Од вчера стапи на сила кризната состојба во енергетиката при што Владата ги задолжи сите јавни службеници да штедат струја и потрошувачката да ја намалат до 15 проценти, истото важи и за граѓанкте и домаќинствата.

Имено, тричленото домаќинство годишно троши околу 11 отсто од електричната енергија за готвење, а во ваква криза постојат неколку трикови за заштеда на енергија во кујната кои може сите да ги искористат.

За почеток, ако се користи капак при готвење, топлината не може да избега од тенџерето. Тоа е три пати поефикасно од готвењето без капак, а храната ќе се загрева побрзо.

Енергијата може да се заштеди и со избирање тенџере и тава чии радиуси одговараат на големината на колото. Радиусот на садовите може да биде дури и малку поголем.

Дополнително, може да се заштедат пари и енергија доколку во тенџерето се истури само потребната количина на вода, бидејќи тоа го забрзува процесот на загревање и на тој начин ја намалува потрошувачката на вода и енергија.

Јајцата и зеленчукот може да се зготват на само 2 сантиметри вода – со други зборови, без да бидат покриени со вода.

Последниот совет е за љубителите на тестенини – ставете ги во тенџере додека водата е сеуште ладна. Така тестенините побрзо ќе бидат готови.

The post Како да заштедите струја при готвење? appeared first on Република.

Бојлерот вклучувајте го само по потреба, користете го сонцето колку може повеќе за затоплување на домот, а гралките користете ги разумно. Ова се дел од препораките за штедење на енергија од 15 отсто за домаќинствата. Владата ги објави мерките и препораките за штедење на струја.

Препораките и мерките за штедење на струја ќе важат од 1 септември годинава до 30 март следната година.

Препораки за домаќинставата:

• ​Користете го бојлерот за подготовка на топла вода само кога таа ви е потребна и тоа по можност во ниска тарифа на електрична енергија (ефтина струја), без притоа да се наруши квалитетот на живеење. Не го поставувајте термостатот на бојлерот за топла вода до максимум. Колку е температурата на водата повисока, толку е и топлинската загуба кон околината повисока.
• ​Избегнувајте позиционирање (вклучување) на ладилникот на (нај)ниски ​температури
  ​Користете ги разумно грејните тела во вашиот дом.
• ​Во текот на денот користете го што е можно повеќе сонцето за осветлување како и за загревање на просторот во грејната сезона, додека во текот на ноќта во грејна сезона спуштајте ги ролетните и завесите
• Во текот на денот во летна сезона спуштајте ги ролетните и завесите
• ​Не ги блокирајте и не ги покривајте грејните тела со мебел или завеси
• Ако грејното тело е покриено, тогаш тоа помалку емитира топлина и помалку ја затоплува просторијата
• ​Користете ја машината за миење садови секогаш полна на на ниска тарифа на електрична енергија
• ​Машината за перење алишта користете ја секогаш кога е полна и во време на ниска тарифа на електрична енергија
• ​Исклучувајте ги светилките во просториите во период кога подолго време ​не престојувате во нив
• Исклучувајте го компјутерот по завршувањето на работата со него
• ​Исклучувајте ги полначите за батерии од приклучниците (лап-топ, мобилни телефони)
• ​Гответе во помали садови или во садови соодветни на големината на ринглата
• Заменете ги старите сијалици (со вжарено влакно) со компактни флуoресцентни сијалици или други соодветни со ознака за повисока класа на енергетска ефикасност
• ​Редовно менувајте ги филтрите на уредите за греење и на клима уредите во вашиот дом
• ​Користете енергетски ефикасни (CFL, LED) сијалици
• ​Поставете туш со малo протекување на вода во вашите купатила
• ​Изолирајте го таванот во вашиот дом и подобрете ја изолацијата на надворешните ѕидови
• ​Изолирајте ги добро прозорците и надворешната врата во вашиот дом или заменете ги со нови кои имаат подобри карактеристики во однос на пренос на топлина (низок коефициент на топлопроводливост)
• ​Намалете го навлегувањето на надворешниот воздух во објектот (процепи, пукнатини итн)
  При купувањето на нов производ преферирајте тој да биде со највисока класа на енергетска ефикасност (A+++, A++, А+, А). Уредот со повисока класа на енергетска ефикасност троши многу помалку енергија, а со тоа и пари во однос на уред кој што е означен со пониска класа на енергетска ефикасност
• ​Исклучете го декоративното осветлување на фасадите на приватните објекти
• ​Не користете осветлување на внатрешните простории кога има доволно дневна светлина
• Во сезона на ладење подесете ја температуратата на климатизерите не пониско од 27 степени, а во сезона на греење не повисоко од 20 степени
• ​Доколку е возможно инсталирајте на колекторски системи за загревање на вода
• Користете на скали наместо лифт доколку е соодветно за да се намали потрошувачката на енергија
• Користете го клима уредот кога навистина е потребен и температурата прилагодете ја на разумно ниво
• Кратко и интензивно проветрувајте ги просториите
• Доколку имате финансиски средства на располагање, подобрете ја енергетската ефикасност преку промена на енергетски ефикасни прозори, подобрување на изолацијата, подобрување на енергетската ефикасност на системите за греење и ладење, инвестирајте во фотоволтаични системи
• Полнење на батериите на електричните тротинети во ниска тарифа на електрична енергија (ефтина струја).

https://republika.mk/vesti/ekonomija/merki-od-1-septemvri-iskluchuvanje-kompjuteri-po-rabota-klimi-do-20-stepeni-rabota-vo-potemno/

The post Препораки за домаќинствата за штедење струја: Болјерот да се вклучува само по потреба, гответе во помали садови appeared first on Република.

Надлежните институции информираат дека водата во Штип не треба да се користи ниту за пиење ниту за готвење.

Поради прилагодување на параметрите на SCADA системот во делот на хлорирање на водата ги известуваме граѓаните на Општина Штип дека наредниот период до наше следно известување водата од дистрибутивниот систем не треба да се користи за пиење и готвење и истата да се користи само за техничка употреба, се вели во соопштението на надлежните институции.

The post Водата во Штип не е за пиење и готвење appeared first on Република.

Фолк ѕвездата Светлана Цеца Ражнатовиќ изјави дека не го смета готвењето како способност и вештина што ги дефинира нејзините квалитети. Цеца вели дека не верува дека патот до машкото срце води преку стомакот.

Пејачката вели дека во денешно време секој може да стапи во брак, но дека вистинскиот успех е тој бракот да се одржи. Како што вели Цеца, такво нешто не се постигнува со часови минати во кујната.

Сакам да мирисам на добар парфем, а не на запршка. Женските квалитети не ги дефинира само фактот дали таа знае добро да витка сарма и да зготви грав. Денес секој може да се омажи, но важно е да се негува и да се одржува тој брак, а тоа сигурно не се прави со поховано месо и мрсна супа - вели Цеца за Информер.рс.

Пејачката вели дека многу добро знае да готви и дека мајка и ја научила на се, но признава дека готвењето не е дејност во која ужива.

Мајка ми инсистираше јас и Лидија на време да научиме сè за готвењето, но сега би излажала ако кажам дека го правам тоа. Не уживам и не ме интересира. Ајде да се разбереме, јас секак мора да го правам тоа, ништо од ова не ми е туѓо, но едноставно, имам избор - вели Цеца.

Таа открива како изгледа животот во вилата Ражнатовиќ на Дедиње.

Јас и Лидија, како и нашите деца, сме многу блиски. Ние сме големо и компактно семејство кое живее заедно и така функционираме со години. Моите деца работат на ист начин. Овде се е спонтано и опуштено - вели Цеца.

https://republika.mk/scena/estrada/zlatni-detali-draperii-i-mermer-kukjata-na-ceca-zrachi-so-nezamisliv-luksuz/

The post Цеца: Сакам да мирисам на добар парфем, а не на запршка – Бракот не се одржува со готвење appeared first on Република.