Професорката Ана Павловска-Данева за „Пресинг ТВ“ потврдува дека си поднела оставка од местото шеф на делегацијата на Македонија во ГРЕКО. Ова е телот за борба против корупцијата, во Советот на Европа во Стразбур.

Taa вели дека Владата покажува инертност и незаинтересираност за преземање на активности за исполнување на бројните препораки.

Да, оставка поднесов    уште во март оваа година и до сега немам официјална информација за нејзиното усвојување. Сметам дека треба да се даде можност и на други експерти да го дадат својот придонес во остварувањето на препораките на ГРЕКО кои можеби ќе имаат поголем успех во координирањето на активностите на институциите при нивната имплементација. Ги имам предвид, пред се, Јавното обвинителство, Собранието (актуелниот состав) и Генералниот секретаријат на Владата кои, за жал, покажуваат инертност и незаинтересираност за преземање на активности за исполнување на бројните препораки од Четвртиот и Петтиот евалуационен круг на ГРЕКО. Од друга страна, МВР и ДКСК во целиот мој мандатен период го вложуваа својот максимум и постигнаа значајни резултати. Сега започнува нов Шести круг, па сметам дека Владата треба да избере експерт кој е најсоодветен за материјата опфатена со него и чии насоки ќе бидат доследно почитувани-вели Данева за „Пресинг ТВ“.

На нејзино место Владата ја предложи Беса Арифи, член на комисијата за уставни измени и сестра на поранешната градоначалничка на Тетово Теута.

The post Арифи, која ги пишуваше уставните измени ќе се бори против корупцијата во Советот на Европа appeared first on Република.

Групата на земји против корупција на Советот на Европа (ГРЕКО) вториот извештај за оценките за мерките преземени од македонските власти го објави на англиски, на француски јазик и на МК со ѕвездичка. Во објаснувањето на ѕвездичката пишува дека се работи за неофицијален превод, обезбеден од властите на Cеверна Македонија.

Сепак, се работи за објава на официјалниот сајт на Советот на Европа. А и ако е неофицијален преводот, зошто не се кажува дека преводот е на македонски јазик, со објаснување дека е преводот неофицијален, а обезбеден од македонските власти.

Очигледно е дека се работи за некаква нова форма за да се избегнат сите можни непријатности во Стразбур, поврзани со употребата на зборот „македонски јазик“, коментира МКД.мк.

Непријатностите се присутни и во Брисел. Пред само 10 дена преведувач од Македонија добил понуда од ЕУ за превод од „северномакедонски“ јазик.

The post Извештајот за Македонија на ГРЕКО е објавен на англиски, француски и на МК со ѕвездичка appeared first on Република.