Вечерва се случил вооружен грабеж во продавницата за бела техника Нептун лоцирана во Градски парк, јавува 21ТВ.

Според информациите, во 20:30 часот во Нептун кај Стадионот „Тоше Проески“ влегле двајца маскирани лица со пиштоли.

Првата реченица што ја кажале била: „Вадете ги парите од касата, ако некој викне полиција сите ќе ве убиеме“.

За кратко на локацијата пристигнала и полиција, а едно лице е фатено, додека другото успеало да избега.

Лицето со кое разговараше ТВ21, а кое во тоа време било внатре, кажува дека двајцата маскирани луѓе се заканиле дека сите ќе ги убијат ако некој викне полиција.

Видно вознемирена за ТВ21 кажува дека 20 минути биле заглавени во продавницата.

The post Вооружен грабеж во Нептун во Градски парк – „Ако викнете полиција, сите ќе ве убиеме“ appeared first on Република.

Во Градски Парк во Скопје денеска ќе се одржи 4. воздухопловен едукативен саем „Скопје Ер  Фер 2024“, во организација на Здружението за подобро воздухопловство АВИКОН.

На саемот ќе бидат претставени воздухопловните професии, а ќе бидат присутни воздухопловни ентитети од земјата и регионот, како и професионалци од разни сфери на воздухопловството кои ќе се обидат да им ја доближат авијацијата на младите.

Оваа година, како што најавија организаторите, на саемот ќе биде споделена успешна приказна за младиот битолчанец Христијан Котевски кој својот воздухопловен пилотски пат го започнал на првото издание на SKOPJE AIR FAIR во 2021 година.

The post Воздухопловно едукативен саем „Скопје Ер фер 2024“ appeared first on Република.

Нови случаи на нападнати лица во Градскиот парк во Скопје.

Ноќва во 02.00 часот во СВР Скопје, М.Р.(18) од Скопје пријавил дека околу 00.30 часот во Градскиот парк во Скопје, бил физички нападнат од неколку лица, откако претходно му побарале да им го даде паричникот.

Околу 02.40 часот, пак, во СВР Скопје, Л.М.(21), М.С.(22) и В.М.(22), сите од Скопје пријавиле дека на 28.09.2024 околу 23.40 часот, во Градскиот парк во Скопје, биле физички нападнати од неколку лица, кои претходно се обиделе да им одземат пари, а бил употребен и тврд предмет.

Од СВР Скопје велат дека се преземаат мерки за расчистување на случаите.

The post Само вчера два напади во Градски парк appeared first on Република.

Во градскиот парк во Скопје на 17 август ќе се одржи „Skopje Creative Fest“, во кој ќе учествуваат млади поединци во различни уметнички дисциплини, вклучувајќи пеење, танцување, стенд-ап комедија, цртање, поезија и правење филмови.

Надоврзувајќи се на успехот на минатогодишниот мини-фестивал, „Skopje Creative Fest“ ја продолжува својата мисија да обезбеди платформа за сите млади да ги пренесат своите вештини. Фестивалот е дизајниран да создаде средина каде што креативноста нема граници, поттикнувајќи можности за поврзување на младите уметници, каде тие ќе можат да се сретнат и да соработуваат со истомисленици и потенцијални идни партнери, соопштија организаторите.

Потенцираат дека волонтерството е основна вредност на „Skopje Creative Fest“. Како што појаснуваат, фестивалот е создаден на волонтерска основа, охрабрувајќи ги заинтересираните млади да учествуваат во организирањето на настанот. Оваа вклученост обезбедува драгоцено искуство и можност за поврзување со други кои споделуваат слични интереси, дури и ако тие самите не ја прикажуваат уметноста.

Инспирирани од уметничките искуства во САД, организаторите имаат за цел да создадат слична атмосфера во локалната заедница. Нивната цел е да соберат што е можно повеќе уметнички и невладини организации за да соработуваат и да бидат дел од публиката. Со комбинирање на организациска експертиза, креативна визија и стратешки партнерства, „Skopje Creative Fest“ се стреми да остави трајно влијание врз локалната заедница и да поттикне обновена благодарност за неограничениот дух на креативност, потенцираат во соопштението.

The post „Skopje Creative Fest“ утре на Школка во Градскиот парк во Скопје appeared first on Република.

Во градскиот парк во Скопје на 17 август ќе се одржи „Skopje Creative Fest“, во кој ќе учествуваат младите поединци во различни уметнички дисциплини, вклучувајќи пеење, танцување, стенд-ап комедија, цртање, поезија и правење филмови.

Надоврзувајќи се на успехот на минатогодишниот мини-фестивал, „Skopje Creative Fest“ ја продолжува својата мисија да обезбеди платформа за сите млади да ги пренесат своите вештини. Фестивалот е дизајниран да создаде средина каде што креативноста нема граници, поттикнувајќи можности за поврзување на младите уметници, каде тие ќе можат да се сретнат и да соработуваат со истомисленици и потенцијални идни партнери, соопштија организаторите.

Потенцираат дека волонтерството е основна вредност на „Skopje Creative Fest“. Како што појаснуваат, фестивалот е создаден на волонтерска основа, охрабрувајќи ги заинтересираните млади да учествуваат во организирањето на настанот. Оваа вклученост обезбедува драгоцено искуство и можност за поврзување со други кои споделуваат слични интереси, дури и ако тие самите не ја прикажуваат уметноста.

Инспирирани од уметничките искуства во САД, организаторите имаат за цел да создадат слична атмосфера во локалната заедница. Нивната цел е да соберат што е можно повеќе уметнички и невладини организации за да соработуваат и да бидат дел од публиката. Со комбинирање на организациска експертиза, креативна визија и стратешки партнерства, „Skopje Creative Fest“ се стреми да остави трајно влијание врз локалната заедница и да поттикне обновена благодарност за неограничениот дух на креативност, потенцираат во соопштението.

„Skopje Creative Fest“ е во организација на KL YES Alumnae Николија Златевска, Исидора Стефановска, Тара Џеладин и Емилија Крстевска и има за цел да ја прикаже креативноста на младите.

Фестивалот ќе се одржи во соработка со Еквалис, МајндЛипс, Волонтерскиот центар Скопје, Младинскиот образовен форум (МОФ), Мрежата Стела, Младинскиот совет на Амбасадата на САД, Училиште за слепи – Димитар Влахов, Американското катче Скопје.

The post „Skopje Creative Fest“ во градскиот парк во Скопје на 17 август appeared first on Република.

Омилениот настан „Филхармонија на отворено“ ги собра синоќа скопјани во Градскиот парк, кои уживаа во концертот насловен „Одисеја 2024“. Концертот беше инспиран од филмот „2001: Вселенска одисеја“ на режисерот Стенли Кјубрик и со него Филхармонија ја најавува новата концертна сезона.

Диригентка на концертот беше маестра Дијана Имери Илкоска, а беа изведени музички теми од големите композиторски имиња од светот на класичната музика: Моцарт, Бетовен, Штраус, Росини, Хачатуријан, Елгар, Хендл, Пук и Шостакович, кои ги одбележаа маестралните филмови: „Одисеја 2001“, „Пеколен портокал“, „Бери Линдон“ и „Очи широко затворени“.

Градскиот парк во Скопје и покрај невообичаеното топло време за јуни беше преполн со публика од различни возрасти која со внимание го следеше концертот и инсертите од филмовите на Кјубрик кои се појавуваа на видеобим додека траеше концертот.

„Филхармонија на отворено“ е традиционален настан на отворено кој се одржува во јуни, по завршување на сезоната во Филхармонија и секогаш е многу посетен.

Кјубрик на музиката гледал како на едно од најмоќните оружја во неговите уметнички остварувања, па затоа и неговиот избор на дела бил мошне деликатен. Токму музиката на класичните композитори ги прави филмовите на Кјубрик дотолку повеќе препознатливи, давајќи им посебна драматургија и естетика“, велат од Филхармонија.

The post Омилениот настан „Филхармонија на отворено“ ги собра скопјани во Градски парк, уживаа со музиката од филмовите на Стенли Кјубрик appeared first on Република.

Вчера во 02.50 часот во СВР Скопје, И.М.(21) од с.Ржаничино, скопско, пријавил дека во угостителски објект во Градскиот парк во Скопје бил физички нападнат од неколку лица, меѓу кои биле и М.Ш. од с.Сарај, скопско, А.Н. и Ѓ.К., двајцата од Скопје.

Исто така, во 03.00 часот, П.Т.(20) од с.Ржаничино пријавил дека околу 02.30 часот во истиот угостителски објект, тој и Х.Т.(19) биле физички нападнати од неколку лица, кои употребиле и стаклени предмети.

Од СВР Скопје реземаат мерки за расчистување на случајот.

The post Летале шишиња: Тепачка во ноќен клуб во Градски парк appeared first on Република.

Единицата за интервентна полиција при СВР Скопје ноќеска 20 минути по полноќ на подрачјето на Бит-пазар лишила од слобода тројца малолетници од Скопје кои извршиле разбојништво.

Како што информира Министерството за внатрешни работи, тие вчера околу 23.15 часот во Градскиот парк во Скопје од две лица одзеле пари заканувајќи им се со остар предмет.

Со нив бил извршен разговор во присуство на нивните родители, а кај едно од лицата биле пронајдени дел од одземените пари, наведува МВР.

По целосно документирање на случајот, Единицата за внатрешни работи Центар и Бит-пазар ќе поднесе кривична пријава за сторено кривично дело „разбојништво“.

The post Тројца малолетници со нож ограбиле две лица во Градски парк appeared first on Република.

Огромна риба од видот толстолобик денеска беше спасена од езерцето кај кафулето „Централ Парк“ во градскиот парк во Скопје.

Вработените во ЈП „Комунална хигиена“, кои веќе неколку дена го празнат и го чистат езерцето, денеска го извлекоа големиот толстолобик и привремено го свестија во кајак наполнет со вода.

Слатководната риба „бел толстолобик“ (Hypophthalmichthys molitrix) потекнува од Кина и кај нас може да се забележи во Охридско Езеро, Крушевско Езеро и во други акумулации.

The post Џиновска риба од видот толстолобик извлечена од езерцето во Градски парк appeared first on Република.

Во Полициска станица Карпош, И.Ј.(18) од Скопје пријавила дека завчера околу 22.00 часот во угостителски објект во Градски парк Скопје била физички нападната од женско лице Л.Ј.(18) од Скопје и неколку други женски лица, соопшти полицијата.

Се преземаат мерки за расчистување на случајот.

The post 18-годишни скопјанки синоќа се тепале во познат локал во Градски парк appeared first on Република.

„Животот е убав“ е насловен традиционалниот концерт на Филхармонијата кој вечер од 21 часот ќе се одржи во Градскиот парк. На програмата е музика од познати италијански филмови, а изведбата ќе биде надополнета со видеопроекции.

Концертот претставува спој на италијанската музика и филм, а на програмата се „Омаж на Федерико Фелини“, суита од филмот „Кум“, „Љубовна тема“ од филмот „Ромео и Јулија“ и музика од „Јулија и духовите“ од Нино Рота, музика од филмот „Анонимен венецијанец“ на Стелвио Чипријани, „Кучешки свет” од Р. Ортолани/Н. Оливиеро, тема од филмот „Животот е убав“ од Никола Пиовани, „Карузо“ од Лучио Дала, „Јулија и духовите“ од Армандо Тровајоли, „Звучен пејзаж“ од филмските теми на Енио Мориконе и суита од музиката за филмот „Мисија“, соопшти Филхармонија.

Диригент е Мириан Хухунаишвили од Грузија, а како солисти ќе настапат сопранистката Саломе Џикија од Грузија, Марио Стефано Пјетродарки на бандонеон од Италија и хорот „ПроАрс“.

Концертот се реализира со поддршка на Италијанскиот институт за култура во Белград и Италијанската амбасада во Скопје и со него воедно ќе се одбележат 30 години од воспоставувањето дипломатски односи меѓу Македонија и Италија.

The post Концерт на Филхармонија во Градскиот парк со музика од познати италијански филмови appeared first on Република.

Во организација на Францускиот институт во Скопје денеска на пладне во Градскиот парк, кај Школка, ќе се одржи гастрономски настан „Вкуси ја Франција“.

Овој настан е од отворен карактер и има за цел да ја доближи француската гастрономија до домашната публика преку специјалитети симболични за Франција, соопшти организаторот.

Како што е најавено, настанот ќе го отворат градоначалничката на Град Скопје Данела Арсовска и францускиот амбасадор во земјава Сирил Бомгартнер.

Во музичкиот дел ќе настапат пејачката Мијата и диџеј Зоки Бејбе.

Главен покровител на настанот е винарската визба „Тиквеш“, а партнери се СУГС „Лазар Танев“, ФЈ кулинарско школо и Боттега дел Вино. Производите ќе се продаваат по симболични цени, а винарската визба „Тиквеш“ ќе понуди дегустација на нивните вина.

The post Гастрономски настан „Вкуси ја Франција“ во Градски парк appeared first on Република.

Ноќва околу 3 часот во Градскиот парк во Скопје, во близина на угостителски објект, полициски службеници го лишиле од слобода С.А.(36) од Скопје.

Како што соопшти МВР, тој физички нападнал и му се заканувал со остар предмет на полициски службеник кој извршувал службени дејствија.

По целосно документирање на случајот ќе следи соодветен поднесок.

The post Инцидент пред ноќен клуб: Скопјанец се пресметувал со полицаец, му извадил и нож appeared first on Република.

Во два одделни случаи во Градскиот парк во Скопје биле нападнати неколку малолетници.

Како што соопшти МВР, првиот случај на 23 април, во 00:20 часот, во полиција го пријавил В.Г.(44) од Скопје. Според пријавата, околу 22.45 часот во Градскиот парк во Скопје неговиот малолетен син бил физички нападнат од друг малолетник.

Во вториот случај, пак, истата вечер во Градскиот парк малолетници со закана од друг малолетник одзеле пари. Случајот во полиција, во 00:40 часот, го пријавил Д.Т.(41) од Скопје, татко на оштетениот малолетник.

Полицијата презема мерки за расчистување на случааите.

The post Малолетници нападнати во Градски парк во Скопје appeared first on Република.

Непознати вандали во вторникот вечер однеле дел од споменикот на народниот херој Орце Николов во Градскиот парк во Скопје, информира МВР.

На 14.03.2023 во 09.26 часот во СВР Скопје било пријавено дека во Градскиот парк во Скопје, бил одземен дел од споменикот на Орце Николов, кусо соопштија од полицијата.

Се преземаат мерки за расчистување на случајот.

The post Украден дел од споменикот на Орце Николов во Градскиот парк appeared first on Република.

МВР ги демантира вестите во врска со наводно пронајдени починати средношколци во Градскиот парк во Скопје, поради употреба на дрога, кои се шират по социјалните медиуми.

Oвие лажни вести започнаа оркестрирано да се шират на социјалните медиуми во изминативе неколку дена, при што заедничката шпекулација за сите е дека група средношколци наводно починале од употреба на дрога во скопскиот Градски парк, а низ објавите се разликува само бројката на лица кои биле во групата, која варира од 3 па сѐ до 9, како и периодот на наводно случување на наводниот настан - од викендов, па сѐ до денеска (15.03.2023). МВР категорично ги отфрла овие лаги, бидејќи пријава за таков настан не постои. Очигледна е целта на овие пласирани лажни вести – да предизвикаат паника, вознемиреност, постојано чувство на страв и несигурност кај граѓаните, во случајов кај младите и нивните родители, да нанесат штета на институциите и недоверба кон нив. Воедно, им благодариме на медиумите кои не подлегнуваат на ваквите лажни вести и информациите ги проверуваат во надлежните институции, се наведува во реакцијата од МВР

The post MВР демантира дека биле пронајдени мртви средношколци во Градскиот парк appeared first on Република.

Во два одделни случаи во Градскиот парк во Скопје со закана биле одземени пари.

Како што информира МВР, вчера во полиција малолетник од скопското село Стајковци пријавил дека во Градски парк три лица со закана му одзеле паричник и личен предмет. Случајот бил пријавен вчера во 18.50 часот во Полициската станица Центар.

Во вториот случај, синоќа во Полициската станица Карпош, Р.Х.(41) од скопското село Рашче пријавил дека околу 20:00 часот во Градски парк едно лице со закана му одзело пари. Полицијата презема мерки за расчистување на случајот.

The post Ограбени скопјани во Градски парк appeared first on Република.

Еден скопјанец синоќа во 21.40 часот бил ограбен во Градскиот парк.

На 13.11.2022 во 21:40 часот во Полициската станица Центар, Б.М.(21) од Скопје пријавил дека околу 20:40 часот во Градскиот парк неколку малолетни машки лица со закани со остар предмет му одзеле пари, информираат од МВР.

Се преземаат мерки за расчистување на случајот.

The post Скопјанец ограбен од малолетни насилници во Градски парк appeared first on Република.

Екипите на ЈП Улици и патишта, по налог на Град Скопје, во текот на изминативе денови активно работат на уредување на сообраќајната и на урбаната опрема во Градскиот парк. Санирани и обоени се сите рампи во паркот, а поставени се и нови кај Сточарскиот институт и пред хотел „Канет“.

Санирани се оштетените заштитни столпчиња пред бараките на Град Скопје, кај мостовите и поставени се нови на влезот од Градскиот парк.
Рампите и заштитните столпчиња треба да го спречат непрописното паркирање и воопшто пристапот на возилата во пешачкиот дел од Градскиот парк.

Екипите на ЈП Улици и патишта поставија и држачи за велосипеди кај лавиринтот во првиот дел од Градски парк, каде што е обновена и ризлата на патеките, а една патека околу лавиринтот е асфалтирана.

Во првиот дел од Градски парк санирана е оградата на мостот, а при крај се активностите за санација и на плочникот околу споменикот Гоце Делчев.

Екипите и во наредните денови ќе ги продолжат активностите во Градскиот парк, со обновување на ризлата на пешачки патеки во првиот дел и со санација на сите оштетени елементи кои ќе бидат пријавени.

The post Поставена нова сообраќајна и санирана оштетената опрема во Градскиот парк appeared first on Република.

Од платформата за македонска архитектура „МАРХ“, упатија реакција по повод асфалтирањето на пешачките патеки околу  малиот лавиринт во првиот дел од паркот, за кое од Град Скопје велат дека е дел од тековна реконструкција на Градскиот парк.

Од МАРХ посочуваат дека зачудува неразбирањето на дизајнот на овој простор од надлежните.

„Патека од песок не е незавршен проект, туку наменски дизајн. Доколку е деградирана треба да се постави нов слој на песок. Не секоја патека во парковите треба да е асфалтирана, поплочена и погодна за ‘ролери’. Истото можете да го сретнете во секој поголем стар парк низ светот, Версајските градини, Паркот Луксембург во Париз, Централ Парк во Њујорк, потоа хортикултурното уредување на сите дворци и палати – буквално насекаде“, пишуваат од МАРХ.

Од Град Скопје известија дека екипите на ЈП Улици и патишта, изминатите денови  започнале активности за реконструкција на патеките во близина на малиот лавиринт во првиот дел од паркот и дополнително уредување на зеленилото.

https://republika.mk/vesti/skopje/arsovska-gi-asfaltira-patekite-vo-park-aktivistite-velat-zaprete/

Градоначалничката Данела Арсовска, во своја писмена изјава посочи дека реконструкцијата на пешачките патеки ќе продолжи, а предвидено е да бидат опфатени пешачки патеки на вкупна површина од 12.500 квадратни метри во првиот дел од Градскиот парк.

The post МАРХ: Не секоја патека во парковите треба да е асфалтирана, поплочена и погодна за ‘ролери’ appeared first on Република.