Хантер Бајден, синот на претседателот на САД Џо Бајден, призна вина по неколку федерални обвиненија за избегнување плаќање даноци и на тој начин избегна судење и последователниот репутациски удар од судењето кое се очекуваше да фрли неповолна светлина на неговите минати деловни зделки и неговиот разуздан животен стил, јавија синоќа дел од американските медиуми.

Со вчерашното признание на вина, заврши еден бурен ден во федералниот суд во Лос Анџелес, каде што требаше да започне избор на порота но тоа нема да се случи.

На почетокот на судењето, адвокатот на Бајден предложи необичен договор каде синот на претседателот би ја задржал својата невиност, додека прифаќа дека доказите се доволни за пресуда за вина.
Обвинителите рекоа дека се шокирани од предлогот за таканаречениот договор „Алфорд“ и дека нема да поддржат никакво признаниа на вина без вистинско признание на вина.

-Хантер Бајден не е невин. Хантер Бајден е виновен, изјави обвинителот Лео Вајс пред окружниот судија Марк Скарси, назначен додека претседател беше Доналд Трамп.

Подоцна, адвокатот на Бајден се врати од пауза и му рече на Скарси дека неговиот клиент ќе го отфрли такво признавање и ќе признае вина без да прави договор со обвинителите предводени од специјалниот советник Дејвид Вајс.

-Да продолжиме, изјави адвокатот на Бајден.

Тој рече дека овој кривичен прогон претставувал тежок период за семејството на Бајден и дека дополнителен стрес би било ако има судење во Лос Анџелес, каде што би биле вклучени членови на семејството Бајден како сведоци.

Додека се подготвуваше признанието, Скарси му рече на Бајден дека обвиненијата носат максимална казна од 15 години затвор и максимална парична казна од меѓу 500.000 и еден милион долари.

Синот на претседателот за ова претходно се изјасни дека е невин во однос на тоа дека не платил најмалку 1,4 милиони долари даноци кои ги должел од 2016 до 2019 година. Деветте обвиненија вклучуваат три кривични дела и шест прекршоци. Во нив се тврди дека не поднел даночни пријави или не платил даноци за време на период на екстремно трошење под влијание на дроги.

The post Хантер Бајден призна дека е виновен по обвиненијата за избегнување плаќање даноци appeared first on Република.

Хантер Бајден, синот на претседателот на САД Џо Бајден, призна вина по неколку федерални обвиненија за избегнување плаќање даноци и на тој начин избегна судење и последователниот репутациски удар од судењето кое се очекуваше да фрли неповолна светлина на неговите минати деловни зделки и неговиот разуздан животен стил, јавија синоќа дел од американските медиуми.

Со вчерашното признание на вина, заврши еден бурен ден во федералниот суд во Лос Анџелес, каде што требаше да започне избор на порота но тоа нема да се случи.

На почетокот на судењето, адвокатот на Бајден предложи необичен договор каде синот на претседателот би ја задржал својата невиност, додека прифаќа дека доказите се доволни за пресуда за вина.
Обвинителите рекоа дека се шокирани од предлогот за таканаречениот договор „Алфорд“ и дека нема да поддржат никакво признаниа на вина без вистинско признание на вина.

-Хантер Бајден не е невин. Хантер Бајден е виновен, изјави обвинителот Лео Вајс пред окружниот судија Марк Скарси, назначен додека претседател беше Доналд Трамп.

Подоцна, адвокатот на Бајден се врати од пауза и му рече на Скарси дека неговиот клиент ќе го отфрли такво признавање и ќе признае вина без да прави договор со обвинителите предводени од специјалниот советник Дејвид Вајс.

-Да продолжиме, изјави адвокатот на Бајден.

Тој рече дека овој кривичен прогон претставувал тежок период за семејството на Бајден и дека дополнителен стрес би било ако има судење во Лос Анџелес, каде што би биле вклучени членови на семејството Бајден како сведоци.

Додека се подготвуваше признанието, Скарси му рече на Бајден дека обвиненијата носат максимална казна од 15 години затвор и максимална парична казна од меѓу 500.000 и еден милион долари.

Синот на претседателот за ова претходно се изјасни дека е невин во однос на тоа дека не платил најмалку 1,4 милиони долари даноци кои ги должел од 2016 до 2019 година. Деветте обвиненија вклучуваат три кривични дела и шест прекршоци. Во нив се тврди дека не поднел даночни пријави или не платил даноци за време на период на екстремно трошење под влијание на дроги

The post Синот на Бајден призна дека е виновен за затајување данок appeared first on Република.

Синот на американскиот претседател Џо Бајден, Хантер, е прогласен за виновен по три обвиненија за нелегално купување и поседување оружје, додека бил зависник од дрога, пренесува Си-ен-ен.

Ова е првпат член на потесното семејство на Бајден да биде прогласен за виновен за кривично дело за време на неговиот претседателски мандат, иако овие дела неговиот син Хантер ги извршил пред тој воопшто да стане претседател на САД.

Хантер е прогласен за виновен по сите три обвиненија, како што пренесува Би-би-си, откако поротата расправала околу три часа.

Првата точка од обвинението е за давање лажна изјава за набавка на огнено оружје, втората е за давање лажна изјава за прибавување на записник и третата е за недозволено поседување огнено оружје.

За време на судењето детално е опишана неговата злоупотреба на дрога преку СМС-пораки и преку неговите мемоари, но и преку сведочење на неговите поранешни партнерки.

На Хантер може да му биде изречена максимална казна од 25 години затвор, откако е прогласен за виновен по три точки од обвинението. Но, може да се соочи и со казна и до 750 000 долари. Сепак, како што пишуваат американските медиуми, веројатно е дека ќе добие помала казна од максималната бидејќи ова му е прв прекршок.

Судијата соопштил дека изрекувањето на казната е закажано за 120 дена по изрекувањето на пресудата.

Американскиот претседател Џо Бајден претходно изјави дека нема да го помилува својот син Хантер, во случај да биде осуден.

Обвинителите тврдат дека Хантер лажел кога купил револвер марка „колт кобра“ во октомври 2018 година, велејќи дека не е корисник или зависник од дрога.

Хантер Бајден се изјасни дека не е виновен по обвиненијата за кривично дело. Неговиот адвокат Абе Лоуел им кажа на поротниците дека неговиот клиент не се обидува да ги измами бидејќи во времето кога го купил пиштолот, не бил корисник на дрога.

Приватниот живот на Хантер Бајден, како и неговите професионални и бизнис-зделки постојано се предмет на жестоки контроверзии и дискусии. Неговата борба со зависноста од тешки дроги и алкохол се документирани и датираат од времето кога работел во неговата сопствена фирма.

Хантер Бајден не сведочеше на судењето, кое се одржа во родниот град на Бајден, Вилмингтон, Делавер.

Неговиот брат Бо Бајден почина во 2015 година од тумор на мозокот. Во 2017 година Хантер се развел од Кетлин Бајден, а истата година се појавија вести дека Хантер Бајден бил во романтична врска со Хали Бајден, вдовицата на Бо Бајден.

The post Хантер Бајден е прогласен за виновен за нелегално поседување оружје додека бил зависник од дроги, му се заканува затворска казна до 25 години appeared first on Република.

Поротата го прогласи синот на американскиот претседател Џо Бајден, Хантер Бајден за виновен по сите три обвиненија во федерално судење за оружје, објавија неколку медиум, цитирајќи новинари во судницата.

Хантер Бајден беше обвинет за давање лажни изјави при купување оружје во октомври 2018 година и прикривање на неговата зависност од дрога во тоа време. Тој може да се соочи со затворска казна до 25 години и парична казна до 750.000 долари.

Сепак, не е јасно колку тешка казна ќе изрече одговорниот судија, бидејќи Хантер Бајден нема криминално досие.

Американскиот претседател претходно изјави дека нема да го помилува својот син во случај да биде осуден, забележа ДПА.

The post Се соочува со затворска казна до 25 години: Синот на Бајден прогласен виновен за нелегално поседување оружје appeared first on Република.

Американскиот претседател Џо Бајден изјави дека нема да го помилува својот син Хантер, кому му се суди во Делавер под обвинение дека го прекршил законот кој им забранува на корисниците на дрога да поседуваат огнено оружје.

Во интервју за Еј-Би-Си Њуз, тој одговори со „да“ на прашањето дали ја отфрла можноста за помилување за Хантер. Тој исто така одговори со „да“ на прашањето дали ќе ја прифати пресудата во судскиот процес кој почна неделава.

Доколку биде осуден по сите точки од обвинението во Делавер, Хантер Бајден се соочува со затворска казна до 25 години, иако обвинетите обично добиваат пократки казни, според американското Министерство за правда.

Хантер Бајден, чие судење почна во вторникот, е обвинет дека не пријавил употреба на дрога кога купил пиштол во 2018 година и нелегално поседувал пиштол 11 дена во октомври 2018 година.

Тој се изјасни за невин.

Хантер Бајден е прв син на еден американски претседател кој е кривично гонет додека неговиот татко се уште е на власт.

The post Бајден вели дека нема да го помилува својот син Хантер appeared first on Република.

Обвинителите на судењето на Хантер Бајден, обвинет за нелегално поседување оружје, ѝ кажаа на поротата дека синот на американскиот претседател Џо Бајден бил „зависник од дрога кој лажел дека пополнил формулар за купување пиштол“ и рече дека „никој не е над законот“.

Поротниците во федералниот суд во Делавер ги слушнаа воведните изјави од обвинителите и бранителите пред да биде повикан првиот сведок, агент на ФБИ.

Адвокатот на одбраната на поротата и кажа дека доказите ќе покажат дека Бајден свесно не го прекршил законот.

Во своето обраќање до поротата, обвинителот на Министерството за правда, Дерек Хајнс, раскажа што се случило во октомври 2018 година кога Хантер Бајден купил оружје, но на формуларот лажел дека не користел дрога, пишува Гласот на Америка.

-Тоа беше нелегално бидејќи користеше крек и беше зависник. Никој не е над законот, рече Хајнс.

Тој додаде дека Хантер Бајден се обидел да купи дрога само неколку дена откако излажал на формуларот и и рекол на вдовицата на својот брат дека чека дилер.

-Никој не смее да лаже така на федерален формулар. Кога обвинетиот го пополнуваше тој формулар, знаеше дека е зависник, рече Хајнс, додавајќи дека обвинителите не мора да докажуваат дека Хантер користел дрога тој ден.

Синот на Бајден се изјасни дека не е виновен по трите точки од обвинението што го обвинува дека не навел дека бил зависник од нелегални наркотици кога го купил пиштолот и дека нелегално го поседувал оружјето 11 дена.

„Хантер купи мал пиштол. Во него никогаш немало куршуми. Никогаш не го користел. Тој бил фрлен 11 дена подоцна од личност со која се забавувал во тоа време. Само 11 дена подоцна. А за тоа три кривични дела“, изјави адвокатот на Бајден, Абе Лоуел.

Тој посочи дека неговиот клиент не мислел дека има проблем со дрогата кога го купил пиштолот и дека обвинителите мора да докажат дека свесно го прекршил законот. Тој наведе дека прашањето на формуларот е дали Хантер во моментов е зависник, а не дали користел дрога во минатото и додаде дека неговиот клиент нема „намера да измами“.

The post И поранешната сопруга ќе сведочи против Хантер Бајден appeared first on Република.

Обвинителите на судењето на Хантер Бајден, обвинет за нелегално поседување оружје, ѝ кажаа на поротата дека синот на американскиот претседател Џо Бајден бил „зависник од дрога кој лажел дека пополнил формулар за купување пиштол“ и рече дека „никој не е над законот“.

Поротниците во федералниот суд во Делавер ги слушнаа воведните изјави од обвинителите и бранителите пред да биде повикан првиот сведок, агент на ФБИ.

Адвокатот на одбраната на поротата и кажа дека доказите ќе покажат дека Бајден свесно не го прекршил законот.

Во своето обраќање до поротата, обвинителот на Министерството за правда, Дерек Хајнс, раскажа што се случило во октомври 2018 година кога Хантер Бајден купил оружје, но на формуларот лажел дека не користел дрога, пишува Гласот на Америка.

-Тоа беше нелегално бидејќи користеше крек и беше зависник. Никој не е над законот, рече Хајнс.

Тој додаде дека Хантер Бајден се обидел да купи дрога само неколку дена откако излажал на формуларот и и рекол на вдовицата на својот брат дека чека дилер.

-Никој не смее да лаже така на федерален формулар. Кога обвинетиот го пополнуваше тој формулар, знаеше дека е зависник, рече Хајнс, додавајќи дека обвинителите не мора да докажуваат дека Хантер користел дрога тој ден.

Синот на Бајден се изјасни дека не е виновен по трите точки од обвинението што го обвинува дека не навел дека бил зависник од нелегални наркотици кога го купил пиштолот и дека нелегално го поседувал оружјето 11 дена.

„Хантер купи мал пиштол. Во него никогаш немало куршуми. Никогаш не го користел. Тој бил фрлен 11 дена подоцна од личност со која се забавувал во тоа време. Само 11 дена подоцна. А за тоа три кривични дела“, изјави адвокатот на Бајден, Абе Лоуел.

Тој посочи дека неговиот клиент не мислел дека има проблем со дрогата кога го купил пиштолот и дека обвинителите мора да докажат дека свесно го прекршил законот. Тој наведе дека прашањето на формуларот е дали Хантер во моментов е зависник, а не дали користел дрога во минатото и додаде дека неговиот клиент нема „намера да измами

The post Дали по Трамп ќе биде осуден и синот на Бајден? appeared first on Република.

Хантер Бајден, синот на претседателот на САД Џо Бајден, денеска неочекувано се појави на Капитол хил каде се одржува распит околу неговото непочитување на барање на конгресна комисија да учествува на сослушување за наводен криминал на претседателот поради поврзаност со неговиот бизнис.

Две конгресни комисии денеска планираа да гласаат за осуда на Бајден помладиот за непочитување на Конгресот.

-Републикански претседавачи денеска наредуваа со резолуција без преседан да осудат некого за непочитување кој се понуди јавно да одговори на сите нивни прашања. Прашањето тука е од што тие се плашат, изјави за новинарите адвокатот на Бајден.

Распитот е последица на одлуката на Бајден да не ги почитува барањата од две конгресни комисии за негов распит зад затворени врати. Распитите се дел од обидот на републиканците да извршат импичмент на претседателот Бајден.

Демократите и синот на Бајден се согласни на распит но под услов тој да биде отворен за јавноста поради страв од селективни протекувања на податоци. Во кратка изјава денеска Хантер Бајден рече дека ќе одговори на сите „легитимни прашања“ од истражителите на Претставничкиот дом.

Републиканците се држат на ставот дека тој не може да ги диктира условите на неговото појавување и дека треба првин да одговори на прашањата „приватно“.

The post Синот на Бајден неочекувано се појави на распит во Конгресот поврзан со истрагата за импичмент на претседателот на САД appeared first on Република.

Синот на американскиот претседател Џо Бајден, Хантер, се соочува со нови кривични пријави затоа што не платил данок од најмалку 1,4 милиони долари, додека трошел милиони на раскошен начин на живот. Според обвинението поднесено во Окружниот суд во Централна Калифорнија, тој се товари за три кривични дела и шест прекршоци поврзани со даноци.

Министерството за правда соопшти дека истрагата е во тек, а доколку биде прогласен за виновен по обвиненијата, му се заканува затворска казна до 17 години. Тој е обвинет дека не платил најмалку 1,4 милиони долари федерални даноци од 2016 до 2019 година, додека потрошил милиони долари на екстравагантен начин на живот.

Во обвинението се наведува дека Хантер Бајден „заработил добри пари“ додека служел во одбори на украински индустриски конгломерат и кинески приватен капитал. Но, како што се зголемувале неговите приходи, така се зголемувале и неговите трошоци. Само во 2018 година, според обвинението, потрошил повеќе од 1,8 милиони долари, но ништо за плаќање данок.

Се споменува дека, меѓу другото, потрошил пари на дрога, ескорт дами, луксузни хотели, автомобили и облека, а за рехабилитација од зависност одвоил повеќе од 70.000 долари. Тој претходно се соочуваше со обвиненија за затајување данок и во октомври пред судот во Делавер се изјасни за невин по обвинението дека лажел за неговата употреба на дрога кога купил пиштол.

Хантер Бајден е честа тема во медиумите поради неговата зависност и прекумерното однесување како што се брзо возење или пуштање фотографии од него гол или користење дрога.

The post Синот на Бајден трошел милиони на ескорт дами, дрога, автомобили – обвинет за затајување данок appeared first on Република.

Адвокатите на синот на американскиот претседател Џозеф Бајден, Хантер, објавија дека се откажале од договорот за признавање вина за даночно затајување и обвиненијата за оружје.

Окружниот судија Мерилин Норејка претходно го отфрли предложениот договор за вина, наведувајќи ја загриженоста за степенот на имунитетот што Хантер Бајден ќе го добие во случајот, пренесува Ројтерс.

Според тој предложен договор, Хантер Бајден требаше да се изјасни за виновен за тоа што не платил даноци од 1,5 милиони долари во периодот од 2017 до 2018 година.

Така би склучил посебен одложен обвинителен договор за недозволено поседување огнено оружје, со употреба на дрога, што е кривично дело.

Федералните обвинители во Делавер соопштија дека против Хантер Бајден би можела да биде покрената кривична постапка по прекинот на преговорите за признавање вина.

The post Адвокатите на Хантер Бајден се откажаа од договорот за признавање вина appeared first on Република.

Речиси 9.000 фотографии од лаптопот на Хантер Бајден се објавени на интернет од десничарската непрофитна организација Марко Поло, дознава британскиот таблоид „Дејли Меил“.

8.864 слики објавени на bidenlaptopmedia.com вклучуваат стотици слики од првиот син на американскиот претседател Џо Бајден, како се дрогира и има секс со сексуални работнички, како и семејни фотографии и секојдневни снимки.

Фотографиите вклучуваат 7.032 главно од телефонот на Хантер, главно кои ги испраќал во пораки на „Ватсап“.

Сликите се датирани помеѓу 2008 и 2019 година. Некои имаат прикачени географски координати, кои покажуваат дека Хантер се фотографирал на Хаваите, Кабо Сан Лукас, Косово, Доминиканската Република, западна Кина, Лондон, Париз, Рим, Белград и низ САД.

The post Објавени 9 илјади скандалозни фотографии од синот на Бајден: Сликан гол со проститутки appeared first on Република.

Адвокатите на поранешната стриптизета Лунден Робертс побараа во петокот судот во Арканзас да нареди апсење на Хантер Бајден, синот на американскиот претседател Џозеф Бајден, со кој Робертс има вонбрачна ќерка, бидејќи се верува дека Хантер нашол засолниште во Белата куќа за да избегнувајте да ви биде доставена покана.

Како што пишува Њујорк пост, Хантер Бајден не го подобрил исполнувањето на финансиските обврски според барањето од тужбата на поранешната стриптизета Лунден Робертс, мајка на нивната четиригодишна вонбрачна ќерка Нави, поради што адвокатите бараат судот да му одреди притвор. Робертс смета дека судот треба да му одреди притвор на Хантер Бајден додека тој не ги исполни наредбите на судот.

Робертс (32) на суд докажал дека Хантер е татко на нејзината ќерка, а синот на претседателот минатата година побарал намалување на месечната сума за издршка што му била доделена.

The post Синот на Бајден се крие во Белата куќа затоа што не платил алиментација appeared first on Република.

Претседателот на Народната партија, Вук Јеремиќ, одби да сведочи и да им ги предаде на американските истражни органи информации за валканиот бизнис со кој работел со Кинезите и Хантер Бајден.

Поранешниот претседател на Генералното собрание на ОН ангажирал една од најскапите адвокатски канцеларии во САД, која испратила писмо од три страници до Џејмс Комер, кој раководи со истражниот комитет на Конгресот кој истражува голем корупциски скандал.

Според американските медиуми, Јеремиќ го одбил ова бидејќи знае дека е виновен, а за да ги заштити останатите учесници во аферата вредна милиони долари.

The post Jeремиќ одби да сведочи за бизнисите со Кинезите и синот на Бајден appeared first on Република.

Во рамките на истрагата против Хантер Бајден, синот на Џо Бајден, Надзорниот комитет на Претставничкиот дом на американскиот Конгрес ги проверува и неговите врски со Вук Јеремиќ, поранешен претседател на Генералното Собрание на ОН, објави „Информер.рс“.

Лидерот на Народната партија Вук Јеремиќ е вмешан во голем корупциски скандал во САД, кој го истражува Надзорниот комитет на Претставничкиот дом на американскиот Конгрес!

Осомничениот Хантер Бајден, син на американскиот претседател, директно комуницирал со Јеремиќ, покажа истрагата.

Јеремиќ побарал помош од Бајден за да дојде до функцијата генерален секретар на Обединетите нации, а за возврат му понудил милионски зделки со кинески бизнисмени!?!

Документите и мејловите пронајдени во лаптопот на Хантер Бајден ги објави порталот „Вашингтон Фри Бикон“ во текст со наслов „Хантер Бајден побара од главниот помошник на неговиот татко во Белата куќа да помогне во кампањата на српски функционер за шеф на ОН“.

Хантер Бајден, според „Free Beacon“, организирал состанок во јули 2016 година за Вук Јеремиќ и Колин Кал, кој како функционер во Пентагон бил советник за национална безбедност на американскиот потпретседател Џо Бајден, таткото на Хантер.

The post Вук Јеремиќ преку синот на Бајден дошол на чело на ОН? appeared first on Република.

Поранешниот американски претседател, Доналд Трамп, го повика рускиот претседател Владимир Путин да ги објави сите информации за поврзаноста на семејството Бајден и особено односите на Хантер Бајден, синот на американскиот претседател Џо, со олигарсите во источна Европа, пишува „Гардијан“.

Мислам дека Путин ги знае одговорите на тоа и треба да ги објави. Сметам дека треба да го добиеме тој одговор - изјави Трамп во интервју за американскиот „Just the News“, алудирајќи на бизниси на Хантер Бајден во Русија.

Трамп се повикува на извештајот на Сенатот од 2020 година во кој се наведува дека рускиот олигарх Јелена Батурина, во тоа време сопруга на градоначалникот на Москва, пред десет години обезбедила 3,5 милиони за компанија основана од синот на претседателот Џо Бајден, без притоа да се појасни зошто се доделени тие средства, прецизира „Гардијан“.

Како градоначалникот на Москва и неговата сопруга, му дале на семејството Бајден три и пол милиони долари? Мислам дека Путин сега би сакал да даде одговор. Сигурен сум дека знае - изјави поранешниот американски претседател.

Порота во САД го истражуваше бизнисот на Хантер Бајден поради сомневања за даночни прекршувања, странско лобирање и перење пари, но тој негираше каква било вина, пишува „Гардијан“.

The post Трамп: Путин да објави сè за бизнисите на Хантер Бајден во Русија appeared first on Република.