„Портретот на госпоѓица Лизер“, сликан, но недовршен од австрискиот сликар Густав Климт, вчера е продаден на наддавање во Виена, за 30 милиони евра.

Климт не го завршил своето дело бидејќи починал. Само една година пред неговата смрт во 1918 година, богатиот еврејски индустријалец Адолф Лизер го нарачал овој портрет. Долго време се мислеше дека ова дело е изгубено, но всушност со десетлетија било изложено во приватна вила во близина на Виена, објави порталот „Еуроњуз Србија“.

Долго време се разговарало и за тоа која е всушност жената на сликата и што се случило со сликата за време на нацистичкиот период, па мислењата и претпоставките посочуваат дека таа е една од ќерките на Адолф или неговиот брат Јустус Лизер.

Во јануари годинава, аукциската куќа „Им Кински“ го изложи „Портретот на госпоѓица Лизер“ со проценета вредност од 30 до 50 милиони евра.

The post Недовршен портрет од Густав Климт, продаден за 30 милиони евра appeared first on Република.

Слика на австрискиот уметник Густав Климт, за која се верувало дека била изгубена 100 години, е пронајдена во Виена.

Портретот на Фраулеин Лизер некогаш припаѓал на еврејско семејство во Австрија и последен пат бил виден во јавноста во 1925 година. Нејзината судбина потоа е нејасна, но семејството на сегашните сопственици ја има сликата од 1960-тите, пишува „Би-би-си“.

Аукциската куќа „im Kinsky“ ја проценува вредноста на сликата на повеќе од 54 милиони долари (42 милиони фунти).

Портретот сега ќе биде ставен на аукција на 24 април во име на сопствениците и правните наследници на семејството Лизер.

Пред аукцијата, сликата ќе биде претставена на различни меѓународни локации, вклучувајќи ги Велика Британија, Швајцарија, Германија и Хонг Конг, соопшти аукциската куќа.

Портретот некогаш му припаѓал на семејството Лизер, кои биле богати еврејски индустријалци во Виена.

The post Пронајдена слика на Густав Климт по речиси 100 години appeared first on Република.