ВМРО-ДПМНЕ со два софтверски проекти, е-урбанизам и бим софтвер ќе се бори против корупцијата во урбанизмот.

Првиот, како што соопштуваат од патријата, е е-урбанизам или е-простор значи намалување на постапките и времето што се чека од надлежни институции за одговор. Сега за еден проект потребно е мислење од институции како МЕПСО, ЕВН, комунални претпријатија, министерства други институции како Завод за културно и историско наследство. Планот на ВМРО-ДПМНЕ е ова да се дигитализира или лицето кое го подготвува урбанистичкиот план информациите наместо со трчање по институции да ги добие со софтверска алатка. Со ова ќе се намали влијанието на човечкиот фактор, а ќе се забрза самиот процес за добивање информации и документи. Тоа ќе води до транспарентен процес и процес без корупција.

Вториот, бим софтвер или бим алатка, би ја користеле проектантите и институциите кои во процес на вадење на градежна дозвола ќе можат да го вметнат самиот проект, а алатката да ми даде одговор на тоа дали проектот одговара урбанистичките основи. И со ова идејата е да се забрза процесот на давање на градежна дозвола. Или вака ќе се зголеми транспарентноста и ќе се намали корупцијата.

Овие алатки ќе водат до поголема транспарентност, побрз процес на издавање на документи и што е најважно со ова ќе се сузбива корупцијата во општеството која е еден од најголемите проблеми на граѓаните.

Овие алатки се и начин да се врати изгубената доверба во институциите во овој период на владеење на СДС и ДУИ.

ВМРО-ДПМНЕ работи отчетно и чесно и сака да ја врати довербата на граѓаните кон институциите.

The post Два софтверски проекти дел од планот на ВМРО-ДПМНЕ за налување на корупцијата во урбанизмот appeared first on Република.

Градоначаникот на Струмица, Костадин Костадинов, продолжува по стапките на својот претходник и ментор Зоран Заев, градејќи октопод од фирми во сопствеништво на блиски членови на фамилијата, со кои криминално се узурпура Струмица и струмичкиот регион, велат од Левица од каде откриваат дека зетот за сестра на Костадинов, Никола Милушев последните неколку месеци за првпат зачекорил во бизнис светот, основајќи дури пет фирми - две за производство на електрична енергија, две за градежништво и една автошкола!

Без претходно било какво бизнис искуство, зетот на Костадинов забрзано гради бизнис империја откако Костадинов е градоначалник на Струмица.

Основањето фирми за производство на струја, по примерот на жената и кумот на Димитар Ковачевски, е еднакво на воено профитерство, во услови кога граѓаните плаќаат енормна цена на струјата.

Ја потсетуваме јавноста дека ова не е прв случај на непотизам и сомнежи на судир на интереси поврзан со Костадинов. Претходно истиот беше фатен во скандал за вработување на својата мајка во државна институција, без соодветно образование и никакви квалификации, велат од партијата.

Левица ги повикува сите надлежни институции, особено Основното јавно обвинителство и Државната комисија за спречување на корупција да ги испитат условите под кои се основани овие фирми, сомненијата за корупција и судир на интереси, како и потеклото на парите со кои се основани.

The post И фамилијата на Костадинов со сенс за бизнис – нови пет фирми за струја, градежништво и автошкола appeared first on Република.

Од Зелен хуман град реагираат дека денеска без дозвола, спротивно на решението на градежниот инспектор, биле масакрирани децениски стари дрвја на улицата „Венјамин Мачуковски“ во Аеродром.

Како што велат од здружението, за оваа локација поплаки од граѓаните добиле пред 2 недели, зошто оваа локација се заградила од страна на инвеститор „Елена Лука“, за градење нова зграда.

Град Скопје потрдил дека нема издадено дозвола за интервенција врз децениското зеленило на парцелата и истото не смее да се сече / пресадува / кастри во ниеден случај. Испектор од градот беше на терен и ја констатираа состојбата, велат од ЗХГ.

Ова утро, инвеститорот започнал со масакр на дрвјата и другото зеленило на парцелата, иако нема дозвола за истото од Градот. Децениски стари дрвја што имаат непроценлива вредност за животната средина, уништени за нова зграда да никне на нивно место. Зелен хуман град повторно реагираше кај надлежниот инспекторат што сега е на терен, и известени сме дека „Елена Лука“ ќе бидат казнети според Закон за урбано зеленило. За жал, законот предвидува максимална казна од 1.800 ЕУР, без разлика на бројот на исечени дрвја, што е смешна сума за секој инвеститор и воопшто не ги обесхрабрува да го прекршат истиот тој закон.
Само со притисок од локалното население може да се спасат останатите дрвја на парцелата што уште не се уништени од инвеститорот! Аеродромци, не дозволувајте профитот на една фирма да ви го одземе правото на чист воздух, термална заштита и здрава животна средина, велат од Зелен хуман град.

The post Максимум 1.800 евра ќе е казната за без дозвола масакрираните стари дрвја за да никне зграда на „Елена Лука“ во Аеродром appeared first on Република.

Падна кран од зграда во изградба во Кавадарци, нема повредени, има материјална штета, оваа информација за МИА ја потврди Ристе Самарџиев, портпарол на СВР Велес.

Тој потврди исто така дека се работи за истата зграда, каде што пред извесен период исто така падна кран, а тогаш загинаа две лица.

https://republika.mk/vesti/crna-hronika/se-ispituva-kako-padnal-kranot-koj-na-lice-mesto-ubi-dvajca-rabotnici/

The post Пoвторно падна кран од зградата во изградба во Кавадарци, каде загинаа две лица appeared first on Република.

Мафијашките градежни фирми кои постојано соработуваат со криминалните партии на сите нивоа на власт, се причинители за голем број трагедии на загубени животи на градежните работници на работното место, велат од Левица, од каде потенцираат дека таков е случајот и со два последователни инциденти на фатална повреда на работното место кон крајот на минатата година поради нечовечките и опасни услови за работа во дејностите на градежните фирми блиски до власта.

Зачестеноста на овие трагедии, сепак, се надоврзува на долгогодишната мрачна реалност во овој криминален сектор, во кој апетитите на газдите и политичарите директно придонесуваат до смртни случаи на физичките работници во оваа опасна дејност. Постојано сведочиме за физички повреди на работното место при вршење на работни задачи поради непочитувањето на прописите за ХТЗ заштита и стандарди кои задолжително се предвидуваат во законска материја. По цена на животите и здравјето на работниците, мафијашките градежни фирми условите за работа ги донесоа на неоптимално и против законско ниво, за максимизирање на профитот кој потоа им дозволува поткуп на политичари, обвинители и судии, отпочнувајќи го маѓепсаниот круг одново. СДСМ, ДУИ и ВМРО-ДПМНЕ, во нивната ротација, ги имаат расчеречено судството и институциите да служат на бизнис интересите на злосторничката олигархија, која за возврат ја спонзорира нивната жед за моќ и пари. Животите на работниците и нивните семејства служат како валута за остварување на заработка на извалкан капитал, затоа и законските прописи кои ја регулираат работата се со цел на задоволување на крупниот капитал, а понатамошното задоволување на прописите - оставено на вољата на фирмите, велат од Левица.

The post Градежната мафија се богати од загубените животи на работниците appeared first on Република.

Станарите од шест околни згради веќе немаат каде да паркираат, зошто паркинг местата на ул.„Васил Иљоски“ во строгиот центар на Скопје, се блокирани со контејнери поставени од инвеститорот.

Станува збор за последното зелено парче од Мал ринг кај хотелот „Ибис“, каде се подготвува да никне нова петкатница.

https://republika.mk/vesti/skopje/kje-mu-dojde-li-kraj-na-siledzistvoto-centarci-besni-shto-gradonachalnikot-dal-dozvola-za-zgrada-vo-parkcheto-kaj-jadran/

Станарите веќе неколкупати реагираа што градоначалниците ја игнорирааа нивната петиција со која побараа да не се дозволи градба во веќе пренатрупаната уличка. Но, сега се бесни што покрај дозволата за градба, инвеститорот си прави што сака и со назначените паркинг места.

Ај што ќе го рушат паркот, ама сега и цела улица му ја дале за да гради. Денес без никакво известување се поставени барикади. Шест згради паркираме тука. 80 стана, 80 фамилии! Никој не ти дава известување „од денес ќе се гради, паркирај ваму,“, никој не понуди алтернатива. Нема ни табла за тоа кој е инвеститор и што точно ќе се гради, реагира станар во „Република“.

Сагата на жителите од околните улици „Орце Николов“, „Скопска“ и „Никола Кљусев“ трае со години, уште од времето на Саша Богдановиќ. Токму поранешниот градоначалник на Центар бил тој кој ја издал дозволата за градба, само неколку дена пред да замине од функција.

Тој, преку информатичкиот систем е-одобрение за градба издава дозвола за градба на фирмата „Сколимекс“.

Ни безбедносни правила, ни зеленило и животна средина, ни соседски права, ништо не ве интересира! САМО СИЛЕЏИСТВО, ГРАБАЊЕ И ДА СЕ ЗАРАБОТИ НЕШТО, А НАЈСЛАТКО Е КОГА Е НА ГРБОТ НА НЕКОЈ ШТО НЕ НИ ЗНАЕ ШТО ЌЕ ГО СНАЈДЕ. Милион работи не се во ред во ситуацијава, толку се многу што нема ни да почнам да ги редам.
Имаме неколку дена да собереме потписи и да се жалиме, што ќе излезе не знам. Ги прикачувам известувањето што беше доставено до најзагрозената зграда, петиција за собирање потписи за жалба и слика од паркчето.
ЌЕ МУ ДОЈДЕ ЛИ НЕКОГАШ КРАЈ НА СИЛЕЏИСТВОВО? САМО ТОА ЛИ ЗНАЕМЕ?, праша тогаш една од станарките.

Но, и сегашниот градоначалник Горан Герасимовски не го запре узурпирањето ова 30 х 35 метри паркче, сечењето на млади дрва и правењето карамкаша од животите на граѓаните.

„Призма“ неодамна објави дека официјалниот сопственик на скопската фирма „Сколимекс“, која што треба да гради на ова место, е Енгелберт Јозеф Шрајбер од главниот град на Лихтенштајн, Вадуз. Станува збор, како што пишува порталот, за регистрант од Лихтенштајн, адвокат што главно формира и води туѓи фирми на сопственици што сакаат да бидат скриени.

https://republika.mk/vesti/skopje/advokat-od-lihtenshtajn-go-kupi-poslednoto-zeleno-parche-vo-centar-kje-gradi-petkatnica/

The post Самоволие со амин од „горниот“: Инвеститор со контејнери блокира улица, не се смее на паркинг оти ќе градел appeared first on Република.

Регистрант од Лихтенштајн, адвокат што главно формира и води туѓи фирми на сопственици што сакаат да бидат скриени, ќе ја гради петкатницата зацртана близу хотелот „Ибис“ во строгиот центар на Скопје, односно во градежно атрактивната зона позната како Мал ринг, дознава „Призма“.

Веста дека на местото од уште едно паркче ќе се гради станбен објект ги вознемири граѓаните што живеат во соседната зграда и уживаат во она што преостанало од зеленилото пред своите домови.

https://republika.mk/vesti/skopje/kje-mu-dojde-li-kraj-na-siledzistvoto-centarci-besni-shto-gradonachalnikot-dal-dozvola-za-zgrada-vo-parkcheto-kaj-jadran/

Енгелберт Јозеф Шрајбер од главниот град на Лихтенштајн Вадуз е официјалниот сопственик на скопската фирма „Сколимекс,“ која, како што објави Општина Центар, лани во ноември, непосредно пред заминувањето на Саша Богдановиќ од градоначалничкото место, добила дозвола за градење.

Шрајбер се спомнува во дата-базата на Пандора пејперс, која ги раскринка офшор-тајните на повеќе политичари и бизнисмени од целиот свет. Тој во Пандора пејперс е означен како офицер, лице што ја врши административната работа околу формирањето и водењето на офшор-компанија во име на друг човек.

Егзотичната професија на Шрајбер била причина тој да се вмеша во многу контроверзии и скандали низ целата планета, па дури и тука на Балканот.

Имено, неверојатно звучи податокот дека човекот што тргнал да гради во нашето Скопје и неговиот татко во 2003 година биле дел од обвинетите во приватна тужба поврзана со терористичките напади во Њујорк, на 11 септември 2001 година.

Во тужбата се наведува дека, според официјалните документи од Лихтенштајн, една од фирмите на двајцата Шрајбери била вклучена во активности за перење пари во име на Ал каеда. Тужбата подоцна била отфрлена.

Интересните наоди за семејството Шрајбер не завршуваат тука.

Повеќе на „Призма“

The post Адвокат од Лихтенштајн го купи последното зелено парче во Центар, ќе гради петкатница appeared first on Република.

Не им е до Вардар, до плановите, да ја урнат базата кај стадионот и да изградат нов комплекс како кинескиот ѕид и да направат милиони…“, ни кажа еден голем пријател на Вардар пред неколку месеци кога и официјално Сергеј Самсоненко го предаде клубот на Петре Шилегов (тогашниот градоначалник), а овој му го даде клубот на Слободан од фирмата “Блу Скај Инвестменс“, пишува „Спортмедиа“.

И тогаш најавија проекти, “бомби“, милиони, за дa денеска Вардар неуспеe да обезбеди пласман во елитата, неуспеа да обезбеди дури и бараж за барем уште една надеж која би го оставила клубот во живот за експресен кам-бек во елитата.

Анонимниот Слобода(н), кој со својата исто така непозната градежна фирма од правење фасади и лепење плочки влезе во играта наречена ФК Вардар. Од кажаните зборoви на прес конференмцијата со Петре Шилегов, па се до денеска, има само „празна слама“ и ништо повеќе. Лажни приказни, нереални филмови, лошо менаџирање и на крајот катастрофа за клубот, навивачите…

А Слобода(н), а и Петре и останатите требаше да знаат дека ова е најголемиот клуб во Македонија. Во земја каде Вардар е Македонија, а Македонија е Вардар. Дека клуб не може да се врати на врвот со фасадери и плочкари.

Ај сега да се вратиме на првата реченица од овој текст!

Реченица која е кажана уште пред да почне новиот проект со споменатата фирма на споменатиот Слобода(н) и сега веќе поранешниот градоначалник на Скопје.

Изборите за Шилегов беа фатални, загуби од скопјани (голем дел и не му дадоа глас токму поради ФК Вардар), а со тоа паднаа во вода и плановите, проектите и милионите кои биле планирани од изградба на нов комплекс на апартмани, хотели, ресторани на местото каде сега е фудбалската академија на Самсоненко.

Од некаде се појавува Слобода(н), коj е бизнис партенер и со газдите на хотел „Парк“ до скопскиот стадион, (еден од браќата Малиќи), со силен ветер и од зетот на Заеви од Струмица за кои се говори низ кулоарите дека се спонзорите од позадина на овој сегашен и неуспешен ФК Вардар. Дали истата таа групација требаше да направи нов „кинески ѕид“, да се земат на сила и останатите маркици за градба во истиот дел од паркот и да се уништи тогашната Академија „Вардар“, а сега Академија „Парк“. Се поставува прашањето: Која е позадината и кој е вистинскиот финансиер на ФК Вардар!? Доста е со молчење и преќутувања!

Истата таа екипа која ја „спаси“ Беласица, па се пресели во ФК Вардар. Имаа многу успешно фудбалско „си-ви“, па некој им го поклони Вардар за околу 30.000 евра!

Вардар веќе еднаш мина ваков земјотрес, но тогаш барем остана прволигаш. Исто така и тогаш клубот беше жртва на сметка на скопскиот кампинг. Клубот и во тоа време екс-градоначалници го искористија за доделување на маркици за камп, па со пренамена за градба никна бетонското чудо кое беше наречено „Кинески ѕид“.

Вардар и неговите навивачи треба да ја знаат вистината поради која клубот е во ваква ситуација. Клубот кој беше во рајот со Сергеј Самсоненко, стигна до најголемото дно. И таму не цветаа рози, лошо менаџирање, катастрофални кадри… Но како тоа наеднаш русинот застана!? Смена на власт и „пепел“. Вложени околу 80.000.000 евра во ФК, РК и ЖРК Вардар и потоа никому ништо. Одземање на имоти, лажни стечаи… Уште тогаш беше јасна позадината! Да нема Вардар силен спознор затоа што на многумина му смета, но и за да се скрои новиот план.

Еве сега Вардар има неуспешна сезона – хаварија зад себе! И да останат ли истите луѓе и догодина!? Сега е време за спас, за обединување и план за враќање на силниот Вардар. Времето ќе покаже дека без Вардар нема силен фудбал во Македонија. Тоа е факт од кој нема бегање. Жално е само тоа што некои се уште не се освестени, живеат во некои заблуди заведени од самонаречени легенди, па тераат политики кои го доведоа клубот тука каде што е – на дното и во најнискиот ранг (во Скопје нема трета лига – втората запад е најниско натпреварување).

Сега го нема Шилегов, ги нема веќе плановите за таа планирана фамозна градба од 42.000 м2. Ги нема ниту пилотите од Дубаи и Турција – нема ништо од ФК, па дури и со месеци нема плати за играчите.

Метлата треба да заигра веднаш и сега! Ако се чека, само ќе за загуби уште една година, а тоа е желбата на сите (а ги има многу) душмани на ФК Вардар!

The post „Спорт Медиа“: Дали Фк Вардар е жртва на градежната мафија која сака да направи нов комплекс во парк? appeared first on Република.

На 18 март 2022 година, жителите на „Питу Гули“, улицата која се наоѓа веднаш под озлогласените „Плацеви на Водно“ - во моментов предмет на судски процес, поднесоа барање за поништување на Одобрението за градење издадено на Маркеза ДООЕЛ од страна на претходниот градоначалник на Општина Центар, Саша Богдановиќ.

Нивното соопштение, во кое се сумирани аргументите кои ги содржи барањето за поништување на горенаведеното Одобрение, ви го пренесуваме во целост:

Пресек на главни откритија

•  Одобрениe за градба е дадено за еден спрат повеќе од дозволеното, замаскирано во „галерија”.
•  Парцелата на која е дадено одобрение за изградба нема пристап до јавен пат, што значи дека не е изведена и не е можно по легален пат да се изведе никаква инфраструктура. Единствен начин за да се добие пристап е да се изгради нова улица на ридот која не е во Програма за уредување на градежно земјиште за 2022 година.
•  Според проектната документација не се работи за објект со намена А0 -домување со посебен режим или подетално „луксузно домување на едно семејство” туку за многу поголем објект од можни категории А3-заедничко домување (дом за стари лица) или А4-времено домување (мотел, преноќувалиште) па дури и за хотел (Б5).

Ова е видно од бројките кои се предвидени во проектната документација:

• 20 паркинг места на две нивоа,
•  лифт со големина за 6 лица,
• 20 посебни собни единици,
• 30 купатилски умивалници,
• 30 огледала и етажерки над и под секој умивалник,
• 30 моноблок шолји,
• 30 батерии за умивалниците,
• 21 туш батерии за топла и ладна вода,
• 26 ЕК вентили за машини за алишта и садови,
• 13 ЕК вентили за кујнска батерија,
• 13 бојлери

Според проектот за архитектура во објектот се предвидени 10 спални соби и 7 купатила, а според проектната документација се предвидени 20 спални соби и 30 купатила. Општината не направила проблем за ова несовпаѓање според кое јасно се гледа дека објектот нема да биде семејна куќа туку ќе биде или мотел, преноќувалиште, дом или хотел.

На 18 март 2022 година, жителите на Питу Гули, улицата која се наоѓа веднаш под озлогласените „Плацеви на Водно“ - во моментов предмет на судски процес, поднесоа барање за поништување на Одобрението за градење издадено на Маркеза ДООЕЛ од страна на претходниот градоначалник на Општина Центар, Саша Богдановиќ (решение УП1 бр. 27-341/2020 од 07.04.2021 година).

Во прилог, ќе ги најдете сумирани аргументите кои ги содржи барањето за поништување на горенаведеното Одобрение.

Одобрението е издадено спротивно на Деталниот урбанистички план за овој дел. Согласно со Извод од план за градежна парцела бр 10.75 - тука, дозволената максимална катност е П + 1 + Пк. Планираната градба во основниот проект врз основа на кој е издадено одобрението за градење - предвидува еден спрат повеќе од дозволеното - кое Инвеститорот се обидел да го замаскира со поимот „галерија“, инаку термин кој е непостоечки во Законот за градење. Спратот додаден како „галерија“ има функционална висина (2,65 м), додадена над висината од 3,35 м на приземјето. Општината направила превид и така приземјето станало спрат со висина од 6 м. Со наводната „галерија“, Општината на Инвеститорот му дозволила да добие уште еден спрат од градбата, што е спротивно на параметрите утврдени со ДУП-от.

Општината доделила Одобрение за градба, без да овозможи пристап до истата, што е спротивно на член 94 од Законот за градежно земјиште. Во фактичката состојба не постои пристап до самата парцела. Во моментов, ДУП-от предвидува „Улица 5“ како пристап до парцелата, но таа во реалноста не постои, а не постоела ниту во моментот на извадање на Одобрението во прашање. Општината ја нема предвидено изведбата на оваа улица во својата Програма за уредување на градежно земјиште за 2022 година.

Дополнително на горенаведеното, не е јасно како на Инвеститорот ќе му се овозможи поставување на водоводна, фекална и атмосферска канализација и друга инсталација со приклучоци до градежната парцела. Според Решението за хидротехнички услови дадено во постапката за издавање на Одобрение на ул. Питу Гули постои само водоводна мрежа, а треба да се изведе фекална и атмосферска мрежа. Нејасно е каде се предвидува да се приклучи објектот на Инвеститорот на фекална и атмосферска канализација, знаејќи дека водовод нема примено дека на ул. Питу Гули постои фекална и атмосферска канализација.

Согласно постоечката хидротехничка инфраструктура, кога Инвеститорот би започнал со градба, за да користи градежна вода би му била потребна изведба од 22 м водоводна мрежа, која не е јасно ниту кога, ниту на кој начин има намера да ја изведе - со оглед на тоа дека за да ја изведе треба да направи ископ на постоечката улица, а за тоа му е потребно посебно одобрение од Општината.

Најинтересно во проектната документација е дека произлегува дека одобрението е издадено за градба која СУШТИНСКИ има друга намена од таа за која е издадено одобрението, а која намена Инвеститорот се обидел да ја скрие. Проектната документација покажува објект или за заедничко домување (А3) или за времено домување (А4), па дури можеби и за хотел (Б5). Во секој случај не покажува објект со намена А0-домување со посебен режим. Ова се гледа од предвиденото во проектната документација, како на пример: 20 паркинг места на две нивоа, лифт со големина за 6 лица, 20 посебни собни единици, 30 купатилски умивалници, 30 огледала и етажерки над и под секој умивалник, 30 моноблок шолји, 30 батерии за умивалниците, 21 туш батерии за топла и ладна вода, 26 ЕК вентили за машини за алишта и садови, 13 ЕК вентили за кујнска батерија, 13 бојлери.

Општината не увидела дека постои целосно несовпаѓање на овие бројки со проектот за архитектура каде не е јасно на пример, каде ќе биде сместена оваа санитарија бидејќи истиот предвидел 10 спални (од кои манипулативно 8 ги нарекол детски) и предвидел 7 купатила (тоалети). Истото важи и за проектот за електрика кој не се совпаѓа со архитектонскиот.

Дополнително, со Одобрението за градење на Инвеститорот му се одобрува објект од втора категорија, со намена А0 - домување со посебен режим, која намена на градба, со влегување во сила на Правилникот за урбанистичко планирање, согласно член 77 од истиот, повеќе не постои.

За крај, во Основниот проект приложен во докуменатацијата врз основа на кој е издадено Одобрението за градење содржи дополнителни бројни пропусти, недостатоци и грешки, во однос на пропишаните висини за спратовите, приодот за возилата и како тие ќе влегуваат во двоспратниот подземен паркинг, проектот кој е на ниво на идеен проект не ги отсликува сите проекти и сите фази, на ниту едно место во проектот не се внесени подни коти - ниту на пресеците ниту на основите, не се ставени скалите во изглед, а дадено е одобрение за фаза 1 - каде се очекува да се изградат скали до приземје, проектот за статика не
соодветстува со проектот архитектура.

Овие бројни пропусти се причини заради кои вообичаено стручните служби би вратиле проект.

Во моментов постојат нерешени прашања со соседните парцели кои дополнително ги отежнуваат прашањата околу ова Одобрение. Општината периодов, повеќекратно ги вознемири жителите на улицата, вршејќи притисок врз нив, веројатно со цел да надокнади за своите пропусти при доделувањето на ова Одобрение.

Инвеститорот бара начин како да си обезбеди пристап за да отпочне со градење преку поднесување на пријави до општината за непосредните соседи се со цел да си отвори пристап преку 50 години уредувани површини кои се единствена патека до ридот по кој треба да помине тешката механизација.

Општината веќе постапува согласно неговите барања и неколку пати на терен одат инспектори за да пронајдат пропуст во имотните листови на непосредните соседи.

Соседите кои живеат таму повеќе од 50 години се изложени на постојани притисоци и трошоци за изработка на елаборати за да ја докажат точноста на оградувањето на нивните парцели надевајќи се дека општината нема да пронајде слабост која инвестиротот би ја искористил за да добие пристап.

Забелешка и контекст:

На неколкуте одржани средби со граѓаните од Водно во општината, градоначалникот Герасимовски покажа голем интерес за да помогне да се реши овој проблем со урбанизација на ридот на спорните парцели. Тој изјави дека доколку успеат да се најдат правни механизми дека ќе направи сé за да се поништи првото и постоечкото одобрение за градба на ридот и да се спречат идните одобренија за градба.

Изјави на Герасимовски за 360° :

Зошто се дозволувале дозволи искрено? Не само за оваа, туку и за други дозволи за згради кои што се одобрувале во тој дел од Центар.

Бидејќи Водно е белите дробови на градот, лизгаво е земјиштето и јас барам правни механизми како тоа целосно да се сопре. Во делот на дозволи за градба, понатаму во тој дел бараме начини како да истото се стопира и да самата општина нема правни последици и финансиски последици. Истото сум горе- долу сигурен дека ќе го реализираме. Значи, бараме начини како да ги стопираме сите градби. И тоа да биде правно издржано и да нема последици врз општината. Јас се согласувам со жителите, затоа дополнително ќе направиме средба на која ќе поразговараме што понатаму и како ќе течат сите работи. Се наоѓаме во ситуација каде оставени ни се тешки предмети кои треба да ги решаваме. Спремен сум се што можеме да спасиме во делот на јавен интерес и јавно добро и да стопираме некоја градба да го реализираме тоа. Но, тоа да не биде голема последица врз општинскиот буџет и врз граѓаните.

За случајот досега пишуваа повеќе медиуми - особено откако во декември 2021 година соседите на улицата беа разбудени од незаконската сеча на дрвја.

Бројните стручни мислења и проценки на градежници и архитекти, тврдат дека помала е штетата за Општината кога би ја оспорила својата одлука за издавање на ова одобрение, отколку да ја изгради Пристапна улица бр. 5 предвидена во ДУП. Секој од експертите кои го посетија теренот утврдија дека стрмноста на теренот од 70% и недостатокот на инфраструктурни решенија можат да бидат фатални за жителите. Крајот на слепата улица Питу Гули 2 е ширинка која веќе 60 години е единствен паркинг простор за резидентите, што била и нејзината единствена намена.

Експертите од Шумарскиот факултет изготвија елаборат во кој оваа шума во која се наоѓа парцелата со добиено одобрение (и која ќе им отвори пат на останатите) е засадена како дел од големата акција за пошумување која започнала во далечната 1928 година. Целта на пошумувањето била биолошка стабилизација на почвата и заштита од ерозија и поплави. Уште поважен е фактот дека оваа шума, како и целата планина Водно, е првото законски прогласено ерозивно подрачје во државата. Сите климатски сценарија, продолжува елаборатот, укажуваат дека во иднина ќе има сè почести и поинтензивни поројни врнежи, кои дополнително го оправдуваат стравот од свлечишта, ерозии и поплави. Инвеститорот веќе успеа да заработи казна за недозволено сечење на дел од шумата.

Во непосредна близина се наоѓа и Претседателската резиденција. На целиот рид движењето е ограничено токму поради безбедносни причини, па се провлекува прашањето - како е дозволена измената во овој дел на Водно, без да се земат предвид овие МНОГУБРОЈНИ аргументи?

The post Граѓаните на „Питу Гули“ во шок, што се крие зад издаденото Одобрение за градба? appeared first on Република.

„Зелен хуман град“ иницираше процес „Нов ГУП за зелено и хумано Скопје“, во кој се вклучија експерти од институциите, академијата, претприемништвото и граѓанскиот сектор, соопштија од граѓанската иницијатива, додавајќи дека на 17 и 18 јануари, во текот на дводневна работилница насловена „Нов ГУП: Планска програма за зелено и хумано Скопје“ во која можеше да се учествува и физички и онлајн, беа споделени најдобри практики за одржливо планирање на еден град.

Експерти од Бугарија, Љубо Георгиев и Калојан Карамитов, пред присутните на работилницата презентираа како ја создале Визијата за Софија - стратешки документ за одржлив и паметен развој на градот. Тие споделија кои податоци се користени за оценка на состојбата / функционалноста на градот и неговите делови, како се дефинирани мерките и индикаторите за следење на успехот во постигнувањето на визијата. Воедно, ја потенцираа важноста од собирање прецизни податоци со чијашто анализа се утврдува што недостига за квалитетен и здрав живот во населбите. За добивање точни информации неопходно е да се вклучат сите засегнати страни и самите граѓани. Така, во планирањето ќе учествуваат не само урбанистите, туку сите оние што ги користат просторот, објектите, инфраструктурата, зеленилото и другите елементи на градот во кој живееме и работиме, велат од „Зелен хуман град“.

Aктивистите додаваат дека претставникот на Градот Скопје информирал дека изработката на ГУП 2022-2032 за Скопје е започната, а првата фаза на планската програма е завршена на Архитектонскиот факултет, но не е никаде објавена. Велат целта со иницирањето транспарентно планирање е да се прекине со работа зад затворени врати, да се прекине со трошење пари на граѓаните за изработка на студии и истражувања изработени далеку од очите на јавноста.

Агенцијата за планирање на просторот, која има потпишано договор со Градот Скопје да го изработи ГУП, не ја прифати поканата за учество на работилницата, што го сметаме за одраз на недопустлива затвореност. „Зелен хуман град“ силно се спротивставува на нетранспарентно планирање на Скопје! Затоа започнуваме со изработка на „пасош“ на Скопје со кој на многу едноставен начин визуелно ќе прикажеме кои делови од Скопје се квалитетно урбанизирани, а кои не се. Во кои делови има консолидирани соседства каде што се обезбедени сите неопходни пратечки јавни содржини (градинка, училиште, амбуланта, детско игралиште, спортски терен, парк за миленици, објекти од областа на културата, урбани градини, биокомпостара, пазар, итн.), а каде воопшто не е инвестирано и кои наши сограѓани живеат, учат, работат во супстандардни услови. Во процесот на создавање пасош за Скопје ги вклучуваме граѓаните кои ќе учествуваат во собирањето податоци и во креирањето на визијата за нашиот град преку алатката МојГрад. Посветено ќе работиме и ќе инсистираме со новиот ГУП да се направи „договор за користење на просторот“ со сите скопјани. Само заедно може да ја спречиме урбанистичката мафија во незаситното градење и загрозувањето на нашето право на сонце, чист воздух, зелени јавни простори и пристапна и достапна инфраструктура за сите нас, велат од „Зелен хуман град“.

Настанот беше реализиран во рамките на проектот „Protecting Civic Space – Regional Civil Society Development Hub“ финансиран од Sida и имплементиран од BCSDN.

The post Кој живее супстандардно во Скопје ќе покаже новиот „пасош“ со кој почнува процесот „Нов ГУП за зелено и хумано Скопје“ на „Зелен хуман град“ appeared first on Република.