По десет дневна истрага, откриени се сторителите кои напишале неколку графити со заканувачка и навредлива содржина на етничка основа во Гостивар.

Од СВР Тетово информираат дека Полициски службеници од ОВР Гостивар извршиле службен разговор со тројца малолетници од Гостивар. Тие, по преземени мерки и активности беа идентификувани дека на 10.07.2023 на четири станбени згради и трафостаница на улиците „Мара Угринова" и „Гоце Делчев" во Гостивар испишале неколку графити со заканувачки содржини.

Во текот на разговорите, тројцата малолетници го признаа делото, а по целосно документирање на случајот против нив ќе биде изготвен соодветен поднесок, наведуваат од СВР Тетово

The post Малолетници ги напишале графититe во Гостивар appeared first on Република.

Денеска во 10:30 часот во Полициска станица Гостивар пријавено е дека на четири станбени згради и трафостаница на улиците „Гоце Делчев“ и „Мара Угринова“ во Гостивар, со син спреј, биле испишани неколку графити со заканувачки, етнички мотивирани содржини, соопшти предмалку СВР Тетово.

Оттаму велат дека испишаните графити се фотодокументирани и се преземаат мерки за расчистување и документирање на случајот.

The post Заканувачки графити со „етнички мотивирани содржини“ денеска осамнале во Гостивар: appeared first on Република.

Вандалски чин врз објект на детска градинка е забележан утринава во Ѓорче Петров. Сторителот или сторителите кои засега не се познати, со спрејови испишале графити со недолична содржина на ѕидовите од градинката Росица, клон Детелинка во Општина Ѓорче Петров.

Испишаните пораки, според нивната содржина, се наменети за членовите на СОНК кои се во генерален штрајк.

Градоначалникот Александар Стојкоски денеска излезе на лице место да види каква е фактичката состојбата. Истакна дека ова е досега невиден вандализам врз еден општествен објект.

Груба манифестација на незадоволство од непознат сторител во моментов. На овој начин се врши и невиден притисок и агресија врз самите негователи и воспитувачи кои се учесници во процесот на штрајк организиран од СОНК, што може да го видиме и на самиот објект. Го изразувам личниот револт и незадоволство од настанот, го осудувам и го повикувам МВР совесно и во многу брзо време да преземат дејствија против сторителот, изјави Стојкоски.

Утринава од страна на полициски служби, по пријавата која била околу 7 часот, извршен е увид.

https://youtu.be/q4uTC_YYOJ0

The post Стојкоски повика МВР најбрзо што може да го најде тој што пишувал „СОНК штрајк, убијци на деца“ на фасадата на градинката во Ѓорче Петров appeared first on Република.

Неколку графити со буквата „Z“ забележани се во центарот на Битола, поточно на Широк Сокак и кај Кино Манаки.

Со користење на симболот „Z“ всушност се означува поддршка на руската воена инвазија на Украина, а го користеа многу активисти и влијателни лица кои застанаа на страната на Путин уште од почетокот на војната.

Истиот беше забележан и на протестите во некои земји каде народот и даваше поддршка на Русија.

Некои земји пак, како германската сојузна покраина Долна Саксонија веќе и забранија користење на овој руски воен симбол, а доколку некој ја прекрши забраната, законот предвидува парична казна или казна затвор до три години.

Симоболот „Z“ руските војници го користат на својата моторизација при нападите врз Украина, а тој буквално се претвори во симбол за поддршка на воената инвазија.

The post Графити со рускиот воен симбол „Z“ на неколку локации во Битола appeared first on Република.