По претставниците на македонското малцинство, и Здружението „Омонија“ кое го претставува грчкото малцинство во Албанија, се спротивстави на објавените резултати од Пописот спроведен во 2023 година, а кои Институтот за статистика, ИНСТАТ, ги објави вчера.

Во реакцијата „Омонија“ ги нарекува резултатите неосновани, нереални и неприфатливи во однос на демографијата на грчкото малцинство.

Исто така, во име на Грците во оваа земја, изразуваат загриженост и за бројките за населението, кои се однесуваат за верска припадност, не прифаќајќи го дури ни бројот на православните во земјата.

Конкретно, сакаме да изразиме загриженост во однос на димензијата на сликата на религиозниот состав што ја претстави ИНСТАТ. Бидејќи огромното мнозинство од припадниците на грчкото етничко малцинство припаѓаат на Православната црква, не можеме да не ја осудиме упорноста да се поправи бројната големина за православните, далеку од реалноста и од она што е историски потврдено. Тоа не е добар предзнак за мирен соживот во земјата, ниту пак служи на добриот имиџ што ѝ е потребен – се нагласува во реакцијата.

Според пописната статистика, 23.485 лица се изјасниле дека се Грци, додека вкупниот број православни бил 174.000.

Македонските претставници ги отфрлија пописните резултати, оценувајќи ги манипулација и фалсификат. ИНСТАТ соопшти дека во земјата живеат 2.281 Македонец што ни од далеку не соодветствува со реалната бројка.

The post И Грците се незадоволни од пописот во Албанија appeared first on Република.

Вчера во 11.30 часот на Граничниот премин Табановце, на влез во државата полициски службеници ги привеле К.М.(33) и К.М.(32), двајцата од Грција, поради тоа што агресивно се однесувале кон полициски службеници кои вршеле службени дејствија.

Од МВР известуваат дека тие биле предадени на полициски службеници при СВР Куманово за понатамошна постапка.

The post Приведени агресивни Грци по кавга со полицијата на граница appeared first on Република.

Поскапувањето на цените е најголемиот проблем за Грците, односно 44 од анкетираните во истражувањето на јавното мислење спроведено од агенцијата „Metron Analysis“ за грчката телевизија „Мега“, го избрале како главен проблем во земјата, јави дописничката на МИА од Атина.

Високите цени, заедно со економијата, невработеноста, надворешната политика/војната и политичкиот систем се меѓу главните проблеми за граѓаните во Грција, а над половина од анкетираните, односно 57 отсто сметаат дека земјата оди во погрешна насока.

На политичката сцена, Нова демократија и во убедливо водство со 30,5 отсто, ПАСОК и на оваа анкета е втора политичка сила во Грција, со 12,2 проценти, СИРИЗА паѓа на третата позиција со 10,2 отсто, а со само еден процент помалку, зад неа е Комунистичката партија.

Во однос на тоа кој е најсоодветен за премиер, актуелниот претседател на Владата на Грција, Кирјакос Мицотакис добива 41 отсто, а 31 процент од анкетираните одговориле „никој“ од понудените лидери на политичките партии.

Истражувањето на јавното мислење на агенцијата „Metron Analysis“ за грчката телевизија „Мега“ било спроведено од 22 до 28 ноември со анкетирани 1.303 лица со право на глас.

The post Поскапувањето на цените најголем проблем за Грците appeared first on Република.

За 85,3 отсто од Грците, поскапувањата на цените предизвикуваат најголема загриженост, а за речиси половина од анкетираните (49,8 отсто) националните прашања односно грчко- турските односи, покажуваат резултатите од истражувањето на јавното мислење спроведено од агенцијата „Marc“ за грчката телевизија „Антена“, јави дописничката на МИА од Атина.

За грчко-турските односи, повеќе од половина анкетирани, односно 56,5 проценти сметаат дека владиниот став во однос на Турција е во правилна насока, 52,1 отсто одговориле дека е сигурно или веројатно можно во текот на летото да има некаков инцидент во Егејското Море, а 45,3 проценти оцениле дека не е многу/воопшто веројатно.

Во однос на сценаријата за предвремени избори во земјата на есен, кои во изминатиот период се сè погласни, речиси седум од десет анкетирани (67,3 отсто) оценуваат дека ќе се одржат на есен, а 46,5 проценти го посакуваат тоа, наспроти 48,1 отсто кои посакуваат изборите да бидат следната година, на крајот од четиригодишниот мандат на Владата.

На политичката сцена, Нова демократија, според резултатите и од оваа анкета има подобар рејтинг од опозициската СИРИЗА со разлика од десет отсто.

Истражувањето на јавното мислење на агенцијата „Marc“ за телевизијата „Антена“ било спроведено од 22 до 25 јуни со вклучени 1.059 лица.

The post Најголема загриженост за Грците – поскапување на цените appeared first on Република.

Шестмина Грци загинале, а уште толку се ранети при бомбардирање во близина на украинскиот град Мариупољ, поради што Грција го повикала рускиот амбасадор во Атина и му врачила протест.

Грците настрадале при бомбардирање на селата Бухас и Сартанa.

Како што соопшти грчкото министерство за надворешни работи, меѓу ранетите имало и едно дете.

Смртта на нашите државјани предизвикува болка и гнев поради тој неприфатлив напад на цивили - изјави грчкиот премиер, Кирјакос Мицотакис.

https://twitter.com/GreeceMFA/status/1497635893691269121?ref_src=twsrc%5Etfw%7Ctwcamp%5Etweetembed%7Ctwterm%5E1497635893691269121%7Ctwgr%5E%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Frusi-krenuli-u-veliku-ofenzivu-tenkovi-kod-harkiva-navodno-su-zauzeli-berdjansk%2F2342749.aspx

The post Шестмина Грци загинале при бомбардирање на две села во Украина appeared first on Република.

Скандалозната уплата на повеќе од 2,5 милиони евра од Министерството за здравство на контото на компанијата „Интраком констракшн – Интракат Грција“, извршена од министерот во заминување Венко Филипче, нема да го спаси проектот „Клиничка болница Штип“, за кој пари обезбеди Европската банка за обнова и развој (ЕБРД), но потоа го раскина договорот со Македонија, објави „Плусинфо“.

Како што пишува порталот, грчката компанија веќе ги „испумпала“ парите од својата македонска подружница, а долго најавуваниот проект и натаму доцни.

https://republika.mk/vesti/makedonija/posledniot-skandal-na-filipche-1-pred-odenje-gi-pochastil-grcite-2-5-milioni-evra/

Како што е познато, Клиничката болница во Штип требаше да биде изградена до 2019 година. Не бидна ништо од тоа ветување. Потоа се рече дека ќе биде готова во 2020 година, а на крајот се тврдеше дека ќе биде изградена во 2021 година. Сега се спомнува дека крајниот рок за завршување на работите е 2022 година. Но, на објектот не се работи ништо што би навестило дека тој ќе биде завршен во блиска иднина.

Празни ветувања, поарчени пари

Во ова време минатата година, провладините медиуми си смислија приказна како да се оправда доцнењето на проектот. Повикувајќи се на извори од грчката компанија, тие објавија дека до блокадата на изградбата дошло поради тоа што фирмата „Бетон Штип во стечај“, до 2018 година подизведувач на работите, води судски спор против изведувачот, со цел да наплати 2 милиони евра ненаплатени побарувања. „Вината“ беше натоварена на грбот на бизнисмените Орце Камчев, Дејан Панделески и Сергеј Самсоненко, кои во обид да ја спасат фирмата „Бетон Штип“, ја блокирале сметката на „Интракат“. Секако, пред една година, секоја приказна во која се спомнуваа „ѓаволските бизнисмени“ палеше во јавноста. Но, по многу скандалозни постапки на владата на „ангелите“ Зоран Заев и Венко Филипче, перцепцијата битно се промени. А последниве настани, ете, го потврдија она што Плусинфо го пишуваше лани во јануари.

Каква врска има судскиот спор меѓу „Бетон Штип“ и грчката компанија „Интракат“ со ветувањата на ведетите на тогашната власт дека штипската болница ќе биде готова додека да кажеш ефхаристо? Ова прашање тогаш го постави Плусинфо. Според тогашните официјални математики, инвеститорот, државата, на изведувачот, грчката компанија „Интраком“, со која од 2015 година има договор за изградба на штипската болница, тогаш требаше да му изброи 42 милиони евра. Остана нејасно како за „Интракат“ не биле проблем тие 42 милиони евра, туку проблем биле баш оние тогашни 2 милиони евра, кои беа предмет на судскиот спор со „Бетон Штип“.

Целиот текст тука

The post Последниот скандал на Филипче (2): Државата им плати на Грците, на македонските фирми драхми ќе им дадат! appeared first on Република.