Гугл треба да го раздели својот бизнис за компанијата да не функционира како монополист кој ја потиснува конкуренцијата преку својот пребарувач, бараат американските регулатори.

Во 23-страничен документ приложен до судот синоќа, Министерството за правда на САД инсистира Гугл да го продаде пребарувачот Chrome и да ги симне ограничувањата во својот оперативен систем Android за паметни телефони за во него да можат да работат пребарувачи од други компании.

Препораките ја демонстрираат принципиелната позиција на администрацијата на претседателот Џо Бајден по одлуката на окружниот судија Амит Мехта во август да го прогласи Гугл за монопол.

Новата администрација која ќе дојде на власт по инаугурацијата на избраниот претседател Доналд Трамп, се очекува да заземе помека позиција, сметаат набљудувачите.

Сослушувања во судот во Вашингтон за мерки против Гугл се закажани за во април, а конечната одлука судијата Мехта планира да ја донесе на почетокот на септември 2025 година. Доколку судот се согласи со предлозите на Министерството за правда, Гугл речиси сигурно ќе ја обжали оваа одлука, што може дополнително да го продолжи судскиот процес, кој трае повеќе од четири години.

Покрај продажбата на Chrome и ограничувањата за Android, регулаторите, исто така, предлагаат компанијата да биде обврзана податоците од пребарувањата на корисниците да ги споделува со конкурентите, за тие да имаат шанси да се справат со доминантната позиција на Гугл.

-Однесувањето на Гугл доведе до нерамноправни услови за водење бизнис, а неговиот квалитет е резултат на незаконски стекнати предности, се наведува во препораките на Министерството за правда.

Се додава дека „преземените мерки треба да го елиминираат овој дисбаланс и да го лишат Гугл од овие предности“.

Трамп претходно изрази загриженост дека поделбата на компанијата може да го уништи Гугл, но не прецизираше алтернативни мерки за казна на компанијата.

-Не е нужно да се подели компанијата за да биде пофер, изјави тој во октомври.

Поранешниот конгресмен Мет Гец, кој од Трамп е предложен на функцијата главен обвинител на САД, ги поддржуваше идеите за разделба на бизнисот на големите технолошки корпорации. Сепак, тој се соочува со предизвици да биде потврден на оваа позиција.

The post Министерството за правда на САД бара од Гугл да го раздели својот бизнис appeared first on Република.

„Гугл“ треба да плати сума од 20.000.000.000.000.000.000.000.000.000.000.000 долари поради забраната на руските државни медиуми на Јутјуб, одлучи рускиот суд.

Иако „Гугл“ е најбогатата компанија во светот, оваа сума е значително повисока од нејзината вредност од два трилиони долари.

Всушност, таа е поголемa од целиот светски бруто домашен производ, кој Меѓународниот монетарен фонд го проценува на 110 трилиони долари.

Казната стана толку голема затоа што се удвојува секој ден на неплаќање, објави државната новинска агенција „ТАСС“.

Не можам ни да ја изговорам оваа бројка, но апелирам менаџментот на „Гугл“ да внимава, изјави портпаролот на Кремљ, Дмитриј Песков, пренесе „ТАСС“.

Компанијата сè уште не ја коментирала казната ниту одговорила на прашањата на Би-Би-Си.

Казната која му е изречена на Гугл се однесува на забраната за објавување содржини за 17 руски медиуми на Јутјуб, објави руски РБЦ.

Забраната беше воведена во 2020 година, а потоа се прошири кога почна војната со Украина во 2022 година.

Оттогаш, повеќето американски компании се повлекоа од Русија, додека бизнисот во оваа земја е строго ограничен со санкции.

Руските медиуми се забранети и во Европа, поради што Русија воведе контрамерки.

Казната што ја доби Гугл е продолжение на повеќегодишниот конфликт меѓу Русија и американската компанија.

Роскомнадзор, руското регулаторно тело за медиуми, го обвини Гугл во мај 2021 година за ограничување на пристапот до руските медиуми, вклучувајќи ги Спутник и РТ.

The post Руски суд одлучи: Гугл треба да плати 20.000.000.000.000.000.000.000.000.000.000.000 долари appeared first on Република.

Инфлуенсерот Валерио објави еден експеримент на Инстаграм и ТикТок. Имено, тој истражувал дали „Google“ ги слуша корисниците преку микрофонот на мобилните телефони, лаптопите и компјутерите. На почетокот на видеото тој најавува дека ќе зборува за играчки за кучиња, но не го изговорува тоа на глас. Додека ја истражувал темата на интернет, тој не пронашол ниту една реклама или линк поврзан со играчки за кучиња.

Откако ги затворил сите пребарувачи, Валерио почнал да зборува сам со себе за играчки за кучиња, вклучително и каде да ги купи и каква храна би зел за своето куче кое всушност го нема. Кога повторно го отворил пребарувачот и по случаен избор отишол на страницата на „Daily Mail“, бил изненаден кога забележал дека на десната страна од екранот се појавуваат реклами за играчки и храна за кучиња.

https://www.tiktok.com/@learnwithvalerio/video/7331894113530301729?is_from_webapp=1&sender_device=pc&web_id=7410829752921998853

На ТикТок видеото има речиси 6 милиони прегледи и над 400 илјади лајкови.

Софтверот за маркетинг на американската компанија за дигитален маркетинг, наводно користен од Google, Meta и Amazon, незаконски собира и анализира снимени гласови од паметните телефони, телевизори и други уреди на потрошувачите.

Cox Media Group, голема американска компанија за дигитален маркетинг, неодамна беше во центарот на вниманието поради својата контроверзна практика „Активно слушање“. Услугата, за која Cox тврди дека ја користат Google, Meta и Amazon, користи вештачка интелигенција за собирање и анализа на гласовните податоци од паметните телефони, телевизори и други уреди на потрошувачите.

Можно прекршување на законот

Несомнено, можни се прекршувања на законите за прислушување доколку разговорите се снимаат без изречна согласност. Повеќето американски држави имаат некаква форма на закон за прислушување што ја ограничува можноста за снимање на лице без нивно експлицитно знаење. На пример, законот во Калифорнија бара согласност од двете страни за снимање разговори.

Маркетиншките материјали на CMG, кои беа откриени од 404 Media и оттогаш беа отстранети од нивната веб-страница, тврдеа дека технологијата може да открие релевантни разговори и да им обезбеди на огласувачите податоци за поефективно таргетирање на потрошувачите. На пример, дискусиите за потребата од нов автомобил или незадоволството од услугата може да предизвикаат прикажување на поврзани реклами.

Корисниците наводно „се согласуваат“ преку TOS

Реакциите во јавноста се секако негативни. Компанијата појасни дека не ги слуша директно разговорите, туку се потпира на збирни, анонимизирани и шифрирани податоци од трети страни за да сервира реклами. Овие податоци наводно се собираат според условите за користење на различни апликации и уреди, со кои корисниците наводно се согласуваат кога ги преземаат или ажурираат тие апликации. CMG се брани дека согласноста обично се добива преку кориснички договори, иако јасноста и транспарентноста на таквата согласност се сомнителни. Terms of service (TOS) се правни договори помеѓу давателот на услугата и лицето кое сака да ја користи таа услуга, но тие секогаш се недоволно јасни за правата на корисникот. Покрај тоа, во многу случаи, корисниците не ги читаат кога ќе почнат да ја користат апликацијата.

Google ја отстрани, Meta преиспитува, Amazon демантираше

Контроверзноста влијаеше и на односите на CMG со големите технолошки компании. Откако 404 Media го контактираше Google за партнерството со CMG, Google ја отстрани CMG од својата програма за партнери за рекламирање. Meta, матичната компанија на Facebook, исто така, рече дека ја ревидира својата врска со CMG за да обезбеди усогласеност со нејзините услови за користење. Amazon, од друга страна, негираше каква било вмешаност во програмата на CMG.

The post Дали „Google“ нè слуша? Зборувате за нешто, па ви се појавува реклама за истото на вашиот мобилен телефон appeared first on Република.

Британски „Телеграф“, повикувајќи се на судски документи, пишува дека руските власти заплениле повеќе од 100 милиони долари од сметките на Гугл во руските банки и ги инвестирале во медиуми кои ја поддржуваат војната во Украина.

Според документите доставени од Гугл до американскиот суд, руските извршители ги конфискувале тие средства во 2022 година и на тој начин ја турнале руската филијала на компанијата во банкрот.

Според судските документи, поверениците им ги предале средствата на руските ТВ канали, вклучително и државната РТ и Тсарград ТВ, која ветила дека ќе ги искористи средствата за поддршка на војната, пишува британскиот весник.

The post Британски „Телеграф“: Руските власти заплениле повеќе од 100 милиони долари од „Гугл“ appeared first on Република.

Започна судската разрешница на еден од најинтригантните случаи во Хрватска

„Јас не сум виновен“, рече на почетокот на судењето Дамир Келеминчиќ (65), обвинет за убиство на својата сосетка Славојка Сенишин (76) во 2011 година, на подмолен начин и од личен интерес. Според обвинението, Келеминчиќ ја убил својата сосетка за да добие пристап до нејзиниот стан.

Според обвинението, Келеминчиќ ја убил својата сосетка на крајот на 2011 година, а потоа нејзиното тело го фрлил во бунар во близина на неговата куќа во Пречно.Телото било откриено со помош на гугл стрит вју апликацијата.

The post Дамир ја убил сосетката за да и го земе станот, телото 11 години го криел во бунар appeared first on Република.

Кражбата на мобилни телефони e голем проблем, пa затоа „Гугл“ најави нови функции против насилно одземање уреди и за заштита на корисниците на „Андроид“ оперативните мобилни системи.

Некои од новите функции доаѓаат уште оваа година преку ажурирањата на „Андроид 10“ и подоцнежните системи, а дел ќе се добијат во склоп со „Андроид 15“. Со новостите, како заштитата од фабрички ресетирања, на крадците ќе им биде потешко да го ресетираат украдениот уред за да го продадат. Ако крадецот насилно ресетира украден уред, нема да може да го ресетира без да ги знае неговите спецификации. Тоа практично ги сведува можностите за препродажба - скоро на нула.

Кога станува збор за извлекување вредни податоци, „Гугл“ подготвува нова опција, исто така - за „Андроид 15“, која овозможува создавање личен простор во мобилниот телефон каде што може да се сокрие ПИН-кодот - за заклучување апликации со чувствителни податоци.

Некои подобрувања за заштитата на идентитетот ќе пристигнат на некои уреди уште годинава.

„Тефт детекшн лок“ користи ВИ за да го препознае наглото одземање на паметниот телефон од раката на корисникот и бегањето потоа... При такви движења, екранот на украдениот телефон сам се заклучува. Ако крадецот подолго време се обидува да го исклучи паметниот телефон - со премногу неуспешни обиди за идентификација, функцијата „Офлајн девајс лок“ автоматски ќе го заклучи екранот за да ги заштити податоците.

Ако мобилниот телефон е украден, сопственикот ќе може да го заклучи и само користејќи го својот број преку друг телефон. Сите овие новости ќе пристигнат подоцна оваа година на сите досегашни уреди со „Андроид 10“ и подоцнежни оперативни системи.

https://www.youtube.com/watch?v=fCOtJl7SVwE&embeds_referring_euri=https%3A%2F%2Fmia.mk%2F&source_ve_path=MjM4NTE&feature=emb_title

The post За да се оневозможи крадењето телефони: Новости на „Гугл“ за „Андроид“ appeared first on Република.

Технолошките гиганти Мета и Гугл се обвинети во извештајот на две меѓународни невладини организации за задржување информации за абортусот и грижата за репродуктивното здравје низ Африка, Латинска Америка и Азија.

Во извештајот на меѓународната организација МСИ Репродуктивни избори и Центарот за борба против дигитална омраза се наведува дека платформите го ограничуваат рекламирањето на локалните центри за абортус, ги бришат објавите за контрацепција и не успеваат да ги спречат дезинформациите на социјалните мрежи.

МСИ, која обезбедува услуги за абортус и контрацепција во 37 земји, соопшти дека Мета ги одбила или избришала своите реклами со информации за сексуално здравје, вклучително и совети за рак, пишува Гардијан.

Фразите како што се „опции за бременост“ се означени како прекршување на упатствата за заедницата на Гугл, тврди огранокот на МСИ во Гана.

Тимот на МСИ во Виетнам соопшти дека рекламите што промовираат информации за спиралата и другите контрацептивни методи се отстранети од Фејсбук.

Глобалниот маркетинг менаџер во МСИ Витни Чиногвења рече дека многу жени во Африка добиваат информации за репродуктивното здравје на Фејсбук и дека организацијата има потешкотии да им обезбеди веродостојни информации.

„Покриваме сè, од менопауза до менструација, но откриваме дека целата наша содржина е цензурирана“, рече Чиногвења, додавајќи дека Мета не прави доволно за да се бори против дезинформациите за абортусот.

Таа рече дека Мета ја гледа содржината за репродуктивно здравје преку „американски објектив“, применувајќи ги социјално конзервативните американски вредности на објави во земји со прогресивна политика како Јужна Африка, каде што абортусот на барање е легален во првите 20 недели од бременоста

The post Мета и Гугл обвинети за ограничување на информациите за репродуктивното здравје appeared first on Република.

Технолошките гиганти Мета и Гугл се обвинети во извештајот на две меѓународни невладини организации за задржување информации за абортусот и грижата за репродуктивното здравје низ Африка, Латинска Америка и Азија.

Во извештајот на меѓународната организација МСИ Репродуктивни избори и Центарот за борба против дигитална омраза се наведува дека платформите го ограничуваат рекламирањето на локалните центри за абортус, ги бришат објавите за контрацепција и не успеваат да ги спречат дезинформациите на социјалните мрежи.

МСИ, која обезбедува услуги за абортус и контрацепција во 37 земји, соопшти дека Мета ги одбила или избришала своите реклами со информации за сексуално здравје, вклучително и совети за рак, пишува Гардијан.

Фразите како што се „опции за бременост“ се означени како прекршување на упатствата за заедницата на Гугл, тврди огранокот на МСИ во Гана.

Тимот на МСИ во Виетнам соопшти дека рекламите што промовираат информации за спиралата и другите контрацептивни методи се отстранети од Фејсбук.

Глобалниот маркетинг менаџер во МСИ Витни Чиногвења рече дека многу жени во Африка добиваат информации за репродуктивното здравје на Фејсбук и дека организацијата има потешкотии да им обезбеди веродостојни информации.

„Покриваме сè, од менопауза до менструација, но откриваме дека целата наша содржина е цензурирана“, рече Чиногвења, додавајќи дека Мета не прави доволно за да се бори против дезинформациите за абортусот.

Таа рече дека Мета ја гледа содржината за репродуктивно здравје преку „американски објектив“, применувајќи ги социјално конзервативните американски вредности на објави во земји со прогресивна политика како Јужна Африка, каде што абортусот на барање е легален во првите 20 недели од бременоста.

The post Мета и Гугл обвинети за ограничување на информациите за репродуктивното здравје appeared first on Република.

Гугл наскоро ќе започне кампања против дезинформациите во пет земји-членки на Европската унија, изјавија од компанијата во пресрет на европските избори и новите и построги правила за онлајн содржините.

Граѓаните на ЕУ во јуни ќе изберат нов Европски парламент, а претставниците стравуваат дека ширењето на дезинформации на Интернет може да влијае на гласачите. Франција, Полска и Германија во понеделникот ја обвинија Русија дека воспоставила разработена мрежа на веб-страници за ширење проруска пропаганда.

Европскиот закон за дигитални услуги, кој стапува на сила оваа недела, ќе бара од главните интернет платформи и пребарувачите да направат повеќе за борба против нелегалната содржина и ризиците за јавната безбедност.

Почнувајќи од оваа пролет, интерната единица на Гугл која се занимава со закани, Јигсау, ќе лансира серија анимирани реклами на платформи како што се ТикТок и Јутјуб во пет земји-членки на ЕУ: Белгија, Франција, Германија, Италија и Полска. Овие реклами ќе бидат преведени на сите 24 службени јазици на Европската Унија.

Од гледачите на рекламата на Јутјуб ќе биде побарано да пополнат краток прашалник со повеќекратни одговори, осмислен да процени што сте научиле за дезинформациите. „Пребункинг е единствената техника, барем според тоа што сум видела, која работи подеднакво ефикасно низ политичкиот спектар“, рече Бет Голдберг, шеф на истражување во интерната единица на Гугл.

„Други мерки за контрола на дезинформациите, како што е проверката на фактите, може да придонесат за поларизација бидејќи тие доаѓаат откако информацијата веќе се прошири“, додаде Голдберг.

Истрагата на ЕЕАС (Службата за надворешно дејствување на Европската унија) во јануари откри 750 инциденти со грешни информации кои намерно ги ширеле странски актери, од кои многумина ја поддржувале руската инвазија на Украина.

The post Гугл почнува кампања против дезинформациите во пресрет на европските избори appeared first on Република.

Американските технолошки гиганти „Гугл“ и „Амазон“ во одделни најави соопштија дека ќе отпуштат стотици вработени.

„Гугл“ најави дека ќе отпушти „неколку стотици“ вработени и ќе реорганизира неколку сектори.

Отпуштени од работа ќе бидат вработените во главниот инженерски оддел на „Гугл“, како и во одделенијата кои се вклучени во развојот на гласовниот асистент и развојот на производи како што се паметните телефони Пиксел (Pixel), паметните домашни уреди Нест (Nest) и фитнес нараквиците Фитбит (Fitbit).

Дополнително, ќе бидат отпуштени „мнозинството“ вработени во одделот специјализиран за развој во областа на проширена реалност, се додава во соопштението на „Гугл“.

„Амазон“, како и „Гугл“, најави отпуштање од работа на „стотици вработени“, пред се во сервисот за стриминг „Твич“ (Twitch) и „Прајм Видео“ (Prime Video), како и во филмското студио „Метро Голдвин Мајер“, кое „Амазон“ го купи во 2021 година, пренесува Си-Ен-Ен.

Само „Твич“ отпушта 500 работници или 35 отсто од целата работна сила.

Во 2023 година, компанијата „Алфабет“ (Alphabet), сопственик на „Гугл“, отпушти 12.000 вработени, а „Aмазон“ отпушти 27.000 работници.

Технолошките компании ширум светот минатата година отпуштија повеќе од 260.000 вработени поради падот на приходите.

The post „Гугл“ и „Амазон“ ќе отпуштат стотици вработени appeared first on Република.

Канадските печатени медиуми ќе добијат речиси две третини од финансискиот надомест што неодамна им го вети мултинационалната компанија „Гугл“ на медиумите во замена за дистрибуција на нивната содржина.

Кон крајот на ноември, по неколкумесечни преговори, официјална Отава и калифорнискиот гигант објавија „историски“ договор според кој „Гугл“ ќе им плаќа на канадските медиумски компании 100 милиони долари годишно како компензација за изгубените приходи од реклами.

Уделот што ќе го добијат телевизиските и радио станиците е ограничен на 30 отсто, оној на CBC/RadioCanada (канадската јавна радиодифузна група) на 7 отсто, оставајќи ги преостанатите 63 отсто за печатените медиуми“, објасни федерален функционер.

Тој додаде дека најголемиот дел од средствата ќе бидат наменети за печатените медиуми, кои се „навистина зависни“ од онлајн платформите за дистрибуција на нивната содржина.

The post Канадските весници ќе добијат две третини од парите што им ги вети „Гугл“ како компензација за изгубените реклами appeared first on Република.

Технолошкиот гигант Гугл објави преглед на најчесто поставуваните прашања за 2023 година во својата редовна функција „Година во потрага“, истакнувајќи ги незаборавните моменти од поп културата, загубата на омилените познати личности и трагичните вести со светски последици.

Во доменот на вести, најголемо пребарување има за тековната војна меѓу Израел и Хамас, според глобалните податоци на Гугл, потоа турата со малата подморница на Титаник што се распадна во јуни, како и за разорните земјотреси во Сирија и Турција во февруари.

Личноста за која најмногу пребарувале корисниците на Гугл оваа година е играчот на Бафало Билс, Дамар Хамлин, кој доживеа срцев удар на теренот за време на натпревар во јануари.

Следен е актерот Џереми Ренер, кој преживеа тешка несреќа со чистач на снег на почетокот на 2023 година. Актерот Метју Пери и пејачката Тина Тарнер се најпребарувани во однос на починати познати личности.

На полето на забавата, филмот „Барби“ годинава доминира во пребарувањата на Гугл од светот на филмот, а потоа следат „Опенхајмер“ и индискиот трилер Јаван. Симултаното прикажување на филмовите „Барби“ и „Опенхајмер“ во кината во јули, што предизвика голем интерес, создаде културен феномен наречен „Барбихајмер“ со комбинирање на имињата на двата филма.

На телевизија, сериите „The Last of US“, „Wedneseday“ и „Ginny and Georgia“ се првите три за кои корисниците на Гугл беа заинтересирани во 2023 година.

За музика, главното пребарување беше за песната „Идол“ од Јоасоби, потоа следеа „Try That in A Small Town“ на Џејсон Алдин, кој се искачи на топ листите по контроверзите ова лето, и „Bzrp Music Sessions, Vol. 53“ од Шакира и Бизарап.

Интер Мајами, новиот дом на аргентинската суперѕвезда Лионел Меси, се најде на врвот на трендовите на Гугл за спортски тимови.

Во САД, многу корисници ја поминаа 2023 година прашувајќи зошто јајцата, билетите за концертот на Тејлор Свифт и шишињата со сос Срирач се толку скапи. Зборот „ориз“, кој неодамна беше прогласен за збор на годината во Оксфорд, води меѓу прашањата за дефиниција на сленг збор.

Гугл соопшти дека ги собирал податоците за пребарување за 2023 година од 1 јануари до 27 ноември оваа година.

The post Корисниците на Гугл годинава мајмногу се интересирале за филмот Барби и војната меѓу Израел и Хамас appeared first on Република.

„Гугл“ во декември ќе почне со бришење милиони профили на услугите „Г-мејл“, „Драјв“ и „Фото“ што не се користат. Тоа, како дел од безбедносните мерки за заштита на корисниците.

Потфатот има за цел да се справи со ранливоста на неактивните профили, кои може да се потпираат на застарени или повторно употребени лозинки и немаат двофакторна автентикација. „Гугл“ истакнува дека овие занемарени профили се подложни на кибер-напади и злоупотреби на податоците, идентитет, но и можна плодна почва за проток на спам или злонамерна содржина.

Бришењето ќе се сосредоточи на профилите што се неактивни две години. Ова важи само за личните профили на корисници-поединци, а не и за оние на компании, училишта и други институции.

Како да го сочувате својот профил? За да се избегне бришење, корисникот треба да се најавува најмалку еднаш во две години. Покрај тоа, постоечките претплати што се поврзани со сметка на „Гугл“ придонесуваат за одржување на активниот статус на профилот.

Овој проактивен пристап ги охрабрува корисниците и поредовно да ги користат услугите на „Гугл“, спречувајќи или отежнувајќи ги и на овој начин можните злоупотреби.

The post „Гугл“ почнува со бришење мејл-адреси и профили кои не се активни две години appeared first on Република.

Јапонскиот регулатор денеска соопшти дека отворил истрага против Гугл поради сомневање за прекршување на законот за еднаква конкуренција на пазарот на услуги за пребарување на Интернет. Јапонската комисија за фер трговија (JFTC) сака да утврди дали Google го прекршил законот со тоа што отстапил дел од приходите од оперативниот систем Андроид на производителите на мобилни телефони, под услов тие да не инсталираат конкурентни пребарувачи на уредите.

Практиката на Google дека Google Search и Google Chrome „мора“ да бидат во пакет со апликацијата Google Play на мобилните телефони со Android е исто така спорна, се вели во соопштението на JFTC.

„Има сомнеж дека (Гугл) ја исклучува деловната активност на конкурентите и ја ограничува деловната активност на деловните партнери на пазарот на услуги за пребарување со овие процедури“, рече претставникот на регулаторот на прес-конференцијата.

Широката употреба на услугата на Google не е доведена во прашање, но е еднаква конкуренција на пазарот, додаде тој.

„Покренавме истрага со прашањето дали ситуацијата во која на корисниците им е тешко да ги препознаат услугите на другите даватели на пребарувачи, и покрај подобрувањата, е вештачки создадена“, објаснува тој. Јапонската истрага следи по слични одлуки на регулаторите во Европската унија, САД и други земји.

The post Јапонија почна истрага против Гугл appeared first on Република.

Извршниот директор на Мајкрософт, Сатја Надела, изјави дека неправедните тактики што ги користи Гугл довеле до негова доминација како пребарувач, тактика која, пак, го спречува ривалот на Мајкрософт - Бинг.

Надела сведочеше пред судот во Вашингтон во антимонополски процес против матичната компанија на Гугл, Алфабет.

Американското министерство за правда, тврди дека Гугл ја злоупотребил доминацијата на својот сеприсутен пребарувач за да ја задуши конкуренцијата и иновациите на сметка на потрошувачите, обвиненија кои се одраз на сличен случај покренат против Мајкрософт во доцните 1990-ти, пренесува АП.

Надела вели дека доминацијата на Гугл се должи на договорите што го направија стандарден прелистувач на паметните телефони и компјутери и дека корисниците во основа имаат мал избор во префрлањето од стандардните веб-прелистувачи на мобилни телефони и компјутери.

Ние сме една од алтернативите, но не сме стандардните“, изјави тој.

Антимонополската тужба против Гугл на американското Министерство за правда се фокусира на договорите што компанијата ги склучила со Епл и другите производители на уреди за користење на пребарувачот на Гугл.

Во 1990-тите, Мајкрософт се соочи со обвинувања дека го поставил својот софтвер Виндоус за да ги блокира апликациите направени од други технолошки компании, исто како што Гугл сега се соочува со обвинувања дека троши милијарди долари секоја година за да го заклучи својот прелистувач како место за наоѓање онлајн информации за паметни телефони и веб прелистувачи.

До моментот кога Мајкрософт ја почна својата борба да развие сопствен прелистувач, Гугл веќе стана синоним за пребарување на информации на Интернет.

Мајкрософт вложи милијарди долари во обидот да му постави сериозен предизвик на Гугл со својот пребарувач Бинг и во еден момент дури се обиде да го купи Јаху за повеќе од 40 милијарди долари во понудата која беше одбиена, додека Стив Балмер сè уште беше извршен директор на производителот на софтверот.

Надела, кој работеше во Мајкрософт за време на антимонополската пресметка со Министерството за правда во доцните 1990-ти, го наследи Балмер како извршен директор во 2014 година. Тој не успеа да направи значителен напредок во потрагата против Гугл, а Бинг е сè уште втор на пазарот.

The post Мајкрософт на суд се жали поради „нефер тактики“ што ги користи Гугл за да доминира на пазарот appeared first on Република.

Суд во Москва денеска го казни Гугл со три милиони руски рубљи (32.330 долари) затоа што не отстранил „лажни информации“ за руската „специјална воена операција“ во Украина, јави државната новинска агенција ТАСС.

Судија на Московскиот прекршочен суд рече дека судот го прогласил американскиот технолошки гигант за виновен за „извршување административен прекршок според алинеа 2 од член 13.41 од Кодексот за административни прекршоци на Руската Федерација“.

На Гугл му е испратено известување за потребата да се отстранат видеата на Јутјуб кои, меѓу другото, содржеле „лажни информации“ за војната што започна во февруари минатата година.

Гугл престана да продава онлајн рекламирање во Русија во март 2022 година по почетокот на војната, но задржа некои бесплатни услуги.

Во јуни, рускиот суд го казни Гугл со четири милијарди рубљи (43 милиони долари) затоа што не платил претходна казна за наводна злоупотреба на неговата доминантна позиција на пазарот на видео хостинг.

The post Суд во Москва го казни Гугл затоа што не отстранил „лажни информации“ за војната во Украина appeared first on Република.

Системот за предупредување за земјотрес, којшто „Гугл“ го стави на располагање за паметните уреди со оперативен систем „Андроид“, треба да испраќа известувања за корисникот навреме да стигне на безбедно, но тоа не се случило на 6 февруари во Турција. Истражувачите на „Би-би-си“ разговарале со стотици луѓе во три турски градови и откриле дека ниту еден од нив не добил предупредување пред првиот земјотрес, а „ограничен број“ од нив биле известени за вториот.

Мика Берман од „Гугл“ вели дека милиони луѓе во Турција добиле предупредувања за земјотрес, но според наводите, компанијата не сподели податоци што покажуваат широко распространети известувања. Беа прикажани неколку објави од луѓе на социјалните мрежи кои тврдат дека добиле предупредување, но само една објава поврзана со првиот земјотрес.

Берман вели дека „нема дефинитивен одговор“ зошто социјалните мрежи „молчат“ за предупредувањата, но истакна дека природата на земјотресот и доверливоста на пристапот до интернет можат да влијаат на системот.

Системот за предупредување за земјотреси на „Андроид“ користи акцелерометар (сензор за препознавање движења) во телефоните за навреме и целисходно да генерира предупредувања.

Ако вибрираат повеќе телефони во истовреме, „Гугл“ може да ги искористи собраните податоци за предвреме да го пронајде и епицентарот и да ја одреди јачината на земјотресот, а потоа автоматски да испрати предупредување до луѓето кои веројатно ќе почувствуваат дека земјата се тресе. Иако времето од предупредувањето до земјотресот е помалку од минута, технологијата сепак теоретски може да им помогне на луѓето во областите каде што конвенционалните предупредувања не се достапни.

Постои загриженост дека системот откажал за време на земјотресот од 7,8 степени. Некои пак, велат дека дури и да функционирал, тешко е да се каже колку луѓе колку би добиле предупредувања и би биле спасени во таков случај, не сметајќи ги поблагите инциденти. Без повеќе податоци за ова, сепак не е сигурно дека предупредувањата за земјотреси на „Андроид“ се доволно безбедна мерка.

The post „Би-би-си“: Системот за предупредувања на „Гугл“ затаил при земјотресот во Турција appeared first on Република.

„Гугл“ ќе ја заостри својата политика во врска со неактивните „Џи-мејл“ адреси за електронска пошта оваа година. Оние кои сакаат да го задржат својот профил на „Џи-мејл“ (Gmail) ќе мора да влезат во него барем еднаш на секои 24 месеци бидејќи профилот може да биде избришан.

Според „старите правила“ од 2020 година, кога беше укинат бесконечниот простор за „Гугл фотос“, компанијата „Гугл“ ги бришеше податоците зачувани на профилите доколку корисникот не се логирал две години, но од оваа година таквите профили ќе бидат целосно бришени. Новото правило стапува во сила најрано во декември оваа година, па оние кои сакаат да ја задржат својата „Џи-мејл“ адреса, ќе треба треба да се логираат. Според наводите, отстранетите „Џи-мејл“ адреси веќе нема да бидат достапни, како за нивните првични корисници, така и за други, идни зачленети.

Кога новите правила ќе стапат во сила, компанијата ќе почне со бришење профилии коишто „не биле допрени“ во ниту еден миг по создавањето, а исто така има намера да испрати повеќе известувања на адресата во неколкуте месеци пред конечното бришење.

The post „Гугл“ ќе ги брише неактивните „џимејл“ адреси appeared first on Република.

Тринаесетгодишникот кој го изврши масакрот во основното училиште „Владислав Рибникар“ во Белград речиси секојдневно на „Гугл“ пребарувал за најмасовните убиства ширум светот и нивните извршители. Бил воодушевен и од Ел Чапо.

Останавме шокирани кога дознавме што пребарувал секојдневно. Најмасовните убијци ширум светот. Како убивале, што користеле, кои им биле жртви...Често го пребарувал и Ел Чапо и барал нови информации за него, открива за српските медиуми извор близок до истрагата.

Момчето гледало филмови и серии кои ги прикажуваат страдањата на семејствата на убиените.

Она што веќе беше откриено во јавноста е дека го читал и Кривичниот законик на Србија. Така дознал дека со ненавршени 14 години не може кривично да одговара.

https://republika.mk/vesti/balkan/kosta-pred-napadot-go-guglal-krivichniot-zakonik-znael-deka-ne-mozhe-krivichno-da-bide-gonet/

The post Го интересирало патењето на семејствата по масовни убиства – детективите шокирани што гуглал Коста appeared first on Република.

Тринаесетгодишникот кој го изврши масакрот во основното училиште „Владислав Рибникар“ во Белград речиси секојдневно на „Гугл“ пребарувал за најмасовните убиства ширум светот и нивните извршители. Бил воодушевен и од Ел Чапо.

Останавме шокирани кога дознавме што пребарувал секојдневно. Најмасовните убијци ширум светот. Како убивале, што користеле, кои им биле жртви...Често го пребарувал и Ел Чапо и барал нови информации за него, открива за српските медиуми извор близок до истрагата.

Момчето гледало филмови и серии кои ги прикажуваат страдањата на семејствата на убиените.

Она што веќе беше откриено во јавноста е дека го читал и Кривичниот законик на Србија. Така дознал дека со ненавршени 14 години не може кривично да одговара.

https://republika.mk/vesti/balkan/kosta-pred-napadot-go-guglal-krivichniot-zakonik-znael-deka-ne-mozhe-krivichno-da-bide-gonet/

The post Го интересирало патењето на семејствата по масовни убиства – детективите шокирани што гуглал Коста appeared first on Република.