Менаџерот на Ливерпул, Арне Слот одржа прес-конференција пред натпреварот против Саутемптон во недела на 24 ноември. Холандскиот стручњак, кој ужива во одличен старт на чело на „црвените“, го прокоментира и новиот договор на својот колега, Пеп Гвардиола.

-Тоа се добри вести за Сити и лигата бидејќи сите ги сакаат најдобрите тренери и играчи овде. Тој дефинитивно е еден од најдобрите, ако не и најдобар. Погледнете само што постигна во последните години, четири години по ред шампиони, така да можеме да кажеме дека е најдобар. Имаат толку многу квалитетни играчи, па ако Пеп донесеше одлука да си замине, тешко дека ќе го видиме тимот на дното следната сезона од најдобрите менаџери, изјави Слот.

Арне Слот и Пеп Гвардиола допрва треба да се сретнат во директен натпревар, а тоа ќе се случи многу брзо кога Манчестер Сити ќе гостува кај Ливерпул на 1 декември.

Инаку, двата тима ги заземаат првите места во Премиер лигата, а на врвот се пулените на Слот со 28 бодови, додека „граѓаните“ се втори со 5 бода помалку.

The post Новиот тренер на Ливерпул го испофали Гвардиола appeared first on Република.

Менаџерот на Манчестер сити, Јосеп Гвардиола е задоволен од самодовербата што им ја влеал неговите фудбалери.

„Граѓаните“ синоќа го победија Копенхаген со 3-1 и се пласираа во четвртфиналето на Лигата на шампионите.

- Се пласиравме во следната рунда што е најважно. Беше тешко да се создадат многу шанси за гол бидејќи противникот беше доста организиран во одбраната. Ние сме тим кој секогаш верува дека може да победи. Пред да дојдам во клубот тоа не беше случај. Луѓето сега не почитуваат затоа што играме отворено. Раководството ми даде време и процесот дава резултати, изјави Гвардиола.

Шпанецот како голем успех го цени континуитетот во елитното фудбалско натпреварување.

- Ние се натпреваруваме со тимови како Реал Мадрид и Баерн Минхен. Не знаеме кој ќе биде нашиот следен противник, но радува фактот што седма година по ред сме во четвртфиналето на турнирот, додаде предводникот на Сити.

The post Гвардиола: Сити под мое водство научи да победува appeared first on Република.