Европол потврди дека е хакиран и го истражува инцидентот откако група хакери се заканија дека  украле вредни доверливи податоци од истрагите и сега ги продадат.

Хакирана е таканаречената Платформата за експерти на Европол (ЕПЕ) што ја користат експертите за спроведување на законот за „споделување информации, знаење, најдобри практики и податоци за криминалот“.

„Европол е свесен за инцидентот и ја проценува ситуацијата. Првичните дејствија се веќе преземени. Инцидентот се однесува на затворената група корисници на Платформата за експерти на Европол (ЕПЕ)“, изјавија од Европол за BleepingComputer, порталот кој прв ја објави оваа вест.

Европол додава дека ЕПЕ не обработува никакви оперативни информации, дека не влијае на основните системи на Европол и затоа ниту еден податок не е загрозен.

Податоците од Европол, агенцијата за спроведување на законот на Европската унија, беа објавени минатата година во септември. За ова тогаш пишуваше Политико, наведувајќи дека исчезнале досиејата на неколку членови на персоналот на Европол.

Веб-страницата на ЕПЕ се уште не е достапна, а има само порака дека „одржувањето е во тек“.

Наводниот напаѓач е ИнтелБрокер, хакерска група која тврди дека украла високо доверливи податоци од Европол. Тие, исто така, тврдат дека добиле пристап до EC3 SPACE (Безбедносна платформа за акредитирани експерти за компјутерски криминал), една од заедниците на порталот EПE што содржи стотици материјали поврзани со сајбер криминал и ја користат повеќе од 6.000 сертифицирани експерти за компјутерски криминал од целиот свет.

ИнтелБрокер тврди дека успеал да ја компромитира платформата СИРИУС, која ја користат судските и органите за спроведување на законот од 47 земји, вклучително и земјите-членки на ЕУ, Велика Британија и земји кои имаат договор за соработка со Европравда и Канцеларијата на Европското јавно обвинителство (ЕППО).

„Цена: Испратете понуди. Само XMR. Испратете ми порака на форумот. Потребен е доказ за средствата. Продажба само на реномирани членови“, гласеше објавата на ИнтелБрокер на хакерски форум.

The post Хакиран Европол, напаѓачот објави дека продава доверливи податоци appeared first on Република.

Официјалната Фејсбук страница на Универзитет „Св. Кирил и Методиј“ во Скопје е најверојатно хакирана веќе еден месец, но по се изгледа админот не е запознаен со проблемот.

Како што може да се забележи во објавите кои се споделуваат на оваа Фејсбук страница, тие не се од информативен карактер, туку станува збор за кинески видеа кои предизвикаа исмејување и револт кај студентите поради несериозноста за објавените содржини.

Дали е ова нормално со последните десетина постови на пејџот на УКИМ? Знаат ли админите дека им е хакиран? – стои во еден од коментарите.

Последната објава на страницата, а која е поврзана со дејностите на универзитетот е од 3 јуни, а тогаш најверојатно се случил хакерскиот напад и во континуитет се споделуваат видеа, за кои претпоставуваме дека се снимени во Кина.

Во нив може да се погледне, како можете да истрижете овца, девојка која лепи плочки, како и совети кои може да ви помогнат во домаќинството.

Засега нема реакција од страна на УКИМ, а се очекува да се види дали ќе успеат админите да ја повратат страната.

The post Хакиран фејсбукот на УКИМ, се споделуваат кинески видеа кои предизвикаа исмејување и револт кај студентите appeared first on Република.