Група од пет до осум мажи, наводно, групно силувала Британка во хотел на грчкиот остров Родос.

Жената (31) тврди дека таа и нејзините пријатели ги запознале мажите од Белгија во ноќен клуб во приморското одморалиште Фалираки.

Таа рекла дека мажите – на возраст меѓу 30 и 35 години – потоа ја однеле неа и нејзините пријатели во нивната хотелска соба во Фалираки.

Британка и рекла на полицијата во Грција дека имала консензуален секс со еден од мажите на балконот од хотелот и во собата, пишува локалниот весник Димократики.

Таа рече дека во еден момент нејзините пријатели ја напуштиле собата.

Жената тврдела дека група мажи потоа ја нападнале и групно ја силувале.

На полицијата и рекла дека побегнала од хотелот и со такси се вратила до местото каде што престојувала.

Жената го пријавила наводното групно силување во полиција во понеделникот наутро во 7 часот по локално време.

Полицијата во Родос започна истрага и оттогаш уапси четворица Белгијци, на возраст од 31, 31, 32 и 35 години, кои не се именувани.

Британката ги идентификувала сите четворица мажи како нејзини наводни силувачи.

Инспекторите зеле примероци на ДНК од четворицата мажи, додека полицијата продолжува да трага по други осомничени.

The post Група мажи силувале Британка во хотел на Родос appeared first on Република.