачка, реагираат од Демократското движење.

Проблемот за закажување термин, долгите редови, неповолните простории се недостоинствени за граѓаните кои вистински страдаат соочувајќи се со овие проблеми, а овие се дел од проблемите за кои се бара решение, но од надлежните органи тивко се занемаруваат.

Условувањето за промена на личните документи не е вина на граѓаните, кои не само што ја доживуваат тортурава во овие жештини, туку, тие треба да одвојат и значајна сума од семејниот буџет, каде што, овој буџет веќе станал симбол на сиромаштијата.

Одделението за социјални политики при Демократското движење ги повикува надлежните органи да преземат ургентни мерки за создавање на ред и нормално функционирање во соодветните простории на МВР, како и да го разгледат предлогот на Демократското движење и констатацијата на Народниот правобранител, трошоците за промена на личните документи треба да бидат на товар на државата, додека пак, на граѓаните кои досега имаат уплатено да им бидат рефундирани средствата.

The post Демократско движење: Граѓаните минуваат низ хаос за вадење лични документи appeared first on Република.

Бабата на момчето убиено во Франција. Нахел М, Надија, повика на смиреност по петтата ноќ на немири низ Франција што избувнаа откако полицијата го уби нејзиниот 17-годишен внук.

Не сакам да уништуваат продавници, автобуси и училишта. Тие го користат Нахел како изговор. Сакаме работите да се смират“, изјави Надја за ТВ БФМ.

Таа повика на смиреност и прекин на немирите, додавајќи: „Не ги уништувајте училиштата, не ги уништувајте автобусите. Има и други мајки кои ги користат тие автобуси“.

Таа претходно изјави дека демонстрантите ја искористиле смртта на Нахел како изговор за дивеење.

Во вторникот наутро, Нахел беше смртно застрелан во градите, од непосредна близина, зад воланот, бидејќи се обидел да избега при полициска сообраќајна контрола.

The post Доста е, порача бабата на убиениот тинејџер, поради кој почна хаосот во Франција appeared first on Република.

Мостот „Беласица“ дури година и половина би можел да биде надвор од функција, и тоа под услов доколку веднаш почне да се работи на него. Тоа значи дека година и половина скопјани ќе имаат големи тешкотии за време на сообраќајниот шпиц, бидејќи оние кои кратеа од Железничка кон Ист Гејт ќе мора да ги користат другите мостови.

Деканот на Градежниот факултет, во изјава за Сител појаснува дека самите процедури се долги и затоа ќе биде потребно многу време за санација.

Во најмала рака потребни се три до четири месеци интензивна и високостручна работа за да се утврди неговата моментална состојба. А, доколку се констатира дека е потребна негова санација, тогаш треба уште минимум половина година за да се изработи проект за санација, и после тоа да се изведе санацијата. Значи, треба доста време, вели професорот Марковски.

Проблемот е што за носивоста на мостот задолжени се кабли кои се сместени во внатрешноста на бетонската конструкција.

Со оглед на тоа што се работи за кабли изработени од високо вреден челик, тие се многу чувствителни на високи температури. Односно, ги губат своите карактеристики ако дојдат до контакт со висока температура. Оттаму, прво што треба да се утврди, а тоа не е нималку лесно е да се види колкава била температурата во каблите во времетраењето на пожарот. Па потоа да се констатира колкава е нивната носивост, дали е загрозена и колку е редуцирана. Па после тоа следат мерки за санација, појаснува професорот Марковски.

Професорот Марковски не верува дека штетата е толкава, што мостот не би можел да се санира, но тој зафат би бил многу скап.

Не би сакал во моментов да шпекулирам со цифри. Во секој случај многу зависи во каква состојба е сега тој. Ако степенот на санација е поголем, самата санација може да достигне и неколку милиони евра, вели Марковски.

Се уште останува дилема дали Град Скопје ќе има пари за ваков зафат поради лошата финансиска состојба во која се наоѓа градот. Градоначалничката Арсовска и денеска избега од камерите, но вети дека ќе излезе на прес-конференција во следните две недели. До тогаш скопјани ќе го чекаат епилогот за еден од главните крвотоци во сообраќајот на главниот град.

Вчера од Град Скопје само кратко ни кажаа дека не можат да направат ништо додека не ги добијат записниците од МВР и ЦУК.

Извештаите кога ќе бидат готови ќе бидат доставени до надлежните институции, тоа што е работа на МВР. Инаку, испитувањата коишто треба да бидат направени, дали пожарот придонел до намалување на статиката на мостот, не е обврска на МВР, вели Спасовски.

Мостот е затворен и за пешаци, а како што објавивме и вчера, на него постојано има и полициски службеници кои ги враќаат сите оние кои не знаат или не сакаат да ги читаат знаците.

The post Сообраќаен хаос во Скопје: Мостот „Беласица“ најмалку една година ќе биде надвор од употреба appeared first on Република.

Во образованието владее тотален хаос, не може да се правдаат со минати години. Кога беше најтешко во пандемија, кога имаше онлајн настава почнаа реформа во образованието и тоа без учебници. Тогаш кога беше најтешко и имаше криза почнаа да прават таква драстична промена што никој не можеше да се адаптира и се гледа дека цела Македонија се крена на нозе против таа реформа која не е добра, изјави за Детектор на Сител, Весна Јаневска претседателка на Комисија за образование на ВМРО-ДПМНЕ.

Јаневска нагласи дека не може учениците цела година да бидат оставени без учебници и тоа самите ученици го кажуваат како огромен недостаток.

Учениците се незадоволни од тоа што немаат учебници. Учебници мора да има, ги нема ни дигиталните кои ги најавија, а не се ни спремни за тоа. Процедурата за учебник не е долга, има кратки рокови, но треба навреме да се почне. Пред некој ден од МОН пратија упатство за заштита на учениците, каде се бара огради околу училиштата а во 260 училишта има 1 до 13 деца. Наместо да се усмерат средствата за учебниците или за наставен кадар. Парите се трошат непродуктивно, вели Јаневска.

Јаневска потенцира дека не може да биде реформа колку ќе трае часот и не може во три години да им се менува на учебниците три различни концепти.

Мора да се направат промени, само разликата со следната власт ќе биде што нема да се однесуваме како Мила Царовска, Десковска и другите, туку ќе побараме консензус за образованието за најмалку следните 10 години, рече Јаневска.

Според Јаневска се уништуваат учениците кои иако имаат капацитет со ваквиот систем не може да го достигнат својот максимум.

Учениците се оштетуваат со ваквото образование, системот треба да им овозможи да ги постигнат своите максимуми. Де факто во ова време на технолошки и иновативни промени, образованието е тоа кое помага да се снајдат учениците во тие промени. Ако не им го понудиме тоа, тогаш најдобрите се приморани да бараат други системи на образование или да заминат во странство, изјави Јаневска.

The post Јаневска: Во образованието владее тотален хаос, воведуваат неспроведлива реформа, а нема ни учебници appeared first on Република.

Почнува петти месец како скопјани имаат проблем со јавниот превоз кој е во тотален хаос бидејќи приватните превозници не сообраќаат, а ЈСП нема доволно автобуси, а и тие кои ги има се полусиправни.

Во овие пет месеци е голем предизвик да се стигне на работа, во училиште, на лекар или пак да се заврши некоја потреба. Апликацијата за возен ред не работи, автобусите доаѓаат некогаш на секои 40 минути, некогаш на еден час, а и кога ќе дојдат се распуваат по само две поминати станици. Возачите се нервозни, без одговор на нервозата на патниците на кои животот им се претвори во вежбање трпение за чекање.

Инаку градоначалничката Данела Арсовска откако го раскина договорот со приватните превозници, тврдејќи дека е штетен, преку јавен повик сакаше да обезбеди 100-тина возачи и 50 приватни автобуси но со лимитирани автобуски линии.

Приватните превозници чекаат Град Скопје повторно да распише оглас за доделување пакет-линии и за давање дозвола за линиски превоз на патници. Во комуникациите што ги имале со Арсовска добиле информација дека ќе биде распишан нов оглас, откако двата претходни пропаднаа, бидејќи на нив не се јави никој, а приватните превозници револтирани од тоа што Град Скопје, односно ЈСП не им го исплаќа долгот, ги бојкотираа.

извор:  ЦИВИЛ Медиа

The post Петти месец како скопјани имаат проблем со јавниот превоз кој е во тотален хаос appeared first on Република.

На продолжението на 19-та седница на Советот на Град Скопје посветена на советнички прашања, во однос на проблемите со приватните автобуски превозници, повторно немаше решение. Седницата помина со меѓусебни обвинувања помеѓу советниците на градското Собрание, особено од советниците на коалицијата предводена од ВМРО-ДПМНЕ, со градоначалничката на Град Скопје, Данела Арсовска и директорот на Јавното сообраќајно претпријатие, Александар Стојковски.

Покрај тврдењето на градоначалничката Арсовска и в.д. директорот на ЈСП, Стојковски, дека нема долг кон приватните превозници, дека сите фактури се исплатени и дека имало злоупотреба околу продажбата на билети, советниците тврдеа дека има заостанат долг од 90 милиони денари од страна на ЈСП кон приватните превозници и бараа одговор кога тие пари ќе бидат исплатени.

Во период од моето доаѓање, па до овој ден, сите нивни фактури од моја страна се исплатени. Долгот кој ЈСП го има кон приватните превозници е нивно тековно побарување. Ако сметаат дека се пробиени роковите нека поднесат тужба, истакна Стојковски.

Според него, договорите со приватните превозници остануваат исти, како што биле и досега.

Градоначалничката на Скопје, Данела Арсовска на истата седница најави дека ќе има нов јавен повик за приватните автобуски превозници, со цел, како што рече, тие што сакаат да работат да можат чесно да заработуваат.

Има договорни обврски, некој не ги почитува тие обврски, некој престана да вози во интерес на граѓаните. Договорите се раскинати. Ќе има нов јавен повик, сите тие коишто ги исполнуваат тие услови коишто ќе бидат поставени во тој јавен повик ќе се пријават и ќе можат да си ја остваруваат својата дејност чесно, рече Арсовска.

Таа додаде дека го подржува правото на протест, но, како што кажа, доколку не биле плаќани требало да има опомена пред тужба, па после и тужба и дека тоа, според Арсовска, е договорен однос.

Од друга страна советникот од редовите на ВМРО-ДПМНЕ, Стефан Андоновски, тврдеше дека ако ЈСП не ги исплати приватните превозници, долгот од скоро два милиони евра по судски процес ќе се зголемува.

Тој праша зошто до сега не се исплатени 90 милиони денари достасани долгови до двата приватни превозници и кога овие пари ќе се исплатат, како и доколку приватните превозници го тужат ЈСП тогаш долгот кој во моментот е најголем во историјата достигнува скоро 2 милиони евра, ќе треба претпријатието да плати и пенали и судска казна.

Од друга страна блокадата на крстосницата кај ТЦ „Мавровка“, односно помеѓу булеварите „Гоце Делчев“ и „Крсте Петков Мисирков“ се уште трае, и, според изјавите што претставници на „Макекспрес“ и „Слобода превоз“ утрово ги дадоа за МИА, ќе продолжат и утре, односно се додека не се исполнат нивните барања.

The post Продолжува хаосот на улиците во Скопје, Советот на Градот без одлука за проблемот со приватните автобуски превозници appeared first on Република.

ВМРО ДПМНЕ создава хаос во јавниот превоз во градот, вели градоначалничката на Скопје Данела Арсовска.

Според Арсовска, лидерот на ВМРО-ДПМНЕ Христијан Мицкоски е виновен за колапсот на јавниот превоз во Скопје.

Денеска на седница за советнички прашања во Град Скопје, советниците од сите политички партии бараа одговори од Арсовска и директорот на ЈСП „Скопје“ Александар Стојковски зошто не се плаќа долгот на приватниците, поради што тие престанаа да возат и нема доволно автобуси на улиците, па со саати се чекаат возила на постојките.

Градоначалничката вели дека највисокото партиско ракводство на ВМРО ДПМНЕ ги прави сите опструкции за ова што се случува со јавниот превоз.

Вие имате повеќе информации за случувањата во ЈСП од мене и тоа кажува дека ова ви е организирано политички. Престанете со центарот на Мицкоски да правите проблеми во јавниот превоз. Некој намерно го опструира јавниот превоз. Ќе си има нов јавен повик за приватни превозници и секој кој ги исполнува условите може да конкурира. И Општина Бутел има долг кон нас, па ние и понатаму возиме за нив, а долгот ќе си го добиеме преку тужба. Така нека направат и приватниците, јас досега тужба од нив немам добиено, изјави Арсовска.

Утринава возачите од приватните превозници „Слобода превоз“ и „Макекспрес“ ја блокираа крстосницата кај трговскиот центар „Мавровка“ во центарот на Скопје и најавија дека блокадите ќе продолжат и во наредните денови додека не се реши проблемот кој го предизвика Арсовска.

The post Арсовска: ВМРО-ДПМНЕ создава хаос со јавниот превоз во градот appeared first on Република.

Натпреварот Шкупи – Шкенидја од четвртфиналето на фудбалскиот Куп на Македонија е во прекин поради влегување на домашни навивачи на теренот на стадионот во скопската населба Чаир.

Инцидентот се случи во 9.минута кога гостите од Тетово поведоа со 1:0. Стрелецот на голот, Дашмир Елези по постигнување на голот ги испровоцира најбучните навивачи на Шкупи. Некои од нив влегоа во терен и ги нападнаа гостинските навивачи.

https://youtu.be/y6fjiUXKCQY

По реакција на полицијата и на редарите, публиката се врати на трибините, но продолжи фрлањето на пиротехнички средства и други тврди предмети.

Нешто подоцна двете екипи се повлекоа во соблекувалните.

Според неофицијални информации, денешниот натпреварот нема да се доигра и најверојатно Шкендија ќе добие службена победа, а актуелниот македонски шампион Шкупи се соочува со санкции од ФФМ.

The post Хаос на натпреварот Шкендија-Шкупи: Специјалци интервенираа по масовна тепачка на навивачи appeared first on Република.