Во Градскиот трговски центар синоќа околу 22 часот, неколку малолетници физички нападнале малолетник од Скопје и агресивно се однесувале кон три малолетнички, исто така, од Скопје, информира МВР.

Според пријавеното, еден од напаѓачите имал и остар предмет, но не го употребил.

Се преземаат мерки за расчистување на случајот.

The post Малолетници нападнале врсници во ГТЦ appeared first on Република.

Поради невнимание во Градскиот трговски центар во Скопје околу 18 часот се запалиле контејнери, а по интервенција на пожарникарите, пожарот е ставен под контрола.

Командирот на скопската Бригада за противпожарна заштита Звонко Томески, за МИА информира, дека повредени нема, а на терен биле испратени четири противпожарни возила, бидејќи пријавата била непрецизна.

Пријавата беше непрецизна од граѓанин што видел, затоа што не знаевме за што станува збор испративме повеќе возила, бидејќи станува збор за прометен објект, изјави Томески.

The post Запалени контејнери направија паника во ГТЦ appeared first on Република.

Поради изведување на водоводен приклучок Ф 80мм. на улица „Боте Боцевски“ бб, утре без вода ќе бидат корисниците на улицата „Боте Боцевски“ и Градскиот трговски центар.

Како што информираат од ЈП „Водовод и канализација“, водоснабдувањето ќе биде прекинато од 08:30 часот до завршување на работите.

The post Без вода утре ГТЦ и улицата „Боте Боцевски“ appeared first on Република.

По вторпат дојава за бомба во Гратскиот трговски центар во Скопје. Посетителите се евакуираат, а полициски тим ќе изврши проверки.

Вчера на удар на лицата кои ги испраќаат заканите беа најмладите, поточно учениците од 38 основни училишта низ главниот град. Дојави имаше и во девет средни училишта.

Веќе петти месец не се знае кој стои позади лажните дојави за бомби.

The post Дојава за бомба во ГТЦ appeared first on Република.

Градскиот трговски центар денес остана без електрична енергија поради неплатен долг кон ЕВН. Од ЕВН за МКД.мк потврдуваат дека како должник ГТЦ е исклучен од мрежата бидејќи има долг кон компанијата за потрошена, а неплатена струја. Наспротив ЕВН, директорот на ГТЦ, Ѓоко Трајчевски вели дека струја во ГТЦ има, и дека прекинот траел само половина час, но не поради долг, туку поради дефект на мрежата кој претходно им бил најавен од ЕВН.

Точно е дека имаше прекин на електрична енергија во период од половина час, но тоа нема никаква врска со долг. Ни беше испратен и мејл од ЕВН со најава дека ќе нема струја поради дефект. ГТЦ на ЕВН му должи само една сметка која е околу 400 илјади денари, но тоа нема никаква врска со денешното исклучување - тврди за МКД.мк Трајчевски.

Но, од ЕВН велат поинаку, односно дека исклучувањето е поради долг за струја, но по постигнат договор електричната енергија е повторно вклучена.

ГТЦ беше исклучен поради доспеан долг, меѓутоа истиот е повторно повторно приклучен по постигнат договор дека долгот ќе биде подмирен - одговорија од ЕВН и додаваат дека се работи за исклучување кое беше најавено за 15 декември за сите должници.

И неколкумина сопственици на дуќани во ГТЦ за МКД.мк потврдија дека се јавиле во ЕВН и добиле одговор дека исклучувањето на струјата е поради неплатен долг.

Претпладнево беше исклучена струјата на „ЖРСМ Транспорт" АД во депото во Лисиче во Скопје и во објектите во Велес, поради долг за електрична енергија кон „ЕВН Македонија“.

Според последните информации, „ЕВН Македонија" побарува од „ЖРСМ Транспорт" над 400 милиони денари за електрична енергија.

Вицепремиерот за економски прашања Фатмир Битиќи, во изјава за медиумите најави дека Железници ќе има струја и повтори дека долгот кон ЕВН за неплатените сметки на одредени државни институции ќе биде подмирен веднаш штом во Собранието ќе помине најавената пренамената на средствата од Буџетот.

Премиерот Димитар Ковачевски денес на прес-конференција изјави дека во Клинички центар нема да биде исклучена струјата.

The post ЕВН поради долг ја исклучи струјата во ГТЦ, директорот вели се работело за дефект appeared first on Република.

Градскиот трговски центар во Скопје од пред еден час остана без струја. Дќанџиите кои ги контактираше „Курир“ се сомневаат дека властите на трговскиот центар не ги подмириле финансиските средства, иако тие уредно месечно си плаќале за струја.

Засега не е познато дали се работи за дефект или пак за исклучување од страна на ЕВН како што денеска истото беше направено со Јавното претпријатие Железници.

The post И ГТЦ остана без струја appeared first on Република.

На локацијата во ГТЦ е отворен нов пункт за потрошувачи на ЕСМ Снабдување со топлина. Пунктот се наоѓа во објектот на дирекцијата на АД ЕСМ, на улицата „11 Октомври“ 9, изјави помошник на директорот за производство од АД ЕСМ, Александра Маројевиќ.

Таа посочи дека новиот пункт за потрошувачи е направен согласно стандардите, а потрошувачите можат да ги платат фактурите за топлинска енергија издадени од ЕСМ СНАБДУВАЊЕ и да склучат на договори, како и да добијат информации во врска со фактурите, начините на плаќање, да поднесат формулар за добивање на е-фактура.

Истите услуги нашите потрошувачи можат да ги добијат и во другите два пункта на ЕСМ СНАБДУВАЊЕ на кои функционираат од 15-ти октомври, едниот лоциран во населбата Тафталиџе и другиот лоциран во населба Аеродром, додаде Маројевиќ.

Работното време на сите три пункта е од понеделник до петок од 07:30 до 19:00 и сабота од 08:00 до 13:00 часот. Пунктот на ЕСМ Снабдување кај Олимписки базен не е повеќе во функција.

Таа информираше дека ЕСМ Снабдување со топлина ги изработи фактурите за топлинска енергија за месец октомври, нивната достава е завршена, а во тек е нивната наплата. Износот на фактурите за топлинска енергија на потрошувачите кои плаќаат на 12 рати е ист со оние за август и септември.

Износот на финансиската поддршка за секој потрошувач од категоријата домаќинства одделно е прикажан во фактурата како поединечна финансиска поддршка за фиксните и варијабилните трошоци. Потрошувачите ги добија фактурите на ист начин како и претходно, односно оние кои ја користеле услугата „е-фактура“ фактурата ја добија во електронска форма на нивната меил адреса, додека останатите потрошувачи ја добија фактурaта во хартиена форма на својата адеса на живеење, додава Маројевиќ.

Таа ги повикува сите потрошувачи кои ја добиваат фактурата во хартиена форма да ја искористат можноста за добивање на е-фактура затоа што, како што вели, е тоа најсигурен, најбрз и најекономичен начин на достава.

Инаку, додава, испораката на топлинска енергија преку системот за централно греење до објектите од почетокот на грејната сезона се одвива непречено.

Во овој момент, како што посочи, нема дефект на централниот систем за греење со кој управува ЕСМ и нема затворен објект за испорака на топлинска енергија по тој основ. Топлинска енергија се испорачува до сите објекти приклучени на системот со кој управува ЕСМ.

Ги повикувам потрошувачите за сите прашања поврзани со нашата дејност и услуги, или пријави на дефекти и рекламации за квалитетот на греењето, како и за достава на формуларот за е-фактура, да се обратат до Центарот за грижа за потрошувачи на телефонските броеви 02 3076 200 и 075 400 100, додава Маројевиќ.

The post Во ГТЦ е отворен нов пункт за потрошувачи на ЕСМ Снабдување со топлина appeared first on Република.

Бебе било киднапирано во Градскиот трговски центар, објави „А1он“. Настанот се случил утрово, околу 11 часот. Бебето било одземено од мајка, која стоела пред маркет во трговскиот. Киднапирањето било пријавено во полиција, потврдуваат и од МВР. Според информации од „А1он“ веднаш бил прегледан видео надзор, по што експресно бил утврден идентитетот на жената која го киднапирала детето. Таа била пронајдена
во Ѓорче Петров.

„Детето и С.С. (жената која го киднапирала) се пронајдени на територија на Ѓорче Петров и С.С. е приведена во полициска станица. Веднаш по добиената пријава преземени се соодветни мерки и активности од страна на полициски службеници и известен е јавен обвинител“, велат од МВР за „А1он“.

Жената која го киднапирала бебето се трансферирала со такси возило. Таа ќе добие кривична пријава.

МВР испрати соопштение за настанот:

Денеска (16.08.2022) полициски службеници од СВР Скопје ја лишија од слобода С.С. од Скопје, набрзо по добиена пријава околу 11.30 часот дека одземала бебе од Ѓ.М., која, според пријавеното, бебето го оставила пред маркет во Градски трговски центар во Скопје. Детето и С.С. се пронајдени на територија на Ѓорче Петров и С.С. е приведена во полициска станица.

Веднаш по добиената пријава преземени се соодветни мерки и активности од страна на полициски службеници и известен е јавен обвинител. Извршен е разговор со сопругот на пријавителката, како и со возачот на такси возилото со кое С.С. заминала кон Ѓорче Петров.

The post Дете киднапирано во ГТЦ, однесено во Ѓорче Петров appeared first on Република.

Габриел Бајрам, синот на починатиот пратеник Амди Бајрам, со полициска придружба бил донесен во станица на распит за кражбата на струја во ГТЦ и копањето на биткоини, дознава МКД.мк. Бајрам неколку пати бил повикуван во полициска станица, му биле испраќани покани, но не се појавувал пред службените лица. По ова по него бил распишан централен распис и на 30 јуни, годинава бил приведен и спроведен во полициска станица на службен разговор.

Ве известуваме дека по насоки и во координација со Основното јавно обвинителство Скопје преземени се повеќе мерки и активности за расчистување на случајот. По неколку неодговарања на покани и непојавување на службен разговор во полициска станица, а по распишан централен распис, полициски службеници од Одделението за криминалистички работи Центар и Бит Пазар при СВР Скопје го лишиле од слобода Г.Б.(40) од Скопје и со него бил извршен разговор во полициска станица, одговорија од МВР за МКД.мк.

The post Габриел Бајрам се криел за кражбата на струја во ГТЦ, го барале со потерница, па со полиција го носеле во станица appeared first on Република.

Финансиските извештаи не ги прикажуваат вистинито и објективно, во сите материјални аспекти, финансиската состојба на Градски трговски центар, Акционерско друштво за издавање на деловен простор под закуп, Скопје на ден 31 декември 2020 година, како и финансиската успешност и паричните текови за годината која завршува со тој датум, во согласност со применливата рамка за известување, се наведува во конечниот ревизорски извештај од извршената ревизија на финансиски извештаи и ревизија на усогласеност за 2020 година на Градски трговски центар Акционерско друштво за издавање на деловен простор под закуп Скопје, објавен од Државниот завод за ревизија.

Постојат недоследности во начинот на спроведување на пописот на средствата и изворите на средствата и отстранувањето на средствата од сметководствената евиденција на расходуваните средства без истите да бидат физички отстранети, се посочува во извештајот и тоа; дел од залихите се застарени; не извршеното запишување на правото на сопственост на земјиштето и на дел од деловниот простор на деловниот објект; не е реално и објективно искажана вредноста во финансиските извештаи на деловниот објект – Градски трговски центар; постои неусогласеност меѓу вредноста на основната главнина евидентирана во трговските книги и запишаниот основачки влог во Централниот регистар на РСМ и во Статутот на друштвото и недоследности при спроведувањето на ЗЈН.

Во периодот на вршење на ревизијата во СВР Скопје е пријавена кражба на електрична енергија поради наводна интернет трговија со крипто валути. Согласно издаденото Соопштение на МВР од 16.11.2021 година, од страна на СВР Скопје е постапено и е утврдено дека: „ не постојат елементи за сторено кривично дело, казниво согласно Кривичниот законик односно не е констатирана кражба на електрична енергија ниту се лоцирани компјутери за копање на крипто валути во просторот на Градскиот трговски центар Скопје, се вели меѓу другото во извештајот од Државниот завод за ревизија.

Во ревизорскиот извештај стои дека финансиските трансакции и информации, рефлектирани во финансиските извештаи на Градски трговски центар, Акционерско друштво за издавање на деловен простор под закуп, Скопје се во согласност со релевантната законска регулатива, упатства и воспоставени политики.

The post Ревизорите не пронајдоа докази дека се копале криптовалути во ГТЦ и се крадела струја appeared first on Република.

Утре на пладне пред Влада Здружението на сопственици на деловен простор во ГТЦ 1973 ќе одржи протест на кој ќе побараат итно решавање на бројните проблеми во Градскиот трговски центар во Скопје и примена на законската регулатива.

Сопствениците на дуќаните во ГТЦ веќе подолго време алармираат на недомаќинското управување на АД ГТЦ, како што велат на штета на нивниот имот и на имотот во сопственост на државата.

Здружението на сопственици на деловен простор во ГТЦ 1973 бараат директни договори за снабдување со лиценциран снабдувач на електрична енергија, заедничко управување од сите сопственици на деловен простор во ГТЦ, договори за парно греење со лиценциран снабдувач, климатизација и греење контролирано од органот за заедничко управување во ГТЦ, договори за водоснабдување со питка вода со лиценциран снабдувач, времено затворените дуќани да плаќаат елементарна такса за одржување и да се исклучат од системот за греење/ладење и климатизација, АД ГТЦ за деловниот простор што го има во сопственост да плаќа исти давачки како што плаќаат сите други сопственици (грееење, ладење, климатизација, електрична енергија, вода,комунален отпад, одржување).

Сите барања се во согласност со постоечката законска регулатива и заклучоците на Републичката комисија за енергетика, Регулаторната комисија за домување и Министерството за транспорт и врски, велат од здружението.

АД Градски трговски центар – Скопје е акционерско друштво регистрирано според Законот за трговски друштва и управува со 600 различни сопственици на деловни простории и повеќе од стотина станбени единици во кулите.

The post Дуќанџиите од ГТЦ утре на протест пред Влада appeared first on Република.

Видео поставено во групата „Миленичиња“ на социјалната мрежа Фејсбук, покажува дека во подземниот паркинг на Градскиот трговски центар – Скопје залутала овца.

Не е познато како ова исплашено животно се нашло во паркингот на ГТЦ, а за случајот информирана е и полицијата.

The post Овца се прошета низ подземниот паркинг во ГТЦ во Скопје appeared first on Република.

Во Градскиот трговски центар вчера започна уривањето на дивиот објект во што се наоѓа од страната на влезот што гледа кон Плоштадот Македонија. Станува збор за објектот што се користеше како „брза храна“.

Според информации на ТВ21, уривањето на објектот без дозвола траело речиси три години, од засега непознати причини.

За предметниот угостителски објект, надлежните органи донеле решение со кое тој е прогласен за дивоградба, додека градежниците истиот морале да го отстранат, но тоа се случува по три години од одлуката.

The post Дивоградбата во ГТЦ се руши три години откако е утврдено дека нема дозвола appeared first on Република.