Европска Унија сè уште не одлучила дали ќе продолжи со етапното воведување на новиот систем за пасошка контрола на надворешните граници, изјави денеска портпаролот на Европската комисија.

Тој истакна, дека на последниот состанок на Советот за внатрешни работи на ЕУ во Луксембург, што се одржи пред еден месец, било утврдено дека е невозможно да се воведе системот. ЕК не добила навремени известувања од сите земји на ЕУ дека се подготвени да работат со системот, како што предвидува законодавството.

Портпаролот на ЕК не прецизираше дали се неопходни законски измени за постепено воведување на новиот систем, ниту во која временска рамка може да се очекува отстранување на досегашните пречки. Пред еден месец Германија, Франција и Холандија не соопштија дека се подготвени за имплементација на системот.

Новиот систем предвидува во иднина проверките на пасошите да се вршат целосно автоматски. На овој начин сите што патуваат низ надворешните граници ќе бидат проверени со споредување на биометриските податоци.

The post ЕУ сè уште не одлучила дали постепено ќе го воведе новиот систем за контрола на надворешните граници appeared first on Република.

Две лица барани од Интерпол вчера биле уапсени на македонските гранични премини.

Во првиот случај, во 12.45 часот на Граничниот премин Јажинце, на влез во државата, полициски службеници го лишиле од слобода З.К.(40) од Косово затоа што при извршена проверка констатирано било дека евидира со мерка „апси“, по барање на Интерпол-Австрија.

З.К. се обидел да избега, но бил спречен од полициски службеници. Тој бил предаден на полициски службеници во СВР Тетово за понатамошна постапка.

Во исто време на Граничниот премин Табановце, на излез од државата, полициски службеници ја лишиле од слобода И.К.(35) од Словачка, затоа што при извршена проверка било констатирано дека била барана од Интерпол–Словачка.

Таа била предадена на полициски службеници во СВР Куманово за понатамошна постапка.

The post Жена барана од Интерпол уапсена на „Табановце“, Косовар се обидел да ѝ избега на полицијата appeared first on Република.

Безживотно тело на двегодишно дете е пронајдено во близина на хрватската граница со Унгарија, а неговиот татко е осомничен за убиство.

Лекарите со тешки повреди го пренеле во болница мажот (37), бидејќи се сомневаат дека се обидел да се самоубие откако го убил детето.

Засега не се познати повеќе детали за злосторството, пренесува „Телеграф“.

The post Двегодишно дете убиено кај хрватската граница со Унгарија, се сомничи таткото appeared first on Република.

Државјаните на Македонија, Босна и Херцеговина, Србија, Албанија, Црна Гора, Косово, Украина и други земји на чии граѓани не им треба виза за влез во Европската Унија, од 10 ноември годинава на границите ќе мора да дадат отпечатоци од четири прсти и фотографија на лицето, во рамки на новиот Систем за влез и излез (ЕЕС).

Според Европската комисија, ова правило не важи за деца помлади од 12 години.

Оваа регулатива ќе се применува на сите земји од ЕУ освен Кипар и Ирска, како и на Исланд, Норвешка и Швајцарија како дел од Шенген зоната.

Државјаните кои за влез во ЕУ требаат виза ќе треба да внесат само фотографија на лицето, бидејќи отпечатоците се веќе регистрирани при поднесување на визата.

Ќе се собираат информации за патната исправа и други лични податоци на патниците, вклучувајќи ги и датумите на влез и излез и електронски ќе бидат регистрирани во системот.

Доколку го надминете дозволениот период во европските земји кои користат EES, системот ќе ве идентификува и ќе ги запише овие податоци. Во случај властите да ви одбијат влез, системот ќе ги евидентира и овие податоци, посочуваат од Европската комисија.

Оттаму појаснуваат дека дозволата за престој во ЕУ, односно во земјите од Шенген, се води како период од 90 дена во кои било 180 дена и се брои како еден период за сите европски земји кои користат ЕЕС.

Тие посочуваат дека европските земји кои користат EES можат да одлучат дополнително да ги автоматизираат нивните процеси. Автоматизацијата значи дека граѓаните кои не се членки на ЕУ можат да имаат корист од наменската опрема - „систем за самопослужување“.

Доколку е достапен на граничниот премин, системот за самопослужување овозможува регистрација при преминување на границата, проверка дали податоците се сè уште евидентирани во EES и дали податоците се присутни, како и нивно поставување за последователна проверка од страна на службеникот за пасошка контрола.

По користењето на системот за самопослужување, можете да отидете на лентата за гранична контрола, каде што службеникот за пасошка контрола веќе ќе ги има добиено информациите од системот за самопослужување (вклучувајќи проверки од други бази на податоци), потврда за вашиот идентитет и преостанатото времетраење на вашиот престој. Службеникот за пасошка контрола потоа може да поставува дополнителни прашања пред да одлучи да одобри или одбие пристап до територијата за која станува збор. Автоматизираните гранични процеси, пред пристигнувањето кај службениците за пасошка контрола, ќе помогнат постепено да се намали времето на чекање. Автоматизацијата ги заменува рачните проверки кои одземаат многу време, според Европската комисија.

За да ги користи услугите на системот за самопослужување на границите, патникот мора да има биометриски пасош кој содржи чип со неговите биометриски податоци собрани од имателот во моментот на поднесување на барањето за пасош.

Доколку немате биометриски пасош, нема да можете да ги користите системите за самопослужување, предупредуваат од Европската комисија.

Меѓутоа, на луѓето кои немаат биометриски пасош нема автоматски да им биде одбиен влез во ЕУ, односно во Шенген зоната.

Во принцип, при преминување на границата ќе се прифаќаат и биометриски и небиометриски пасоши, доколку се валидни и се исполнети сите други услови за влез.

The post Ќе се „гужваме“ по граници: Од 10 ноември при влез во ЕУ ќе се земаат отпечатоци и фотографии appeared first on Република.

Франција ја засили контролата на дел од границата со Германија поради Африканската свинска чума (АСК) што се шири помеѓу дивите свињи во поголемиот дел од Европа.

Зголемениот надзор се воведува поради загриженоста за можното внесување на болеста во Франција, што може да има катастрофални ефекти врз свинската индустрија во земјата и потенцијално да ги наруши синџирите за снабдување со храна.

Вирусот, кој е безопасен за луѓето, но смртоносен за свињите, изминатите години се шири кон Западна Европа, а откриени се случаи и во близина на Франција, Белгија и Италија.

Ширењето на болеста во Германија ја наруши големата свинска индустрија во земјата, а многу прекуокеански земји воведоа забрани.

Од епидемија на АСК изминатите години погодени се и азиските држави, што предизвика големи загуби во бројот на свињи во Кина и во Виетнам.

The post Франција ја засилува контролата на дел од границата со Германија поради Африканската свинска чума appeared first on Република.

Сообраќајот на државните патишта се одвива непречено, по наместа влажни коловози, соопшти утринава АМСМ.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Сообраќајот се одвива непречено, нема задржувања на границите appeared first on Република.

По одличниот прием на „Кон езерото“, овој пат од англиски на македонски јазик, во превод на Бранислав Мирчевски, „Или-Или“ ја објави книгата „Граница“, од Капка Касабова, соопштија од издавачката куќа.

Капка Касабова е повеќежанровска писателка. Нејзини најпознати прозни книги се: „Улица без име“ (2008), „Дванаесет минути љубов“ (2013) и книгите од балканската трилогија „Граница“ (2017) „Кон езерото“ (2020) и „Еликсир“ (2023). Таа е родена во Софија во 1973 година, а на 18-годишна возраст емигрирала со семејството во Нов Зеланд, каде што студирала и ги објавила првите поетски книги на aнглиски јазик. Од 2005 година живее во Шкотска.

За книгата, авторката вели:

Оваа книга ја раскажува приказната за луѓето од последната граница во Европа. Онаму каде што Бугарија, Грција и Турција се доближуваат и оддалечуваат, а границите се токму тоа што се. Тоа е местото каде што Европа почнува, а нешто друго што не е сосем Азија завршува.
Така е географски, но картата ќе те одведе само до одредена точка, a ќе се најдеш во гора од оставината што врие од сенки и живее надвор од времето. Таму завршив и јас. Веројатно сите погранични земји вибрираат со фреквенциите на несвесното; конечно, границите се место каде што материјата се лити. Сепак, оваа погранична област вибрира со еден особенo привлечен тон и е посебна од три причини. Прво, поради незавршените работи од Студената војна; второ, бидејќи оваа област е една од големите дивини на Европа; трето, бидејќи овде се спојуваат континентите уште откако постојат континенти.

[caption id="attachment_814534" align="alignnone" width="476"] Капка Касабова[/caption]

Мојата генерација во Источна Европа созреа со падот на Берлинскиот ѕид. Во сенката на оваа граница поминаа моите детски години во Бугарија, во времето на последната фаза на „социјализмот со човечки лик“, како што гласеше несреќниот слоган од тоа време. Така, беше природно патувањето околу границата целосно да ме обземе. Кога си близу до некаква граница, невозможно е да не бидеш обезмен, да не посакаш да ја преминеш или пречекориш. Со самото тоа што си таму, ја добиваш поканата. Ајде, шепне таа, премини преку линијата. Ако се осмелиш. Преминувањето на линијата, дење или под закрилата на ноќта, е страв и надеж истовремено. Некаде те очекува чамџија чие лице не можеш да го видиш. Луѓе умираат преминувајќи граници, а понекогаш и само кога се на чекор до нив. Оние среќните, пак, одново се раѓаат на другата страна“.

Книгата на Касабова е добитник на многу меѓународни награди и досега преведена на преку 20 јазици. За неа рекоа:

„Оваа книга е извонредно лично истражување на граничната област помеѓу Грција, Бугарија и Турција. Писателката со бугарско потекло разговара со ловци на богатство, ботаничари, бегалци, шверцери - за да објави необични, живописни, трогателни човечки приказни. Таа доаѓа до тоа со поетски сензибилитет и новинарска љубопитност. Прекрасна, блескава комбинација“. New Internationalist

„Ова е прекрасна, лична приказна за граничната зона меѓу Бугарија, Турција и Грција, од времето на Османлиите до заканата од Студената војна и пошироко“. Марк Мазовер

„Касабова е одлична писателка која, ослободена од дискурсивните норми, лесно ги преплетува документарното и лирското, доживеаното и замисленото. Таа отворено и без предрасуди им се препушта на зборовите, средбите, приказните и на сопствените емоции, приемчива за секое искуство. Навистина, одамна немам прочитано книга која толку впечатливо ја опфаќа поетиката на еден простор и толку непретенциозно а животно прикажува една исклучително сложена тема, како што е темата на границата“. Катерина Лукетиќ, Критика

„Ова е тажна приказна раскажана на три јазици, а за да не се повтори, луѓето треба да зборуваат - за минатото, сегашноста и иднината“. БНР

Објавувањето е поддржано од Фондот за централна и источна Европа во Амстердам и Министерството на култура на Македонија.

The post „Или-Или“ ја објави „Граница“ од Капка Касабова appeared first on Република.

Зголемена е фреквенцијата на возила на граничниот премин „Табановце“ за влез во Македонија, покажуваат камерите од српска страна.

И камерите од македонска страна на преминот „Богородица“ потврдуваат дека се долги колоните на возила чија дестинација е Грција.

Од АМСМ рано утрово информираа дека на „Табановце“ за излез и за влез во државава има зголемена фреквенција на возила. Нема информација за тоа колку време се чека на „Табановце“ и „Богородица“. На останатите гранични премини нема подолги задржувања, велат од АМСМ.

The post Непрегледни колони возила на Табановце и Богородица appeared first on Република.

Енормните гужви на граничните премини им создава притисок и на вработените кои мора да бидат сконцентрирани цело време да не направат некоја грешка. Но грешки при брзање се случуваат.

На Фејсбук групата Grcka info, Андреа Петров која влегла во Македонија напиша дека и бил даден пасош на дете кое не е нејзино.

Само што ја поминавме границата, влеговме во Македонија. По грешка ни вратиле туѓ пасош на дете, на име Јован Добричич, 2013 година. Ѕвоневме на преминот, никој не се јави, ве молам ако некој го познава семејството да се јави, се вели во објавата.

Набрзо потоа, откако грешката ја увиделе на граничниот премин им се јавиле и пасошот е вратен на детeто на кое му припаѓа.

The post На македонска граница по грешка и бил даден пасош на туѓо дете appeared first on Република.

Поради зголемена фреквенција на возила, на граничниот премин „Богородица“ за излез од државата се чека околу 45 минути. На останатите гранични премини, од македонска страна, нема подолги задржувања за влез и излез од државата, информира АМСМ.

Интензитетот на сообраќај на патните правци надвор од градските средини е зголемен. Сообраќајот на државните патишта се одвива непречено, по суви коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post На ГП „Богородица“ се чека околу 45 минути appeared first on Република.

Огромни гужви се створиле на граничниот премин Евзони на влезот во Грција, а како што јавуваат туристите оттаму, паднал системот на граница.

Туристите од граничниот премин, јавуваат дека на Евзони се чека по 3,5 часа за излез од Македонија, додека ситуацијата не е подобра ниту на преминот Дојран, каде задржувањето на возила е за саат пократко, некаде околу 2,5 часа.

The post Тотален колапс на Евзони: Падна системот, на колоните не им се гледа крајот appeared first on Република.

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен, информираат од АМСМ.

Се бележи поголем интензитет на сообраќај на граничните премини Богородица и Табановце.
На останатите гранични премини од македонска страна, нема подолги задржувања за влез и излез од
државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Ако патувате, вооружете се со трпение: Гужви на Богородица и Табановце appeared first on Република.

На граничниот премин Богородица се бележи зголемена фреквенција на возила, времето на чекање за излез од земјава е околу 40 минути. На ГП Табановце има зголемена фреквенција на возила за влез во државата, време на чекање околу 30 минути. На останатите гранични премини од македонска страна, нема подолги задржувања за влез и излез од државата.

Како што информира АМСМ, сообраќајот на останатите државни патишта утрово се одвива непречено, по суви коловози со умерен интензитет на патните правци надвор од градските средини.

Од 1 јули до 31 август на државните патишта во земјава се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.

Термините се следни: петок од 17:00 – 22:00 часот, сабота од 09:00 до 18:00 часот и недела од 09:00 до 22:00 часот.

На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали: петок од 15:00 – 22:00 часот, сабота од 07:00 до 12:00 и од 18:00 до 24:00 часот и недела од 07:00 до 22:00 часот.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

The post Гужви и на „Табановце“ и на „Богородица“ appeared first on Република.

Финските власти денеска соопштија дека ќе ги зголемат безбедносните мерки долж затворената граница со Русија како одговор на „миграциските притисоци од Русија“.

Новите мерки ќе вклучуваат зголемување на бројот на гранични патроли, употреба на повеќе дронови и електронски детектори и поставување огради долж одредени делови од границата, пишува „Украинска Правда“.

Се очекува во наредниот период, пред летните одмори, финскиот парламент да одобри нови, построги законски прописи за безбедноста на границата со Русија.

The post Финска најави зголемени безбедносни мерки долж границата со Русија appeared first on Република.

Премиерот на Полска, Доналд Туск денеска изјави дека почна осовременувањето и утврдувањето на источна граница со Белорусија и Русија, за што се наменети 2,3 милијарди евра.

Тој план за одбрана и одвраќање го нарековме „Штит на Истокот“ … кој ќе нè брани од потенцијалните напади од исток, но пред сè ќе има за цел да го одврати непријателот. Системот на утврдувања, зајакнување, модернизирањето на 400 километри од границата со Русија и Белорусија ќе биде фактор на одвраќање, стратегија да се избрка војната од нашата граница, истакна Туск.

Тој најави дека следната недела ќе објави нови мерки за спречување провокации, саботажи и диверзии во рамките на хибридните напади од Русија и од Белорусија.

Зборуваме за потребата да се изгради силна држава, отпорна на саботажи и саботажи. Полска ќе биде отпорна држава и безмилосна до болка кон секој што ќе се обиде да ја дестабилизира ситуацијата во нашата земја, наведе Туск. Претходната влада на конзервативната партија Право и правда на границата подигна ограда висока повеќе од пет метри за да ги запре мигрантите.

Полска без оглед кој е на власт тоа го третира како руски и белоруски хибриден напад и обид за префрлање на десетици илјади бегалци во Полска со цел да се дестабилизира земјата но и другите членки на Европска Унија.

The post Полска ја зајакнува границата кон Русија и Белорусија appeared first on Република.

Финската влада ќе го продолжи затворањето на граничните премини со Русија до понатамошно известување, а на својата листа додаде и неколку пристаништа каде патувањето ќе биде забрането.

На крајот на годината Финска ги затвори копнените граници со Русија поради зголемениот прилив на мигранти, особено од Сирија и Сомалија, обвинувајќи ја Москва дека ја користи миграцијата како средство за притисок врз оваа нордиска земја, што Кремљ го негира.

„Финските власти гледаат на тоа како на долгорочна ситуација. Не видовме ништо оваа пролет што би не навело да заклучиме дека ситуацијата значително се променила“, рече министерката за внатрешни работи Мари Рантанен.

Во февруари владата објави дека границите ќе останат затворени до 14 април.

The post Финска ќе продолжи да ја држи затворена границата со Русија appeared first on Република.

Четири лица, од кои двајца гранични полицајци се приведени во Бугарија поради поткуп и службен криминал во предмет на Окружното обвинителство – Ќустендил, соопшти обвинителството на Бугарија.

На 23.03.2024 година околу 23 часот при гранична контрола на граничниот премин Ѓуешево на границата со Македонија, државјаните на Албанија А.Г. (60) и С.Л. (39) им дале поткуп од 150 евра на двајца службеници од Граничната полиција.

Поткупот имал цел да му дозволи на С.Л. да влезе во Македонија без да биде санкциониран поради подолг престој во Бугарија.

Предложениот поткуп го прифатиле службените лица Г.В. (38) и И.С. (49). Другите двајца ги прекршиле обврските околу редот и организација на граничната проверка.

Со указ на обвинител, четворица се приведени како обвинети, и одредена им е мерка притвор до 72 часот.

The post Со поткуп дозволиле албански државјанин да влезе во Македонија: Уапсени четворица службеници на бугарско-македонската граница appeared first on Република.

Федералната служба за безбедност на Русија денеска соопшти дека по нападот што го извршија синоќа во концертната сала „Крокус сити хол“ во Москва, терористите имале намера да ја преминат границата меѓу Русија и Украина и дека имале контакти на украинска страна.

Истражниот комитет на Русија претходно соопшти дека осомничените за нападот се уапсени недалеку од украинската граница.

Директорот на ФСБ Александар Бортников претходно денеска му пријавил на претседателот на Русија Владимир Путин за апсење на 11 лица, меѓу кои и терористи кои директно учествувале во терористичкиот напад во Москва, јави РИА Новости во соопштението на Кремљ.

The post Терористите имале намара да бегаат кон Украина, објави федералната служба за безбедност на Русија appeared first on Република.

Тунис привремено го затвори својот граничен премин Рас Ајдир со Либија со цел да ја зачува безбедноста на своите граѓани поради вооружените конфликти на либиската страна на преминот.

На видеото кое се појави на социјалните мрежи, на либиската страна на граничниот премин се гледа запалено возило, со звуци на пукотници, како и луѓе кои трчаат, пренесува Ројтерс.

Либиското Министерство за одбрана на 17 март објави дека испратило полициски сили „да се борат против шверцот и да ги стават под контрола безбедносните нарушувања за да се осигура безбедноста и да им се овозможи на преостанатите луѓе од либиската страна да се вратат во Тунис пред да се затвори границата“.

Либија е во расправија од востанието во 2011 година, како и од 2014 година кога беше поделена на источни и западни фракции со ривалските администрации кои управуваат со тие области.

The post Тунис ја затвори границата appeared first on Република.

Полските земјоделци денеска повторно го блокираа најфреквентниот граничен премин меѓу Германија и Полска во близина на градот Франкфурт на Одер, предизвикувајќи долги задржувања на двете страни од границата.

Во Франкфурт и Губен блокирани се граничните премини, а во самиот Франкфурт се формираат големи толпи, соопшти полицијата во Франкфурт на Одра во сојузната покраина Бранденбург.

Според најавите на демонстрантите блокадата ќе трае до среда.

Полските земјоделци со недели протестираат против политиката на ЕУ поврзана со земјоделските субвенции. Една од причините за протестот е увозот на поевтини земјоделски производи од Украина.

А од германска страна, земјоделците со недели протестираат против политиката на германската влада и укинувањето на субвенциите за гориво.

Во неколку наврати поради блокади се случија сообраќајни незгоди. Пред неколку дена земјоделците истуриле ѓубриво на пат во близина на Берлин, по што се случила сообраќајна несреќа со неколку повредени.

The post Полските земјоделци повторно ја блокираа границата кон Германија appeared first on Република.