На граничниот премин „Блато“,  еден од двата, што функционираат на македонско - албанската граница кај Дебар, во август годинава забележана е за над 10 отсто поголема фреквенција  споредено со истиот месец минатата година.

- Во август на влез и излез од земјава регистрирани се 97731 патник, од нив 50810 на влез и 46921 на излез од нашата земја. Минатата година на влез беа регистрирани 49099, додека на излез 41684 патници, информираа за МИА од македонското Министерство за внатрешни работи.

Зголемената фреквенција се должи на подобрената патна инфраструктура на албанска страна, по изградбата на автопатот Блато-Тирана, со што оддалеченоста е помала за повеќе од 100 километри и сега изнесува 72 километри.

На вториот граничен премин, Џепиште-Требиште, кој е од локален карактер фреквенцијата е речиси на исто ниво.

- На овој премин за влез се регистрирани 6103 патници од нив 3100 на влез, додека 3003 на излез. Минатиот август на влез се регистрирани 3058, а на излез 3055 патници, додаваат од МВР.

Овој премин во летниот период, односно од први април до 31 октомври, работи од 8 до 20 часот, додека во останатиот период, односно од 1 ноември до 31 март, од 8 до 18 часот. Право да го користат имаат само жителите од граничниот регион, што подразбира општина Дебар и областа Голо Брдо на албанска страна.

The post На преминот „Блато“ само во август минале над 97 илјади патници appeared first on Република.

На граничниот премин „Блато“ на македонско - албанската граница кај Дебар, во трите месеци од ова лето, јуни, јули и август забележана е рекордна фреквенција на патници и возила.

Во трите споменати месеци од летната сезона, на граничниот премин „Блато“ се регистрирани вкупно 214.266 патници, од нив 111.777 за влез и 102.479 за излез. Тоа значи дека во просек дневно минувале по 2329 лица, потврдуваат од Министерството за внатрешни работи.

Зголемената фреквенција е поради тоа што се поголем бројот граѓани кои одлучуваат летниот одмор да го минат на албанското крајбрежје го користат овој премин, печалбарите од Италија кои пристигнуваат со траекти до Драч и со возила го продолжуваат патот кон родните места. Тука, секако и албанските туристи кои доаѓаат во македонските туристички места за одмор, бањско лекување, викенд престој, роднинските посети, домашни веселби, како и шопинг.

Врз тоа влијание има подобрената патна инфраструктура, со изградбата на автопатот Руга е Арбрит (патот на Арбр), со чија изградба оддалеченоста од преминот до Тирана е намалена од 182 на 70 километри.

The post Рекордна фреквенција во летната сезона на ГП „Блато“ кај Дебар appeared first on Република.