Концертот ќе биде гламурозен, со прекрасни аранжмани и прекрасни солисти, вели Гоце Стевковски, директорот на Националниот џез оркестар (НЏО) кој ќе одржи концерт в сабота, на 30 ноември во 20 часот во салата на Македонската филхармонија во Скопје.

На концертот ќе бидат изведени композиции од албумот на Пол Енка „ Rock Swings“. Албумот содржи нумери кои беа хитови во 80-те и во 90-те години на минатиот век, а на концертот под диригентство на Џијан Емин, ќе бидат изведени во оригиналните аранжмани, платени за овој настан. Специјални гости на концертот се Бранислав Николов- Пијан славеј и џез вокалистите Светлана Јовановска и Џон Илија Апелгрин. Секој од нив ќе испее по четири песни од албумот на Енка.

Оваа идеја за концертот ја имавме замислено поодамна. Ќе биде нешто ново, нечуено на овие простори. Пејачите, односно солистите кои ќе настапат се посебни, секој со својот карактер, и намерно беа одбрани за овој концерт. Концертот ќе биде гламурозен, со прекрасни аранжмани и прекрасни солисти, изјави Стевковски на денешната прес-конфренција.

Светлана Јовановска како изведувач на денешниот прес кажа дека публиката ги знае овие песни и ќе ужива на концертот, но песните ќе биде во едно ново поинакво светло.

Како што информира Џон Илија Апелгрен станува збор за албумот на Пол Енка „Rock swings“ со хитови од 80 години и 90 години рок и поп хитови меѓу кои се хитови на Spandau Ballet, Ерик Клептон, Ван Хален.

Аранжманите се прекрасни, а сите кои ќе присуствуваат на концертот ќе уживаат во звучната слика, порача Апелгрен.

Од НЏО велат дека саботната вечер ќе биде исполнета со енергија, страст и музичка мајсторија која публиката ќе ја остави без здив.

Не пропуштајте ја оваа можност да бидете дел од музичкиот спектакл кој ќе ги обедини љубителите на рокот и џезот. Дојдете и уживајте во звуците на „Golden Rock Swings" и дозволете музиката да ве понесе на едно незаборавно патување, порачаа од Националниот Џез оркестар.

The post Ќе биде гламурозно, со прекрасни аранжмани и солисти, вели Гоце Стевковски, директорот на џезерите за саботниот концерт во Филхармонија appeared first on Република.

Драго ми е што сите овде, во Националната опера и балет (НОБ) присустувате на еден историски чин. Што би рекол еден наш драг пријател којшто моментално не е меѓу нас, ова е историски момент за Македонија. Уживајте!

Вака Гоце Стевковски, директор на Националниот џез оркестар ја поздрави синоќа публиката која пристуваше на „Jazz Nova“ првиот концерт кој се одржа во НОБ.

Министерката за култура Бисера Костадиновска-Стојчевска пред почетокот на концертот истакна дека со многу љубов, работа, разбирање, почит и визија заеднички стигнале до оваа концертна вечер на новоформираната национална установа од областа на културата.

Знаеме како заедно дојдовме дотука. Затоа оваа вечер, задоволството е уште поголемо. Убедена сум дека овие музичари, кои му се познати и на регионот, ќе посегнат и кон врвот на светската џез-сцена. Како министерка за култура, како Министерство и како Влада, ќе ги поддржиме и на тој пат, рече Костадиновска-Стојчевска.

[caption id="attachment_736176" align="alignnone" width="2048"] фото: Министерство за култура[/caption]

Концертот претставуваше симбиоза на биг бенд творештвото на истакнати македонски џез автори од повеќе генерации. Оркестарот отсвири дела на Гордан Спасовски, Трајче Велков, Зоран Костадиновски, Иван Петроовски, Алек Пејовски, Владимир Николов, Гоце Стевковски, Сашко Николовски, Илија Пејовски и Џијан Емин.

Владата, лани, во март донесе одлука за формирање на Националната установа „Оркестар за џе музика во Република Македонија“.

За месеците што следуваат, новата национална установа подготвува внимателно избран репертоар што ги следи актуелните трендови во џез-музиката, но вклучува и изведби на џез-класици од домашната, регионалната и од светската џез-сцена, како и гостувања на еминентни музички имиња.

Новата установа ќе придонесе кон создавање висококвалитетен македонски џез-производ, којшто ќе постави нови критериуми и повисоки стандарди на македонската џез-сцена и ќе стане препознатлив во земјава и надвор од неа, по својата уникатност.

Оваа установа, меѓу другото ќе ги зачува талентираните џез-музичари, ќе им овозможи траен и одржлив ангажман, ќе се залага за едукација на млади таленти и ентузијасти, ќе организира џез-фестивали и настани коишто ќе помогнат во негувањето на џез-културата на територијата на целата држава.

The post Ова е историски момент за Македонија, уживајте во првиот концерт на Националниот џез оркестар, рече директорот Гоце Стевковски appeared first on Република.