Делегација на Хамас утре ќе пристигне во Каиро на разговори со египетските власти за прекин на огнот, изјави високиот функционер на групата Басем Наим.

Соединетите Американски Држави пред неколку дена соопштија дека ќе почнат нови разговори со Катар, Египет и Турција, со цел да ги обноват преговорите за ослободување на заложниците во Газа и договор за прекин на огнот, по примирјето меѓу Израел и либанската милитантна група Хезболах.

„Њујорк тајмс“ вчера објави дека Хамас покажува „зголемена флексибилност во преговорите“ за долго закочениот договор за прекин на огнот и ослободување на заложниците во Појасот Газа.

The post Делегација на Хамас утре во Каиро за договорот за прекин на огнот и заложниците appeared first on Република.

Израелската Влада вечерва на владина седница официјално ќе изгласа примирје со исламистичката група Хезболах со која е во војна повеќе од една година, потврди израелскиот премиер Бенјамин Нетанјаху.

Во обраќање до јавноста тој рече дека ова не е крај на војната, додавајќи дека нема крај на војната додека сите Израелци кои избегаа поради ракетните напади на Хезболах во изминатата година не се вратат во своите домови на северот на земјата. Тој исто така рече дека Израел сега ќе се фокусира на заканата што ја претставува Иран.

Нетанјаху го почна својот говор обраќајќи им се на жителите бегалци од северен Израел, велејќи дека е горд на нивната истрајност и издржливост. Тој рече дека благодарение на храброста на израелските одбранбени сили се постигнати големи успеси. Според него, акцијата на ИДФ ја одразува моќта на Израел на Блискиот Исток.

- Во Либан, Хезболах повеќе не е истиот, рече Нетанјаху, додавајќи дека израелската војска убила високи команданти и Насрала, поранешниот лидер на Хезболах.

Израел, исто така, уништи инфраструктура на Хезболах и „нападна клучни цели“, додаде тој. Нетанјаху истакна дека ги „гледа сите седум фронтови“ и „пошироката, поголема слика“ и оти е „решен да му донесе победа на Израел“.

The post Израел се согласи на примирје со Хезболах appeared first on Република.

Вршителот на должноста лидер на Хамас, Калил ал Хаја, во интервју за ТВ Ал Акса изјави дека нема да има договор за размена на заложници за затвореници со Израел додека не заврши војната во Појасот Газа.

„Зошто е до отпорот, а поконкретно на Хамас, да ги врати затворениците (заложниците) ако агресијата не престане“, праша Хаја. „Како може разумен или луд човек да ја изгуби силната карта што ја има додека трае војната“, додаде тој.

„Не може да има размена на заробеници додека не заврши војната“, нагласи Хаја, кој го предводи тимот на Хамас вклучен во разговорите со посредство на Катар и Египет. Тој го обвини израелскиот премиер Бенјамин Нетанјаху за недостатокот на напредок во напорите за постигнување договор.

„Во моментов се остваруваат контакти со некои земји и посредници со цел да се обноват преговорите. Подготвени сме да продолжиме со тие напори, но поважно е да се види вистинска волја од страна на окупацијата да се стави крај на агресијата“, рече Хаја..

„Реалноста докажува дека Нетанјаху е тој што го поткопува процесот“, додаде лидерот на Хамас.

The post „Хамас“: Нема договор за размена на заложници додека Израел не стави крај на војната во Газа appeared first on Република.

Вашингтон денеска и порача на Турција дека како нивен сојузник оваа земја не треба да биде домаќин на лидерите на палестинската организација Хамас.

Во врска со тврдењето дека некои лидери на Хамас се преселиле од Катар во Турција, портпаролот на Стејт департментот, Метју Милер, рече дека одредени лидери на оваа организација се под обвиненија од САД, поради што треба да бидат екстрадирани во САД.

-Ние мислиме дека лидерите на оваа сурова терористичка организација не треба да живеат удобно никаде, што секако го вклучува и големиот град на еден од нашите клучни сојузници и партнери, рече Милер.

Анкара ги отфрла тврдењата дека Хамас го преселил своето политичко седиште во Турција, но наведува дека членовите на организацијата понекогаш ја посетуваат.

Хамас соопшти дека тоа се гласини кои Израел понекогаш ги шири, пренесуваат британските медиуми.

The post САД ја предупредија Турција да не им биде домаќин на лидерите на Хамас appeared first on Република.

Според сите навестувања, Калил ал-Хаја ќе стане следниот лидер на Хамас, известува известувачот на „Кан 11“, Рој Кејс.

Од 24 август Ал-Хаја е на позицијата заменик-претседател на политбирото на Хамас. Тој живее во Катар и одржува блиски врски со Иран.

Во април 2024 година, Ал Хаја изјави дека Хамас е подготвен за прекин на огнот и откажување од вооружен конфликт доколку се создаде палестинска држава на границите во 1967 година.

По ликвидацијата на Синвар, пак, Халил ал-Хаја изјави:

Хамас оди напред кон создавање на палестинска држава на целата палестинска земја со главен град Ерусалим.

The post Живее во Катар и близок е со Иран: Калил ал-Хаја најверојатно ќе стане следниот лидер на Хамас appeared first on Република.

Израелските аналитичари наведуваат дека во моментов палестинскиот Хамас држи живи 51 заложник, а останатите се мртви, иако тоа не е официјално соопштено, објави денеска весникот Израел Хајом (Израел денес).

Пред два месеца, израелскиот премиер Бенјамин Нетанјаху на брифингот на парламентарната комисија рече дека половина од заложниците се живи.

Податоците на кои се потпира Нетанјаху се засноваат на информации собрани преку различни канали од 7 октомври минатата година кога палестинските екстремисти од Газа предводени од Хамас го нападнаа јужниот дел на Израел.

Тоа значи дека 50-те израелски заложници во Газа веќе не се живи, иако 37 од нив досега се официјално прогласени за мртви и велат дека нивните тела ги држи Хамас. Според израелските медиуми, се проценува дека има уште најмалку 13 мртви.

Исто така, се вели дека разликата се објаснува со фактот дека потврдата за смрт бара апсолутни докази врз основа на кои медицинските и верските рабински власти можат да прогласат дека некое лице повеќе не е живо.

Како што е наведено, нема такви докази, но се чини дека Израел има доволно информации за да процени колку заложници се уште се живи.

The post Во моментов има 51 преживеан израелски заложник на Хамас appeared first on Република.

Израелската армија (ИДФ) денеска соопшти дека за време на викендот притворила 44 осомничени екстремисти на Хамас при рација во болница во северниот дел на Газа.

ИДФ на 25 октомври упадна во болницата Камал Адван во Бејт Лахи и притвори 44 вработени мажи.

Палестинските здравствени претставници изјавија дека болницата во која се лекуваат околу 200 пациенти, е тешко оштетана при упадот на ИДФ.

Додека неименуван израелски претставник истакна дека се воделе жестоки борби околу болницата Камал Адван, но не и внатре во објектот. Додека според друг анонимен претставник медицинскиот персонал е идентификуван бидејќи некои од екстремистите се преправиле како медицински лица.

The post ИДФ уапси над 40 осомничени членови на Хамас во болница во Газа appeared first on Република.

Извор на Хамас изјави за саудискиот канал Ашарк Њуз дека терористичката група ќе им претстави на преговарачите сеопфатен договор за итен прекин на војната и повлекување на израелските трупи од Појасот Газа и размена на одреден број палестински затвореници за ослободување на сите израелски заложници одеднаш.

Понудата се очекува да биде поднесена по состанокот што преговарачите на САД, Катар и Израел го одржуваат денеска во Доха за да се подготват за нови разговори за прекин на огнот и договор за ослободување на заложниците, пренесе Тајмс оф Израел.

Израелските власти проценуваа различни опции за договор, вклучително и предлогот што беше претставен на состанокот на безбедносниот кабинет минатата недела да му понуди на Хамас двонеделен прекин на огнот во замена за ослободување на пет заложници, но терористичката група, наводно, претпочита итен прекин на конфликтот.

Неименуваниот извор на Хамас за Ашарк рекол дека „ќе ја слушнат понудата на преговарачите, но од претпочитаат сеопфатен договор што ќе се одвива во една фаза и ќе ја заврши војната еднаш засекогаш, во замена за размена на затвореници согласно која сите израелски заробеници се ослободуваат во замена за договорен број палестински затвореници во израелските затвори

The post Хамас сака прекин на огнот со Израел appeared first on Република.

Американскиот државен секретар Ентони Блинкен за време на неговата посета на Израел изјави дека убиството на лидерот на Хамас дава „значајна можност“ да се стави крај на војната во Газа.

„Искрено верувам дека смртта на (Јахја) Синвар создава значајна можност да се вратат заложниците, да се стави крај на војната и да се обезбеди безбедноста на Израел“, рече Блинкен за време на состанокот со израелскиот претседател Исак Херцог, кој следеше по неговите разговори со израелскиот премиер Бенјамин Нетанјаху.

Блинкен на средбата со Нетанјаху исто така повика Израел да ги искористи можностите што се појавија по смртта на Синвар, за да се обезбеди ослободување на израелските заложници, кои ги држи Хамас во Појасот Газа од почетокот на израелско-палестинскиот конфликт.

Тој вчера пристигна во Израел на неговата 11-та посета на регионот откако на 7 октомври минатата година избувна војната меѓу Израел и палестинскиот Хамас во Газа.

Лидерот на Хамас, Јахја Синвар, беше убиен во израелски воздушен напад на 16 октомври во Рафа во Појасот Газа.

The post Блинкен: Смртта на лидерот на Хамас нуди значајна можност да се стави крај на војната во Газа appeared first on Република.

На нејзиниот 22-ри роденден, Ширел Голан, девојката која го преживеа масакрот во Израел, беше пронајдена мртва. Нејзината борба со посттрауматско стресно растројство, последица на масакрот извршен од Хамас на 7 октомври 2023 година, заврши со трагедија. Нејзиниот брат Ејал Голан ја обвинува државата Израел за нејзината смрт, тврдејќи дека не ја добила потребната помош, пренесуваат светските агенции.

Ширел Голан беше една од девојките кои го преживеаја масакрот на фестивалот, каде терористите на Хамас убија 364 луѓе.

Откако ја преживеала траумата, таа покажала симптоми на посттрауматско стресно растројство, но според нејзиниот брат, не добила соодветна помош од државата. На нејзиниот роденден таа се самоубила.

Државата Израел двапати ја уби сестра ми. Еднаш во октомври, психички, а втор пат денеска, на нејзиниот 22 роденден, физички, изјави Ејал Голан за локалните медиуми.

Ширел била на фестивалот со своето момче Ади, кога терористите на Хамас извршиле инвазија. Со часови се криеле во грмушките, а потоа со други луѓе избегале со автомобил.

The post Го преживеала масакрот на Хамас на фестивалот, но поради траума си го одзела животот на роденденот appeared first on Република.

Полковник Надав Шошани, меѓународен портпарол на израелските одбранбени сили (ИДФ), објави декласифицирана видео снимка на која наводно се гледа што правел неодамна убиениот лидер на Хамас Јахја Синвар еден ден пред нападот на Хамас врз Израел на 7 октомври 2023 година.

Шошани тврди дека видеото, кое се чини дека е снимено од безбедносните камери во еден од тунелите на Хамас, е направено неколку часа пред нападот на Хамас врз Израел. Во него може да се види Синвар како носи вреќи, вода, перница и како што вели Шошани е телевизор.

Портпаролот на ИД Даниел Хагари тврди дека тунелот што може да се види на видеото се наоѓа под домот на Синвар во Газа.

– Со часови беа сами. Синвар и неговиот син шетаат напред-назад, се опремуваат со храна, вода, перници, телевизор, душеци и други производи за долг престој во тунелот – рече Хагари, а пренесува Тајмс оф Израел.

– Неколку часа пред масакрот, Синвар се грижеше само за себе и за своето семејство додека испраќаше терористи да убиваат израелски деца, жени и мажи – додаде Хагари.

Хагари тврди дека израелските војници успеале да го пронајдат засолништето на Синвар во Кан Јунис, а портпаролот на ИД вели дека тоа личело на подземна тврдина. Во него Израелците нашле тоалети, туш кабина, кујна, кревет, униформи, сефови, многу пари и документи.

🎥DECLASSIFIED FOOTAGE:

Sinwar hours before the October 7 massacre: taking down his TV into his tunnel, hiding underneath his civilians, and preparing to watch his terrorists murder, kindap and rape. pic.twitter.com/wTAF9xAPLU

— LTC Nadav Shoshani (@LTC_Shoshani) October 19, 2024

The post Објавена снимка од убиениот лидер на Хамас, Синвар со семејството во тунелите: „Видете само што држи во раце“ appeared first on Република.

Министрите за одбрана на Групата седум индустриски најразвиени земји (Г7) денеска упатија апел до Иран да престане да ја поддржува палестинската група Хамас, но и нејзините сојузници – Хезболах во Либан и Хутите во Јемен, кои се ангажирани на фронтовите против Израел.

Г7 апелира Иран да се воздржи од давање поддршка на Хамас, Хезболах, Хутите и другите недржавни актери, како и од преземање какви било дополнителни мерки кои би можеле да го дестабилизираат регионот и да иницираат процес на „неконтролирана“ ескалација, се наведува во заедничката изјава по состанокот во Неапол.

Министрите повикаа и на „значително и одржливо зголемување“ на хуманитарната помош за Појасот Газа.

Земјите од Г7 се обединети во нивната поддршка за потребата од итен прекин на огнот во Газа, ослободување на сите заложници, значително и одржливо зголемување на протокот на хуманитарна помош низ Појасот Газа и пат кон решение со две држави, се наведува во заедничка изјава.

Министрите ја потврдија својата „непоколеблива“ поддршка за Украина, вклучително и воена поддршка.

Ја потврдуваме нашата непоколеблива поддршка за слободата, суверенитетот, независноста и територијалниот интегритет на Украина, сè додека е потребно. Ја нагласуваме нашата намера да продолжиме да обезбедуваме помош за Украина, вклучително и воена, на краток и долг рок, се додава во заедничката изјава.

Земји-членки на Г7 се САД, Франција, Германија, Италија, Канада, Велика Британија и Јапонија.

The post Г7: Иран да престане да ги поддржува Хамас, Хезболах и Хутите appeared first on Република.

Иранскиот врховен лидер, ајатолахот Али Хамнеи, изјави дека палестинското движење Хамас ќе продолжи да постои и покрај смртта на неговиот лидер Јахја Синвар, кој беше убиен за време на израелска воена операција.

Неговата загуба е секако болна за фронтот на отпорот против Израел, но тоа воопшто нема да престане со мачеништвото на Синвар, нагласи ајатолахот Хамнеи.

По Исламската револуција во 1979 година, поддршката за палестинската кауза Иран ја направи еден од столбовите на својата надворешна политика.

Јахја Синвар „беше брилијантна фигура на отпор и борба против Израел, според Хамнеи. „Тој застана со непоколеблива решителност против суров и агресивен непријател и го победи со тактичност и храброст“, додаде Хамнеи.

Синвар, кој долго време беше во сенка пред да стане шеф на Хамас, се смета за архитект на нападот на палестинското движење врз Израел на 7 октомври 2023 година.

The post Хамнеи: Хамас ќе го надживее својот лидер appeared first on Република.

Членот на политичкото биро на движењето Хамас, Басем Наим денеска изјави дека смртта на лидерот не значи крај на движењето.

Тој рече дека организацијата не може да биде уништена со убивање на нејзините водачи, пренесува Би-Би-Си, додавајќи дека не ја потврдил смртта на лидерот на Хамас, Јахја Синвар.

„Изгледа дека Израел верува дека убиството на нашите водачи значи крај на нашето движење и борбата на палестинскиот народ. Не е првпат Израел да каже нешто такво“, рече тој, алудирајќи на убиствата на претходните лидери на Хамас и додавајќи дека станале „икони“ за идните генерации.

Тој додаде дека Хамас верува дека судбината на таа организација е „или победа или мачеништво“.

„Да, многу е болно и вознемирувачко да се губат најблиските, особено извонредните лидери како нашиот, но она во што сме сигурни е дека на крајот сме победници – ова е исходот за сите луѓе кои се бореле за својата слобода“, рече Наим.

Водачот на милитантната група Хамас, Јахја Синвар, беше убиен во израелска операција во четвртокот.

The post Се огласи Хамас: „Или победа или мачеништво“ appeared first on Република.

Министерот за одбрана на Израел, Јоав Галант ги повика борците на Хамас да ги ослободат заложниците и да се предадат по убиството на водачот на групата, Јахја Синвар.

Државата Израел донесе правда со елиминацијата на Јахја Синвар – убиец и терорист. Јахја Синвар е терористот, главниот терорист, кој го планираше и изврши (масакрот) на 7-ми октомври, за време на кој беа убиени толку многу невини Израелци – деца, жени и постари лица. Елиминацијата на Синвар се придружува на долгата серија елиминации - од Насрала до воениот началник на Хамас Мухамед Деиф и многу други. Ќе ги гониме и елиминираме нашите непријатели. Синвар загина додека беше во бегство. Тој не умре како командант, туку како некој што се грижеше само за себе. Ова е јасна порака до сите наши непријатели – ИДФ ќе допре до секој кој ќе се обиде да им наштети на граѓаните на Израел или нашите безбедносни сили, а ние ќе ве изведеме пред лицето на правдата. Елиминацијата на Јахја Синвар испраќа јасна порака до сите семејства на загинатите и до семејствата на заложниците: правиме се за да дојдеме до оние кои им наштетиле на вашите најблиски и да ги ослободиме заложниците и да ги вратиме на нивните семејства. Тоа е исто така јасна порака до жителите на Газа. Човекот кој донесе катастрофа и смрт во Појасот Газа, човекот кој ве натера да страдате како резултат на неговите убиствени дејствија - дојде крајот на овој човек. Време е да излезете, да ги ослободите заложниците, [на оние кои се вклучени во борбите] кренете ги рацете, предадете се. Излезете со заложниците, ослободете ги и предајте се“, изјави Галант.

Телото на Синвар било пронајдено случајно од израелски војник по минофрлачки напад врз позиции на Хамас.

Според објавените фотографии од мртвото тело на Синвар, се гледа дека лидерот на Хамас при смртта носел борбен елек, имал калашников во раката со кој се борел рамо до рамо со своите борци.

The post Галант ги повикува борците на Хамас да се предадат по убиството на Јахја Синвар appeared first on Република.

Израелската армија тврди дека во воздушен напад го убила командантот на единиците за беспилотни летала на Хамас во северниот дел на Газа, Махмуд ал-Мабух.

Според соопштението на ИДФ, Ал-Мабух бил одговорен за нападите со дронови врз Израел и израелските војници во Газа, пренесува „Тајмс оф Израел“.

ИДФ, исто така, соопшти дека ликвидирала оперативци на Хамас во Џабалија во борба лице в лице, како и во воздушни напади.

Израелските сили извршија напади со дронови во Рафа врз „ќелија на вооружени терористи“ кои планираа терористички напади, се додава во соопштението на израелската армиј

The post Израел го уби главниот дронџија на Хамас appeared first on Република.

САД веруваат дека лидерот на Хамас Јахја Синвар е жив и веројатно се крие во подземен тунел во Појасот Газа со заложници во близина, изјави Бред Мекгарк, специјален советник на Белата куќа за Блискиот Исток и Северна Африка.

- Јахја Синвар останува носител на одлуки. Веруваме дека е жив и се наоѓа во тунел под Газа, веројатно со заложници во негова близина, рече Мекгарк за време на разговор со американски рабини, пренесува Белата куќа.

Изјавата на Мекгарк е најдеталната информација во врска со статусот на Синвар од висок американски функционер во последните неколку недели.

Во последните денови, Синвар, наводно, повторно воспоставил контакт со претставници на Хамас надвор од Газа по повеќе од еден месец никакви контакти.

Волстрит џурнал претходно во средата јави дека Синвар им наредил на командантите на Западниот Брег да ги обноват самоубиствените напади во Израел набргу откако тој го замени Исмаил Ханије на чело на политичкото биро на терористичката организација по неговото убиство во Техеран.

The post САД не веруваат дека лидерот на Хамас е убиен appeared first on Република.

Лидерот на Хамас во егзил, Калед Мешал, денеска изјави дека групата ќе се издигне „како феникс од пепелта“ и покрај големите загуби претрпени за време на едногодишната војна со Израел и дека продолжува да регрутира борци и да произведува оружје.

Мешал рече дека конфликтот со Израел трае веќе 76 години, што датира од она што Палестинците го нарекуваат „Накба“ или „катастрофа“, кога многу Палестинци беа раселени за време на војната во 1948 година што доведе до создавање на Израел.

-Историјата на Палестина е составена од циклуси. Поминуваме низ фази кога губиме маченици (жртви) и дел од нашите воени способности, но потоа палестинскиот дух повторно се крева, како феникс, благодарение на Бога, изјави Мешал за Ројтерс.

Мешал, кој преживеа обид за атентат во 1997 година, откако му беше вбризган отров и беше генерален секретар  на Хамас од 1996 до 2017 година, рече дека Хамас сè уште може да се бори против израелските војници.

-Изгубивме дел од нашата муниција и оружје, но Хамас продолжува да регрутира млади луѓе и продолжува да произведува значителен дел од своето оружје и муниција, рече Мешал, без да даде детали.

Мешал е еден од шесте лидери на Хамас обвинети од американското Министерство за правда по обвиненија за тероризам за нападот врз Израел на 7 октомври минатата година. Тој рече дека не гледа шанса за мир се додека на власт во Израел е владата на израелскиот премиер Бенјамин Нетанјаху.

-Се додека има (израелска) окупација, регионот е темпирана бомба, рече Мешал.

Кабинетот на израелскиот премиер одби да ги коментира изјавите на Мешал

The post Лидерот во егзил е убеден дека Хамас ќе се крене како феникс од пепелта appeared first on Република.

Израелската војска нападнала, како што ги нарече, два командни центри на Хамас - едниот во поранешно училиште, а другиот во поранешна џамија, јавува ДПА.

Двата објекта се лоцирани во областа Деир ал Балах, во централна Газа, соопштија израелските одбранбени сили (ИДФ).

Арапските медиуми јавуваат за 24 загинати и десетици повредени во оваа област. Ниту арапските извештаи ниту изјавите на ИДФ не може да се проверат од независни извори, додава германската агенција.

ИДФ соопшти дека командните и контролните центри „се користеле од терористите на Хамас за планирање и извршување терористички напади против трупите на ИДФ и државата Израел“. Од ИДФ додаваат дека биле потребни „бројни чекори“ за да се ублажи штетата врз цивилите.

Ова е уште еден пример за тоа како Хамас ја користи цивилната инфраструктура, во спротивност со меѓународното право, велат од израелската војска.

The post Израелската војска нападна училиште и џамија во Газа, тврдат дека биле центри на Хамас appeared first on Република.

Палестинската вооружена група Хамас денеска ја потврди смртта на уште еден нејзин командир во Либан.

Саид Аталах Али, еден од лидерите на Бригадите „Изедин ал Касам“ – военото крило на Хамас, е убиен во израелски напад врз бегалскиот камп Бедави, на околу пет километри северно од пристанишниот град Триполи, во Северен Либан, соопшти Хамас.

Либанската новинска агенција ННА објави дека сопругата и двете деца на Али исто така загинале во нападот.

Претходно, либански безбедносни извори информираа дека беспилотно летало погодило стан во палестински бегалски камп во близина на Триполи.

The post Хамас ја потврди смртта на свој командант при израелски напад во Северен Либан appeared first on Република.