Протокот на возила на сите гранични премини на Република Македонија со соседните држави се одвива нормално, без застој. Од полноќ возилата се пропуштаат според одредбата од Договорот од Преспа, со која престанаа да важат патните исправи и документи за меѓународна употреба, што го содржат името на државата Република Македонија.

Грчките погранични служби на граничниот премин Богородица-Евзони не им дозволиле влез на патници од нашата држава, кои имале сообраќајни дозволи со старото име на државата. Тие биле вратени, а покрај сообраќајните дозволи детално ги прегледувале и останатите патни исправи. На овој граничен премин до 12 часот поминале околу 300 патници и нема поголеми задржувања за поминување на границата.

Согласно билатералниот протокол со Албанија, сообраќајот се одвива нормално со важечки патни исправи и со возачки дозволи и регистерски таблички без ознаката НМК. Според информации на МИА, граничниот премин Ќафасан, со соседна Албанија, од македонска страна го напуштиле граѓани со стара лична карта без додавката Cеверна и не се вратени, односно се пропуштени и од албанските гранични служби.

На тој граничен премин од полноќ до 10 часот утрово, вкупно 837 патници направиле влез и излез од државата.

На Ќафасан од 00 часот од полноќ до 10 часот денеска, споредбено со вчера сообраќајот на патници и возила бележи благо зголемување, се одвива нормално, непречено и без застој од албанска страна. На влез регистрирани се 62 наши државјани и 441 странски државјани, или вкупно 503 патници. На излез регистрирани се 147 наши и 187 странски државјани или вкупно 334 патници. Полициските службеници од граничен премин Ќафасан ги превземаат сите мерки и активности за полесен проток на патници и возила, изјави за МИА портпаролката Мерлина Зиба.

И на граничните премини „Блато“ и „Џепиште-Требиште“ на македонско - албанската граница кај Дебар нема промени во одвивањето на протокот на патници и возила.

На преминот „Блато“ нормално се одвива сообраќајот и албанските гранични власти ги примаат сите валидни документи, како и досега, согласно со билатералниот протокол. На граничниот премин, Џепиште-Требиште, кој е од локален карактер и имаат право да го користат само жителите од граничниот регион, до 12 часот немаше регистрирано жител за влез на албанска територија.

Фреквенцијата на возила и граѓани за влез и излез во државата и на граничен премин Делчево - Станке Лисичково кон Република Бугарија утрово е во рамки на нормалата. Сите кои заминале надвор од  Македонија имале важечки патни исправи и документи и не е забележан случај на патници кои сакаат да патуваат во соседна Бугарија, без потребната документација.

Дописникот на МИА разговараше со дежурните на граничниот премин Делчево, кои велат дека тие што утрово ја напуштиле државата знаат точно што треба да поседуваат како важечки документ заради што без проблем се одвивала граничната проверка.

Нема пречки и проблеми во меѓународниот сообраќај ниту на граничниот премин Меџитлија.

Од ноќеска на полноќ, или од првата минута од 13 февруари до 10 часот претпладнево, на граничниот премин евидентиравме 21 патник, од нив тројца патници влегоа во нашата држава, а 18 патници отпатуваа во Грција. Во овој период осум возила од Македонија отпатуваа за Грција, а едно возило влезе во нашата држава. Во сите случаи не се евидентирани проблеми со патната и сообраќајната документација, изјави за МИА, Илче Петковски, командир на граничен премин Меџитлија.

На граничниот премин „Табановце“, според МВР, протокот на патници и возила се одвива со видно намален интензитет.

Од 00:00 часот до 07 часот утрово излез извршиле 524 патници, додека влез оствариле 640 патници. Доколку на влез дојде државјанин на РМ со патна исправа без натпис „Cеверна Македонија“ од наша страна лицето ќе се евидентира во систем и ќе му се дозволи влез во РМ, соопшти МВР.

The post На граничните премини денеска само со нови документи, Албанија пушта и со стари лични карти appeared first on Република.

Протокот на возила на сите гранични премини на Република Македонија со соседните држави се одвива нормално, без застој. Од полноќ возилата се пропуштаат според одредбата од Договорот од Преспа, со која престанаа да важат патните исправи и документи за меѓународна употреба, што го содржат името на државата Република Македонија.

Грчките погранични служби на граничниот премин Богородица-Евзони не им дозволиле влез на патници од нашата држава, кои имале сообраќајни дозволи со старото име на државата. Тие биле вратени, а покрај сообраќајните дозволи детално ги прегледувале и останатите патни исправи. На овој граничен премин до 12 часот поминале околу 300 патници и нема поголеми задржувања за поминување на границата.

Согласно билатералниот протокол со Албанија, сообраќајот се одвива нормално со важечки патни исправи и со возачки дозволи и регистерски таблички без ознаката НМК. Според информации на МИА, граничниот премин Ќафасан, со соседна Албанија, од македонска страна го напуштиле граѓани со стара лична карта без додавката Северна и не се вратени, односно се пропуштени и од албанските гранични служби.

На тој граничен премин од полноќ до 10 часот утрово, вкупно 837 патници направиле влез и излез од државата.

- На Ќафасан од 00 часот од полноќ до 10 часот денеска, споредбено со вчера сообраќајот на патници и возила бележи благо зголемување, се одвива нормално, непречено и без застој од албанска страна. На влез регистрирани се 62 наши државјани и 441 странски државјан, или вкупно 503 патници. На излез регистрирани се 147 наши и 187 странски државјани или вкупно 334 патници. Полициските службеници од граничен премин Ќафасан ги превземаат сите мерки и активности за полесен проток на патници и возила, изјави за МИА портпаролката Мерлина Зиба.

И на граничните премини „Блато“ и „Џепиште-Требиште“ на македонско - албанската граница кај Дебар нема промени во одвивањето на протокот на патници и возила.

На преминот „Блато“ нормално се одвива сообраќајот и албанските гранични власти ги примаат сите валидни документи, како и досега, согласно со билатералниот протокол. На граничниот премин, Џепиште-Требиште, кој е од локален карактер и имаат право да го користат само жителите од граничниот регион, до 12 часот немаше регистрано жител за влез на албанска територија.

Фреквенцијата на возила и граѓани за влез и излез во државата и на граничен премин Делчево - Станке Лисичково кон Република Бугарија утрово е во рамки на нормалата. Сите кои заминале надвор од Македонија имале важечки патни исправи и документи и не е забележан случај на патници кои сакаат да патуваат во соседна Бугааарија, без потребната документација.

Дописникот на МИА разговараше со дежурните на граничниот премин Делчево, кои велат дека тие што утрово ја напуштиле државата знаат точно што треба да поседуваат како важечки документ заради што без проблем се одвивала граничната проверка.

Нема пречки и проблеми во меѓународниот сообраќај ниту на граничниот премин Меџитлија.

- Од ноќеска на полноќ, или од првата минута од 13 февруари до 10 часот претпладнево, на граничниот премин евидентиравме 21 патник, од нив тројца патници влегоа во нашата држава, а 18 патници отпатуваа во Грција. Во овој период осум возила од Македонија отпатуваа за Грција, а едно возило влезе во нашата држава. Во сите случаи не се евидентирани проблеми со патната и сообраќајната документација, изјави за МИА, Илче Петковски, командир на граничен премин Меџитлија.

На граничниот премин „Табановце“, според МВР, протокот на патници и возила се одвива со видно намален интензитет.

- Од 00:00 часот до 07 часот утрово излез извршиле 524 патници, додека влез оствариле 640 патници. Доколку на влез дојде државјанин на РСМ со патна исправа без натпис „Македонија“ од наша страна лицето ќе се евидентира во систем и ќе му се дозволи влез во РСМ, соопшти МВР.

The post Албанија на граница пушта и со стари лични карти appeared first on Република.

Граѓани на Македонија кои денеска патувале за Грција се жалат дека биле вратени од гранични премини со јужниот сосед дури и со нови сообраќајни дозволи, објави „Експрес“.

За грчките граничари не е доволно што патниците извадиле нови сообраќајни дозволи со „Северна“ затоа што на нив се уште стоел кодот МК. Грчките граничари сега бараат наместо МК да стои кодот NMK.

Колкава грешка имаат направено Спасовски и владата се гледа од тоа што МВР воопшто не издава нови документи со НМК затоа што нема такви обрасци.

The post Бадијала граѓаните вадеа нови сообраќајни дозволи, Грција бара NMK и не прима возачи со документи МКД appeared first on Република.

Финската влада ќе го продолжи затворањето на контролните пунктови долж границата со Русија до 14 април, соопшти финското Министерство за внатрешни работи.

Кон крајот на минатата година, Финска ја затвори својата источна граница со Русија поради зголемените пристигнувања на мигранти од земји како Сирија и Сомалија. Хелсинки ја обвинува Москва дека намерно ги насочува мигрантите кон границата, тврдење што Кремљ категорично го негира.

Финските власти имаат докази кои посочуваат дека повеќе мигранти ќе пристигнат од Русија доколку владата го укине затворањето на границите, соопшти денеска Министерството за внатрешни работи.

„Блиску до границата, на руска страна, има стотици, можеби дури и илјадници мигранти кои чекаат можност да го продолжат својот пат кон Финска“, рече министерката за внатрешни работи Мари Рантанен.

„Блиску до границата, на руска страна, има стотици, можеби дури и илјадници мигранти кои чекаат можност да го продолжат својот пат кон Финска“, рече министерката за внатрешни работи Мари Рантанен.

Според финските гранични власти, вкупно 1.323 баратели на азил пристигнале во Финска од Русија помеѓу август и декември 2023 година. Во јануари, имиграциските власти во Финска соопштија дека не биле во можност да лоцираат 160 од мигрантите и дека најверојатно тие продолжиле кон друга европска држава.

The post Финска го продолжува затворањето на граничните контролни пунктови со Русија до 14 април appeared first on Република.

Властите на Украина сакаат да ги забранат сите сообраќајни врски со Русија во период од 50 години. Ваквиот предлог е доставен на разгледување до Советот за национална безбедност и одбрана.

Документот ќе забрани:

Директна воздушна комуникација со Украина;

Влегување во Украина на возила регистрирани во Руската Федерација;

Железнички комуникации за лица поврзани со Руската Федерација;

Влегување во морските пристаништа на Украина на бродови кои пловат под знамето на Руската Федерација или чиј сопственик е жител на Руската Федерација.

The post Украина ќе ги забрани сите сообраќајни врски со Русија во наредниот половина век appeared first on Република.

На граничните премини Табановце и Богородица утринава за излез од земјава се чека од 30 до 45 минути, соопштува Авто мото сојузот на Македонија.

На останатите гранични премини од македонска страна, нема подолги задржувања за влез и излез од државата.

The post Почна гужвата на Табановце и Богородица, се чека и до 45 минути appeared first on Република.

Финска ќе го продолжи затворањето на границата со Русија, што требаше да заврши на 15 јануари, изјави министерот за земјоделство и шумарство Сари Есаја за националната телевизија ИЛЕ.

Границата ќе остане затворена, рече Есаја на прашањето дали таа ќе биде затворена уште еден месец.

Финските медиуми претходно денеска известија дека владата ќе ја продолжи мерката.

Финска ја затвори својата руска граница кон крајот на минатата година за да спречи зголемен број баратели на азил да влезат во нордиската земја и рече дека Москва го организирала приливот, обвинение што Кремљ го негира.

Околу 900 баратели на азил од земји како Кенија, Мароко, Пакистан, Сомалија, Сирија и Јемен влегле во Финска од Русија во ноември, што е голем пораст од помалку од еден на ден во претходниот период, според финските граничари. ссм/

The post Гранцата на Финска со Русија останува затворена appeared first on Република.

Колони возила и минимум два часа чекање за влез од Србија во Македонија на граничниот премин „Табановце“.

Состојбата на граничниот премин може да ја погледнете овде.

The post Навалица на граница: Хаос на „Табановце“, километарски колони возила чекаат да влезат во Македонија appeared first on Република.

Неисчистен снег на македонската страна од граничниот премин Ѓуешево-Деве Баир, според тврдењата на превозниците, го отежнува влезот на товарните возила во државава, кои чекаат со часови, а со таков проблем се соочуваат од викендот од кога била формирана колона долга повеќе километри.

Нашите камиони останаа заглавени за викендот, кога возачите мораа да останат и да преспиваат во возилата, по минати над илјада километри од Романија. Снегот е расчистен од патот и на бугарската страна, ама на вагата на Деве Баир се создава проблемот. Има километарска колона од другата страна на границата, превозници од Турција, Албанија, македонски превозници, кои реагираат што и денес, од утринава едвај се имаат придвижено кон терминалот. Моите камиони, како и бројни други, ги враќавме кон Ќустендил викендов и денес уште не поминаа, а како што ме информираат возачите, со оваа динамика на минување може ниту до полноќ нема да преминат, изјави Роберт Младеновски од Крива Паланка, сопственик на компанија превозник.

И дел од возачите кои контактираа со МИА се жалат дека иако не станува збор за обилни снежни врнежи, повторно како и години наназад, се соочуваат со истиот проблем.

Повеќе време минав во чекање, отколку возење од Романија до тука. Од 8 часот утрово колоната се движи минимално, а не верувам дека до крај на денот ќе влеземе во нашата држава. Јас сум од Крива Паланка, па ќе отидам дома, но тука има колеги од Турција, Албанија, кои ги чекаат десетина часа возење и непотребно губат време овде, вели превозник со долгогодишно искуство во областа на транспорт со тешки товарни возила.

Ниските температури во текот на ноќта кои достигнуваат и 7- 8 степени под нулата го оневозможуваат дејството на солот кој е фрлен заедно со абразивен материјал од страна на службите на ЈП Комуналец, Крива Паланка, информираа од претпријатието задолжено за зимско одржување. Оттаму велат дека и утре повторно ќе се расчистува.

The post Товарни возила во колони чекаат за влез во Македонија: Заглавени се поради неисчистениот снег appeared first on Република.

Австриската полиција користи дронови за да ѝ помогне на Србија да ја надгледува границата со Македонија, изјавија за австриската агенција АПА во министерството за внатрешни работи во Виена.

Апсолутно е неопходна блиска прекугранична соработка во борбата против бруталните шверцери на луѓе. Затоа, знаењето на австриските специјалисти за дронови се бара и на границата на Србија и Македонија“, изјави за агенцијата министерот за внатрешни работи Герхард Карнер.

Според АПА, властите во Белград минатата недела иницираа интензивни мерки на границата со Македонија и Бугарија, што резултираше со значително намалување на илегалната миграција во Австрија, односно граничните премини во областа на провинцијата Бургенланд/Градишќе, која граничи со Унгарија.

Според АПА, тоа е поврзано и со зголемените контроли по мигрантските рути и со зголемените патроли на австриската полиција на границата со Унгарија.

Според министерството во Виена, повеќе од сто австриски полицајци во моментов се вработени во одредени балкански земји и во Унгарија. Во Србија се стационирани 13 полицајци кои поседуваат најсовремена опрема како автобуси со системи за термичка слика и дронови.

The post Австриската полиција користи дронови за да ја надгледува границата меѓу Србија и Македонија appeared first on Република.

Финските власти поставија систем на двојни засилени огради на границата со Русија, покрај која сите гранични премини останаа затворени.

Во моментов граничните премини се затворени. Поставени се бариери и на државната граница и во внатрешноста. Доколку пристигнат луѓе, ќе ги насочиме до каде можат легално да влезат во Финска“, изјави потполковник Јуко Лукари, заменик командант на граничната стража на југоисточна Финска.

Лукари рече дека луѓето доколку се приближат до границата од руска страна, финските граничари „ќе им го покажат патот“, но доколку се „во особено ранлива позиција“, тие ќе бидат подготвени „да ја извршат својата должност и ќе се погрижат за нивно пренесување на финска страна“.

Тој додаде дека финските граничари и нивните колеги од Фронтекс, агенцијата за гранична контрола на ЕУ, веќе се „фокусирани на важни делови од границата“.

Лукари посочи дека во случај на обид за пробивање на границата, безбедносните сили ќе ги преземат сите неопходни мерки за „да ја задржат ситуацијата под контрола, да ги насочат луѓето и да спречат насилни дејствија“.

На 18 ноември, Финска затвори четири гранични премини на својата источна граница со Русија.

Финската министерка за внатрешни работи Мари Рантанен изјави дека одлуката ќе остане на сила до 18 февруари следната година.

Портпаролот на финската гранична стража Мати Сарасма прецизираше дека железничкиот сообраќај меѓу Финска и Русија нема да биде во прекин.

The post Финска постави двојна ограда на границата со Русија, сите премини се затворени appeared first on Република.

Претходниот ден владата на финскиот премиер Петери Орпо одлучи привремено да ја затвори целата граница, бидејќи смета дека Москва ги користи мигрантите за да ја дестабилизира нордиската земја во наводен чин на „хибридна војна“.

Финска ги затвораше еден по друг граничните премини, а во изминатата недела затвори три од преостанатите четири отворени, а до денес сè уште беше во функција само Раја-Јосепи во финскиот арктички регион Лапонија, на 250 километри од Мурманск во северна Русија.

Раја-Јосепи беше затворен во 14 часот по локално време, според вообичаениот распоред.

The post Финска го затвори последниот отворен граничен премин со Русија appeared first on Република.

Финска ќе постави бариери на граничните премини со Русија, кои планира да ги затвори на полноќ, соопшти финската гранична полиција.

Вчера финската влада одлучи да затвори четири од своите девет гранични премини со Русија како одговор на зголемениот број баратели на азил кои влегуваат во земјата преку нејзината источна граница.

Нашата цел е да користиме бариери за да го запреме влезот во земјата, изјави Мати Питканити, офицер за меѓународни односи на финската гранична полиција, додавајќи дека мерките што земјата ги презела се резултат на промените во политиката на Русија поврзани со граничниот премин.

Повеќе од 200 баратели на азил пристигнаа во Финска оваа недела, поради што лидерите на земјата ја обвинија Русија дека ги охрабрува и насочува луѓето кон границата, тврдење кое Москва го негира.

The post Финска ќе постави бариери на границата со Русија appeared first on Република.

Официјални лица од преминот Рафах потврдија дека границата утре повторно ќе биде отворена за да им се дозволи на лицата со странски пасоши да излезат од Газа.

На преминот Рафах 320 денеска поминале сопственици на странски пасоши и државјани со двојно државјанство, а тој број се чини дека ќе се зголеми во наредните денови.

Од египетска страна сме информирани дека копнениот премин Рафах ќе работи утре, четврток, за да го комплетира патувањето на остатокот од списокот на странци“, се вели во соопштението на општите власти за премини и граници во Газа.

На 500 странски државјани им е потпишано од страна на египетските и палестинските власти дека им е дозволено да патуваат преку границата преку преминот Рафах.

The post Утре се отвора границата помеѓу Египет и Газа за премин на странци appeared first on Република.

Чешката влада денеска донесе одлука до 22 ноември да ги продолжи привремено воведените контроли за луѓето кои влегуваат на границата со Словачка,јави ДПА.

Се додека не се обезбеди ефикасна заштита на надворешните граници на ЕУ, ние мора да го решиме проблемот со илегалната миграција на внатрешните граници на Шенген“, кажа министерот за внатрешни работи Вит Ракушан на платформата Х.

Во обид да се бори против шверцот со луѓе, Чешка воведе привремени проверки на границата со Словачка на почетокот на октомври. Овие гранични контроли досега беа продолжени до 2 ноември, додава германската агенција.

Во цела 2022 година низ Чешка беа приведени 248 осомничени шверцери на луѓе, а само годинава се приведени над 340, наведе владата во Прага.

До нивната поделба во 1993 година, Чешка и Словачка беа во заедничка држава, Чехословачка, потсетува ДПА.

The post Чешката влада ја продолжи контролата на границата со Словачка appeared first on Република.

Италија ги заостри мерките на границата со Словенија, а причината е зголемениот страв од тероризам. Покрај полицијата испратиле и вооружена војска, а камерите на RTL Danas ги снимиле во близина на границата во градот Муџа како го пренасочуваат сообраќајот.

Возилата кои доаѓаат од Италија се пренасочуваат од автопатот. Има полициско комбе кое е секогаш таму. Тоа е граничната полиција и секој ден има шест до осум полицајци во смена кои запираат сомнителни возила и ги проверуваат патниците. Тие го прават сето ова под будното око на армијата која е таму со комбе, а војниците имаат долги цевки, рече репортерот Петра Фабијан Капов. Не е чудно што армијата е вклучена во работата на контролата, продолжи репортерот, бидејќи и пред три години околу 50 војници ја набљудувале словенечката граница и движењето на илегалните мигранти.

Возилата одат без поголеми застанувања, нема метеж и метеж, се прегледуваат само сомнителни. Ова треба да потрае следните 10 дена. Иако се очекува овој рок да биде продолжен, дознаваме од разговорот со полицијата и армијата што тие самите не знаат да кажат до кога ќе трае оваа состојба, истакна репортерот.

Марко од Муџа во Италија вели дека мора да има граници меѓу земјите.

Кога дојдов во Хрватска, морав да имам документи за да кажам каде одам, што правам, колку пари имам. Така беше подобро, објасни тој.

А Роберт од Умаг рече дека не бил запрен на ниту еден пункт. „Нека биде онака како што бара ситуацијата. Во ред е за мене“, заклучил тој, пренесува Нет.хр.

The post Италија ги заостри мерките на границата со Словенија: Војници во панцири и со оружје appeared first on Република.

Mинистерството за транспорт и врски набави нов систем за видео надзор и читање на регистарските таблици на граничните премини, што во следниот период ќе се инсталира на сите гранични премини во земјата.

Министерот Благој Бочварски денеска го потпиша Договорот за имплементација на нов централизиран видео систем, со вредност од 928.500 евра, систем кој што ќе биде имплементиран во рок од една година.

Имплементацијата на овој информатички систем е во рамките на Проектот за унапредување на трговијата и транспортот на Западен Балкан, а за потребите на Министерството за внатрешни работи и Царинската Управа.

Системот ќе биде поставен на 40 локации, на сите гранични премини во Република Македонија.

Тој опфаќа систем за видео надзор со 350 различни различни типови на дигитални камери, систем за автоматско препознавање на регистарски таблици и централен систем за складирање на податоците.

Унапредувањето на транспортот и на безбедноста на патиштата во Република  Македонија се високо на агендата на Министерството за транспорт и врски. Во таа насока континуирано работиме на мерки и активности со кои што го развиваме транспортот и ова е еден од проектите кои што заеднички бенефит ќе има Министерството за транспорт и врски, Министерството за внатрешни работи, Царинската Управа и секако граѓаните со кои што ќе се подобрат условите за работа на граничните премини. Регионалната соработка е наш приоритет и продолжуваме со реализација на вакви проекти кои ќе донесат регионален развој - истакна министерот Бочварски.

The post Нов централен систем за видео надзор и автоматско препознавање на регистарски таблици на граничните премини appeared first on Република.

Италија денеска соопшти дека ќе го суспендира договорот за отворена граница со соседна Словенија, наведувајќи ја зголемената закана од тероризам во Европа поради конфликтот на Блискиот Исток.

Десничарската влада на премиерката Џорџа Мелони соопшти дека властите во североисточната погранична провинција Фруланија-Јулиска Краина од почетокот на годината идентификувале 16.000 луѓе кои илегално влегле во Италија преку границата со Словенија, последната станица на балканската рута која некои мигранти ja користат за да стигнат до Западна Европа.

Со 140.000 мигранти кои пристигнаа во Италија по море оваа година, бројот на илегални влегувања е зголемен за 85 отсто во споредба со 2022 година.

Италијанската Влада најави дека ќе ги врати граничните контроли од 21 октомври, на 10 дена.

Владата соопшти и дека антитерористичкиот комитет на Министерството за внатрешни работи ја испитува ситуацијата и дека тоа ја „потврдува неопходноста“ од зајакнување на италијанската граница.

Италија и Словенија се меѓу 26-те земји кои припаѓаат на Шенген зоната, најголемата зона за слободно патување во светот.

The post Италија пак ќе воведе контроли на границата со Словенија бидејќи илегално влегле 16 илјади мигранти appeared first on Република.

Австрија денеска ќе воведе стационарни контроли на границата со Чешка, со цел да се спречи приливот на илегални мигранти, соопшти Министерството за внатрешни работи.

Потегот е преземен откако Германија пред два дена најави гранични контроли со Чешка, Полска и Швајцарија за да се справи со приливот на илегалните мигранти.

Новите контроли на чешката граница ќе бидат во сила најмалку 10 дена.

The post Австрија воведува контроли на границата со Чешка поради бранот илегални мигранти appeared first on Република.

Полска од полноќ ќе воведе привремени проверки на границата со Словачка, најави денеска полскиот министер за внатрешни работи Мариуш Камински.

Од денеска на полноќ ги враќаме привремените гранични контроли на словачката граница. Ќе ги провериме документите на оние кои влегуваат во Полска, истакна Камински.

Тој додаде дека мерката ќе биде во сила 10 дена.

The post Полска од полноќ воведува привремени контроли на границата со Словачка appeared first on Република.